1 ኑን ጋጻ ሳሮተꬃን ከሴዳ ዎደ፥ ሄ ሃꬃን ዶደቴዳ ሳአይ ማልታ ጌተትያዋ ኤሬዶ። 2 ሃꬃን ዶደቴዳ ሳኣን ደእያ አሳቱ ኑዉ ዳሮ ኬካተꬃ ኬኬድኖ፤ እራይ ቡካናዉ ዶሜዳ ድራዉነ ሜጉዋ ድራዉ፥ ታማ ኤꬂደ፥ ኑና ኡባ ሞኬድኖ።

3 ጳዉሎስ ዳሮ ቃይጼርያ ምꬃ ምጺደ ታማን የግሽን፥ ማርዛማ ሾሻይ ሴላ ድራዉ ከሲደ፥ አ ኩሽያን ጻጸቲደ፥ አ ዱኬዳ። 4 ሃꬃን ዶደቴዳ ሳኣን ደእያ አሳቱ ቅርጫንትያ ሾሻይ ጳዉሎሳ ኩሽያን ጻጸቴዳዋ በኤዳ ዎደ እቱ እቶ፥ “ቱሙ ሀ ብታኒ ሸምፑዋ ዎꬍያ አሳ፤ ሀራይ አቶ አባፐ እ አትናካ ኑ ጾሳ ፕርዳይ አ ፓጻ ደኦ ግቤና” ያጌድኖ።

5 ሽን ጳዉሎስ ባረ ኩሽያፐ ቅርጫንትያ ሾሻ ዉጻኪደ፥ ታማን ኦሌዳ፤ አ አይነ ኦꬅቤና። 6 ኡንቱንቱ፥ “አ ቦላይካ ጋፌ፤ ዎይ አኬከናን ኩንዲደ ሀዬ” ያጊደ አ ናጊኖ፤ ሽን ጮራ ዎድያ ናጊደ፥ አ ቦላን አይነ ዱማቴዳባይ ꬋይና፥ “ሀዌ ጾሳ” ያጊደ ባረንቱ ቆፋ ባሽ አጌድኖ።

7 ሄዋ ሄራን ሃꬃን ዶደት ኡቴዳ ሳኣ ካፑዋ ፑፕልዮሳ ግያዎ ጋዲ ደኤ፤ እ ኑና እማꬃተꬃ፥ ሄዙ ጋላሳ ሲቁዋን ሞክ ሞይዜዳ። 8 ፑፕልዮሳ አቡ ቆጹዋ፥ ሴላነ ኡሉዋ ካꬋ ሳከት ግሲደ ደኤ፤ ጳዉሎስ አ ሶይ ገሊደ፥ አዉ ጾሳ ዎሴዳ፤ ባረ ኩሽያ አ ቦላ ዎꬂደ፥ አ ፓꬄዳ። 9 ሄዋፐ ጉይያን፥ ሄ ሃꬃን ዶደቴዳ ