2
Ɩsɛɣɛlɩ nyǝ́mɑ mpɑ pɑ lɩɩnɑ Pɑpiloni tɔ pɑ hǝlɑ
1 Yutɑ tɛtʋ hɔɣɔlʋɣʋ nyǝ́mɑ mpɑ wulɑʋ Nepukɑnɛsɑɑ kɑ kuuwɑ tɔ pɑ hǝlɑ ntɔ. Pɑ tɑɑ pɑɣɑlɛ mǝlǝnɑ Yosɑlɛm nɑ Yutɑ tɛtʋ tɑɑ, pɑɑ wei kɛ́ ɩ ɩcɑtɛ tɑɑ. 2 Mpɑ pɑ kpɑɣɑ-wɛ nɑ pɑ́ mǝlǝnɑ tɔɣɔlɛ Solopɑpɛɛlɩ, nɑ Yesuwɑ, nɑ Nehemiyɑ, nɑ Selɑyɑ, nɑ Lelɑyɑ, nɑ Motokɑyi, nɑ Pilisɑŋ, nɑ Misipɑɑ, nɑ Pikifɑyi, nɑ Lehum, nɑ Pɑɑnɑ. Ɩsɛɣɛlɩ lʋlʋŋ nyǝ́mɑ nɑ pɑ yǝlɑɑ hǝlɑ ntɔ.
