16
ផូងផារីឆី នទ្រែលមាផូងឆាដោឆី អុចឆៃនាវមឞេន
(មក ៨:១១-១៣; លក ១២:៥៤-៥៦)
1 នោកនៃផូងផារីឆី នទ្រែលមាផូងឆាដោឆី អាបាៈហាន់អុចរាល៝ងឞ្រាសយេឆូ ដាៈពាង់ជានទូនាវមឞេនគៃមាញហើនាវទើយពាង់តាៈឞើសកោរាញឞ្រាសរី។*១៦:១៖ យហ ៦:៣០; ១កោ ១:២២ 2 យើនមាឞ្រាសយេឆូ លាសមាខាន់ពាង់៖ “ត្រោកគុរអាអោយ ខាន់មៃវៃលាសព្រាង់*១៦:២៖ តានាវងើយ គ្រែក លាស៖ «ត៝ត់ចាង់ត្រោកកេងមាង់ ខាន់មៃវៃលាសអោយតៃព្រាង់» យ៝រមាតាឞ្រី អីឆ្រាអែល ឞូវៃឆៃកើតនអា។។ 3 ត្រោកគុរកេងមាង់ ខាន់មៃវៃលាសនារអោយតៃមីសរ៝†១៦:៣៖ តានាវងើយ គ្រែក លាស៖ «ត្រោកគុរអើមអោយ ខាន់មៃវៃលាសនារអ្យាមីសនអ៝ប់មាផុតរ៝» យ៝រមាតាឞ្រី អីឆ្រាអែល ឞូវៃឆៃកើតនអា។។ ‡១៦:៣៖ ឆ៝ម់បុតអើមញចីសមាតីអាបាៈគែសនត៝បលាស៖ «ហើយឞូនុយ្សនូយ្សនហ៝ម់នទ៝ប់មពោន»។ខាន់មៃឞ្លាវមឞេនត្រោក លាសនទ្រីមើមទឹងមោគឹតវ៝ត់នទើអីកោរាញឞ្រាសជានតារានោកអាបៃអ្យា? 4 ឞូនុយ្សតារានោកអាបៃអ្យាហោងាន់អ្យើសមហឹកជានតីសមានាវអុចកោរាញឞ្រាស អុចឆៃមានាវមឞេនទើម យើនមាកោរាញឞ្រាសមោអោសអ៝ន់នាវមឞេនអេងជឹត ពាង់អ៝ន់ទូនាវមឞេនតឹមឞានមានាវមឞេនយោនាយ្ស អីឞូនុយ្សនតើយ្សនាវងើយកោរាញឞ្រាសកាល់អែនើសទើម”។ ជេសរីឞ្រាសយេឆូ ហាន់នត្លើយខាន់ពាង់តានៃ។*១៦:៤៖ មថ ១២:៣៩-៤១; យោន ២:១
នូយ្សនហ៝ម់នទ៝ប់មពោនផូងផារីឆី នទ្រែលមាផូងឆាដោឆី
(មក ៨:១៤-២១)
5 នោកមពោលអ៝សម៝នហាន់គ្លាត់កាល់តីទាកងលៅក្វ៝ង់កាលីលេ ខាន់ពាង់ច្វេលញអោតនុមពាង់។ 6 ឞ្រាសយេឆូ លាសមាខាន់ពាង់៖ “អ៝ន់ខាន់អៃមៃញជ្រាង់ងាន់ហ៝ម់នទ្រូយផូងផារីឆី នទ្រែលមានទ្រូយផូងឆាដោឆី ហ៝ៈ”។ 7 មពោលអ៝សម៝នងើយនទ្រាង់ខាន់ពាង់នើម៖ “ពាង់ងើយកើតនៃអាចមាឞ៝ន់មោគែសញអោតនុមពាង់ទើមមោ យ៝រមាឞូជាននុមពាង់មានទ្រូយ!” 8 ឞ្រាសយេឆូ គឹតនាវខាន់ពាង់ងើយ ពាង់លាស៖ “អើផូងគែសនាវញឆីងដេៈទើម ម៝សងើយខាន់ម្រែនាវមោគែសនុមពាង់នៃ?*១៦:៨៖ មថ ៨:២៦ 9 ខាន់អៃមៃហោមមោគឹតវ៝ត់នាវដ៝ង់? អាសខាន់អៃមៃមោហោមកាសគឹតនោកគ៝ប់ពាៈព្រាម់មល៝ម់នុមពាង់អ៝ន់មាឞូនុយ្ស ៥០០០ នុយ្សនើស? ជេសរីខាន់អៃមៃលែៈច្វេលបាស នោកខាន់អៃមៃរាគូមនទើរាមែស ទាសអ៝ក់ឆាស?