ឆ៝ម់បុតឞូញចីសញជ្វាល់អ៝ន់មាផូង
ហេឞ្រើ
នាវឞោកអ៝ន់ឞូគឹតល៝រ
ឞ៝ន់អាបៃអ្យាមោហោមគឹតអោសឞូម៝សញចីសឆ៝ម់បុតអ្យា គែសឞូនុយ្សអាបាៈលាសពោល នាក់ញចីស ឞូនុយ្សអាបាៈលាសបារនាបាស (ការ ៤:៣៦; ១១:២៤)នាក់ញចីស ឞូនុយ្សអាបាៈលាសអាពោលុស (ការ ១៨:២៤-២៩; តត ៣:១៣)នាក់ញចីស។ ឞ៝ន់គឹតទើម ឞូនុយ្សនាក់ញចីសពាង់ជេងផូងអីឆ្រាអែល អីញឆីងមាឞ្រាសក្រីស ។ ឞ៝ន់មោគឹតដ៝ង់ម៝សនាម់ឞូញចីសឆ៝ម់បុតអ្យា យើនមាឞូមឹនលាសគែសញចីសអេល៝រមានាម់ ៧០។ ឆ៝ម់បុតអ្យាឞូមឹនលាសឞូញចីសតាប៝នរោម (ហេឞ ១៣:២៤)។
«ផូងហេឞ្រើ » «ផូងអីឆ្រាអែល »គែសនាវខ្លៃតឹមឞាន។ នើមញចីសឆ៝ម់បុតអ្យា មោអោសញចីសញជ្វាល់អ៝ន់មាទូនតុក មោលាសទូឞ្រីទើម យើនមាញជ្វាល់អ៝ន់មាផូងញឆីងអីឞូជានជេរតាអ៝ក់នតុក។ ឆ៝ម់បុតអ្យាមោអោសញចីសតឹមឞានមាឆ៝ម់បុតញជ្វាល់អ៝ន់មាឞូនុយ្ស នតឹតលាសមោអោសគែសនាវអោបអ្វែសលាង់តានតើមឆ៝ម់បុត ជេងញចីសតឹមឞានមានតីនាវកោរាញឞ្រាសងើយតានារពើស។
នើមអីនាក់ញចីសឆ៝ម់បុតអ្យា ពាង់ឆ៝ៈអ៝ក់ត្រ៝ងនាវកោរាញឞ្រាសងើយតាៈឞើសនាវតឹមរាង្លាប់អើម គៃមាញហើឞ្រាសក្រីស ក្វ៝ង់រាលាវមាទឹងលែៈអីគែសតានាវតឹមរាង្លាប់អើម គៃមានហាវនូយ្សផូងអីញឆីងមាឞ្រាសក្រីស ។ តារានោកឞូញចីសឆ៝ម់បុតអ្យា នាវនតុមនតីតាឆ៝ម់បុតគែសនាវខ្លៃមាផូងញឆីងតាផូងអីឆ្រាអែល អ៝ក់រាលាវដាសមាផូងអីមោទីផូងអីឆ្រាអែល កើតនទ្រីទឹងឞូក្វាល់ឆ៝ម់បុតអ្យា«ហេឞ្រើ »។
នាវអុចនត្រ៝ង់តាឆ៝ម់បុតអ្យា
ឞូនុយ្សអីញចីសឆ៝ម់បុតអ្យាលែៈឆ៝ៈនាវមឹននាវវៃផូងអីឆ្រាអែល ជេសរីនតីអីនាវទើយឞ្រាសក្រីស នើម អីអ្វែសរាលាវមាមោឆេ យ៝រលាសឞ្រាសក្រីស អីក៝នកោរាញឞ្រាសនើម ជេសរីអ្វែសរាលាវមាទឹងលែៈកោរាញជានឞ្រាសទុតក្វ៝ង់ យ៝រលាសពាង់អីកោរាញជានឞ្រាសទុតក្វ៝ង់អីទើយច្វាយនាវតីសទឹងលែៈឞូនុយ្សទូតឹទើម។ តាឆីតឹមរាកាង់ឞ្រាសយេឆូ លែៈជាវឆាក់ពាង់នើមជេងនទើជានឞ្រាសអ្វែសរាលាវមានទើជានឞ្រាសអីឞូទែញហើរតាញីសជានឞ្រាសតាផូងអីឆ្រាអែល តាអាប់រានោក យ៝រលាសឞ្រាសយេឆូ លែវឞូនុយ្សហាន់ទាច់អាកោរាញឞ្រាស ជេសរីជាននាវតឹមរាង្លាប់មហែអីហោមនឹងនហ៝រ៝។
