នាវកោរាញឞ្រាសងើយតានាវងើយឞូន៝ង ផីលីប ៤

៤

១ អើអ៝សនោតានាវញឆីង គ៝ប់រ៝ង់មាខាន់អៃមៃ គ៝ប់ក្ល៝ង់ខាន់អៃមៃ។ ខាន់អៃមៃជានអ៝ន់គ៝ប់រាម់មអាក ខាន់អៃមៃតឹមឞានមានទើងខោមទុតខ្លៃមានាវជានការ*គ៝ប់។ អើអ៝សនោអីគ៝ប់រ៝ង់ អ៝ន់ខាន់អៃមៃហោមគុន៝ប់នទ្រែលកោរាញយេឆូ ជឹតទោ!*

នាវងកាសអេងៗ

២ អើយោសអើរូដៀ នទ្រែលមាយោសឆុនទិច គ៝ប់ទាន់មាខាន់អៃហោងាន់អ៝ន់គែសនាវមឹនទូនតោរនាវហ៝ៈ លើយហោមតឹមរាលាច់ឞាល់ យ៝រមាឞារហៃខាន់អៃញឆីងមាកោរាញយេឆូ តឹមឞាន។* ៣ អើនោអីមឹតជាង់រាប់ជាប់គ៝ប់ គ៝ប់ទាន់មៃកើលយោសឞារហៃនៃបាៈ យ៝រលាសខាន់ពាង់លែៈមឞើសងក៝ចនាវមហែមហានអ្វែសនទ្រែលមាគ៝ប់ ឞ៝លលាសឞូជានជេរមាហេនកាដោយ។ ឞារហៃខាន់ពាង់នៃគែសជានការកើតនៃ នទ្រែលនោក្លេមេន នអ៝ប់មាឞូនុយ្សអាបាៈអេងជឹត។ រាញាខាន់ពាង់លែៈកោរាញឞ្រាសញចីសជេសតាឆ៝ម់បុតនាវរេសអីគែសញចីសឆាក់ទឹងលែៈឞូនុយ្សអីគែសនាវរេសនហ៝រ៝ដ៝ង់។*

៤ អើអ៝សនោតានាវញឆីង អ៝ន់ខាន់អៃមៃគែសនូយ្សនហ៝ម់រាម់មអាកនឹងយ៝រមាខាន់អៃមៃគុនទ្រែលកោរាញយេឆូ ។ គ៝ប់ទាន់មឞើសតៃទូតឹជឹត៖ អ៝ន់រាម់មអាកហ៝ម់!* ៥ អ៝ន់ទឹងលែៈឞូនុយ្សគឹតនាល់នូយ្សនហ៝ម់មលែសខាន់អៃមៃ។ នារឞ្រាសយេឆូ វាច់តៃឞើយត៝ត់ជេស។* ៦ លើយអោសមឹនរាវៃមាទូនតីលនទើ យើនមាទឹងលែៈនទើ អ៝ន់ខាន់អៃមៃមឞើសឆើមទាន់កោរាញឞ្រាស។ មឞើសឆើមទាន់មាពាង់ នអ៝ប់មាលាសអ្វែសពាង់ដ៝ង់។* ៧ ជានកើតនៃ នាវដាប់មពាន់កោរាញឞ្រាសអីរាលាវឞើសនាវគឹតមឹនឞូនុយ្សមរាគុតានូយ្សនហ៝ម់នាវមឹនខាន់អៃមៃ ញជ្រាង់ខាន់អៃមៃគៃមាមោគែសនាវក្លាចនាវរាវៃ យ៝រមាខាន់អៃមៃគុនទ្រែលឞ្រាសក្រីសយេឆូ ។* ៨ លាសនទ្រីអេល៝រមាលោច អើអ៝សនោតានាវញឆីង អ៝ន់ខាន់អៃមៃគឹតមឹនមាម៝សនទើអីនាវងាន់ ម៝សនទើអីនាវឆ៝ង់ ម៝សនទើអីទីមាយើក ម៝សនទើអីក្ល៝ស ម៝សនទើអីទីមារាម់មអាក ម៝សនទើអីលែៈតឹមទីកែស ម៝សនទើអីទុតអ្វែស ម៝សនទើអីទីមារានេហ៝ៈ។ ៩ ជេសរីម៝សនាវអីខាន់អៃមៃលែៈជេសនតី លែៈជេសឆ៝ៈទើន លែៈជេសតាង់ នទ្រែលមាលែៈជេសឆៃគ៝ប់ជាន អ៝ន់ខាន់អៃមៃហោមជានតឹងកើតអីនៃទោ។ លាសខាន់អៃមៃជានកើតនៃ កោរាញឞ្រាសអីតើមនាវដាប់មពាន់គុនទ្រែលតាខាន់អៃមៃរ៝។*

