១៥
នាវវៃផូងផារីឆី
(មក ៧:១-១៣)
១ ជេសរីផូងផារីឆី នទ្រែលមាផូងនើមនតីនាវវៃផូងអីឆ្រាអែល អីតាៈឞើសប៝នយេរូឆាលឹម ហាន់អោបឞ្រាសយេឆូ ៖ ២ “ម៝សឆីកោៈមពោលអ៝សម៝នមៃមោជានតឹងនាវវៃអើមឞើសកាល់អែ យ៝រលាសខាន់ពាង់ឆោងអេហ៝ៈរាវតីល៝រ?”*១៥:២៖ មថ ២៣:២៥; លក ១១:៣៨ ៣ ឞ្រាសយេឆូ អើសមាខាន់ពាង់៖ “លាសនទ្រីខាន់មៃ ម៝សឆីកោៈមោជានតឹងនាវកោរាញឞ្រាសដាៈ ងខើងមាជានតឹងនាវវៃខាន់មៃនើម? ៤ យ៝រលាសកោរាញឞ្រាសលែៈលាសកើតនអា៖ «អ៝ន់ខាន់អៃមៃយើកហ៝ម់មាមេៈឞឹ*១៥:៤៖ តាអ្យា«យើក»គែសនាវខ្លៃលាស៖ «កើលនទើអ៝ន់មាមេៈឞឹ»។»†១៥:៤៖ នង ២០:១២; នវ ៥:១៦ ជេសរី «ឞូម៝សរាកឆ្វាយមាមេៈឞឹពាង់នើម ពាង់អីនៃគែសទោយ្សត៝ត់ឞូងខឹតរ៝»†១៥:៤៖ នង ២១:១៧; កល ២០:៩។ ៥ យើនមាខាន់មៃលាស ឞូម៝សលាសមាមេៈឞឹពាង់នើម៖ «ទឹងលែៈនទើអីទីមាគ៝ប់អ៝ន់មាខាន់អៃមៃ លែៈគ៝ប់ត៝នញហើរមាកោរាញឞ្រាស»។*១៥:៥៖ ១តម ៥:៨ ៦ លាសនទ្រីឞូនុយ្សអីនៃមោហោមអោសខាច់យើកមាមេៈឞឹពាង់។ កើតនទ្រីខាន់មៃងគ្រ៝សលើយនាវងើយកោរាញឞ្រាស ញអោតងខើងនាវវៃខាន់មៃនើមច្រាវ។*១៥:៦៖ យេរ ៨:៨ ៧ ខាន់មៃឞូនុយ្សជានអ្យាត់នាវកោរាញឞ្រាសទើម។ ទីងាន់នាវអេឆាយ អីឞូនុយ្សនតើយ្សនាវងើយកោរាញឞ្រាសកាល់អែនើសលែៈញចីសលាសមាខាន់មៃកើតនអា៖ ៨ «កោរាញឞ្រាសលាស៖
«ផូងប៝នលានអ្យាយើកមឞាសគ៝ប់មាឞ៝រ់មឞូងទើម
នូយ្សនហ៝ម់ខាន់ពាង់គុងាយដាសគ៝ប់។
៩ ខាន់ពាង់យើកមឞាសគ៝ប់មោអោសគែសនតីលខ្លៃ
មោអើមយ៝រមាខាន់ពាង់នតុមនតីឆ៝ៈនាវវៃតាៈឞើសឞូនុយ្សទើម យើនមាខាន់ពាង់លាសនាវវៃអីនៃតាៈឞើសគ៝ប់ដាៈ»»”†១៥:៩៖ អេឆា ២៩:១៣។
នទើអីជានឞូនុយ្សមោហោមក្ល៝ស
