1 ካቲ ህዝቂያሰ ሄዋ ስሴዳ ዎደ፥ ባረ ማዩዋ ፔꬊደ ዋሩዋ ማዪደ፥ መꬍና ጎዳ ጌሻ ጎልያ ገሌዳ። 2 ካትያ ጎለን አዎትያ ኤልያቂመ፥ ዋና ጻፊ ሼብንነ ካለꬅያ ቄሳቱ ዋሩዋ ማዪደ፥ አሞጻ ናኣ ትምቢትያ ኦድያ ኢስያሳ ኮ ባና ማላ ኪቴዳ። 3 ኡንቱንቱ ኢስያሳ ኮ ቢደ፥ “ህዝቂያሰ ሀዋዳን ያጌ፤ ‘ሀች ጋላሳይ መቶ ጋላሳ፥ ሴራ ጋላሳነ ዬላ ጋላሳ። ሄዌካ ናአይ የለታናዉ ዎዲ ጋክና፥ ባንካደ የላናዉ ምሽራትዉ ዎልቃይ ꬋይያዋ ማላ። 4 ደኡዋ መꬍና ጎዳ ሸቃናዳን፥ አ ጎዳይ፥ አሶረ ካቲ፥ ኪቴዳ ጋዳዋ ቃላ ኡባ መꬍና ጎዳይ፥ ነ ጾሳይ ስሰናን አገና። ቃይ መꬍና ጎዳይ፥ ነ ጾሳይ ሄ ስሴዳ ቦሪያ ቃላ ጋሱዋን አ ሙረናን አገና። ሄዋ ድራዉ፥ ኑ አሳ ግዶን ፓላህ አታናዋንቶ ዎሳ!’ ያጌ” ያጌድኖ።

5 ካትያ ህዝቂያሳ ቆማቱ ኢስያሳ ኮ ዬዳ ዎደ፥ 6 እሳያሰ ኡንቱንታ ሀዋዳን ያጌዳ፤ “ህንተንቱ ጎዳዉ ሀዋዳን ያጊደ ኦድተ፤ ‘መꬍና ጎዳይ ኔና፥ “አሶረ ካትያ ቆማቱ ታና ሸቅሽን፥ ኔን ስሴዳ ሸቃ ቃላዉ ያዮፓ። 7 በአ፥ ኦዱዋ ስሲደ፥ እ ባረ ጋድያ ስማና ማላ፥ ታን አ ግዶን ኢታ አያና ዎꬃና። ያታደ እ ባረ ጋድያ ቢደ፥ ያን ማሻን ሀይቃናዳን ታን አ ኦꬃና” ያጌ’ ያግተ” ያጌዳ።

8 አሶረ ካቲ ላክሻ ካታማፐ ደንዲደ ብ ክቼዳዋ አሶረቱ ጋዳዋይ ስሲደ፥ ጉየ ስሜዳ። ካቲ ሊብና ካታማን ኦለትያዋ ደሜዳ።

9 ካቲ ሳናክሬመ፥ “ቶጵያ ካቲ ትርሃቅ ኔና ኦላናዉ ዬዳ” ያግያ ኦዱዋ ስሴዳ። ህዝቂያሳዉ ሀዋዳን ያጊደ ኪቴዳ፤ 10 “ይሁዳ ካትያ ህዝቂያሳ፥ ኔን አማነትያ ጾሳይ ኔና፥ ‘የሩሳላመ አሶረ ካትያ ኩሽያን ገለና’ ያጊደ ጭሞፖ። 11 በአ፥ አሶረ ካተቱ ቢታቱዋ ኡባ ሙለ ꬋይሲደ፥ ኡንቱንቱ ኦꬄዳዋ ኔን ስሳዳ። ያትና ኔን አታይ? 12 በን ታ ማይዛ አዎቱ ባይዜዳ ቢታቱዋ ጾሳቱ፥ ሄዋንቱነ ጎዛና፥ ካራነነ ረጼፋ ቢታቱዋ ጾሳቱነ ታላሳራን ደእያ ኤደነ አሳ ጾሳቱ ሄ ቢታቱዋ ባሻፐ አሼድኖ? 13 ሀማታ ካቲ፥ አርፋደ ካቲ፥ ሳፋርዋይማ ካቲ፥ ሄናአ ካቲነ ኢዋ ካቲ ሀቃን ደኢኖ?” ያጊደ ኪቴዳ።

