1 ይሁዳን ደእያ ጌሻ አሳቱዋ ማዳናዉ የድያባዉ ታን ህንተንቶ ጻፋናዉ ኮሸና። 2 ህንተ ማዳናዉ ሎይꬅ አሞትያዋ ታን ኤርያ ድራዉ፥ ማቅዶንያን ደእያ አሳዉ ህንተዋ ሳባድ። ታን ኡንቱንቶ፥ “አካይያን ደእያ እሻቱ ዝላይꬅፐ ዶሚደ፥ ማዳናዉ ጊገቴድኖ” ያጋደ ኦዳድ፤ ቃይ ህንተ ዎልቃማ አሙካ ኡንቱንቱፐ ዳርያ ባጋ ደንꬄዳ። 3 ሽን ታን ኡንቱንቶ ጌዳዋዳንካ ኑን ሀ የዉዋ ህንተናን ጬቀትያዌ መላ ግደና ማላ፥ ህንተ ጊገቴዳዋንታ ግዳናዳን፥ ሀ እሻቱዋ ህንተኮ ኪታይ። 4 ማቅዶንያ አሳቱ ታናና ዪደ፥ ህንተ ጊገተናን ደእሽን፥ ህንተና ደሞፐ፥ ኑ ጻላላ ግደናዳን፥ ህንተ ኑፐ አꬉዋ ዬላታንታ፤ ሽን ኑን ህንተና ሎይꬅ አማኒደ ጬቀቴዳዋሳ። 5 ሄዋ ድራዉ፥ ታን ሀ እሻቱ ታፐ ስንꬃት ህንተኮ ቢደ፥ ህንተ እማና ጌዳ እሞታ ካሰቲደ ጊግሳና ማላ፥ ኡንቱንታ ዎሳናዉ ኮሽያዋ አኬካድ። ሄዋፐ ጉይያን፥ ሄ እሞታይ ታን ጋክያ ዎደ ጊግ ኡታናዋ፤ ሄዌ ቃይ ዎልቃን ህንተ እምያዋ ግደናን፥ ዶሲደ እምያዋ ኤርሴ።

6 ሀዋ አኬክተ፤ ጉꬃ ዘረꬃ ዘርያ ኡራይ ጉꬃ ካꬃ ጫካና፤ ዳሮ ዘረꬃ ዘርያ ኡራይ ቃይ ዳሮ ካꬃ ጫካና። 7 ጾሳይ ናሸቻን እምያ ኡራ ሲቅያ ድራዉ፥ ቃረቲደ ዎይ ዶሰናን እምያዋ ግደናን፥ እምያ ኡራይ ሁጲያን ሁጲያን ባረ ዎዛናን ቆፔዳዋ እሞ። 8 ጾሳይ ህንተንቶ ግድያዌ ኡባ ዎደ ደአናዳንነ ቃይ ሀራቶካ ህንተ እማናዉ ግድያዌ ደአናዳን ህንተና ኮሽያ ኡባባ ህንተንቶ እማናዉ ዳንዳዬ። 9 ጾሳ ማጻፋይ፥

11 ዳሮ አሳይ ህንተ እምያ እሞታ ኑፐ አኪደ፥ ጾሳ ጋላታናዳን፥ ህንተ ኡባ ዎደ ዳርሲደ እምያዋንታ ግዳና ማላ፥ ጾሳይ ህንተና ኡባ ባጋና ዱረያና። 12 አያዉ ጎፐ፥ ሀ ህንተ ኦꬅያ ኦሱ ጾሳ ናናዉ ኮሽያዋ ኩንꬅ እምያዋ ጻላላ ግደና፤ ሽን ጾሳዉ ዳሮ ጋላታ እምያዋን ኩሚደ ጎጌ። 13 ሀ ህንተ ኦሱ ህንተ አማኑዋ ኤርስያ ድራዉ፥ ዳሮ አሳይ ክርስቶሳ ዎንጋላ ህንተ አማኒደ ማርካትያዎነ ህንተ ማዱዋ ኡንቱንቱናነ ሀራ ኡባቱዋና ሻኪደ፥ ዳርስ እምያዎ ጾሳ ቦንቻና። 14 ኡንቱንቱ ህንተንቶ ጾሳ ዎሲደ፥ ህንተናን ደእያ ጾሳ አꬎ ኬካተꬃይ ዛዋይ ባይናዋ ድራዉ፥ ህንተና ላሞቴቶ። 15 ዛዋይ ባይና ጾሳ አꬎ ኬካተꬃ ድራዉ፥ ጾሳ ጋላታይ ጋኮ።