១០ ជេសរីឞ្រាសយេឆូ ក្វាល់ផូងប៝នលានវាច់អាពាង់ លាសមាខាន់ពាង់៖ “អើអ៝សនោកោញវា អ្យាត់នាវគ៝ប់លែរងែរប៝ត់ អ៝ន់គឹតវ៝ត់នាវអ្យា៖ ១១ មោអោសទីនទើលាប់រ៝ៈមឞូងអ៝ន់ឞូនុយ្សជេងមោហោមក្ល៝ស។ នទើអីអ៝ន់ឞូនុយ្សជេងមោហោមក្ល៝ស ជេងនទើអីលោសតាៈឞើសមឞូងច្រាវ”។*១៥:១១៖ ១កោ ៨:១-១៣ ១២ មពោលអ៝សម៝នហាន់អាឞ្រាសយេឆូ អោបពាង់៖ “អាសមៃគឹតដ៝ង់បាស ផូងផារីឆី ជីនូយ្សមាមៃ តាង់នាវមៃងើយកើតនៃនើស?” ១៣ ឞ្រាសយេឆូ អើសមាខាន់ពាង់៖ “ទឹងលែៈតើមឆីអីមោគែសឞឹគ៝ប់អីគុតាកាលើត្រោកតាម់ ឞូរោកលើយ។ ឞូនុយ្សអីជីនូយ្សដាសគ៝ប់តឹមឞានមាតើមឆីអីនៃ។ ១៤ លើយទឹងអោសរាវៃខាន់ពាង់ ខាន់ពាង់អីនៃតឹមឞានមាឞូនុយ្សចែសមាត់តឹមតេកនទ្រាង់ឞូនុយ្សចែសមាត់។ លាសអ៝ន់ឞូនុយ្សចែសមាត់តឹមតេកនទ្រាង់ឞូនុយ្សចែសមាត់ លែៈឞារហៃខាន់ពាង់តុបតានតូទាទេរ៝”។*១៥:១៤៖ មថ ២៣:១៦, ២៤; រម ២:១៧-២៤ ១៥ ពេត្រោស លាសមាឞ្រាសយេឆូ ៖ “ទាន់មៃមឞើសនាវងើយនតឹតអីនៃអ៝ន់ហេនវ៝ត់”។ ១៦ ឞ្រាសយេឆូ លាស៖ “អាសខាន់មៃអេហ៝ៈដ៝ង់គឹតវ៝ត់? ១៧ នទើអីលាប់រ៝ៈមឞូងឞូនុយ្ស ពាង់នហ៝តលាប់ត្រោមនទុល ជេសរីលោសអាច់ នទ្រីបាស? ១៨ យើនមានទើអីលោសតាៈឞើសមឞូងឞូនុយ្ស ពាង់លោសតាៈឞើសនូយ្សនហ៝ម់ នទើអីនៃជានអ៝ន់ឞូនុយ្សមោហោមក្ល៝ស៖ ១៩ នាវអុចជាននទើអ្យើស នាវងខឹតឞូ នាវតឹមល៝ម់តឹមរាលាវ នាវតឹមទ៝ង់ នាវនតុងងគ្លាញ់ នាវមរោសរាលាម់ នាវងើយញចើត ជេងលោសតាៈឞើសនូយ្សនហ៝ម់ឞូនុយ្សទាទេ។*១៥:១៩៖ កាល ៥:១៩-២១ ២០ ទឹងលែៈនទើអីនៃជានអ៝ន់ឞូនុយ្សទឹងគែសជេងបឹបើច អ៝ន់កោរាញឞ្រាសមោហោមរ៝ម។ ឆោងមោគែសរាវតីល៝រ មោគែសអោសអ៝ន់ឞូនុយ្សមោហោមក្ល៝ស”។
នាវញឆីងទូហ្វេឞូអូរអីមោទីផូងអីឆ្រាអែល
(មក ៧:២៤-៣០)
