1 Bo̱ ho̱-de u̱n Biki-o̱ o-Pe̱nte̱ko̱s wo̱o̱nte̱ à, myet yan-dor Ye̱so ro be-u̱r gaan.*2:1 Hyen komo: Rewi 23:15-21; Kara 16:9-11. 2 Da-o gaan, a ho̱gu̱ru̱ o̱ ken zaaz-o̱ n-to̱n u̱ntu̱n o̱ u̱n caari-mo̱ m-yo, o̱ shoosu̱ru̱ kap o̱ u̱n ka hur-o̱ ye̱ rotte̱ u̱r-mo̱ro̱g n-me̱ à. 3 Ye̱ hyanu̱ru̱ to̱ ken rii-to̱ sa o zee rem-to̱ o-ra. To̱ comsu̱ru̱ be-de u̱n ye̱, to̱ ro m-cire̱ u̱n hi-de u̱n ko̱ wu̱ ke.

4 A shoosu̱ ye̱ kap u̱n Ku̱kt-o̱ Shir. Ye̱ ciru̱ m-te̱pe̱r u̱n rem-u̱t ho̱r-to̱ bo̱ Ku̱kt-o ya'u̱ ye̱ co̱w-yo m-te̱pe̱r à. 5 To̱, u̱n ka ho̱-to̱, Yahuda-ne̱ de̱e̱n ro u̱r-she'et o-Urusharima. Ye̱ ro̱ u̱n dor-o̱ o-karamsa m-so̱k ne̱ ne̱. Ye̱ u̱n haan rwu̱u̱n-mo̱ u̱n ko̱ kene̱ u̱n ho̱no o-dak remen ye̱ nomot Biki-o̱ o-Pe̱nte̱ko̱s. 6 Bo̱ ye̱ ho̱gu̱te̱ zaaz-o̱ u̱n ka yo-mo̱ à, hun-ne̱ mo̱rgu̱ru̱ de̱e̱n. Kap mo̱ u̱n ye̱ ye̱ bo̱pu̱ru̱ o-nu, remen kap mo̱ u̱n ye̱ ho̱gu̱te̱ mo̱ro̱g-de yan-dor Ye̱so ro m-te̱pe̱r u̱n rem-de u̱n dak-o̱ u̱n ye̱. 7 Ye̱ bo̱pu̱ o-nu m-so̱k ne̱, ye̱ ze̱e̱ru̱, “Ashi, ¿myet-o̱ u̱n ka ye̱ ro̱ te̱p à, ya-o-Gariri-ye̱ ka á? 8 ¿No̱mu̱ u̱n ya re ne̱ ko wu̱ ke be-u̱r na ro̱tte̱ m-ho̱ge̱ ye̱ ro̱ m-te̱pe̱r u̱n rem-u̱t na? 9 Myet-m na ro̱ m-ho̱ge̱. Ye̱ ken ye̱ be-u̱r na:

13 Amba ye̱ ken ye̱ nomo ye̱ u̱r-ar ye̱ zee, “Ke̱-mo̱ ye̱ swo̱'e̱ mo̱ bo̱pu̱ ye̱.”

14 Bitrus inu̱ eso u̱n ka o̱p u̱n wan-gaan ye̱ ne̱, wu̱ 'yonsu̱ u̱s-co̱r. Wu̱ ze̱e̱ru̱ ka bu̱u̱g-de u̱n hun-ne̱ de, “No̱ o̱r re ne̱, Yahuda-ne̱ u̱n kap o̱ u̱n ya-u̱r-she'et o-Urusharima ne̱, ho̱gu̱ no̱ m-so̱k ne̱. Komo no̱ was u̱n rii-yo u̱m he no̱ m-ru̱re̱ ne̱ à. 15 Ka hun-ne̱ ye̱ ye̱ swo̱ m-ke̱ bo̱ no̱ u̱s-barag á. No̱ nak m-mo̱ka kwo̱m-u̱s jero̱ se cot se n-sot. Komo kane̱ a m-swo̱ n-sot á. 16 To̱ ka, ai, to̱ to̱ Jower wan-Rwo̱r u̱n Ma-to̱ Shir rwo̱re̱ u̱nze,

