3
Jesu ni mkpwulu kuriko Musa
1 Kpwa hivyo enehu atakatifu, mwimwi munaoshiriki mwiiho wa Mlungu phamwenga naswi, ririkanani Jesu ambaye ni mtume na mlavyadzi-sadaka wehu mkpwulu hunayemkubali. 2 3:2 Isabu 12:7Hiye wakala muaminifu kuhenda higo gosi kpwa Mlungu ariyemtsambula, dza Musa piya yekala muaminifu kpwa kulongoza atu osi a Nyumba ya Mlungu. 3 Ela Jesu anafwaha nguma zaidi ya Musa dza viratu fundi wa nyumba nkukala na sifwa zaidi kuriko yo nyumba yenye. 4 Mana chila nyumba ina fundiwe, ela Mlungu ndiye aumbaye vitu vyosi.
5 Musa wahenda kazi ya mtumishi muaminifu kahi za atu a Mlungu. Kaziye yenye kala ni kuonyesa gara Mlungu ndigogomba badaye. 6 Ela Jesu naye wahenda kazi ya mwana muaminifu ya kulongoza atu a Nyumba ya Mlungu. Naswi hu atu a nyumbaye ichikala hundaenderera kudzitiya moyo na kudina chilume kugbwiririra kuluphiro huriro naro.
Musiriche kukuluphira
7 3:7 Zaburi 95:7–11Phahi kama Roho Mtakatifu anavyoamba:
“Rero, unaphosikira maneno ga Mlungu,
8 msikale na mioyo mifu dza akare enu arivyokala,
ariphompinga Mlungu,
dza wakati hura ariphomujeza ko weruni.
9 Mana hiko anijeza na kunipima,
hata dzagbwe aona nrivyoahenda kpwa miaka mirongo mine.
10 Kpwa hivyo náreyezwa ni chivyazi hicho,
nchiamba, ‘Atu hano ni atu a maazo mai siku zosi,
nao taamendze kulunga njira zangu.’
11 Kpwa hivyo náreya na nchiapa,
nchiamba, ‘Hakika atu hano sindaaruhusu
ainjire phatu phangu pha kuoya.’ ”
12 Enehu, dzimanyirireni sedze hata mmwenga wenu akakala na moyo wenye maazo mai na kusakuluphira, na kpwa kuhenda hivyo, andadzitenga na Mlungu ariye moyo. 13 Ela chila mmwenga na amutiye myawe moyo chila siku hunayoyiiha “rero”*3:13 Neno Rero rinahumirwa kpwa mana ya wakati wosi ambao atu achere na nafwasi ya kumkuluphira Mlungu. ili mutu asedze akachengbwa akauya dambini, na akakala na moyo mufu kpwa Mlungu. 14 Mana hunashiriki gosi phamwenga na Jesu, ichikala hunadinisa kugbwiririra kuluphiro hurirokala naro kula mwandzo hadi mwisho. 15 3:15 Zaburi 95:7–8Kama Maandiko ganavyoamba:
“Rero, munaphosikira maneno ga Mlungu,
msikale na mioyo mifu dza akare enu arivyokala,
ariphompinga Mlungu.”
16 3:16 Isabu 14:1–35Ni ano ani nyo ariosikira na achirema maneno ga Mlungu? Ni hara ariolongozwa ni Musa kula Misiri. 17 Na dze nyo ariomreyeza Mlungu miaka mirongo mine nao? Avi ni aho ariohenda dambi hata achifwa weruni. 18 Ni ano ani ambao Mlungu waapa kukala kandaaruhusu kuinjira phatuphe pha kuoya? Ni hara ariorema kumuogopha. 19 Kpwa hivyo hunamanya atu hinyo akosa kuinjira phatu hipho kpwa sababu ya kusakuluphira kpwao.