12
ឞ្រាសយេឆូ គែសនាវទើយដាសនារឆាបាត់
(មក ២:២៣-២៨; លក ៦:១-៥)
1 គែសទូនារឆាបាត់ អីនាររាលូផូងអីឆ្រាអែល ឞ្រាសយេឆូ នទ្រែលមាផូងអ៝សម៝នពាង់ហាន់គ្លាត់រ៝ៈមីរ ផូងអ៝សម៝នជីង៝ត ខាន់ពាង់រ៝យ្សឞាព្រាង់ ឆា។*១២:១៖ នវ ២៣:២៥ 2 ផូងផារីឆី ឆៃកើតនៃ ខាន់ពាង់ហាន់លាសឞ្រាសយេឆូ ៖ “ល៝ង់មៃអ្វាញ់ ម៝សឆីកោៈមពោលអ៝សម៝នមៃជានការតានារឆាបាត់ អ្យាមេស? ឞ៝លលាសខាន់ពាង់រ៝យ្សដេៈៗកើតនៃ ហោមអែកើបតីសដាសនាវវៃនាររាលូផូងឞ៝ន់ដ៝ង់”។*១២:២៖ នង ២០:៨-១១ 3 ឞ្រាសយេឆូ លាសមាផូងផារីឆី ៖ “លាសនទ្រីខាន់មៃលែៈច្វេលបាស នាវខាន់មៃវៃរ៝ៈតានាវកោរាញឞ្រាសងើយ? នោកដាវីត អេហ៝ៈជេងកាដាច់ ពាង់ នទ្រែលមាឞូនុយ្សគុនទ្រែលពាង់ជីង៝ត*១២:៣-៤៖ កល ២៤:៥-៩ 4 ជេសរីពាង់លាប់តាត្រោមនតុកចូនកោរាញឞ្រាសអីជានមាឞ៝ក ឆ៝ៈឆានុមពាង់អីឞូតេៈញហើរអ៝ន់កោរាញឞ្រាសនៃ នហ៝មាពាៈឞូនុយ្សអីគុនទ្រែលពាង់នៃឆាដ៝ង់។ ឞូមោលាសពាង់ដ៝ង់ឞ៝លលាសតឹងមានាវវៃគែសមពោលជានឞ្រាសទើមទើយឆានុមពាង់អីនៃ*១២:៤៖ នោកនៃកោរាញឞ្រាសមោគែសនូយ្សមាដាវីត អោស លាសនទ្រីទីលាសផូងផារីឆី មោគែសនូយ្សមាមពោលអ៝សម៝ន ឞ្រាសយេឆ#ដ៝ង់។។*១២:៤៖ ១ឆា ២១:៣-៦ 5 ជេសរីខាន់មៃលែៈគែសអ្វាញ់ដ៝ង់តាឆ៝ម់បុតនាវវៃឞ៝ន់លាសផូងឞូនុយ្សជានឞ្រាសគុជានការតាញីសជានឞ្រាស ខាន់ពាង់ហោមជានការតានារឆាបាត់ នាវអីនៃមោតឹមទីមាជានតានារឆាបាត់ យើនមាមោអោសគែសនាវតីស។*១២:៥៖ កល ២៤:៩; នក ២៨:៩-១០ 6 នទ្រីទឹងគ៝ប់លាសមាខាន់មៃ តាអ្យាគែសទូហ្វេគ៝ប់ក្វ៝ង់រាលាវមាញីសជានឞ្រាសអីនៃជឹត។ 7 លាសខាន់មៃលែៈវ៝ត់តានាវលាសអីអ្យា៖ «គ៝ប់មោអោសអុចមានទើជានឞ្រាសខាន់អៃមៃ គ៝ប់អុចមាខាន់អៃមៃគែសនាវយោៈមាឞូ»†១២:៧៖ ហោឆ ៦:៦ ខាន់មៃមោអោសនទុយ្សមាផូងមោគែសនាវតីស។*១២:៧៖ មថ ៩:១៣ 8 គ៝ប់អីក៝នឞូនុយ្សតាៈឞើសកោរាញឞ្រាស គ៝ប់ជេងកោរាញម៝សនទើអីទើយអ៝ន់ឞូជាន មោលាសមោទើយអ៝ន់ឞូជានតានារឆាបាត់ អីនាររាលូ”។