ឞូនុយ្សអីញចីសឆ៝ម់បុតអ្យាលែៈនតុមនតីផូងញឆីងមាឞ្រាសក្រីស អ៝ន់ហោមគែសនូយ្សនហ៝ម់ញឆ្រោយ្សរាប់ជាប់នឹងតានាវញឆីង ជេសរីពាង់ងកាសផូងញឆីងមានាវញឆីងឞូកាល់អែនើស ជេសរីដាៈផូងញឆីងជានតឹងកើត។
មឞើសនាវខ្លៃតាងកោៈតាឆ៝ម់បុតអ្យា
- នាវនតើមមឞើសងក៝ច (១:១-៣)
- ឞ្រាសក្រីស អ្វែសរាលាវមាផូងតោងពារ់ (១:៤-២:១៨)
- ឞ្រាសក្រីស អ្វែសរាលាវមាមោឆេ (៣:១-៤:១៣)
- ឞ្រាសក្រីស អ្វែសរាលាវមាកោរាញជានឞ្រាសទុតក្វ៝ង់ (៤:១៤-៧:២៨)
- នាវតឹមរាង្លាប់មហែតាឞ្រាសក្រីស អ្វែសរាលាវមានាវតឹមរាង្លាប់អើម (៨:១-៩:២៨)
- ឞ្រាសក្រីស អ្វែសរាលាវមានទើជានឞ្រាសតឹងមានាវវៃមោឆេ (១០:១-៣៩)
- មានាវញឆីងមាកោរាញឞ្រាស (១១:១-១២:២៩)
- នាវគុរេសអីតឹមទីដាសនាវកោរាញឞ្រាសអុច (១៣:១-១៧)
- នាវនតិញងគ្លែៈទុត (១៣:១៨-២៥)
1
នាវនតើមមឞើសងក៝ច
1 ឞើសនតើមនើសកោរាញឞ្រាសលែៈងើយមាផូងអូចែឞ៝ន់អីផូងអីឆ្រាអែល ពាង់ងើយតឹងមាមពោលឞូនុយ្សនតើយ្សនាវងើយពាង់នើម ពាង់ងើយលែៈអ៝ក់តឹ នអ៝ប់មាអ៝ក់នតីលនាវងាន់។ 2 យើនមាតារានោកងគ្លែៈទុត*១:២៖ តានាវតឹមរាង្លាប់មហែមឞើសមាឞ៝ន់ ជេសឞ្រាសយេឆូ ហាវឆឹតតាកាលើត្រោក ត៝ត់មាពាង់ព្លឹវាច់ ជេងរានោកងគ្លែៈទុតនែសនតូ។អាបៃអ្យា កោរាញឞ្រាសងើយមាឞ៝ន់តឹងមាក៝នឞូក្លោពាង់នើម។ ឞើសនតើមនើសពាង់អ៝ន់ក៝នពាង់នើមរាហាក់ញជេងទឹងលែៈនទើនើស ជេសរីពាង់លែៈកើយ្សជេសក៝នពាង់នើមដ៝ង់ គៃមាជាវទឹងលែៈរាងោចនទើអ៝ន់មាពាង់ម៝ត់អ្វាញ់នហ៝រ៝។*១:២៖ យហ ១:៣; ១កោ ៨:៦; កោល ១:១៦; រម ៨:១៧; ១តេ ៤:១៣-១៨ 3 ក៝នអីនៃច្រាតអាងនាវច្រេកលើបកោរាញឞ្រាស នទ្រែលមាពាង់តឹមឞានមាកោរាញឞ្រាសនើមងាន់ងេនតាអាប់នតីលនាវ មោអោសគែសនាវតឹមតីសឞាល់។ ទឹងលែៈនតីលនទើហោមគែសតាៈឞើសនាវទើយនាវងើយក៝នអីនៃទើម។ ជេសពាង់ងគ្រ៝សលើយនាវតីសឞ៝ន់ ជានអ៝ន់ឞ៝ន់ក្ល៝ស ជេសរីពាង់ហាវតាកាលើត្រោកគុឞើសមាតីកោរាញឞ្រាសអីនើមទុតក្វ៝ង់។*១:៣៖ ហេឞ ៩:១២-១៤; ១០:២២; យហ ១៤:៧-១០; ២កោ ៤:៤; កោល ១:១៥; ២កោ ៥:១៨-២១; នម ១១០:១; មក ១៦:១៩; អេផ ១:២០-២១ 4 កើតនទ្រីពាង់លែៈជេងទុតក្វ៝ង់រាលាវមាផូងតោងពារ់ងាន់ ជេសរីនាវកោរាញឞ្រាសក្វាល់ពាង់«ក៝ន»ញហើពាង់ក្វ៝ង់រាលាវមាទឹងលែៈនើមអីកោរាញឞ្រាសក្វាល់«តោងពារ់»†១:៤៖ «យ៝រលាសកោរាញឞ្រាសអ៝ន់ពាង់ក្វ៝ង់រាលាវមាផូងតោងពារ់» មោលាស «យ៝រលាសកោរាញឞ្រាសតេៈរាញាពាង់«ក៝ន» នទ្រីពាង់ក្វ៝ង់រាលាវមាផូងតោងពារ់»។ទើម។*១:៤៖ មថ ៣:១៧; ផល ២:៩
ឞ្រាសយេឆូក្រីស ក្វ៝ង់រាលាវមាផូងតោងពារ់
5 មោគែសអោសកោរាញឞ្រាសលាសមាទូហ្វេតោងពារ់កើតពាង់លាសដាសឞ្រាសយេឆូ ៖
«មៃអ្យាក៝នគ៝ប់នើម
ជេសរីពាង់លាស៖
«គ៝ប់មរាជេងអីឞឹពាង់
6 ជេសរីទូតឹជឹត នោកកោរាញឞ្រាសអ៝ន់ក៝នឞូក្លោទាកឞោកពាង់នើមវាច់តានែសនតូ កោរាញឞ្រាសលាស៖
7 កោរាញឞ្រាសងើយមាផូងតោងពារ់ពាង់នើម៖
«គ៝ប់‡១:៧៖ «គ៝ប់» មោលាស «ពាង់»៖ នើមញចីសឆ៝ម់បុតហេឞ្រើ ឆ៝ៈនាវរានេមាកោរាញឞ្រាសអីនៃ ជេងនាវនតើយ្សនាវងើយកោរាញឞ្រាសអីតាៈឞើសកោរាញឞ្រាសនើមងើយ។អ៝ន់ផូងតោងពារ់គ៝ប់នើមមាជេងតឹមឞានមាឆ្យាល
8 យើនមាកោរាញឞ្រាសលាសមាក៝នពាង់នើម៖
«អើកោរាញឞ្រាស នាវមៃម៝ត់អ្វាញ់គុតារានើលកាដាច់ហោមបាបើនហ៝រ៝
មៃម៝ត់អ្វាញ់មានាវឆ៝ង់ងាន់ ញអោតម៝ង់កាដាច់អីនទើមឞេនមានាវទើយមៃនើម។
9 យ៝រលាសមៃអុចហោងាន់មានាវឆ៝ង់ មៃឞ្យាញ់ងាន់មានាវក្វែ។
កើតនទ្រីទឹងកោរាញឞ្រាសអីឞ្រាសមៃនើមយើកមឞាស ត៝ៈទាកងីតាមៃ ជេងនទើមឞេនពាង់ដាៈមៃជានកាដាច់
10 កោរាញឞ្រាសលាសជឹតមាក៝នពាង់នើម៖
«អើកោរាញ ឞើសនតើមឆាអើមឆាអាមនើស មៃនើមរាហាក់ញជេងនែសនតូ