3 Pɑlɔsɩ lʋlʋɣʋ nyǝ́mɑ wɛ iyisi nɑɑlɛ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (2172).
4 Sefɑtiyɑ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (372).
5 Alɑ nyǝ́mɑ kɛ nɑsǝtoso nɑ nɩɩnʋwɑ nɑ nɩɩtoso nɑ nɑɑnʋwɑ nɑ kɑkpɑsɩ (775).
6 Pɑhɑtɩ-Mowɑpʋ nyǝ́mɑ kɛ iyisi nɑɑlɛ nɑ nɩɩnɑɑsɑ nɑ nɑɑnʋwɑ nɑ nɑɑlɛ (2812). Yesuwɑ nɑ Yowɑpɩ pɑ lʋlʋɣʋ nyǝ́mɑ ntɛ́.
7 Ɩlɑm nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
8 Sɑtu nyǝ́mɑ kɛ nɑsǝnɑɑsɑ nɑ nɩɩnʋwɑ nɑ nɩɩlɛ nɑ kɑkpɑsɩ (945).
9 Sɑkɑyi nyǝ́mɑ kɛ nɑsǝtoso nɑ nɩɩnʋwɑ nɑ nɩɩtoso (760).
10 Pɑni nyǝ́mɑ kɛ nɑsǝtoso nɑ nɩɩlɛ nɑ nɑɑlɛ (642).
11 Pepɑyi nyǝ́mɑ kɛ nɑsǝtoso nɑ hiu nɑ tooso (623).
12 Asǝkɑtɩ nyǝ́mɑ kɛ iyɑɣɑ nɑ ŋmʋnʋɣʋ nɑ hiu nɑ nɑɑlɛ (1222).
13 Atonikɑm nyǝ́mɑ kɛ iyɑɣɑ nɑ nɩɩtoso nɑ nɑɑtoso (666).
14 Pikifɑyi nyǝ́mɑ kɛ iyisi nɑɑlɛ nɑ nɩɩlɛ nɑ nɑɑnʋwɑ nɑ nɑɑtoso (2056).
15 Atɛŋ nyǝ́mɑ kɛ nɑsǝlɛ nɑ nɩɩlɛ nɑ nɑɑnʋwɑ nɑ liɣiti (454).
16 Atɛɛ nyǝ́mɑ kɛ pǝlefɛɩ nɩɩnʋwɑ. Yehisikiyɑ lʋlʋɣʋ nyǝ́mɑ ntɛ́.
17 Pesɑyi nyǝ́mɑ kɛ ŋmʋnʋɣʋ nɑ nɩɩnʋwɑ nɑ hiu nɑ tooso (323).
18 Yolɑ nyǝ́mɑ kɛ nɩɩnʋwɑ nɑ nɑɑnʋwɑ nɑ nɑɑlɛ (112).
19 Hɑsum nyǝ́mɑ kɛ ŋmʋnʋɣʋ nɑ hiu nɑ tooso (223).
20 Kipɑɑ nyǝ́mɑ kɛ nɩɩnɑɑsɑ nɑ nɑɑnʋwɑ nɑ kɑkpɑsɩ.
21 Pɛtǝlɛhɛm ɩcɑtɛ nyǝ́mɑ kɛ nɩɩnʋwɑ nɑ hiu nɑ tooso (123).
22 Netofɑ ɩcɑtɛ nyǝ́mɑ kɛ nɩɩlɛ nɑ nɑɑnʋwɑ nɑ nɑɑtoso.
23 Anɑtɔtɩ ɩcɑtɛ nyǝ́mɑ kɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
24 Asǝmɑfɛtɩ ɩcɑtɛ nyǝ́mɑ kɛ nɩɩlɛ nɑ nɑɑlɛ.
25 Kiliyɑtɩ-Yeyɑlim nɑ Kefilɑ nɑ Peelɔtɩ pɑ ɑcɑlɛɛ nyǝ́mɑ kɛ nɑsǝtoso nɑ nɩɩnʋwɑ nɑ nɩɩlɛ nɑ tooso (743).
26 Lɑmɑ nɑ Kepɑ pɑ ɑcɑlɛɛ nyǝ́mɑ kɛ nɑsǝtoso nɑ hiu nɑ kʋlʋm (621).
27 Mikimɑsɩ nyǝ́mɑ kɛ nɩɩnʋwɑ nɑ hiu nɑ nɑɑlɛ (122).
28 Petɛɛlɩ nɑ Ayi pǝ nyǝ́mɑ kɛ ŋmʋnʋɣʋ nɑ hiu nɑ tooso (223).
29 Nepo nyǝ́mɑ kɛ nɩɩlɛ nɑ nɑɑnʋwɑ nɑ nɑɑlɛ.
30 Mɑkpisi nyǝ́mɑ kɛ nɩɩnʋwɑ nɑ nɩɩlɛ nɑ nɑɑnʋwɑ nɑ nɑɑtoso (156).
31 Ɩlɑm lɛlʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
32 Hɑlim nyǝ́mɑ kɛ ŋmʋnʋɣʋ nɩɩnʋwɑ nɑ hiu (320).
33 Lotɩ nɑ Hɑtitɩ nɑ Ono pǝ nyǝ́mɑ kɛ nɑsǝtoso nɑ nɩɩnʋwɑ nɑ hiu nɑ kɑkpɑsɩ (725).
34 Yeliko ɩcɑtɛ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩlɛ nɑ kɑkpɑsɩ (345).
35 Senɑɑ ɩcɑtɛ nyǝ́mɑ kɛ iyisi tooso nɑ nɑsǝtoso nɑ hiu nɑ nɑɑnʋwɑ (3630).
36 Kɔtǝlɑɑ kpekɑ ntɔ. Yesuwɑ lʋlʋŋ nyǝ́mɑ Yetɑyɑ tɛɛsɩ nyǝ́mɑ wɛ nɑsǝnɑɑsɑ nɑ nɩɩnʋwɑ nɑ nɩɩtoso nɑ nɑɑnʋwɑ nɑ tooso (973).
37 Ɩmɛɛ lʋlʋɣʋ nyǝ́mɑ kɛ iyɑɣɑ nɑ nɩɩlɛ nɑ nɑɑnʋwɑ nɑ nɑɑlɛ (1052).
38 Pɑsehuu nyǝ́mɑ kɛ iyɑɣɑ nɑ nɑsǝlɛ nɑ nɩɩlɛ nɑ nɑɑtosompɔɣɔlɑɣɑ (1247).
39 Hɑlim lʋlʋɣʋ nyǝ́mɑ kɛ iyɑɣɑ nɑ nɑɑnʋwɑ nɑ nɑɑtosompɔɣɔlɑɣɑ (1017).
40 Lefii nyǝ́mɑ kpekɑ ntɔ. Hɑtɑfǝyɑ lʋlʋɣʋ nyǝ́mɑ Yesuwɑ nɑ Kɑtǝmǝyɛlɩ pɛlɛ pɑ nyǝ́mɑ wɛ nɩɩtoso nɑ nɑɑnʋwɑ nɑ liɣiti.
41 Ɩsɔ tǝsɛɛlɛ yonyoolɑɑ ntɔ. Asɑfɩ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
42 Ɩsɔ tǝsɛɛlɛ nɔnɔɔsɩ tɑŋlɑɑ ntɔ. Sɑlum, nɑ Atɛɛ, nɑ Tɑlǝmɔŋ, nɑ Akupi, nɑ Hɑtitɑ, nɑ Sopɑyi, pɑ lʋlʋŋ nyǝ́mɑ wɛ pɔɣɔlɑɣɑfɛɩ nɩɩnʋwɑ nɑ nɩɩlɛ (139).