ឞ្រាសយេឆូ ជានឞាសទូហ្វេឞូនុយ្សឆ្យារ់តី
(មក ៣:១-៦; លក ៦:៦-១១)
9 ជេសរីឞ្រាសយេឆូ លោសឞើសនតុកនៃ ហាន់លាប់តាញីសរាបុនខាន់ពាង់។ 10 តាញីសរាបុននៃគែសទូហ្វេឞូនុយ្សឆ្យារ់តី។ ផូងផារីឆី អោបឞ្រាសយេឆូ ៖ “តឹងមានាវវៃផូងឞ៝ន់ អាសទីដ៝ង់ឞើស ជានឞាសនាវជីតានារឆាបាត់ អីនារគុរាលូឞ្វៃជានការ?” ខាន់ពាង់អោបកើតនៃ គៃមាជ៝យនាវមានតោនឞ្រាសយេឆូ ទើម។ 11 ឞ្រាសយេឆូ អើសមាខាន់ពាង់៖ “តាផូងខាន់មៃ លាសគែសទូហ្វេគែសទូមល៝ម់ឞែឞ្យាប់ពាង់តុបតានតូតានារឆាបាត់ អាសពាង់មោឆ៝ៈឞែឞ្យាប់អីនៃលោសអាកាលើអ្យា?*១២:១១-១២៖ លក ១៣:១៥-១៦ 12 យើនមាឞូនុយ្សខ្លៃរាលាវឞែឞ្យាប់ លាសនទ្រីទើយជាននទើអ្វែសតានារឆាបាត់ មោអោសតីសមានាវវៃ”។ 13 ជេសរីឞ្រាសយេឆូ លាសមាឞូនុយ្សឆ្យារ់តីនៃ៖ “យើរហ៝ម់តីមៃនៃ”។ ពាង់យើររ៝ ជេសរីតីពាង់ឞាសកើតតីទូទីងដ៝ង់។ 14 យើនមាផូងផារីឆី លោសអាទីសតឹមញច្រាៈនាវគៃមាជ៝យនាវមើមទឹងគែសងខឹតឞ្រាសយេឆូ ។*១២:១៤៖ យហ ៥:១៦
15 នោកឞ្រាសយេឆូ គឹតនាវអីនៃ ជេសរីពាង់លោសឞើសនតុកនៃ គែសអ៝ក់ផូងប៝នលានតឹងពាង់ដ៝ង់ ទឹងលែៈនាវជីខាន់ពាង់ ពាង់ជានឞាសទាទេ។ 16 ឞ្រាសយេឆូ ឞ្វៃខាន់ពាង់ មោអោសអ៝ន់ខាន់ពាង់មឞើសងក៝ចអ៝ន់ឞូគឹតនាល់ពាង់។*១២:១៦៖ មក ៧:៣៦ 17 ពាង់ជានកើតនៃគៃមាតឹមទីដាសនាវឞូនុយ្សនតើយ្សនាវងើយកោរាញឞ្រាសកាល់អែនើសអេឆាយ លែៈញចីសកើតនអា៖ 18 «កោរាញឞ្រាសលាស៖
«ឞូនុយ្សអ្យា ឞូនុយ្សឆើមកើលជានការមាគ៝ប់ លែៈគ៝ប់កើយ្សពាង់
គ៝ប់រ៝ង់ពាង់ហោងាន់ ទីនូយ្សនហ៝ម់គ៝ប់ក្លឹងាន់។
គ៝ប់អ៝ន់ឞ្រាសហ្វេងអ្វែសគ៝ប់គុតាពាង់
គៃមាផាតទោយ្សផូងអីមោទីផូងអីឆ្រាអែល មានាវឆ៝ង់។
19 ពាង់មោគែសតឹមរាលាច់ដាសឞូ មោគែសអោសនតែរ
មោគែសដ៝ង់ឞូនុយ្សតាង់ឞ៝រ់ពាង់រ៝ៈត្រ៝ង។
20 ពាង់មោអោសរាតាច់លើយជាលែៈទែស
ពាង់មោខោមលើយដ៝ង់អុញឆាគេងលែៈឞើយមាញហ៝ត់ គែសនាវយោៈមាឞូនុយ្សអីគែសនាវញឆីងដេៈ
នហ៝មាមោអោសឞាសជានការត៝ត់មាទើយដាសទឹងលែៈនាវអ្យើស។
21 ជេសរីទឹងលែៈផូងអីមោទីផូងអីឆ្រាអែល ឞូរានើមមាពាង់ងាន់»»†១២:២១៖ អេឆា ៤២:១-៤។*១២:២១៖ រម ១៥:១២
ឞ្រាសយេឆូ ជេសរីបេលឆេបូល
(មក ៣:២០-៣០; លក ១១:១៤-២៣)
22 ជេសរីគែសឞូលែវទូហ្វេឞូនុយ្សឞូក្លោឞ្រាសអ្យើសលើសហាន់អាឞ្រាសយេឆូ ឞូនុយ្សអីនៃមល៝ នទ្រែលមាចែសមាត់។ ឞ្រាសយេឆូ ជានអ៝ន់ពាង់ឞ្លាវងើយមាត់ឆៃអាងដ៝ង់។ 23 ទឹងលែៈឞូនុយ្សតានៃនទ្រ៝ត់ហីសរាហ៝ល់ងាន់ ខាន់ពាង់តឹមលាស៖ “គឹតពាង់អីនៃបាសអីក៝នឆៅកាដាច់ដាវីត អីនើមរាក្លាយ្សកោរាញឞ្រាសទែលែៈត៝នហាន់តាអ្យា?”*១២:២៣៖ មថ ២០:៣០-៣១ 24 យើនមាតាង់ឞូងើយកើតនអៃ ផូងផារីឆី លាស៖ “អាចមាបេលឆេបូល †១២:២៤៖ « បេលឆេបូល » រាញាទូនតីល ឆាតាង់ អីកោរាញមពោលឞ្រាសអ្យើស។អីកោរាញមពោលឞ្រាសអ្យើសគុតាឆាក់ពាង់ទើម ទឹងពាង់ទើយមព្រើសឞ្រាសអ្យើសកើតនៃ”។*១២:២៤៖ មថ ៩:៣៤ 25 ឞ្រាសយេឆូ លែៈគឹតជេសនាវមឹនខាន់ពាង់ ជេសរីពាង់លាស៖ “ទឹងលែៈឞ្រីអីគែសនាវតឹមល៝ក់តឹមជាញចាសច្រាយឞាល់ ឞ្រីអីនៃរ៝សហេងរ៝ ទឹងលែៈប៝នទឹងលែៈរានាក់វ៝ល់អីគែសនាវតឹមល៝ក់តឹមជាញនទ្រាង់នើម ប៝នរានាក់អីនៃរ៝សហេងមោហោមគែសដ៝ង់។ 26 លាសគ៝ប់នត្រុតឞ្រាសអ្យើសតាៈឞើសនាវទើយឆាតាង់ អីកោរាញមពោលឞ្រាសអ្យើស ឞ្រាសអ្យើសគែសនាវតឹមរាទ៝ង់តឹមជាញចាសច្រាយឞាល់ លាសនទ្រីមើមទឹងហោមគែសឆាតាង់ ម៝ត់អ្វាញ់? 