19
ឞ្រាសយេឆូ តឹមម៝ប់ដាសឆាខេ
1 ជេសរីឞ្រាសយេឆូ លាប់តាប៝នយេរីខោ រី ពាង់ហាន់រ៝ៈប៝នអីនៃ។ 2 គែសទូហ្វេឞូក្លោរាញាឆាខេ ពាង់ជេងកោរាញមាមពោលក៝ប់ឆ៝ៈព្រាក់ឞើសឞូមាអ៝ន់កោរាញម៝ត់អ្វាញ់ ពាង់នទ្រ៝ង់គែសទ្រាប់នទើអ៝ក់ងាន់។ 3 ពាង់អុចងាន់ឆៃឞ្រាសយេឆូ តីសមាឆាក់ពាង់នើសទេស នទ្រែលមាគែសឞូនុយ្សអ៝ក់អីរ កើតនទ្រីពាង់អ្វាញ់ឞ្រាសយេឆូ មោទើយឆៃអោស។ 4 ជេសរីពាង់ញច្វាត់ឞើសនាប់រី ហាវកាលើតើមរាវី ក៝ប់អ្វាញ់ឞ្រាសយេឆូ ហាន់រ៝ៈនៃ។ 5 ឞ្រាសយេឆូ ឞ្រោៈរ៝ៈត្រ៝ងនៃ ត៝ត់តាតើមឆីនៃពាង់ងគើរអ្វាញ់ជឹតលើ ជេសរីលាសមាឆាខេ ៖ “ហើយនោឆាខេ មៃជុរហ៝ម់ យ៝រលាសកោរាញឞ្រាសដាៈគ៝ប់គុឞិចតាជៃមៃនារអ្យា”។ 6 ជេសរីពាង់ជុររ៝ រ៝មឞ្រាសយេឆូ ពាង់រាម់មអាកងាន់។ 7 ទោលឆៃកើតនៃ ឞូអ៝ក់ឞ៝រ់ញជ៝រ់ឆេកងាន់ ឞូលាស៖ “យី! អ្វាញ់ពាង់អីនៃ! ហាន់តាជៃឞូនុយ្សតីស”។*១៩:៧៖ លក ១៥:១-២ 8 ត៝ត់តាជៃនៃឆាខេ ទ៝ក់លាសមាឞ្រាសយេឆូ ៖ “ហើយកោរាញ គ៝ប់ពាៈទ្រាប់នទើគ៝ប់ងគូលអ៝ន់មាមពោលអ៝អាច លាសគ៝ប់លែៈឆ៝ៈព្រាក់ឞូរាលាវកែសនើស គ៝ប់ត៝ម់មាឞូង្វាយលោសព្វាន់”។*១៩:៨៖ លក ៣:១០-១៤; នក ៥:៦-៧; អេឆេ ៣៣:១៤-១៦ 9 ឞ្រាសយេឆូ លាសមាពាង់៖ “នារអ្យានាវរាក្លាយ្សលែៈត៝ត់ជេសមាឞូនុយ្សតាជៃអ្យា យ៝រលាសមៃអ្យាញឆីងមាកោរាញឞ្រាស តឹមឞានមាចែអាឞ្រាហាម់ ឞ៝ន់ដ៝ង់។ 10 គ៝ប់អីក៝នឞូនុយ្សតាៈឞើសកោរាញឞ្រាសទែញជ្វាល់វាច់គៃមាជ៝យ នទ្រែលមារាក្លាយ្សឞូនុយ្សតីសអីរ៝សយ៝តនូយ្សនហ៝ម់ងាយឞើសកោរាញឞ្រាសតឹមឞានមាទូមល៝ម់ឞែឞ្យាប់ហ្យើត”។*១៩:១០៖ លក ១៥:៤-៧; អេឆេ ៣៤:១៦
នាវនតឹតមាព្រាក់កាក់
(មថ ២៥:១៤-៣០)
11 តានតុកខាន់ពាង់គុនៃមោគែសងាយឞើសប៝នយេរូឆាលឹម ។ ជេសខាន់ពាង់តាង់ឞ្រាសយេឆូ ងើយកើតនទ្រី ខាន់ពាង់គឹតវិលាសឞ្រាសយេឆូ ហាន់ជឹតប៝នអីនៃគៃមាជេងកាដាច់។ នទ្រីឞ្រាសយេឆូ ងើយនតឹតទូនាវជឹត*១៩:១១៖ លក ១៧:២០-២១; ២៤:២១ 12 លាស៖ “គែសទូហ្វេឞូក្លោជេងឞូនុយ្សនទ្រ៝ង់ ពាង់ទែសតារាន៝យទែសកាដាច់ ពាង់នទ្រាប់ហាន់តាឞ្រីងាយគៃមាឞូនតាម់ពាង់ជេងកាដាច់តាឞ្រីពាង់នើម ត៝ត់មាលែៈជេងជេស ជេសរីតៃពាង់ព្លឹឆឹតដ៝ង់។ 13 អេល៝រពាង់មាហាន់ ពាង់ក្វាល់ទឹកជឹតនុយ្ស ជេសរីអ៝ន់ព្រាក់ជឹតកាក់ក្វ៝ង់*១៩:១៣៖ «ព្រាក់ជឹតកាក់ក្វ៝ង់» មោលាស «ព្រាក់ជឹតមីនា »។ ទូកាក់មីនា តឹមឞានមាខ្លៃឞូងខោមជានការពែខៃ។មាខាន់ពាង់ទូហ្វេទូហ្វេទូកាក់ ពាង់លាស៖ «ព្រាក់អ្យាអ៝ន់ខាន់មរែមាជ៝យឆា នហ៝មាត៝ត់គ៝ប់ព្លឹឆឹតតៃ»។ 14 តីសមាគែសឞូនុយ្សអ៝ក់តាឞ្រីអីនៃមោអុចអោសមាពាង់ ជេសរីខាន់ពាង់ញជ្វាល់ឞូនុយ្សអាអេងជឹតហាន់តឹងឞើសកើយដាៈមឞើសនាវកើតនអា៖ «ហេនមោអុចអោសអ៝ន់ឞូនុយ្សអ្យាជានកាដាច់មាហេន»។
15 ត៝ត់ពាង់លែៈគែសជានកាដាច់ ពាង់ព្លឹឆឹតឞើសរី ជេសរីពាង់ក្វាល់លែៈទឹកអីពាង់អ៝ន់ព្រាក់នៃនើសអោប គៃមាអុចគឹតទាសអ៝ក់គែសលោសក៝នព្រាក់ទូហ្វេទូហ្វេ។ 16 ទឹកអីល៝រឞើសនាប់ឞូនៃពាង់មឞើស៖ «ហើយកោរាញ ព្រាក់អីមៃអ៝ន់មាគ៝ប់នើស គែសលោសក៝នជឹតកាក់ក្វ៝ង់ជឹត»។*១៩:១៦-១៩៖ លក ១២:៤២-៤៤; ១៦:១០ 17 ជេសរីកាដាច់អីនៃលាសមាពាង់៖ «មៃជានអ្វែសងាន់ ហើយទឹកអ្វែស គ៝ប់មរាអ៝ន់មៃម៝ត់អ្វាញ់ជឹតអឹប៝ន យ៝រលាសនាវការជេៈអ្យាមៃជានរាប់ជាប់ងាន់»។ 18 ជេសរីទឹកត៝ល់ឞារលាស៖ «ហើយកោរាញ ព្រាក់អីមៃអ៝ន់មាគ៝ប់នើស គែសលោសក៝នព្រាក់ព្រាម់កាក់ជឹត»។ 19 ជេសរីកាដាច់នៃលាសមាពាង់៖ «នទ្រីគ៝ប់អ៝ន់មៃម៝ត់អ្វាញ់ព្រាម់មល៝ម់ប៝ន»។ 20 ជេសរីទឹកអីទូហ្វេរីជឹតហាន់មឞើសមាកាដាច់៖ «ហើយកោរាញ អ្យាព្រាក់អីមៃអ៝ន់មាគ៝ប់នើសហោមកើតអើម គ៝ប់ងក្ល៝ម់ព្រាប់ពាង់មាឞ៝កព្រាប់អ៝ន់អ្វែសទើម។ 21 គ៝ប់ក្លាចមៃ យ៝រលាសមៃជេងឞូនុយ្សជាញ។ មៃឆ៝ៈនទើអីមោទីនទើមៃនើម កាច់ឞាអីមៃនើមមោគែសតូច»។ 22 ជេសរីពាង់លាសមាទឹកអីនៃ៖ «ហើយទឹកអ្យើស! គ៝ប់មរាតេៈទោយ្សមៃតឹងនាវមៃលាសនើស។ មៃលែៈគឹតជេសគ៝ប់ជេងឞូនុយ្សជាញ គ៝ប់ឆ៝ៈនទើអីមោទីនទើគ៝ប់នើម កាច់ឞាអីមោគែសគ៝ប់នើមតូច។ 23 លាសនទ្រីខាន់មៃឆ៝ៈព្រាក់គ៝ប់នៃអ៝ន់តានតុកជៃឞូមាញព្រាក់ ត៝ត់គ៝ប់ឆឹតឞើសរីតៃ ឞូត្រ៝ៈព្រាក់អើម នទ្រែលមាគែសលោសក៝នព្រាក់ដ៝ង់»។ 24 ជេសរីពាង់លាសមាមពោលអីគុតានៃ៖ «ឆ៝ៈលើយព្រាក់អីនៃឞើសពាង់ អ៝ន់មាឞូនុយ្សអីគែសជឹតកាក់នៃ»។ 25 មពោលខាន់ពាង់នៃលាស៖ «ហើយកោរាញ ពាង់លែៈគែសជឹតកាក់ជេស»។ 26 ពាង់អើស៖ «គ៝ប់មឞើសមាខាន់អៃមៃ ឞូម៝សជានរាប់ជាប់មានទើពាង់គែស ឞូមរានត៝បអ៝ន់មាពាង់ ឞូម៝សមោជានរាប់ជាប់មានទើពាង់គែស ឞ៝លលាសនទើអីដេៈពាង់គែសឞូមរាឆ៝ៈលើយឞើសពាង់ដ៝ង់។*១៩:២៦៖ លក ៨:១៨ 27 ជេសរីដ៝ង់ មពោលអីមោអ៝ន់គ៝ប់ជានកាដាច់នើស អ៝ន់ខាន់មៃងខឹតលើយខាន់ពាង់អ៝ន់លែៈផ្យៅឞើសនាប់មាត់គ៝ប់»”។
ឞ្រាសយេឆូ លាប់តាយេរូឆាលឹម
(មថ ២១:១-១១; មក ១១:១-១១; យហ ១២:១២-១៩)
28 លោចជេសឞ្រាសយេឆូ ងើយនាវអីនៃ ជេសរីពាង់ហាន់ជឹត ហាវជឹតប៝នក្វ៝ង់យេរូឆាលឹម រី។ 29 ឞើយត៝ត់ប៝នបេតផាឆេ ដាសមាប៝នបេថានី តាយោកអីឞូក្វាល់លាសយោកតើមអោលីវ រី ឞ្រាសយេឆូ ដាៈឞារហៃអ៝សម៝នហាន់ល៝រ 30 ពាង់លាសមាខាន់ពាង់៖ “អ៝ន់ខាន់មៃហាន់តាប៝នឞើសនាប់រី លាប់តាប៝ននៃខាន់មៃមរាឆៃទូមល៝ម់ក៝នឆែសលៀឞូក៝ត់តានៃ ឆែសលៀអីនៃអេហ៝ៈគែសឞូញច៝អោស អ៝ន់ខាន់មៃទ្រីសតេកពាង់ឞើសរីអាអ្យា។*១៩:៣០-៣១៖ លក ២២:១០-១២ 31 លាសគែសឞូអោបខាន់មៃ៖ «ម៝សជានទ្រីសខាន់មរែនៃមេស?» ខាន់មៃអើសលាស៖ «កោរាញអុចញច៝ពាង់»”។
32 ជេសរីឞារហៃអ៝សម៝នអីនៃហាន់អារី ត៝ត់អារីឆៃកើតនាវឞ្រាសយេឆូ មឞើសនើសងាន់។ 33 ទោលឞារហៃអ៝សម៝នអីនៃទ្រីសក៝នឆែសលៀអីនៃ គែសខាន់ពាង់អីតើមឆែសលៀរីលាស៖ “ម៝សជានទ្រីសខាន់មរែនៃមេស?” 34 មពោលអ៝សម៝នអើស៖ “កោរាញអុចញច៝ពាង់”។ ជេសរីខាន់ពាង់អីតើមឆែសលៀនៃអ៝ន់ខាន់ពាង់តេក។ 35 ជេសរីខាន់ពាង់តេកឆែសលៀអីនៃអ៝ន់មាឞ្រាសយេឆូ លាក់អាវក្វ៝ង់ខាន់ពាង់នើមតាកាលើនទុរកើយក៝នឆែសលៀនៃពឺអ៝ន់ពាង់ញច៝។*១៩:៣៥-៣៨៖ ១កក ១:៣៨-៤០ 36 ជេសរីឞ្រាសយេឆូ ញច៝ឆែសលៀហាន់រ៝ៈត្រ៝ងនៃ ត៝ត់ឆៃពាង់ ឞូទ្រ៝សអាវក្វ៝ង់ខាន់ពាង់នើមលាក់រ៝ៈត្រ៝ងរីទាទេ។*១៩:៣៦៖ ២កក ៩:១៣ 37 ឞ្រាសយេឆូ ឞើយត៝ត់តានតុកត្រ៝ងជុររ៝ៈយោកតើមអោលីវ តានតុកនៃគែសផូងអ៝សម៝នអ៝ក់ងាន់រាម់មអាករានេមាកោរាញឞ្រាសទុតនតែសៗងាន់ យ៝រមាលែៈនទើអ្វែសនទើខ្លៃខាន់ពាង់លែៈឆៃឞ្រាសយេឆូ ជាននើស។ 38 ខាន់ពាង់លាស៖
