2
Raha taina mana
1 Phahi náaza nchiamba, “Godzera nidziinjize kpwenye raha, nidzifurahishe.” Ela hata vivyo gaga piya tagana fwaida. 2 Nchimanya kukala chitseko na kudziburudisha tavifwaha chitu. 3 Náririkana na nchiendza njira ya kudzichangamsha mwiri kpwa kunwa uchi na kuhenda mambo ga chizuzu (kuno nchere na ikima). Kala nalonda nimanye ni chitu chani chinono ambacho anadamu anaweza kuhenda, wakati anaenderera kuishi maisha gao mafupi phapha duniani. 4 2:4 1 Afalume 10:23–27; 2 Nyakati 9:22–27Náhenda mambo makulu: nádzidzengera nyumba na nchirima minda ya mizabibu. 5 Nádzitengezera bustani na nchirima minda, nami nchiiphanda mihi ya matunda ga chila aina. 6 Nchidzitengezera mitsara ya madzi ga kumwagira mihi mitsanga. 7 2:7 1 Afalume 4:23Nágula atumwa alume na achetu, nchikala na atumwa ariovyalwa mwangu nyumbani, tsona nchikala na vyaa vinji vya mifugo kuriko osi arionitanguliya kuishi Jerusalemu. 8 2:8 1 Afalume 10:10,14Chisha nádzikusanyira feza na zahabu na hazina kula kpwenye falume nyinji na kula kpwenye majimbo manji. Nami nchidziphahira aimbadzi alume na achetu na nchidzistarehesha na anachetu anji dza mlume yeyesi aazavyo.
9 2:9 1 Nyakati 29:25Phahi nákala mkpwulu kutsupa osi arioishi kabila yangu ko Jerusalemu. Kahi ya gosi gaga náenderera kukala na ikima.
10 Siyadzilafya chitu chochosi nrichochiaza.
Siyadzizuwiya starehe yoyosi,
na moyo wangu uchifwahirwa ni mambo nrigogahenda
na gaga gachikala zawadi yangu.
11 Chisha nchilola gosi nrigohenda na mikono yangu
na vyo nirivyokala na chadi kugahenda.
Nami nchimanya kukala gosi tagana mana, sawa na kuzoresa phepho,
chitu sichokala na fwaida phapha tsini ya dzuwa.
Ikima na raha
ihewa ahamiraye Mlungu
ihewa ahamiraye Mlungu
12 Phahi náandza kuaza mana ya kukala na ikima,
kukala na koma na uzuzu.
Mfalume anaweza kuhenda chitu chani,
isiphokala go garigohendwa ni afalume ariotanguliya.
13 Ndipho nriphomanya kukala ikima ni nono kuriko uzuzu
dza mwanga urivyo mnono kuriko jiza.
14 Mwenye ikima anaona aphiyako,
wakati mzuzu ananyendeka jizani.
Ela namanya kukala
mwisho wa osi airi ni mmwenga.
15 Chisha náchigomba chimoyo-moyo nchiamba,
“Ndigophaha mzuzu, piya mimi gandaniphaha.
Kpwa utu wani phahi nkakala na ikima nyinji?”
Ndipho nchidziambira kukala
gaga gosi piya ganasinya.
16 Mana atu osi andafwa, enye ikima na azuzu
nao taandatambukirwa,
kpwa sababu siku zedzazo osi andakala akayalwa.
17 Kpwa hivyo nchisinywa ni maisha, mana gosi gahendekago tsini ya dzuwa ganareha tabu kpwangu. Shuuli nyinji tazina mana yoyosi, ni sawa na kuzoresa phepho.
Chadi tachina mana
18 Názira gosi nrigogatuluzira jasho phapha tsini ya dzuwa, kuona kukala ndamrichira urisi ye ndiyekpwedzatawala bada yangu. 19 Na ni ani amanyaye kukala iye andakala mwenye ikima au mzuzu? Ela iye, ndiye ndiyemiliki vyosi nrivyoviphaha kpwa chadi changu na ikima yangu phapha tsini ya dzuwa. Cho chadi changu china mana yani? 20 Phahi nriphoaza kuhusu zo kazi zozihenda kpwa chadi phapha tsini ya dzuwa, návundzika moyo, 21 mana mutu ariyehenda kazi kpwa ikima na marifwa na kpwa ustadi, ni ariche vitu vyosi vifurahishe mutu wanjina ambaye kayavituluzira jasho. Gaga nago ganasinya, na ni mai sana. 22 Mutu anaphaha fwaida yani kula kpwa kazize zosi ahendazo kpwa chadi phapha tsini ya dzuwa? 23 2:23 Ayubu 5:7; 14:1Mana sikuze zosi zikaodzala sonono, na kaziye inamtsukiza. Hata usiku achiliye taioya. Cho chadiche china mana yani?
24 2:24 Muhubiri 3:13; 5:18; 9:7; Isaya 56:12; Luka 12:19; 1 Akorintho 15:32Takuna dzambo nono zaidi kpwa mwanadamu kuriko kurya, kunwa na kudziburudisha na mapato ga kaziye. Gaga nago námanya gala mikononi mwa Mlungu. 25 Mana bila ya iye, mutu kaweza kuphaha chakurya au kudziburudisha? 26 2:26 Ayubu 32:8; Misemo 2:6Mlungu nkumupha ikima, marifwa na furaha mutu amuhamiraye. Ela kpwa mwenye dambi nkumupha kazi za kuvuna na kuika phamwenga, chisha akamupha yuyatu amuhamiraye. Gaga nago ganasinya, ni sawa na kuzoresa phepho.