22 “No̱ o̱r re ne̱ Isra-ne̱, ho̱gu̱ no̱ to̱ ka ma-to̱. Ye̱so ko-ya-o-Nazaret ne̱t-wu̱, wu̱ Shir ru̱ru̱ no̱ o-nip u̱nze wu̱ go̱kste̱ wu̱ à. Shir rwu̱ntu̱te̱ to̱ ka be-de u̱n rem-se o-made̱, u̱n rem-se u̱t-hyat ne̱, u̱s-napa ne̱ se wu̱ kutu̱ na be-u̱r Ye̱so à, u̱ntu̱n bo̱, kap no̱ nepste̱ u̱n to̱ ka ne̱. 23 Ka ne̱t-wu̱, a u̱n ya'as no̱ wu̱ u̱n bo̱ Shir ro e̱ste̱ à. Komo u̱n nap-o̱ u̱n wu̱ ne̱, no̱ kamu̱ wu̱, no̱ hoot wu̱ u̱n kom-to̱ ya-u̱r-ba'as n-to̱n o-kan.‡2:23 Hyen komo: Mati 27:35; Mark 15:24; Ruka 23:33; Yoha 19:18. 24 Amba Shir rurug wu̱ be-de u̱n gwo̱mo-to̱ m-mar. Wu̱ 'yonstu̱ wu̱ u̱t-marimar remen yatt-yo he m-nome̱ komo mar-mo̱ bu̱pt wu̱ á.§2:24 Hyen komo: Mati 28:5-6; Mark 16:6; Ruka 24:5. 25 Remen ko-Gwo̱mo Dawuda no̱mo̱g ma-to̱ u̱n wu̱, wu̱ zee,

29 “O̱r re ne̱ Isra-ne̱, man hoks no̱ nome̱ u̱n ma-u̱t tato na ko-yan-ga'e̱ Dawuda. Dawuda mereste̱, a ju̱ks wu̱, saag-o̱ u̱n wu̱ komo o̱ ro̱ ko̱n be-u̱r na har caane̱. 30 Dawudawan-Rwo̱r u̱n Ma-to̱ Shir wu̱, komo wu̱ nepste̱ Shir e̱ssu̱ssu̱te̱ u̱t-ma u̱n wu̱ ne̱ mo̱sse̱ u̱s-to̱nd ne̱, u̱nze wu̱a sagbe̱ wu̱ ken wu̱ u̱t-gwo̱mo n-te̱ baag-o u̱n wu̱, bo̱ wu̱ sagbu̱ to̱ Dawuda à.†2:30 Hyen komo: Bo̱ng 132:11; 2Sam 7:12-13. 31 Bo̱ Dawuda hyente̱ yo ro̱ co à, wu̱ no̱mu̱ u̱t-ma to̱ u̱n ine̱-m Kiristi‡2:31 Wu̱ Shir daagne̱ à. u̱t-marimar, u̱nze a yagu̱ wu̱ u̱n saag á, wu̱r-o̱ u̱n wu̱ komo o̱ a wu̱m á. 32 Shir 'yonste̱ ka Ye̱so wu̱ u̱t-marimar, na komo ya-u̱s-to̱r-ye̱ kap u̱n to̱ ka. 33 A ya'ag Ye̱so m-se̱k wu̱ she'et u̱n kom-o̱ u̱r-re̱ o̱ Shir. Komo wu̱ go̱kste̱ Ku̱kt-o̱ Shir be-de o-Tato, bo̱ a swo̱re̱ o-nu à. Wu̱ duusu na Ku̱kt-o̱ u̱n wu̱, o̱ hante̱ rii-yo no̱ m-hyan à, u̱n yo no̱ m-ho̱ge̱ ne̱ à. 34 Ba Dawuda wu̱ da'e̱ n-To̱n á, amba wu̱ u̱n hi u̱n de u̱n wu̱, wu̱ ze̱e̱g,

36 “Remen kaane̱, kap o̱ u̱n hun-ne̱ ye̱ o-Isra ye̱ nep u̱nze ka Ye̱so-wu̱ a kame̱ o-kan à, Shir muutu̱ wu̱ Wan-Ko̱yan, komo u̱n Kiristi.”