“ទាន់កោរាញឞ្រាសអ៝ន់នាវគែសជេងមាកាដាច់អ្យា
អីកោរាញឞ្រាសទែដាៈវាច់†១៩:៣៨៖ មោលាស «អ៝ន់វាច់តារាញាឆាក់កោរាញឞ្រាសនើម»។។
អ៝ន់គែសនាវដាប់មពាន់មាហេនដាសមាកោរាញឞ្រាសតាកាលើត្រោក។
រានេនាវអ្វែសរែសមាកោរាញឞ្រាសគុតាកាលើត្រោកទុតព្រេសរី‡១៩:៣៨៖ មោលាស «អ៝ន់គែសនាវច្រេកលើបមាកោរាញឞ្រាសគុតាកាលើត្រោកទុតព្រេសរី»។!”*១៩:៣៨៖ លក ២:១៤; នម ១១៨:២៦
39 គែសផូងផារីឆី អាបាៈគុនទ្រែលប៝នលាននៃលាសមាឞ្រាសយេឆូ ៖ “ហើយនើមនតី ឞ្វៃអ៝សម៝នមៃនៃលើយអ៝ន់ខាន់ពាង់ងើយកើតនទ្រី!” 40 ឞ្រាសយេឆូ អើសមាផូងផារីឆី ៖ “គ៝ប់មឞើសមាខាន់មៃ លាសខាន់ពាង់អ្យាគុអ្យាត់ឆាក់រាក់ក្លាក់ លុអ្យាមរានតែររានេមាគ៝ប់រ៝”។
ឞ្រាសយេឆូ រាង៝តមាប៝នយេរូឆាលឹម
41 ឞ្រាសយេឆូ ឞើយត៝ត់ប៝នក្វ៝ង់យេរូឆាលឹម ពាង់អ្វាញ់ឆៃប៝នអីនៃ ជេសរីពាង់ញុមរាង៝តមាប៝នអីនៃ*១៩:៤១៖ យេរ ១៣:១៧; ១៤:១៧ 42 ពាង់លាស៖ “ហើយឞូនុយ្សតាយេរូឆាលឹម ! ញហ្វាចងាន់ គ៝ប់អុចងាន់ខាន់អៃមៃវ៝ត់នាវដាប់មពាន់កោរាញឞ្រាសអុចអ៝ន់មាខាន់អៃមៃតានារអ្យា តីសមាអាបៃអ្យានាវខ្លៃអីនៃងកីងនទ៝ប់មោអោសអ៝ន់ខាន់អៃមៃវ៝ត់។ 43 នារជឹតនាប់តៃមរាគែសផូងរាលាង់គុញជ្វែងជុមខាន់អៃមៃ តោសនហាវនែសអ៝ន់ព្រេសគៃមាហាវកាលើមពេរប៝ន លើសខាន់អៃមៃអាប់ញជោញអាប់ញជាញ់។ 44 ឞូលើសហេងខាន់អៃមៃលែៈផ្យៅ លែៈអ៝សម៝នក៝នឆៅខាន់អៃមៃ។ មោហោមអោសគែសលុឞ្ល៝នតឹមរាទាប់កាលើលុឞ្ល៝នតាប៝នអ្យាជឹត យ៝រលាសខាន់អៃមៃមោគឹតនាល់ម៝ងកោរាញឞ្រាសវាច់គៃមារាក្លាយ្សខាន់អៃមៃ§១៩:៤៤៖ មោលាស «យ៝រលាសខាន់អៃមៃមោរ៝មមាគ៝ប់មោញឆីងមាគ៝ប់គៃមារាក្លាយ្សខាន់អៃមៃតានារអ្យា»។”។*១៩:៤៤៖ លក ២១:៦
ឞ្រាសយេឆូ មព្រើសផូងតាច់រាគ៝ល់លោសឞើសជ៝ង់គូងញីសជានឞ្រាស
(មថ ២១:១២-១៧; មក ១១:១៥-១៩; យហ ២:១៣-២២)
