នាវកោរាញឞ្រាសងើយនាវតឹមរាង្លាប់មហែ មាថាយ 28

ឞ្រាសយេឆូ ទ៝ក់រេស

(មក ១៦:១-៨; លក ២៤:១-១២; យហ ២០:១-២០)

1 ជេសនារឆាបាត់ អីនាររាលូផូងអីឆ្រាអែល អើមអោយនារង្វាយ*តាពើសអីនៃ មារី ឞើសប៝នមាដាលា នទ្រែលមាមារី អីទូហ្វេអេងជឹត ខាន់ពាង់លែវឞាល់ហាន់អាមោច។ 2 នោកនៃទោមាគែសងគារ់នែសទុតហោ យ៝រលាសគែសតោងពារ់កោរាញឞ្រាសជុរតាៈឞើសត្រោកអីនតុកកោរាញឞ្រាសនើម ងក្លឹលើយលុឞើសឞ៝រ់មោចនៃ ជេសរីគុរាគើបតាកាលើលុអីនៃដ៝ង់។ 3 អ្វាញ់ពាង់រីលតឹមឞានមាលើបងលាយ្ស ឞ៝កអាវពាង់ងលាងតឹមឞានមាមលី។* 4 ផូងតាហែនអីគុញជ្រាង់មោចតានៃក្លាចញឆ៝រ់ហោងាន់ នហ៝មាចោតខឹតយើស។ 5 យើនមាតោងពារ់លាសមាមពោលឞូអូរអីរី៖ “ខាន់អៃលើយក្លាចអោស! គ៝ប់លែៈគឹតជេសខាន់អៃហាន់ជ៝យឞ្រាសយេឆូ អីឞូងខឹតតាឆីតឹមរាកាង់នើស។ 6 ពាង់មោហោមអោសតាអ្យា យ៝រលាសកោរាញឞ្រាសរាទ៝ក់អ៝ន់ទ៝ក់រេសតៃ កើតនាវពាង់លែៈងក៝ចនើស។ ហាន់អ្វាញ់ហ៝ម់តានតុកឞូញជ៝រពាង់‌* 7 ជេសរីហាន់គើញអាមពោលអ៝សម៝នពាង់រី មឞើសអ៝ន់ខាន់ពាង់គឹតកោរាញឞ្រាសលែៈរាទ៝ក់ពាង់អ៝ន់ទ៝ក់រេស អាបៃអ្យាពាង់ហាន់ល៝រខាន់អៃមៃតាឞ្រីកាលីលេ រី។ តានតុកនៃខាន់អៃមៃឆៃពាង់។ នទ្រីនាវគ៝ប់មឞើសមាខាន់អៃយឹ!”* 8 ជេសរីខាន់ពាង់ហាន់រ៝តាៈឞើសមោចនៃនអ៝ប់មាគែសនាវក្លាចគែសនាវរាម់ហោងាន់ ខាន់ពាង់ញច្វាត់មឞើសងក៝ចនាវមហែមហានអីនៃមាមពោលអ៝សម៝នឞ្រាសយេឆូ ។ 9 ទោមាឞ្រាសយេឆូ ហាន់ម៝ប់ខាន់ពាង់អោបខាន់ពាង់៖ “អ្វែសលាង់ខាន់អៃ!” ជេសរីខាន់ពាង់រានទាច់ឞ្រាសយេឆូ ពាន់តានែសក្វាន់តាជ៝ង់ឞ្រាសយេឆូ រី យើកមឞាសពាង់។ 10 ឞ្រាសយេឆូ លាសមាខាន់ពាង់៖ “លើយក្លាចអោស! ខាន់អៃហាន់មឞើសងក៝ចមាមពោលអ៝សនោគ៝ប់ អ៝ន់ខាន់ពាង់ហាន់តាឞ្រីកាលីលេ រី តានតុកនៃខាន់ពាង់ឆៃគ៝ប់”។*

