6
Mwenyezi Mlungu analonda haki
1 Sambi phahi phundzani agombavyo Mwenyezi Mlungu. Iye anaamba,
“Ima urehe malaugo mbere za myango
na udzikanire mbere ya vidzango.
2 Sikirani malalamishi ga Mwenyezi Mlungu mwimwi myango
na mwimwi misingi ya kudumu ya dunia.
Mana Mwenyezi Mlungu ana malau na atue
na andauzana maswali na Aiziraeli.”
3 “Mwi atu angu, nkakuhendani utu wani?
Nikakuremwezani na ni? Hebu nijibuni.
4 6:4 a Kumbukumbu 12:50-51; b Kumbukumbu 4:10-16; c Kumbukumbu 15:20Nákutuluzani Misiri
nchikukombolani kula tsi ambayo kala mu atumwa.
Námuhuma Musa phamwenga na Aruni na Miriamu,
edze akulongozeni.
5 6:5 Isabu 22:2—24:25; Joshuwa 3:1—4:19Atu angu tambukirani
vira Balaki*6:5 Soma chitabu cha Isabu sura 22—24. mfalume wa Moabu arivyokupangirani mai
na vira Balaamu mwana wa Beori arivyomjibu.
Tambukirani gara garigohendeka hangu mriphola Shitimu†6:5 Soma chitabu cha Joshuwa sura ya 3—4. hadi mriphofika Giligali,
ili mmanye mahendo ga haki ga Mwenyezi Mlungu.”
6 Ndiphokpwedza mbere za Mwenyezi Mlungu kusujudu,
nimrehereni Mlungu ariye dzulu?
Dze, nedze na sadaka za kuochwa
za ana ndzau a mwaka mmwenga-mmwenga?
7 Dze, Mwenyezi Mlungu andahamirwa ni maelufu ga maturume
au myuho maelufu na maelufu ga mafuha ga zaituni?
Dze, nimulavye mwanangu wa mbere kpwa kuniriphira makosa gangu,
mlatso wangu mwenye kpwa sababu ya dambi yangu?
8 Hata, uwe mwanadamu Mwenyezi Mlungu akakuonyesa ririro ra sawa.
Ye Mwenyezi Mlungu analonda utu wani?
Iye analonda uhende haki na ukale na mendzwa isiyosika,
ukale mutu wa kugbwa maguluni mbereze.
Hatiya ya Iziraeli
na Kutiywakpwe Adabu
na Kutiywakpwe Adabu
9 Phundzani! Mwenyezi Mlungu anagomba na atu a Jerusalemu!
Kuogopha dzinare ni ikima.
Mwenyezi Mlungu anaamba,
“Sikira we taifa na osi achiokusanyika mo mudzini.
10 Uwe nyumba ya uyi,
siweza kuyala hazinayo uriyoiphaha kpwa handzo
na vipimo vya handzo ambavyo navizira.
11 Dze, nimuhesabire mutu ahumiraye mizani ya handzo kukala kana hatiya
hiye ariye na mawe ga kupimira gasigo sawa?
12 Atue ario matajiri a mudzi wa fujo
na enyezie ana handzo
aho anagomba handzo.
13 Kpwa hivyo nikaandza kukubanangani,
nami ndakuangamizani kpwa sababu ya dambi zenu.
14 Mundarya ela tamundamvuna,
mundaenderera kukala na ndzala.
Mundaika ela tamundakala na akiba,
kpwa sababu hicho mndichoika akiba chindahalwa zewe wakati wa viha.
15 Mundaphanda ela tamundavuna,
mundaminya zaituni ela tamundadzipaka mafuhage,
mundavyoga zabibu ela tamundanwa uchiwe.
16 6:16 1 Afalume 16:23–34; 21:25–26Mkagbwira malagizo ga mfalume Omuri
na mahendo gosi ga mfalume Ahabu na chivyaziche,
na mkalunga mila zao.
Kpwa hivyo ndakuangamizani
ndahenda atu enu anyeterwe,
mataifa gosi gandakuberani.”