27 អ៝សម៝នខាន់មៃនត្រុតឞ្រាសអ្យើសដ៝ង់។ លាសគ៝ប់នត្រុតឞ្រាសអ្យើសយ៝រមានាវទើយឆាតាង់ ងាន់ ខាន់មៃអើមមោលាស លាសខាន់ពាង់នត្រុតឞ្រាសអ្យើសយ៝រមានាវទើយឆាតាង់ ? លាសនទ្រីអ៝សម៝នខាន់មៃនើមអីនៃមរាតេៈទោយ្សខាន់មៃងាន់រ៝។ 28 យើនមាលាសនាវទើយគ៝ប់នត្រុតឞ្រាសអ្យើសតាៈឞើសឞ្រាសហ្វេងអ្វែសកោរាញឞ្រាស លាសនទ្រីនាវកោរាញឞ្រាសម៝ត់អ្វាញ់មាខាន់មៃលែៈត៝ត់ជេស។*១២:២៨៖ លក ១៧:២១; ១យហ ៣:៨ 29 មើមទឹងឞូនុយ្សទើយហាន់តាជៃឞូនុយ្សទាង់ ជេសរីនតុងទ្រាប់នទើពាង់? អ៝ន់ញុបក៝ត់ល៝រពាង់អីនៃប៝ត់ រីមើទើយពីតឆ៝ៈទ្រាប់នទើទឹងលែៈតាជៃពាង់។*១២:២៩៖ កោល ២:១៥; ១យហ ៤:៤ 30 ឞូម៝សមោគុមពែសឞើសគ៝ប់ ពាង់អីនៃជេងតឹមរាលាង់ដាសគ៝ប់។ ឞូម៝សអីមោរាគូមនទ្រែលគ៝ប់ ពាង់អីនៃជេងឞូនុយ្សតឹមងខាសញហីងញហាង។*១២:៣០៖ មក ៩:៤០ 31 កើតនទ្រីទឹងគ៝ប់មឞើសអ៝ន់មាខាន់អៃមៃ ទឹងលែៈនទើឞូនុយ្សជានតីស នទ្រែលមាលាសមឺចរាម៝តកោរាញឞ្រាស កោរាញឞ្រាសហោមយោៈមោអោសកើបនាវតីសជឹត។ តីសមាឞូម៝សអីលាសមឺចរាម៝តឞ្រាសហ្វេងអ្វែសអីរី មោអោសកោរាញឞ្រាសយោៈមាពាង់។ 32 ឞូម៝សពាង់អីងើយតឹមរាទ៝ង់ដាសគ៝ប់អីឞូនុយ្សតាៈឞើសកោរាញឞ្រាស កោរាញឞ្រាសហោមយោៈមោអោសកើបនាវតីសពាង់ យើនមាឞូម៝សពាង់អីងើយតឹមរាទ៝ង់ដាសឞ្រាសហ្វេងអ្វែសអីក្ល៝សអ្វែស កោរាញឞ្រាសហោមកើបនាវតីសពាង់នានាវ ឞ៝លលាសតារានោកអាបៃអ្យា មោលាសតារានោកកោរាញឞ្រាសម៝ត់អ្វាញ់ទឹងលែៈឞូនុយ្សងាន់តៃកាដោយ”។*១២:៣២៖ ១តម ១:១៣
តើមឆីអ្វែស តើមឆីមោអ្វែស
(លក ៦:៤៣-៤៥)