11 ទោលផូងឞូអូរនៃហាន់រ៝ៈត្រ៝ង គែសផូងតាហែនអីញជ្រាង់មោចនៃនើសអាបាៈលាប់តាប៝ន មឞើសងក៝ចទឹងលែៈនាវគែសអីនៃនើសអ៝ន់មាមពោលកោរាញជានឞ្រាស។ 12 មពោលកោរាញជានឞ្រាស តឹមម៝ប់តឹមញច្រាៈដាសមពោលកោរាញផូងអីឆ្រាអែល ខាន់ពាង់តឹមទីទូនតោរនាវអ៝ន់ព្រាក់អ៝ក់ងាន់មាផូងតាហែន‌* 13 នហ៝មានតុមខាន់ពាង់កើតនអា៖ “អ៝ន់ខាន់មៃលាស៖ «នទុតហេនហាក់ឞិចគែសមពោលអ៝សម៝នពាង់ហាន់អាមាង់ឆ៝ៈនតុងឆាក់ពាង់»។ 14 លាសកោរាញក្វ៝ង់ពីលាត គឹតនាវអ្យា ហេនមរាមឞើសមាពាង់។ ខាន់មៃមោច្រាវអោសគែសទោយ្ស”។ 15 ជេសរីខាន់ពាង់ឆ៝ៈទើនព្រាក់អីនៃ ជានកើតនាវឞូដាៈមាខាន់ពាង់។ នាវអីនៃគឹតលឺលាមផូងអីឆ្រាអែល នហ៝មាត៝ត់នារអ្យា។

ឞ្រាសយេឆូ ញហើឆាក់ពាង់នើមអ៝ន់មពោលអ៝សម៝នឆៃ

(មក ១៦:១៤-១៨; លក ២៤:៣៦-៤៩; យហ ២០:១៩-២៣; ការ ១:៦-៨)

16 ជេសរី ១១ នុយ្សមពោលកោរាញអ៝សម៝នហាន់តាឞ្រីកាលីលេ ត៝ត់តាយោកនតុកឞ្រាសយេឆូ លែៈមឞើសមាខាន់ពាង់។* 17 ត៝ត់ខាន់ពាង់ឆៃឞ្រាសយេឆូ ខាន់ពាង់យើកមឞាសមាពាង់ យើនមាគែសឞូនុយ្សអាបាៈហោមអែវិវែៈមាពាង់។ 18 ឞ្រាសយេឆូ ហាន់តាខាន់ពាង់ ជេសរីលាសមាខាន់ពាង់៖ “លែៈនាវទើយតាត្រោក នអ៝ប់មាតានែសនតូលែៈឞឹអ៝ន់ជេសមាគ៝ប់ទាទេ។* 19 លាសនទ្រីហាន់ហ៝ម់អាប់នទុលមពោលឞូនុយ្សតានែសនតូអ្យា ញជេងខាន់ពាង់ជេងអ៝សម៝នគ៝ប់ ជេសរីជានបាប់តែមយុកខាន់ពាង់មាទាក តារាញាឞឹ តារាញាគ៝ប់អីក៝នពាង់ នទ្រែលមាតារាញាឞ្រាសហ្វេងអ្វែសអីក្ល៝សអ្វែស។* 20 ជេសរីនតុមនតីអ៝ន់ខាន់ពាង់អ្យាត់ទឹងលែៈនាវគ៝ប់លែៈដាៈមាខាន់មៃនើស។ អ៝ន់ហោមកាសគឹតនឹង៖ គ៝ប់ហោមអែគុនឹងនទ្រែលខាន់មៃនហ៝មាត៝ត់នារលោចនែសនតូអ្យា”†៕*៚

*28:1 ២៨:១៖ នារត៝ល់ង្វាយផូង អីឆ្រាអែល ជេងនារពើសឞ៝ន់អាបៃរី។

*28:3 ២៨:៣៖ ដាន ១០:៥-៦; ការ ១:១០

*28:6 ២៨:៦៖ មថ ១៦:២១; ១៧:២៣; ២០:១៩

*28:7 ២៨:៧៖ មថ ២៦:៣២

*28:10 ២៨:១០៖ ហេឞ ២:១១

*28:12 ២៨:១២-១៣៖ មថ ២៧:៦៤

*28:16 ២៨:១៦៖ មថ ២៦:៣២

*28:18 ២៨:១៨៖ ដាន ៧:១៣-១៤; អេផ ១:២២; ផល ២:៩-១១

*28:19 ២៨:១៩៖ ការ ១:៨; ២:៣៨; ៨:៣៦; ២កោ ៥:២០

†28:20 ២៨:២០៖ គែសឆ៝ម់បុតអើមអាបាៈអីញចីសមាតីគែសនត៝បលាស «អើអ៝ន់គែសកើតនៃងាន់រ៝» មោលាស « អាមែន »។

*28:20 ២៨:២០៖ មថ ១៨:២០; យហ ១៤:២៣