២១ ជេសរីឞ្រាសយេឆូ លោសឞើសនតុកនៃ ហាន់តានតុកទាច់តាប៝នក្វ៝ង់តីរុស នទ្រែលមាហាន់ទាច់តាប៝នក្វ៝ង់ឆីដោន ។ ២២ តាឞ្រីនៃគែសទូហ្វេឞូអូរឞ្រីកានាអាន អីមោទីផូងអីឆ្រាអែល ពាង់ហាន់អាឞ្រាសយេឆូ នហ៝មានតែរក្វាល់ឞ្រាសយេឆូ មោឞាសអោស៖ “អើកោរាញ! អើក៝នឆៅកាដាច់ដាវីត ! ទាន់មៃយោៈនអាចគ៝ប់អើ ក៝នឞូអូរគ៝ប់ឞ្រាសអ្យើសលើស ពាង់គែសនាវរេសរាញាល់ហោងាន់!”*១៥:២២៖ មថ ២០:៣០-៣១ ២៣ យើនមាឞ្រាសយេឆូ មោអើសអោស ជេសរីមពោលអ៝សម៝នហាន់អាឞ្រាសយេឆូ ឞ៝ញពាង់៖ “ទាន់មៃដាៈឞូអូរអីនៃទូឞើសឞ៝ន់ យ៝រលាសហោងាន់ពាង់នតែរតឹងឞើសកើយឞ៝ន់”។ ២៤ ឞ្រាសយេឆូ អើស៖ “កោរាញឞ្រាសដាៈគ៝ប់ហាន់ អ៝ន់គ៝ប់ជ៝យឞូនុយ្សតាផូងអីឆ្រាអែល អីមោអ្យាត់នាវកោរាញឞ្រាសទើម ខាន់ពាង់តឹមឞានមាឞែឞ្យាប់លែៈហ្យើត”។*១៥:២៤៖ មថ ១០:៥-៦; រម ១៥:៨ ២៥ យើនមាឞូអូរអីនៃហាន់ទាច់អាឞ្រាសយេឆូ ច៝នកោម៝ក់មឞាសឞើសនាប់ពាង់រី ជេសរីលាស៖ “អើកោរាញ ទាន់កើលគ៝ប់អើ”។ ២៦ ឞ្រាសយេឆូ អើស៖ “មោទីអោស លាសឆ៝ៈនទើឆោងឆាឞើសក៝ន ជេសរីមអារ់អ៝ន់ឆ៝ឆា”។ ២៧ ឞូអូរអីនៃអើសមាឞ្រាសយេឆូ ៖ “ទីងាន់កោរាញ យើនមាឆ៝ហោមឆានទើនទាក់ត្រោសឞើសកាលើគ្រែកោរាញពាង់ដ៝ង់”។ ២៨ ឞ្រាសយេឆូ លាសមាពាង់៖ “អើយោស នាវញឆីងអៃក្វ៝ង់ងាន់ លាសនទ្រីអ៝ន់គែសកើតនាវអៃលែៈអុចងាន់រ៝!” ជេសរីក៝នឞូអូរពាង់ទោមាឞាសនោកនៃរ៝។*១៥:២៨៖ មថ ៨:១៣; ៩:២៩
ឞ្រាសយេឆូ ជានឞាសឞូនុយ្សគែសនាវជីអេងៗអ៝ន់ឞាស
(មក ៧:៣១)
២៩ ឞ្រាសយេឆូ លោសឞើសនតុកនៃ ហាន់អាទាកងលៅក្វ៝ង់កាលីលេ ជេសរីហាវអាកាលើយោកគុរាគើបតានៃ។ ៣០ អ៝ក់ងាន់ឞូនុយ្សហាន់អាពាង់ នអ៝ប់មាលែវឞូនុយ្សក្វែតរាវែន ឞូនុយ្សឆ្យារ់ជ៝ង់តី ឞូនុយ្សចែសមាត់ ឞូនុយ្សមល៝ នទ្រែលមាឞូនុយ្សជីក្វែតអេងៗ។ ឞូអ៝ន់ឞិចឞើសនាប់ជ៝ង់ឞ្រាសយេឆូ រី ជេសរីពាង់ជានឞាសទាទេ។ ៣១ ទឹងលែៈឞូនុយ្សឆៃកើតនៃគែសនាវនទ្រ៝ត់ហីសរាហ៝ល់ងាន់ ឆៃឞូនុយ្សមល៝ឞ្លាវងើយ ឞូនុយ្សឆ្យារ់ជ៝ង់តីជេងទាង់ ឞូនុយ្សក្វែតរាវែនឞ្លាវឞ្រោៈ ឞូនុយ្សចែសមាត់អ្វាញ់ឆៃ។ ទឹងលែៈខាន់ពាង់លែវឞាល់រានេកោរាញឞ្រាសអីឞ្រាសផូងអីឆ្រាអែល ទាទេ។