33 “លាសតើមអ្វែស ព្លៃពាង់អ្វែសដ៝ង់ តីសមាលាសតើមមោអ្វែស ព្លៃពាង់មោអ្វែសដ៝ង់ យ៝រលាសទឹងឞូគឹតនាល់តើមឆីតាៈឞើសព្លៃពាង់។*១២:៣៣៖ មថ ៧:១៧-១៨ 34 យេ! មពោលឞូនុយ្សអ្យើសឞូនុយ្សជាញតឹមឞានមាឞេសកូ! មើមខាន់មៃឞ្លាវងើយនាវអ្វែស លាសឆាក់ខាន់មៃជេងឞូនុយ្សអ្យើស? យ៝រលាសឞូនុយ្សទឹងលោសងើយ តាៈឞើសនាវមឹនអ៝ក់ងាន់តានូយ្សនហ៝ម់ពាង់។*១២:៣៤៖ មថ ៣:៧ 35 ឞូនុយ្សអ្វែសងើយនទើអ្វែស យ៝រលាសតាឆាក់ពាង់រីគែសនាវមឹនអ្វែសនឹង ឞូនុយ្សអ្យើសងើយនទើអ្យើស យ៝រលាសតាឆាក់ពាង់រីគែសនាវមឹនអ្យើសនឹង។ 36 គ៝ប់លាសមាខាន់មៃ តានារកោរាញឞ្រាសផាតទោយ្សទឹងលែៈឞូនុយ្សតានែសនតូតៃ ពាង់ផាតទោយ្សឞូនុយ្សមាទឹងលែៈនាវអីឞូនុយ្សងើយលាៈងើយលេងដ៝ង់។*១២:៣៦៖ យាក ៣:៦-១០; យដ ១:១៥ 37 ពាង់លែៈកើបខាន់មៃឆ៝ង់មោគែសទោយ្ស យ៝រលាសលោសនាវខាន់មៃមឞើសងើយ មោលាសពាង់កើបខាន់មៃគែសទោយ្ស យ៝រលោសនាវខាន់មៃមឞើសងើយដ៝ង់”។
នទើគឹតមឞេនតាយោនាយ្ស
(មក ៨:១១-១២; លក ១១:២៩-៣២)
38 នោកនៃគែសអាបាៈផូងនើមនតីនាវវៃផូងអីឆ្រាអែល នទ្រែលមាផូងផារីឆី លាសមាឞ្រាសយេឆូ ៖ “អើនើមនតីមៃជានទូនាវមឞេនអ៝ន់ហេនឆៃអឺស គៃមាញហើនាវទើយមៃតាៈឞើសកោរាញឞ្រាស។”*១២:៣៨៖ យហ ៦:៣០ 39 យើនមាឞ្រាសយេឆូ អើសមាខាន់ពាង់៖ “ឞូនុយ្សតារានោកអាបៃអ្យាហោងាន់អ្យើសមហឹក មោអុចជានតឹងនាវកោរាញឞ្រាសអុច អុចឆៃមានាវមឞេនទើម យើនមាកោរាញឞ្រាសមោអោសអ៝ន់នាវមឞេនអេងជឹត។ ពាង់អ៝ន់ទូនាវមឞេនតឹមឞានមានាវមឞេនយោនាយ្ស អីឞូនុយ្សនតើយ្សនាវងើយកោរាញឞ្រាសកាល់អែនើសទើម។ 40 យ៝រលាសយោនាយ្ស គុតាត្រោមនទុលកាក្វ៝ង់ពែនាង់ពែនារ កើតនអៃដ៝ង់គ៝ប់អីក៝នឞូនុយ្សតាៈឞើសកោរាញឞ្រាសតៃគុតាត្រោមនែសពែនាង់ពែនារដ៝ង់។*១២:៤០៖ យោន ២:១ 41 តានារកោរាញឞ្រាសផាតទោយ្សទឹងលែៈឞូនុយ្សតានែសនតូអ្យា ឞូនុយ្សតាប៝ននីនីវេ មរាតេៈទោយ្សឞូនុយ្សតារានោកអាបៃអ្យាដ៝ង់ យ៝រលាសរានោកកាល់អែនើស ជេសខាន់ពាង់តាង់នាវយោនាយ្ស មឞើស ខាន់ពាង់រាគ៝ល់លើយនូយ្សនហ៝ម់អ្យើសរ៝ ខាន់ពាង់នទុយ្សតោរលែៈលាន់នាវខាន់ពាង់ជានតីសនើស។ យើនមាតាអ្យាអាបៃអ្យាគែសដ៝ង់ទូហ្វេឞូនុយ្សក្វ៝ង់រាលាវមាយោនាយ្ស នៃជឹត តីសមាខាន់មៃមោអោសរាគ៝ល់នូយ្សនហ៝ម់អ្យើស។*១២:៤១៖ យោន ៣:៥-៩ 42 តានារកោរាញឞ្រាសផាតទោយ្សទឹងលែៈឞូនុយ្សតានែសនតូ គែសកាដាច់ឞូអូររាញាពាង់ឆេបា ពាង់មរាតេៈទោយ្សមាឞូនុយ្សរានោកអាបៃអ្យា។ កាល់អែនើសពាង់កាដាច់តាឞ្រីអេងងាយមពែសឞើសទ៝ង់ឞ្រីអីឆ្រាអែល ឞ៝លលាសពាង់គុងាយទុតឞ្រីទុតនែសកាដោយ ពាង់ហាន់តាឞ្រីអីឆ្រាអែល គៃមាអ្យាត់នាវមឹនគឹតឞ្លាវកាដាច់ឆាលោមោន តាឞ្រីអ្យា។ យើនមានារអ្យាតានតុកអ្យាគែសទូហ្វេឞូនុយ្សនាវងើយពាង់ខ្លៃរាលាវនាវងើយកាដាច់ឆាលោមោន តីសមាខាន់មៃមោអោសអុចអ្យាត់ពាង់”។*១២:៤២៖ ១កក ១០:១-១០
ញជ្រាង់លើយអ៝ន់ឞ្រាសអ្យើសលាប់គុតៃទូតឹជឹត
(លក ១១:២៤-២៦)
43 “លាសឞ្រាសអ្យើសលោសឞើសទូហ្វេឞូនុយ្ស ជេសរីពាង់ឞ្រោៈរ៝ៈឞ្រីរាទាស ពាង់ជ៝យនតុកមាគុមោគែសអោស។ 44 ជេសរីពាង់មរាលាសអេងកើតនអា៖ «គ៝ប់ព្លឹគុតាជៃអើមគ៝ប់ នតុកគ៝ប់មហែលោសនើសប៝ត់»។ ត៝ត់ពាង់ព្លឹតានៃ ឆៃជៃអីនៃលែៈញឆ៝យ្សទាទេមពេសអ្វែស នទ្រាប់អ្យាហែប 45 ជេសរីពាង់ហាន់ជាៈពើសឞ្រាសអ្យើសអាអេងតៃ ឞ្រាសអ្យើសអីនៃជាញៗរាលាវពាង់ងាន់ ហាន់លាប់គុនទ្រែលតានៃដ៝ង់ ជានអ៝ន់ឞូនុយ្សអីនៃគែសនាវជេរអ្យើសរាលាវអើមនើសជឹត។ កើតនទ្រីឞូនុយ្សអ្យើសតារានោកអ្យាគែសតឹមឞានកើតនៃដ៝ង់”។*១២:៤៥៖ ២ពេ ២:២០
នទុលមពោលឞ្រាសយេឆូ នហេលនានេៈ
(មក ៣:៣១-៣៥; លក ៨:១៩-២១)