43 Ɩsɔ tǝsɛɛlɛ tɑɑ tǝmɑ lɑtɑɑ sǝkpemɑ lʋlʋŋ nyɔɔŋ nyǝ́mɑ ntɛ́ Sihɑ, nɑ Hɑsufɑ, nɑ Tɑpɑwɔtɩ, 44 nɑ Kelɔsɩ, nɑ Siyɑhɑ, nɑ Pɑtɔŋ, 45 nɑ Lepɑnɑ, nɑ Hɑkɑpɑ, nɑ Akupi, 46 nɑ Hɑkɑpɩ, nɑ Sɑmlɑyi, nɑ Hɑnɑŋ, 47 nɑ Kitɛlɩ, nɑ Kɑhɑɑ, nɑ Leyɑyɑ, 48 nɑ Lesɛŋ, nɑ Nekotɑ, nɑ Kɑsɑm, 49 nɑ Usɑ, nɑ Pɑseyi, nɑ Pesɑyi, 50 nɑ Asǝnɑ, nɑ Meunim, nɑ Nefusim, 51 nɑ Pɑkǝpuki, nɑ Hɑkufɑ, nɑ Hɑluu, 52 nɑ Pɑsilutɩ, nɑ Mehitɑ, nɑ Hɑɑsɑ, 53 nɑ Pɑɑkɔsɩ, nɑ Siselɑ, nɑ Temɑ, 54 nɑ Nesiyɑ, nɑ Hɑtifɑ.
55 Sɑlʋmɔŋ tǝmlɛ lɑtɑɑ lʋlʋɣʋ nyǝ́mɑ ntɛ́ Sotɑyi, nɑ Sofelɛtɩ, nɑ Pelutɑ, 56 nɑ Yɑɑlɑ, nɑ Tɑɑkɔŋ, nɑ Kitɛlɩ, 57 nɑ Sefɑtiyɑ, nɑ Hɑtilɩ, nɑ Pokɛlɛtɩ-Hɑsepɑyim, nɑ Ami.
58 Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ nɑ Sɑlʋmɔŋ tǝmlɛ lɑtɑɑ lʋlʋɣʋ nyǝ́mɑ kpɛntɑ ŋmʋnʋɣʋ nɩɩnʋwɑ nɑ nɩɩnɑɑsɑ nɑ nɑɑnʋwɑ nɑ nɑɑlɛ (392).
59 Mpɑ pɑ lɩɩnɑ Pɑpiloni kɛ Tɛlɩ-Melɑ, nɑ Tɛlɩ-Hɑsɩ nɑ Kelupɩ, nɑ Atɑŋ, nɑ Ɩmɛɛ tɔ pɑ tɑ pǝsɩ nɑ pɑ́ kɛɛsɩ teu kɛ pɑ lʋlʋŋ nyǝ́mɑ nɑ pɑ cɔsɔnɑɑ tɔm sɩ pǝ́ hʋlɩ sɩ pɑ kɛ́ Ɩsɛɣɛlɩ nyǝ́mɑ. 60 Pɑ tǝnɑ pɑɑ kɛ́ Telɑyɑ, nɑ Topiyɑ, nɑ Nekotɑ pɑ lʋlʋŋ nyǝ́mɑ kɛ́. Pɑɑ wɛ nɑsǝtoso nɑ nɩɩlɛ nɑ nɑɑnʋwɑ nɑ nɑɑlɛ (652).
61 Kɔtǝlɑɑ lɛlɑɑ kɑ wɛ kɛ́ ɩsɩɩ mpɑ pɑ tɑ pǝsɩ nɑ pɑ́ hʋ́lɩ́ sɩ pɑ kɛ́ Ɩsɛɣɛlɩ nyǝ́mɑ tɔ. Mpɛɣɛlɛ Hopɑyɑ nɑ Hɑkɔɔsɩ nɑ Pɑɑsilɑyi. Mpi pǝ tɔɔ pɑ yɑɑkɑɣɑ kɑntǝkɑɣɑ nyǝŋ ɩnɛɣɛ mpʋ tɔɣɔlɛ sɩ Ɩ kpɑɣɑ Kɑlɑɑtɩ tʋ Pɑɑsilɑyi pɛɛlɑɑ tɑɑ lɛlʋ. 62 Pɑɑ pɛɛkɑ mpɛ ɩnɩ pɑ hǝlɑ kɛ kɔtǝlɑɑ nyǝnɑ tɑɑ kɛ́ pɑ tɑ nɑ. Pǝ tɔɔ kɛ́ pɑ nyǝnɑ-wɛɣɛ ɑsilimɑ nyǝ́mɑ nɑ pɑ́ kisinɑ-wɛ sɩ pɑ́ tɑɑ lɑ kɔtǝlɑɑ tǝmlɛ. 63 Ḿpʋ́ɣʋ́ kʋfǝnɛɛ mɑɣɑmɑɣɑ kisinɑ-wɛ sɩ pɑ́ tɑɑ tɔɣɔ Ɩsɔ kʋhɑʋ, hɑlǝnɑ kɔtʋlʋ nɔɣɔlʋ ɩ mɑɣɑsɩ wɑlɑ pee tɑkɑ nnɑ pɑ nɑɑkǝnɑ Ɩsɔ luɣu nyǝntʋ tɔ nɑ ɩ́ nɑ nɑ pǝ́cɔ́.
