5
Mtawala yelagbwa
kukala andala Bethilehemu
kukala andala Bethilehemu
1 Vivi kusanya majeshigo uwe mudzi uriye na majeshi manji,
mana hukazangirwa.
Aho andampiga fwimbo ya ndzeya mtawala wa Iziraeli.
2 5:2 Mathayo 2:6; Johana 7:42“Ela uwe Bethilehemu wa Efuratha,
dzagbwe u mudzi mdide kahi ya miryango ya Juda,
kuko kpwako ndavyarirwa mutu
ndiyekpwedza kala mtawala wa Iziraeli.
Mutu ambaye wakalako hangu mwandzo.”
3 Kpwa hivyo Mwenyezi Mlungu andaaricha Aiziraeli mikononi mwa maadui gao
hadi ndiphodzivugula*5:3 kudzivugula ni hipho Jerusalemu ichiphaha kuoya na higo mateso. hiye mchetu ariye na utsungu.
Alafu ndugu za ye mwana, ariosala kpwenye tsi ya maadui gao
andauya adziunge na Aiziraeli ayawao.
4 Andalongoza na kumanyirira atue kpwa nguvu za Mwenyezi Mlungu,
na kpwa ukulu wa dzina ra Mwenyezi Mlungu, Mlunguwe
dza mrisa amanyiriravyo mifugoye.
Nao andaishi salama mana wakati hinyo
iye andakala ndiye mkpwulu dunia yosi.
5 Naye andakala amani yao.
Aashuru ndiphokpwedza vamia tsi yehu,
na kuinjira kpwenye ngome zehu
hundaaimisira vilongozi sabaa
na akulu anane a majeshi apigane nao.
6 5:6 Mwandzo 10:8–11Andatawala tsi ya Aashuru kuhumira upanga,
iyo tsi ya Nimurodi†5:6 Soma Mwandzo sura ya 10:8–12. kula phakpwe maryangoni.
Andahutivya na Aashuru,
hipho Aashuru ndiphokpwedza kpwenye tsi yehu
na kuvuka miphaka yehu.
7 Hinyo ndiosala kahi za atu a Jakobo,
andasagala kahi za atu a mataifa manji.
Nao andakala dza umande kula kpwa Mwenyezi Mlungu,
dza mawasa ga mvula nyasini
ambago tagachelewa kpwa sababu ya mutu
wala tagagodza anadamu.
8 Hinyo ndiosala a chivyazi cha Jakobo,
andasagala kahi za mataifa ganjina, kahi za atu anji
andakala dza simba kahi za nyama a tsakani,
dza mwana simba kahi za kundi ra mangʼondzi,
ambaye achitsupa nkuavyoga-vyoga na kuamwamula vipande-vipande,
wala taphana yeyesi wa kuativya.
9 Mkpwonoo uwe Iziraeli undaunulwa dzulu ya maaduigo
na avihao andaolagbwa tsetsetse.
Mwenyezi Mlungu andatakasa atue
10 Mwenyezi Mlungu anaamba, “Siku iyo nindaolaga farasi enu
na kubananga magari genu ga kuvwehwa ni farasi.
11 Nindabananga tsetsetse midzi ya tsiiyo
na kubomola ngomezo zosi.
12 Nindausa nguvu zosi za utsai kula mwako mikononi
na kundakala tsona na atu a kupiga mburuga.
13 Nindabananga vizukavyo vya kutsongbwa
na milungu ya handzo ya nguzo iriyo kahizo.
Nawe kusujudira tsona vitu
urivyotengeza na mikonoyo.
14 Nindangʼola vizuka vya Ashera virivyo kahizo
na kubananga midziyo.
15 Ndariphiza mataifa ganjina ambago tagandanisikira
wakati nkareya na kutsukirwa sana.”