45 ឞ្រាសយេឆូ ត៝ត់តាប៝នយេរូឆាលឹម ជេសរីពាង់លាប់តាជ៝ង់គូងញីសជានឞ្រាសរី តានតុកនៃពាង់ឆៃឞូនុយ្សគុតាច់រាគ៝ល់ទ្រាប់នទើ ជេសរីពាង់នត្រុតផូងអីនៃលោសឞើសនតុកនៃរ៝*១៩:៤៥៖ ឆាក ១៤:២១ 46 ពាង់លាស៖ “តាឆ៝ម់បុតនាវកោរាញឞ្រាសងើយលែៈជេសញចីស៖
«ញីសគ៝ប់ជេងនតុកអ៝ន់មាមឞើសឆើម»†១៩:៤៦៖ អេឆា ៥៦:៧។
តីសមាខាន់អៃមៃឆ៝ៈជានងខើងនតុកគុរាគូមមពោលនតុង”។*១៩:៤៦៖ យេរ ៧:១១
47 ជេសរីឞ្រាសយេឆូ គុនតីឞូតាជ៝ង់គូងញីសជានឞ្រាសអាប់នារអាប់នារ។ យើនមាមពោលកោរាញជានឞ្រាស ផូងនើមនតីនាវវៃផូងអីឆ្រាអែល នទ្រែលមាមពោលកោរាញប៝នលានអាបាៈអេងជឹត ខាន់ពាង់លែវឞាល់ជ៝យនាវគៃមាញុបងខឹតលើយឞ្រាសយេឆូ ។*១៩:៤៧៖ មថ ២៦:៥៥; យហ ១៨:២០ 48 តីសមាមោឞ្លាវអោស ខាន់ពាង់ក្លាចផូងប៝នលានតឹមលើសដាសខាន់ពាង់ យ៝រលាសលែៈផូងប៝នលានគុអ្យាត់នាវពាង់រើបហើបទាទេងាន់។*១៩:៤៨៖ លក ២១:៣៨
*19:7 ១៩:៧៖ លក ១៥:១-២
*19:8 ១៩:៨៖ លក ៣:១០-១៤; នក ៥:៦-៧; អេឆេ ៣៣:១៤-១៦
*19:10 ១៩:១០៖ លក ១៥:៤-៧; អេឆេ ៣៤:១៦
*19:11 ១៩:១១៖ លក ១៧:២០-២១; ២៤:២១
*19:13 ១៩:១៣៖ «ព្រាក់ជឹតកាក់ក្វ៝ង់» មោលាស «ព្រាក់ជឹតមីនា »។ ទូកាក់មីនា តឹមឞានមាខ្លៃឞូងខោមជានការពែខៃ។
*19:16 ១៩:១៦-១៩៖ លក ១២:៤២-៤៤; ១៦:១០
*19:26 ១៩:២៦៖ លក ៨:១៨
*19:30 ១៩:៣០-៣១៖ លក ២២:១០-១២
*19:35 ១៩:៣៥-៣៨៖ ១កក ១:៣៨-៤០
*19:36 ១៩:៣៦៖ ២កក ៩:១៣
†19:38 ១៩:៣៨៖ មោលាស «អ៝ន់វាច់តារាញាឆាក់កោរាញឞ្រាសនើម»។
‡19:38 ១៩:៣៨៖ មោលាស «អ៝ន់គែសនាវច្រេកលើបមាកោរាញឞ្រាសគុតាកាលើត្រោកទុតព្រេសរី»។
*19:38 ១៩:៣៨៖ លក ២:១៤; នម ១១៨:២៦
*19:41 ១៩:៤១៖ យេរ ១៣:១៧; ១៤:១៧
§19:44 ១៩:៤៤៖ មោលាស «យ៝រលាសខាន់អៃមៃមោរ៝មមាគ៝ប់មោញឆីងមាគ៝ប់គៃមារាក្លាយ្សខាន់អៃមៃតានារអ្យា»។
*19:44 ១៩:៤៤៖ លក ២១:៦
*19:45 ១៩:៤៥៖ ឆាក ១៤:២១
†19:46 ១៩:៤៦៖ អេឆា ៥៦:៧
*19:46 ១៩:៤៦៖ យេរ ៧:១១
*19:47 ១៩:៤៧៖ មថ ២៦:៥៥; យហ ១៨:២០
*19:48 ១៩:៤៨៖ លក ២១:៣៨