ត្រោកជេងតាៈឞើសតីមៃនើមដ៝ង់ញជេង។
11 នែសនតូ នទ្រែលមាត្រោកមរារ៝សលេកលែៈផ្យៅ យើនមាមៃហោមអែនហ៝រ៝។
នែសនតូ នទ្រែលមាត្រោកមរាឆាតតឹមឞានមាឞ៝កអាវ
12 មៃមរាមអារ់លើយនែសនតូ មអារ់លើយត្រោក តឹមឞានមាឞូក្លោនមអារ់លើយអាវក្វ៝ង់ឆាត
មៃមរារាគ៝ល់នែសនតូ រាគ៝ល់ត្រោកជេងមហែតឹមឞានមាឞូតើសខ៝អាវ
យើនមាមៃនើមហោមកើតអើមនឹងនហ៝រ៝ទើម»†១:១០-១២៖ នម ១០២:២៥-២៧។
13 ជេសរីកោរាញឞ្រាសមោគែសអោសលាសមាទូហ្វេតោងពារ់៖
«អ៝ន់មៃគុហ៝ម់ឞើសមាគ៝ប់តានតុកឞូលឺ
14 ទឹងលែៈផូងតោងពារ់ឞូនុយ្សមោអោសឞ្លាវឆៃ ខាន់ពាង់ជេងនើមឆើមកើលជានការមាកោរាញឞ្រាស កោរាញឞ្រាសដាៈខាន់ពាង់ហាន់ឆើមកើលជានការមាផូងឞូនុយ្សអីពាង់អុចរាក្លាយ្ស។*១:១៤៖ នម ៣៤:៧; ៩១:១១-១២; មថ ៤:១១
*1:2 ១:២៖ តានាវតឹមរាង្លាប់មហែមឞើសមាឞ៝ន់ ជេសឞ្រាសយេឆូ ហាវឆឹតតាកាលើត្រោក ត៝ត់មាពាង់ព្លឹវាច់ ជេងរានោកងគ្លែៈទុតនែសនតូ។
*1:2 ១:២៖ យហ ១:៣; ១កោ ៨:៦; កោល ១:១៦; រម ៨:១៧; ១តេ ៤:១៣-១៨
*1:3 ១:៣៖ ហេឞ ៩:១២-១៤; ១០:២២; យហ ១៤:៧-១០; ២កោ ៤:៤; កោល ១:១៥; ២កោ ៥:១៨-២១; នម ១១០:១; មក ១៦:១៩; អេផ ១:២០-២១
†1:4 ១:៤៖ «យ៝រលាសកោរាញឞ្រាសអ៝ន់ពាង់ក្វ៝ង់រាលាវមាផូងតោងពារ់» មោលាស «យ៝រលាសកោរាញឞ្រាសតេៈរាញាពាង់«ក៝ន» នទ្រីពាង់ក្វ៝ង់រាលាវមាផូងតោងពារ់»។
*1:4 ១:៤៖ មថ ៣:១៧; ផល ២:៩
†1:5 ១:៥៖ នម ២:៧
†1:5 ១:៥៖ ២ឆា ៧:១៤; ១នរ ១៧:១៣
*1:5 ១:៥៖ ហេឞ ៥:៥
†1:6 ១:៦៖ នវ ៣២:៤៣
*1:6 ១:៦៖ យហ ៣:១៦
‡1:7 ១:៧៖ «គ៝ប់» មោលាស «ពាង់»៖ នើមញចីសឆ៝ម់បុតហេឞ្រើ ឆ៝ៈនាវរានេមាកោរាញឞ្រាសអីនៃ ជេងនាវនតើយ្សនាវងើយកោរាញឞ្រាសអីតាៈឞើសកោរាញឞ្រាសនើមងើយ។
†1:7 ១:៧៖ នម ១០៤:៤
†1:9 ១:៨-៩៖ នម ៤៥:៦-៧
†1:12 ១:១០-១២៖ នម ១០២:២៥-២៧
†1:13 ១:១៣៖ នម ១១០:១
*1:14 ១:១៤៖ នម ៣៤:៧; ៩១:១១-១២; មថ ៤:១១