ពោល លាសអ្វែសផូងញឆីងតាប៝នផីលីប

១០ អាបៃអ្យាគ៝ប់រាម់មអាកហោងាន់លាសអ្វែសមាកោរាញឞ្រាស យ៝រមាគឹតខាន់អៃមៃលែៈមឹនងក្ល៝ន់តៃមាកើលគ៝ប់ទូតឹជឹត។ លែៈជ៝ៈជេសខាន់អៃមៃលែៈកើលគ៝ប់។ ខាន់អៃមៃលែៈមឹនងក្ល៝ន់មាគ៝ប់នឹង យើនមាមោគែសត្រ៝ងមាកើលគ៝ប់។* ១១ គ៝ប់មោគែសពាសព៝ត់ទឹងគ៝ប់ងើយកើតនទ្រី នូយ្សនហ៝ម់គ៝ប់ដាប់មពាន់នឹងមានទើអីគ៝ប់លែៈគែស ឞ៝លលាសគែសអ៝ក់កាដោយ ពាសព៝ត់កាដោយ។* ១២ គែសដ៝ង់គ៝ប់គែសដេៈទើម គែសដ៝ង់គ៝ប់គែសអ៝ក់រាមែស។ គ៝ប់លែៈនតុមនតីជេសអ៝ន់គែសនូយ្សនហ៝ម់ដាប់មពាន់នឹងមាអាប់នតីលនាវ មាទឹងលែៈនតីលនទើ ឞ៝លលាសឆោងឆាហើម ឞ៝លលាសជីង៝ត ឞ៝លលាសគែសរាមែស ឞ៝លលាសមោត៝ង់។ ១៣ ម៝សនទើគែសមាគ៝ប់កាដោយមោច្រាវអោសគ៝ប់ទើយទាទេ យ៝រមាឞ្រាសក្រីស អ៝ន់នហ៝ម់ឆ្វានមាគ៝ប់។* ១៤ យើនមាហោមអ្វែសងាន់ខាន់អៃមៃកើលគ៝ប់តានាវជេរជ៝ត់អ្យា។*

១៥ អើអ៝សនោតានាវញឆីងគុតាប៝នផីលីប ឞ្រីមាឆេដោន ខាន់អៃមៃនើមលែៈគឹតជេសនោកគ៝ប់មហែមឞើសងក៝ចនាវមហែមហានអ្វែសអ៝ន់មាខាន់អៃមៃនើស ជេសគ៝ប់លែៈលោសឞើសឞ្រីមាឆេដោន នើស ផូងញឆីងតាប៝នអាបាៈអេងមោអោសគែសកើលគ៝ប់។ គែសខាន់អៃមៃទើមកើលគ៝ប់មាព្រាក់រៀល ១៦ នោកគ៝ប់ហោមគុតាប៝នតេឆាលោនិក នើស ខាន់អៃមៃលែៈកើលព្រាក់រៀលអ៝ន់មាគ៝ប់ឞារពែតឹដ៝ង់។ ១៧ មោទីអោសគ៝ប់អុចគែសនទើតាៈឞើសខាន់អៃមៃ យើនមាគ៝ប់អុចអ៝ន់ខាន់អៃមៃគែសឆ៝ៈទើននាវងខោមតាៈឞើសកោរាញឞ្រាសលើមាអ៝ក់ យ៝រមាខាន់អៃមៃកើលគ៝ប់។ ១៨ គ៝ប់លែៈឆ៝ៈទើននទើអ៝ក់ងាន់ឞើសខាន់អៃមៃ គែសអ៝ក់រាមែស អាបៃអ្យាគ៝ប់គែសអ៝ក់ងាន់ យ៝រមាលែៈគែសឆ៝ៈទើនជេសនទើខាន់អៃមៃញជ្វាល់តានោអេពាព្រោដីត អ៝ន់មាគ៝ប់នើស។ នទើអីនៃតឹមឞានមានទើញហើរ†អីអ៝ន់កោរាញឞ្រាសរាម់មអាក តឹមឞានមានទើជានឞ្រាសអីកោរាញឞ្រាសអុចឆ៝ៈទើនងាន់ នទ្រែលមាទីនូយ្សនហ៝ម់ពាង់ដ៝ង់។* ១៩ កោរាញឞ្រាសអីគ៝ប់យើកមឞាស ពាង់គែសនាវច្រេកលើប ទ្រាប់នទើពាង់មោឞ្លាវលែៈ។ នទ្រីពាង់អ៝ន់ទឹងលែៈនទើមាខាន់អៃមៃ ម៝សនទើអីខាន់អៃមៃអុច អីខាន់អៃមៃមោត៝ង់ យ៝រមាខាន់អៃមៃគុនទ្រែលឞ្រាសក្រីសយេឆូ ។ ២០ អ៝ន់រានេកោរាញឞ្រាសអីឞឹឞ៝ន់អីហោមបាបើនហ៝រ៝។ អើអ៝ន់គែសកើតនៃងាន់រ៝‡!