*១៦:៩៖ មថ ១៤:២០ 10 មោលាសពើសមល៝ម់នុមពាង់គ៝ប់អ៝ន់ឞូនុយ្ស ៤០០០ នុយ្សនើស ជេសរីខាន់អៃមៃរាគូមនទើរាមែសទាសអ៝ក់ឆាសហោមគែស?*១៦:១០៖ មថ ១៥:៣៧-៣៨ 11 មើមទឹងខាន់អៃមៃអេហ៝ៈគឹតវ៝ត់ដ៝ង់ គ៝ប់មោគែសអោសងើយមានុមពាង់ងាន់។ គ៝ប់អ៝ន់ខាន់អៃមៃញជ្រាង់នទ្រូយផូងផារីឆី នទ្រែលមានទ្រូយផូងឆាដោឆី ”។ 12 ជេសរីមើទឹងមពោលអ៝សម៝នគឹតនាវឞ្រាសយេឆូ លាសអីនៃអ៝ន់ខាន់ពាង់ញជ្រាង់នាវនតុមនតីផូងផារីឆី នទ្រែលមាផូងឆាដោឆី មោអោសទីនទ្រូយតេៈរានីសងាន់។
នាវពេត្រោស មឞើសងក៝ច ឞ្រាសយេឆូ អីឞ្រាសក្រីស
(មក ៨:២៧-៣០; លក ៩:១៨-២១)
13 នោកឞ្រាសយេឆូ ហាន់នតុកទាច់មាប៝នឆេឆារា-ផីលីប ពាង់អោបមពោលអ៝សម៝នពាង់៖ “តឹងមានាវឞូលាស ឞូម៝សគ៝ប់អីក៝នឞូនុយ្សតាៈឞើសកោរាញឞ្រាស?” 14 ជេសរីខាន់ពាង់អើស៖ “ឞូអាបាៈលាសមៃយោហាន-បាប់តែម អីលែៈទ៝ក់រេស ឞូអាបាៈលាសមៃអេលីយា អីឞូនុយ្សនតើយ្សនាវងើយកោរាញឞ្រាសកាល់អែនើសលែៈព្លឹតាអ្យា ឞូអាបាៈជឹតលាសមៃយេរេមី អីឞូនុយ្សនតើយ្សនាវងើយកោរាញឞ្រាសអីលែៈទ៝ក់រេស មោលាសមៃទូហ្វេឞូនុយ្សអេងជឹតតាមពោលឞូនុយ្សនតើយ្សនាវងើយកោរាញឞ្រាសអីលែៈទ៝ក់រេស”។*១៦:១៤៖ មថ ១៤:២; ១៧:១០-១៣; ២១:១១ 15 ឞ្រាសយេឆូ អោបខាន់ពាង់៖ “លាសនទ្រីខាន់អៃមៃអែស គ៝ប់ឞូម៝សខាន់អៃមៃលាសមេស?” 16 ឆីមោន អីឞូក្វាល់ពេត្រោស ដ៝ង់លាស៖ “មៃឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់ អីក៝នកោរាញឞ្រាស ឞ្រាសអីរេសងាន់”។*១៦:១៦៖ មក ១៥:៣៩ 17 ឞ្រាសយេឆូ លាសមាពាង់៖ “អើឆីមោន ក៝នយោនាយ្ស រាម់មអាកងាន់មាមៃ យ៝រលាសឞឹគ៝ប់គុតាកាលើត្រោកអ៝ន់មៃគឹតគ៝ប់ឞ្រាសក្រីស ។ នាវអីនៃមោគែសអោសតាៈឞើសនាវគឹតឞ្លាវឞូនុយ្ស។*១៦:១៧៖ មថ ១១:២៧; ១កោ ២:១០ 18 គ៝ប់មឞើសមាមៃ មៃរាញាពេត្រោស រាញាអីនៃគែសនាវខ្លៃលាស«រាលាតលុ» ជេសរីតាកាលើរាលាតលុអ្យាគ៝ប់នតាម់អីញីសឞ្រាសគ៝ប់អីទឹងលែៈមពោលឞូនុយ្សញឆីងមាគ៝ប់។ នាវខឹតមោអោសទើយដាសផូងខាន់ពាង់អីនៃ§១៦:១៨៖ មោលាស «កោរាញមពោលឞ្រាសអ្យើសមោអោសទើយដាសខាន់ពាង់អីនៃ»។។*១៦:១៨៖ អេផ ២:២០ 19 គ៝ប់មរាអ៝ន់មៃនាវទើយមាអ៝ន់ឞូនុយ្សលាប់តានាវកោរាញឞ្រាសម៝ត់អ្វាញ់ តឹមឞានមាអ៝ន់ទូមល៝ម់ក៝នឆ៝មពោងមាមៃ។ ជេសរីម៝សនទើមៃឞ្វៃមោអ៝ន់ឞូជានតានែសនតូអ្យា កោរាញឞ្រាសអីគុតាកាលើត្រោកអុចកើតនអៃ។ ម៝សនទើមៃមោឞ្វៃមាឞូជានតានែសនតូអ្យា កោរាញឞ្រាសអីគុតាកាលើត្រោកអុចកើតនអៃដ៝ង់”។*១៦:១៩៖ មថ ១៨:១៨; យហ ២០:២៣ 20 ជេសរីពាង់ឞ្វៃហោងាន់មពោលអ៝សម៝នពាង់ លើយមឞើសងក៝ចអ៝ន់ឞូគឹតអោសពាង់ឞ្រាសក្រីស អីនើមរាក្លាយ្សតាៈឞើសកោរាញឞ្រាសទែញជ្វាល់។*១៦:២០៖ មក ៧:៣៦
21 នតើមឞើសនោកនៃ ឞ្រាសយេឆូ នតើមមឞើសងក៝ចអ៝ន់មាមពោលអ៝សម៝នពាង់គឹតលាស អ្យាត់មាពាង់ហាន់តាប៝នក្វ៝ង់យេរូឆាលឹម នហ៝មាតាប៝ននៃពាង់គែសនាវជេរជ៝ត់ទុតហោងាន់តាៈឞើសមពោលឞូរាញ មពោលកោរាញជានឞ្រាស នទ្រែលមាផូងនើមនតីនាវវៃផូងអីឆ្រាអែល នហ៝មាងខឹតលើយអោឞាល់ យើនមាត៝ត់ពែនារពាង់ទ៝ក់រេសដ៝ង់។*១៦:២១៖ មថ ១៧:២២-២៣; ២០:១៨-១៩ 22 ជេសរីពេត្រោស ជាៈឞ្រាសយេឆូ ហាន់នតុកអេងបាសមាឞូ គៃមាលាសពាង់៖ “អើកោរាញ អ៝ន់កោរាញឞ្រាសឞ្វៃនាវអីនៃ លើយអោសអ៝ន់នាវអីនៃត៝ត់មាមៃ”។*១៦:២២-២៣៖ ១កោ ១:២៣; ១ពេ ២:៨ 23 យើនមាឞ្រាសយេឆូ ងគឹលជឹតពេត្រោស ជេសរីលាស៖ “ហើយឆាតាង់ *១៦:២៣៖ ឆាតាង់ អីកោរាញមពោលឞ្រាសអ្យើស។ មៃទូងាយឞើសគ៝ប់ហ៝ម់ មៃអុចងកីងលើយត្រ៝ងគ៝ប់។ នាវមឹនមៃមោអោសទីដាសនាវមឹនកោរាញឞ្រាស នាវមឹននៃតាៈឞើសឞូនុយ្សទើម”។ 24 ជេសរីឞ្រាសយេឆូ លាសមាមពោលអ៝សម៝នពាង់៖ “ឞូម៝សពាង់អីអុចតឹងគ៝ប់ អ៝ន់មអារ់លើយនទើឆាក់ពាង់នើមអុច ជេសរីតូយឆីតឹមរាកាង់†១៦:២៤៖ ផូង រោម ងខឹតឞូតាឆីតឹមរាកាង់ ឞូនុយ្សអីខាន់ពាង់ងខឹតពាង់ដាៈតូយឆីតឹមរាកាង់ឞើសនតុកផាតទោយ្សត៝ត់តានតុកពាង់ងខឹត។ពាង់នើម ឞ៝លលាសត៝ត់ខឹតឆាក់កាដោយ រីមើពាង់តឹងគ៝ប់ងាន់”។*១៦:២៤៖ ១ពេ ២:២១
