1 Isarel imthung hateh Reuben, Simeon, Levih, Judah, Issakhar hoi Zebulun, 2 Dan, Joseph, Benjamin, Naphtali, Gad hoi Asher.

3 Judah casaknaw teh: Er, Onan hoi Shelah. Hate kathum touh teh Kanaan napui Bathshua hoi a sak e naw doeh. Er teh Judah e camin lah ao ei, BAWIPA mithmu vah tamikathout lah ao dawkvah a due sak. 4 A langa Tamar ni hai ahni hanlah Perez hoi Zerah a khe pouh dawkvah, Judah casak heh abuemlah panga touh a pha awh. 5 Perez casaknaw teh: Khetsron hoi Hamul. 6 Zerah casaknaw teh: Zimri, Ethan, Heman, Khalkol hoi Dara hoi abuemlah panga touh a pha awh. 7  Josh 7. 1Karmi casak teh Akhar doeh. Isarelnaw runae ka poe e, thoebo e ka parawt e Akhan doeh. 8 Ethan casak Azariah. 9 Khetsron casak Jerahmeel ni ahni hanlah Ram hoi Khelubai a sak pouh. 10 Ram ni Amminadab a sak. Amminadab ni Judah casak khobawi Nahshon a sak. 11 Nahshon ni Salma hah a sak teh Salma ni Boaz hah a sak. 12 Boaz ni Obed a sak teh Obed ni Jesi a sak. 13 Jesi ni a camin Eliab a sak. Apâhni lah Abinadab, apâthum lah Shimea, 14 apali nah Nethanel, apanga nah Raddai, 15 ataruk nah Ozem, asari nah Devit a sak. 16 A tawncanu hai ao teh Zeruiah hoi Abigail heh a tawncanu doeh. Zeruiah casak Abishai, Joab, Asahel hoi kathum touh a pha awh. 17 Abigail ni Amasa a sak. Amasa na pa teh Ishmael Jether doeh. 18 Khetsron capa Kaleb ni a yu Azubah hoi Jerioth koehoi ca a sak. Ahnie canaw teh: Jesher, Shobab hoi Ardon. 19 Azubah a due hoi Kaleb ni Epharath hah ama koe a la teh ahni hanlah Hur a sak pouh. 20 Hur ni Uri hah a sak teh Uri ni Bezalel a sak. 21 Hahoi Khetsron ni Gilead tami Makhir canu a ikhai teh, Khetsron hah a la teh kum 60 a pha toteh, Khetsron hanlah Segub a sak pouh. 22 Segub ni Jair a sak teh Gilead ram e khopui 23 touh hah ahnie lah ao. 23 Hatei, Geshur, Aram khocanaw hoi Jair, hotnaw thung hoi Kenath hoi a khotenaw, khopui 60 touh a la sin. Hotnaw pueng teh Gilead na pa Makhir casaknaw e doeh. 24 Hahoi Khetsron teh Kalebephratha kho dawk a due. Khetsron yu Abijah ni ahni hanlah Tekoa na pa Ashhur a sak pouh. 25 Khetsron e camin Jerahmeel casaknaw a camin Ram hoi Bunah, Oren hoi Ozem hoi Ahijah naw doeh. 26 Jerahmeel teh a yu bout a la teh, a min teh Onam manu Atarah doeh. 27 Jerahmeel camin Ram casaknaw teh Maaz, Jamin hoi Eker naw doeh. 28 Onam casak teh Shammai hoi Jada lah ao teh Shammai casak teh Nadab hoi Abishur lah ao. 29 Abishur e yu min teh Abihail doeh, ahni ni Ahban hoi Molid a sak pouh. 30 Nadab casak teh Seled hoi Appaimnaw doeh, Seled teh ca sak laipalah a due. 31 Appaim casak teh Ishi, Ishi casak teh Sheshan, Sheshan casak teh Ahlai. 32 Shammai e nawngha Jada casak teh Jether hoi Jonathan lah a o, Jether teh ca sak laipalah a due. 33 Jonathan casak teh Peleth, Zaza. Hetnaw teh, Jerahmeel casak lah ao awh. 34 Sheshan teh ca tongpa awm hoeh, napuinaw dueng doeh kaawm. Sheshan koevah, Izip san, a min lah Jarha ao. 35 Sheshan ni a canu teh a san Jarha koevah a yu lah a poe dawkvah ahni hanlah Attai a sak pouh. 36 Attai ni Nathan a sak teh Nathan ni Zabad a sak. 37 Zabad ni Ephlal a sak teh Ephlal ni Obed a sak. 38 Obed ni Jehu a sak teh Jehu ni Azariah a sak. 39 Azariah ni Helez a sak teh Helez ni Eleasah a sak. 40 Eleasah ni Sismai a sak teh Sismai ni Shallum a sak. 41 Shallum ni Jekamiah a sak teh Jekamiah ni Elishama a sak. 42 Jerahmeel nawngha Kaleb casak Ziph na pa Mesha hah a camin teh Mareshah casak Hebron na pa lah ao. 43 Hebron casak teh Korah, Tappuah, Rekem hoi Shema doeh. 44 Shema ni Jorkeam na pa Raham a sak teh Rekem ni Shammai a sak. 45 Shammai casak Moan doeh, Maon teh Bethzur na pa doeh. 46 Kaleb e ado Ephah ni Haran, Moza hoi Gazez a sak. Haran ni Gazez a sak. 47 Jahdai casak teh Regem, Jotham, Geshan, Pelet, Ephah hoi Shaaph doeh. 48 Kaleb e ado Maakah ni Sheber hoi Tirhannah a sak. 49 Madmannah na pa Shaaph, Makhbena na pa Sheva hoi Gibea na pa hai a sak. Aksah heh Kaleb canu doeh. 50 Hetnaw heh Kaleb casak lah ao awh. Hur casak a camin lah Epharath lah ao teh, Kiriathjearim na pa Shobal. 51 Bethlehem na pa Salma, Bethgader na pa Hareph hai ao. 52 Kiriathjearim na pa Shobal casak thung hoi Manahati tangawn, Haroehnaw hai ao rah. 53 Kiriathjearim casak dawkvah Ithrite hoi Puthit, Shumati, Mishraitinaw ao awh teh, hetnaw koehoi Zorath hoi Eshtaol lah a tâco. 54 Salma casak Bethlehem, Netophah, Atrothbethjoab hoi Manahati tangawn Zorithnaw hah doeh. 55 Cakathutkungnaw casak lah kaawm e teh Jabez, Tirathites, Shimeathi hoi Shukathi doeh. Hetnaw heh Rekhab imthung e a na pa Khammath koehoi ka tâcawt e Keninaw doeh.