នាវនតិញងគ្លែៈទុត

២១ ទាន់ឆើមអោបនាវអ្វែសលាង់ទឹងលែៈផូងញឆីងអីគុនទ្រែលឞ្រាសក្រីសយេឆូ ។ អ៝សនោអីគុនទ្រែលគ៝ប់ ខាន់ពាង់អោបនាវអ្វែសលាង់ខាន់អៃមៃដ៝ង់។ ២២ ទឹងលែៈផូងប៝នលានកោរាញឞ្រាសអីគុតានតុកអ្យាអោបអ្វែសលាង់ខាន់អៃមៃ រាលាវឞើសនៃជឹតផូងញឆីងអីគុជានការមាកោរាញកាដាច់ឆេឆារ § ខាន់ពាង់អោបនាវអ្វែសលាង់ខាន់អៃមៃដ៝ង់។ ២៣ ទាន់នាវអ្វែសកោរាញយេឆូក្រីស គុតានូយ្សនហ៝ម់ទឹងលែៈខាន់អៃមៃ!៚

*៤:១ ៤:១៖ «តឹមឞានមានទើងខោមទុតខ្លៃមានាវជានការ» មោលាស «មោកកាដាច់»។

*៤:១ ៤:១៖ ១តេ ២:២០

*៤:២ ៤:២៖ ផល ២:២; រម ១២:១៦

*៤:៣ ៤:៣៖ នតម ១៣:៨

*៤:៤ ៤:៤៖ ផល ២:១៨; ៣:១

*៤:៥ ៤:៥៖ មថ ២៤:៤៤; រម ១៣:១១-១២; ១តេ ៥:២; ហេឞ ១០:២៥; នតម ២២:២០

*៤:៦ ៤:៦៖ មថ ៦:២៥-៣៤; ១ពេ ៥:៧

*៤:៧ ៤:៧៖ យហ ១៤:២៧; កោល ៣:១៥

*៤:៩ ៤:៩៖ កាល ១:៨-៩; ១កោ ១១:១

*៤:១០ ៤:១០៖ ផល ២:២៥

*៤:១១ ៤:១១-១២៖ ២កោ ៦:១០; ១តម ៦:៦-៨

*៤:១៣ ៤:១៣៖ អេផ ៣:១៦

*៤:១៤ ៤:១៤-១៦៖ ២កោ ១១:៩

†៤:១៨ ៤:១៨៖ តានាវងើយគ្រែក លាស៖ «ញហើរនហោលបោកាស»។

*៤:១៨ ៤:១៨៖ ផល ២:២៥

‡៤:២០ ៤:២០៖ «អើអ៝ន់គែសកើតនៃងាន់រ៝» មោលាស «អាមែន »។

§៤:២២ ៤:២២៖ «ឆេឆារ » គែសនាវខ្លៃលាស៖ «កោរាញកាដាច់» តានាវងើយលាតាង់ ជេងនាវងើយផូងរោម ។