25 “យ៝រលាសឞូម៝សអីអុចព្រាប់មានាវរេសពាង់នើម ពាង់អីនៃមោអោសគែសនាវរេសនហ៝រ៝ យើនមាឞូម៝សខឹតយ៝រមាតឹងគ៝ប់ ពាង់អីនៃមរាគែសនាវរេសនហ៝រ៝ងាន់។*១៦:២៥៖ នតម ១២:១១ 26 លាសទូហ្វេឞូនុយ្សពាង់ជ៝យគែសទឹងលែៈនែសនតូអ្យាជេងទ្រាប់នទើពាង់នើមទាទេ តីសមាឆាក់ពាង់នើមខឹតរ៝សហេង មោអោសគែសនាវរេសនហ៝រ៝ នទ្រីម៝សគែសនាវខ្លៃមាពាង់? មោលាសឞូនុយ្សអើមទើយឆ៝ៈទ្រាប់នទើរាគ៝ល់មានាវរេសពាង់នើមនហ៝រ៝ដ៝ង់ឞើស?*១៦:២៦៖ លក ១២:១៦-២១ 27 នោកគ៝ប់អីក៝នឞូនុយ្សតាៈឞើសកោរាញឞ្រាសព្លឹវាច់នអ៝ប់មានាវច្រេកលើបឞឹគ៝ប់នើម នទ្រែលមាផូងតោងពារ់គ៝ប់គ៝ប់ញអោតនទើងខោម មោលាសតេៈទោយ្សតឹងនាវជានការទូហ្វេទូហ្វេឆាក់។*១៦:២៧៖ យហ ៥:២៩; រម ២:៦; នតម ២២:១២ 28 គ៝ប់លាសនហេលនានេៈងាន់មាខាន់អៃមៃ ឞូនុយ្សអាបាៈអីគុតាអ្យាមោខឹតអោសអេល៝រមាឆៃគ៝ប់អីក៝នឞូនុយ្សតាៈឞើសកោរាញឞ្រាសជេងនើមម៝ត់អ្វាញ់”។*១៦:២៨៖ មថ ១០:២៣
*16:1 ១៦:១៖ យហ ៦:៣០; ១កោ ១:២២
*16:2 ១៦:២៖ តានាវងើយ គ្រែក លាស៖ «ត៝ត់ចាង់ត្រោកកេងមាង់ ខាន់មៃវៃលាសអោយតៃព្រាង់» យ៝រមាតាឞ្រី អីឆ្រាអែល ឞូវៃឆៃកើតនអា។
†16:3 ១៦:៣៖ តានាវងើយ គ្រែក លាស៖ «ត្រោកគុរអើមអោយ ខាន់មៃវៃលាសនារអ្យាមីសនអ៝ប់មាផុតរ៝» យ៝រមាតាឞ្រី អីឆ្រាអែល ឞូវៃឆៃកើតនអា។
‡16:3 ១៦:៣៖ ឆ៝ម់បុតអើមញចីសមាតីអាបាៈគែសនត៝បលាស៖ «ហើយឞូនុយ្សនូយ្សនហ៝ម់នទ៝ប់មពោន»។
*16:4 ១៦:៤៖ មថ ១២:៣៩-៤១; យោន ២:១
*16:8 ១៦:៨៖ មថ ៨:២៦
*16:9 ១៦:៩៖ មថ ១៤:២០
*16:10 ១៦:១០៖ មថ ១៥:៣៧-៣៨
*16:14 ១៦:១៤៖ មថ ១៤:២; ១៧:១០-១៣; ២១:១១
*16:16 ១៦:១៦៖ មក ១៥:៣៩
*16:17 ១៦:១៧៖ មថ ១១:២៧; ១កោ ២:១០
§16:18 ១៦:១៨៖ មោលាស «កោរាញមពោលឞ្រាសអ្យើសមោអោសទើយដាសខាន់ពាង់អីនៃ»។
*16:18 ១៦:១៨៖ អេផ ២:២០
*16:19 ១៦:១៩៖ មថ ១៨:១៨; យហ ២០:២៣
*16:20 ១៦:២០៖ មក ៧:៣៦
*16:21 ១៦:២១៖ មថ ១៧:២២-២៣; ២០:១៨-១៩
*16:22 ១៦:២២-២៣៖ ១កោ ១:២៣; ១ពេ ២:៨
*16:23 ១៦:២៣៖ ឆាតាង់ អីកោរាញមពោលឞ្រាសអ្យើស។
†16:24 ១៦:២៤៖ ផូង រោម ងខឹតឞូតាឆីតឹមរាកាង់ ឞូនុយ្សអីខាន់ពាង់ងខឹតពាង់ដាៈតូយឆីតឹមរាកាង់ឞើសនតុកផាតទោយ្សត៝ត់តានតុកពាង់ងខឹត។
*16:24 ១៦:២៤៖ ១ពេ ២:២១
*16:25 ១៦:២៥៖ នតម ១២:១១
*16:26 ១៦:២៦៖ លក ១២:១៦-២១
*16:27 ១៦:២៧៖ យហ ៥:២៩; រម ២:៦; នតម ២២:១២
*16:28 ១៦:២៨៖ មថ ១០:២៣