46 នោកឞ្រាសយេឆូ ហោមគុងើយដាសផូងប៝នលាននៃ គែសមេៈពាង់នទ្រែលមពោលអ៝សឞូក្លោពាង់គុឞើសទីសរី អុចងើយដាសពាង់។*១២:៤៦៖ មក ៦:៣ 47 គែសទូហ្វេឞូនុយ្សហាន់មឞើសមាពាង់៖ “ហើយនើមនតី‡១២:៤៧៖ «ហើយ នើមនតី» តានាវងើយ គ្រែក លាស៖ «អ្វាញ់»។ មេៈមៃ នទ្រែលមាផូងអ៝សឞូក្លោមៃគុឞើសទីសរី ខាន់ពាង់អុចងើយដាសមៃ”។ 48 យើនមាឞ្រាសយេឆូ អើសមាពាង់៖ “ឞូម៝សមេៈគ៝ប់? ឞូម៝សផូងអ៝សនោគ៝ប់?” 49 ជេសរីឞ្រាសយេឆូ ញច៝ង់តីជឹតផូងអ៝សម៝នពាង់ពាង់លាស៖ “ខាន់ពាង់អ្យាមេៈគ៝ប់ នទ្រែលមាផូងអ៝សនោគ៝ប់ហែស! 50 យ៝រលាសឞូម៝សអីអ្យាត់តឹងនាវអុចឞឹគ៝ប់គុតាកាលើត្រោក ពាង់អីនៃអ៝សនោរោសក្លោគ៝ប់ នទ្រែលមាមេៈគ៝ប់”។*១២:៥០៖ រម ៨:២៩; ហេឞ ២:១១
*12:1 ១២:១៖ នវ ២៣:២៥
*12:2 ១២:២៖ នង ២០:៨-១១
*12:3 ១២:៣-៤៖ កល ២៤:៥-៩
*12:4 ១២:៤៖ នោកនៃកោរាញឞ្រាសមោគែសនូយ្សមាដាវីត អោស លាសនទ្រីទីលាសផូងផារីឆី មោគែសនូយ្សមាមពោលអ៝សម៝ន ឞ្រាសយេឆ#ដ៝ង់។
*12:4 ១២:៤៖ ១ឆា ២១:៣-៦
*12:5 ១២:៥៖ កល ២៤:៩; នក ២៨:៩-១០
†12:7 ១២:៧៖ ហោឆ ៦:៦
*12:7 ១២:៧៖ មថ ៩:១៣
*12:11 ១២:១១-១២៖ លក ១៣:១៥-១៦
*12:14 ១២:១៤៖ យហ ៥:១៦
*12:16 ១២:១៦៖ មក ៧:៣៦
†12:21 ១២:២១៖ អេឆា ៤២:១-៤
*12:21 ១២:២១៖ រម ១៥:១២
*12:23 ១២:២៣៖ មថ ២០:៣០-៣១
†12:24 ១២:២៤៖ « បេលឆេបូល » រាញាទូនតីល ឆាតាង់ អីកោរាញមពោលឞ្រាសអ្យើស។
*12:24 ១២:២៤៖ មថ ៩:៣៤
*12:28 ១២:២៨៖ លក ១៧:២១; ១យហ ៣:៨
*12:29 ១២:២៩៖ កោល ២:១៥; ១យហ ៤:៤
*12:30 ១២:៣០៖ មក ៩:៤០
*12:32 ១២:៣២៖ ១តម ១:១៣
*12:33 ១២:៣៣៖ មថ ៧:១៧-១៨
*12:34 ១២:៣៤៖ មថ ៣:៧
*12:36 ១២:៣៦៖ យាក ៣:៦-១០; យដ ១:១៥
*12:38 ១២:៣៨៖ យហ ៦:៣០
*12:40 ១២:៤០៖ យោន ២:១
*12:41 ១២:៤១៖ យោន ៣:៥-៩
*12:42 ១២:៤២៖ ១កក ១០:១-១០
*12:45 ១២:៤៥៖ ២ពេ ២:២០
*12:46 ១២:៤៦៖ មក ៦:៣
‡12:47 ១២:៤៧៖ «ហើយ នើមនតី» តានាវងើយ គ្រែក លាស៖ «អ្វាញ់»។
*12:50 ១២:៥០៖ រម ៨:២៩; ហេឞ ២:១១