ឞ្រាសយេឆូ ពាៈឆ្យាម់ឞូនុយ្ស ៤០០០ នុយ្ស
៣២ ឞ្រាសយេឆូ ក្វាល់មពោលអ៝សម៝នពាង់ហាន់អាពាង់ ជេសរីលាសមាខាន់ពាង់៖ “គ៝ប់យោៈងាន់មាផូងប៝នលាននៃ ខាន់ពាង់គុនទ្រែលគ៝ប់លែៈពែនារហើយ នទើមាឆោងឆាមោគែសដ៝ង់។ គ៝ប់មោអុចអ៝ន់ខាន់ពាង់ព្លឹឆឹតនទុលទើម ក្លាចលាសហ្វារ់រ៝ៈត្រ៝ង”។*១៥:៣២-៣៩៖ មថ ១៤:១៤-២១ ៣៣ មពោលអ៝សម៝នលាសមាឞ្រាសយេឆូ ៖ “តាអ្យារាង៝តរាងាត់ លាសនទ្រីអាសនតុកហេនជ៝យគៃមាត៝ង់អ៝ន់ផូងឞូនុយ្សអ៝ក់អីនៃឆា?” ៣៤ ឞ្រាសយេឆូ អោបខាន់ពាង់៖ “លាសនទ្រីទាសអ៝ក់គែសនុមពាង់ខាន់មៃ?” ខាន់ពាង់អើស៖ “ហេនគែសពើសមល៝ម់ នទ្រែលមាកាជេៈដេៈដាៈ”។ ៣៥ ជេសរីឞ្រាសយេឆូ ដាៈផូងប៝នលានគុរើបគើបតានែសរី។ ៣៦ ពាង់ឆ៝ៈពើសមល៝ម់នុមពាង់នៃ នទ្រែលមាកាអីនៃ មឞើសឆើមលាសអ្វែសមាកោរាញឞ្រាស ពាង់គិចអ៝ន់មាមពោលអ៝សម៝ន ជេសរីមពោលអ៝សម៝នពាៈមាផូងប៝នលាននៃ។ ៣៧ ទឹងលែៈឞូឆាហើមទាទេ ជេសរីរាគូមនុមពាង់ នទ្រែលមាកាអីរាមែសនៃគែសពើសឆាស។ ៣៨ ទឹងលែៈឞូនុយ្សអីគុឆាតានៃគែស ៤០០០ នុយ្សឞូក្លោ មោកើបអោសផូងឞូអូរ នទ្រែលមាក៝នឆែ។ ៣៩ ជេសឞ្រាសយេឆូ អ៝ន់ផូងប៝នលានឆឹត ជេសនៃពាង់ញច៝ទូកហាន់តានតុកក្វាល់លាសមាកាដាន ។
*១៥:២ ១៥:២៖ មថ ២៣:២៥; លក ១១:៣៨
*១៥:៤ ១៥:៤៖ តាអ្យា«យើក»គែសនាវខ្លៃលាស៖ «កើលនទើអ៝ន់មាមេៈឞឹ»។
†១៥:៤ ១៥:៤៖ នង ២០:១២; នវ ៥:១៦
†១៥:៤ ១៥:៤៖ នង ២១:១៧; កល ២០:៩
*១៥:៥ ១៥:៥៖ ១តម ៥:៨
*១៥:៦ ១៥:៦៖ យេរ ៨:៨
†១៥:៩ ១៥:៩៖ អេឆា ២៩:១៣
*១៥:១១ ១៥:១១៖ ១កោ ៨:១-១៣
*១៥:១៤ ១៥:១៤៖ មថ ២៣:១៦, ២៤; រម ២:១៧-២៤
*១៥:១៩ ១៥:១៩៖ កាល ៥:១៩-២១
*១៥:២២ ១៥:២២៖ មថ ២០:៣០-៣១
*១៥:២៤ ១៥:២៤៖ មថ ១០:៥-៦; រម ១៥:៨
*១៥:២៨ ១៥:២៨៖ មថ ៨:១៣; ៩:២៩
*១៥:៣២ ១៥:៣២-៣៩៖ មថ ១៤:១៤-២១