14 ህዝቂያሰ ዳብዳቢያ አኪየዳ አሳቱዋፐ አኪደ ናባቤዳ። ዳብዳቢያ መꬍና ጎዳ ጌሻ ጎልያ አክ አፊደ፥ መꬍና ጎዳ ስንꬃን ምጬዳ። 15 ያቲደ መꬍና ጎዳ ሀዋዳን ያጊደ ዎሴዳ፤ “አቤት መꬍና ጎዳዉ፥ ክሩበቱዋፐ ግዱዋን ኡትያ እስራኤልያ ጾሳዉ፥ ሳኣ ካዉተꬃቱ ኡባ ቦላ ነ ጻላላይ ጾሳ። ሳሉዋነ ሳኣ ኔን መꬋዳ።ከሳ 25:22 16 አቤት መꬍና ጎዳዉ፥ ነ ሀይꬃ ሃ የጋደ ስሳ። አቤት መꬍና ጎዳዉ፥ ነ አይፍያ ፖካደ ጼላ። ኔና፥ ደኡዋ ጾሳ ሸቃናዉ ሳናክሬመ ኪቴዳ ቃላ ስሳ። 17 አቤት መꬍና ጎዳዉ፥ አሶረ ቢታ ካተቱ ካዉተꬃቱዋነ ኡንቱንቱ ቢታ ባይዜዳዌ ኤ ቱማ። 18 ኡንቱንቱ ጾሳቱዋ ታማን ጹግ ꬋይሴድኖ፤ አያዉ ጎፐ፥ ኡንቱንቱ ጾሳቱ ዎንካ አሳ ኩሺ ማሲደ ከሴዳ ምꬃነ ሹቻነ ግድያ ድራዉ፥ ቱሙ ጾሳቱዋ ግድክኖ፤ ሄዋ ድራዉ፥ ኡንቱንቱ ኡንቱንታ ꬋይሴድኖ። 19 አቤት መꬍና ጎዳዉ፥ ነ ጻላላይ ጾሳ ግድያዋ ሳኣ ካዉተꬃቱ ኡባይ ኤራና ማላ፥ ሀእ ስም፥ መꬍና ጎዳዉ፥ ኑ ጾሳዉ፥ ኔን ኑና አ ኩሽያፐ ዎꬃ አካ!” ያጊደ ዎሴዳ።

20 ሄዋፐ ጉይያን፥ አሞጻ ናአይ እሳያሰ ህዝቂያሳዉ ሀዋዳን ያጊደ ኪቴዳ፤ “መꬍና ጎዳይ እስራኤልያ ጾሳይ ሀዋዳን ያጌ፤ ‘ኔን አሶረ ካትያ ሳናክሬማ ጋሱዋን ታና ዎሴዳ ዎሳ ስሳድ’ ያጌ። 21 መꬍና ጎዳይ ሳናክሬባዋ ሀዋዳን ያጊደ ሃሳዬ፤

29 ሄዋፐ ጉይያን፥ እሳያሰ ካትያ ህዝቂያሳ ሀዋዳን ያጌዳ፤ “ሀዌ ፖለታናዉ ነዉ ማላታይ ሀዋ: ሀ ላይꬅ ህንተንቱ ዘረናን ዶልያ ካꬃ ማና፤ ላይꬅ ቃይ ሀ ላይꬅ ሞኬዳዋ አዛባ ማና። ሽን ካላ ላይꬅ ህንተንቱ ህንተንቱ ሁጲያዉ ዘርተነ ቆይጭተ፤ ዎይንያ ቱራካ ቶክተነ አ ቴራ ሚተ። 30 ይሁዳ አሳ አተꬃቱ ጻጱዋ ዱገ የዲደ፥ ቦላን አይፍያ አይፍያ ምꬃ ማላ ግዳና። 31 አያዉ ጎፐ፥ ዉሪደ አቴዳዋንቱ የሩሳላመፐ፥ ፓላሄዳዋንቱካ ጽዮነፐ ከሳና። ኡባፐ ዎልቃማ መꬍና ጎዳ ምሹ ሄዋ ኦꬂደ ፖላና።

32 “ሄዋ ድራዉ፥ አሶረ ካዉዋ መꬍና ጎዳይ ሀዋዳን ያጌ፤ ‘አሶረ ካቲ ሀ ካታማ ገለና፤ ዎይ ሀዋን ባረ ዎንዳፍያን ዱከና። እ ባረ ጎንዳልያ ኦይቂደ፥ ሀ ካታማ ስንꬃ አና፤ ዎይ ቃይ ካታማ ዩሹዋ ቢታ ዶርያን ድረና። 33 አሶረ ካቲ ባረ ዬዳ ኦግያና ጉየ ስማና፤ እ ሀ ካታማ ገለና። ታን መꬍና ጎዳይ ሀዋ ኦዳድ። 34 ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማ ቦሽሰናን አሻ አካና’ ያጌ” ያጌዳ።

35 ሄ ጋላስ ቃማ መꬍና ጎዳ ኪታንቻይ ከሲደ፥ አሶረ አሳይ ዱንካኔዳ ሳኣን እት ጼታነ ሆስፑን ታማነ እቼሹ ሻአ አቱማ አሳ ዎꬌዳ። ያትና አሳይ ዎንታ ደንዲደ በእያ ዎደ፥ ሀይቄዳ አሳ አሃይ ሄዋን ኩሜዳ። 36 ሄዋ ድራዉ፥ አሶረ ካቲ ሳናክሬመ ደንዲደ፥ ጉየ ስም ቢደ፥ ናናዌ ካታማን ኡቴዳ። 37 እት ጋላስ ሳናክሬመ ባረ ጾሳ ንስሮካ ኤቃ ጎለን ጎይኒደ ደእሽን፥ አ ናናይ አድራመሌክነ ሳርኤጸር ማሻን አ ዎꬌድኖ። አራራተ ግያ ጋድያ ባቃቴድኖ። አ ናአይ አሳርህ-ሀዶን አ ሳኣን ካዉቴዳ።