37 Bo̱ hun-ne̱ ho̱gu̱te̱ kaane̱ à, ka ma-to̱ do̱'u̱ru̱ ye̱ u̱t-me̱n, ye̱ ze̱e̱ru̱ Bitrus u̱n ye̱ ka yan-To̱m-ye̱ Ye̱so ye̱ ne̱, “O̱r re ne̱ Isra-ne̱, ¿ya a he no̱ m-no̱m?”

38 Bitrus ze̱e̱ru̱ ye̱, “Waktu̱n no̱ be-de Shir, a yo'os no̱ m-ho̱ n-me̱ u̱n jin-u̱r Ye̱so Kiristi remen a soksu̱tú̱ no̱ ba'as-u̱t no̱. No̱a kum yar-mo̱ u̱n Ku̱kt-o̱ Shir. 39 Remen Shir u̱n e̱ss ka swo̱r o-nu o̱ rem no̱ u̱n yakar no̱ ne̱, komo u̱n ye̱ ro̱ Yahuda-ne̱ á, kap o̱ u̱n ye̱ Wan-Ko̱yan Shir na he m-aag be-de u̱n wu̱ à.”

40 Wu̱ ma'asu̱ru̱ ye̱ u̱n ru̱re̱ u̱t-ma de̱e̱n to̱ ye̱ hette̱ bo̱p o-nip à, wu̱ naku̱ru̱ ye̱ u̱t-to̱ wu̱ ro̱ m-ze̱e̱, “Ruut no̱ hi u̱n no̱ be-de u̱n swo̱ u̱r-ko̱o̱b o̱ ro̱ u̱n hi-de u̱n kà yan-me̱n-u̱t jaas-to̱ ye̱, kà ye̱ 'yare̱ Ye̱so à.” 41 Ye̱ de̱ke̱ ma-u̱t Bitrus à, a yo'osu̱ru̱ ye̱ m-ho̱. U̱n ka ho̱-de komo ye̱ do̱o̱ru̱ u̱t-mo̱o̱r be-de u̱n hun-ne̱ dugu-u̱s tet [3,000].

42 Ye̱ e̱ssu̱ u̱r-hi kap o̱ u̱n ye̱ be-de u̱n yoos-de yan-To̱m-ye̱ Ye̱so ro̱ m-yoos à. Ye̱ ro̱ m-re̱ Rii-yo m-Re̱ yo m-Pas yo u̱n Wan-Ko̱yan, u̱n ko̱n-se Shir ne̱. 43 Ko̱ wu̱ ke bo̱pu̱ru̱ o-nu, remen Shir ro̱ u̱n no̱m u̱n rem-se o-made̱ u̱s-napa ne̱ de̱e̱n be-de u̱n yan-To̱m Ye̱so. 44 Myet o̱ yan-dor Ye̱so she'etu̱ru̱ be-u̱r gaan ba m-koos, ko̱yan yo ye̱ ro̱tte̱ à ye̱ wongu̱ru̱.*2:44 Hyen komo: Se̱ng 4:32-35. 45 Ye̱ babu̱ru̱ rii-yo ye̱ ro̱tte̱ à, ye̱ wongu̱ ka ye̱ rotte̱ á. 46 Ko̱ de ke ho̱-de komo ye̱ ro̱ mo̱rge̱ u̱n Pyo-o̱ Shir. Ye̱ ro m-re̱ Rii-yo m-Re̱ yo m-Pas yo u̱n Wan-Ko̱yan u̱n hur-to̱ u̱n ye̱, ye̱ ro m-re̱ m-swo̱ ne̱ u̱n me̱n-u̱t pus-to̱, u̱n hur-u̱r gaan ne̱. 47 Ye̱ ro u̱n bo̱ngo̱n-de Shir. Ye̱ ro̱ komo u̱n jin-u̱r so̱-de ne̱ be-de u̱n hun-ne̱ kap. Ko̱ de ke ho̱-de komo Wan-Ko̱yan ro ye̱ m-do'e̱ u̱n ye̱ ro̱ u̱n kum u̱n gwu̱ à.