64 Ɩsɛɣɛlɩ nyǝ́mɑ mpɑ pɑ lɩɩnɑ Pɑpiloni tɔ pɑ kpɛntɑ iyisi nɩɩlɛ nɑ nɑɑlɛ nɑ ŋmʋnʋɣʋ nɩɩnʋwɑ nɑ nɩɩtoso (42360). 65 Pɑ tɑɑ kɑlǝnɑ tǝmlɛ nyǝ́mɑ ɑpɑlɑɑ nɑ ɑlɑɑ mpɑ pɑɑ wɛ iyisi nɑɑtosompɔɣɔlɑɣɑ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (7337) tɔ. Pɑ tɑɑ kɑ wɛ yonyoolɑɑ ɑpɑlʋ nyǝ́mɑ nɑ ɑlʋ nyǝ́mɑ kɛ ŋmʋnʋɣʋ (200). 66 Nɑ kpɑɣɑnǝŋ kɛ nɑsǝtoso nɑ nɩɩnʋwɑ nɑ hiu nɑ nɑɑnʋwɑ nɑ nɑɑtoso (736), nɑ kpɑɣɑnǝŋ kʋpǝsǝŋ*fɑ* kɛ ŋmʋnʋɣʋ nɑ nɩɩlɛ nɑ kɑkpɑsɩ (245). ɑkpɑɣɑnǝŋ kʋpǝsǝŋ: Pɑ yoosɑ kpɑɣɑnʋ nɑ kpɑŋɑɣɑ nɑ pǝ lʋlɩ mpi tɔɣɔ pɑ yɑɑ mpʋ. Ɩ wɛ hɛkʋ nɑ hɛkʋ kɛ́. Ɩ tɑ kɛ́ kpɑɣɑnʋ, pǝcɔ ɩ tɑ kɛ kpɑŋɑɣɑ. 67 Yooyoonɑɑ kɛ nɑsǝlɛ nɑ hiu nɑ nɑɑnʋwɑ nɑ kɑkpɑsɩ (435), nɑ kpɑŋɑsɩ kɛ iyisi nɑɑtoso nɑ nɑsǝtoso nɑ nɩɩnʋwɑ nɑ hiu (6720).
68 Wɑɑtʋ wei pɑ tɑlɑ Yosɑlɛm timpi Ɩsɔ tǝsɛɛlɛ wɛɛ tɔ, ɩlɛnɑ lʋlʋŋ nyɔɔŋ nyǝ́mɑ lɛlɑɑ hɑ kʋcɔɔŋ nɑ luɣu kʋlʋmʋɣʋ sɩ pɑ́ ŋmɑnɑ Ɩsɔ tǝsɛɛlɛ kɛ tǝ lonte kʋpǝntɛ tɑɑ. 69 Ḿpʋ́ɣʋ́ pɑ hɑwɑ ɩsǝnɑ pɑ pǝsɑɑ tɔ sɩ pɑ́ ŋmɑnɑ Ɩsɔ tǝsɛɛlɛ. Ɩlɛnɑ pǝ́ lɩɩ wʋlɑ nyǝɣǝtʋ iyisi nɩɩtoso nɑ kʋlʋm (61000), nɑ liɣitee nyǝɣǝtʋ kiloonɑɑ iyisi nɑɑlɛ nɑ nɑsǝlɛ nɑ nɩɩnʋwɑ (2500). Nɑ pɑ́ hɑ tɔtɔɣɔ kɔtǝlɑɑ cɑpɑnɑɑ nɩɩnʋwɑ (100).
70 Ɩlɛnɑ kɔtǝlɑɑ nɑ Lefii nyǝ́mɑ nɑ mpɑ pɑ sǝŋnɑ Ɩsɔ tǝmɑ tɔ, nɑ yonyoolɑɑ nɑ nɔnɔɔsɩ tɑŋlɑɑ nɑ Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ cɑɣɑ ɑcɑlɛɛ nnɑ pɑ hɑ-wɛ tɔ ɑ tɑɑ.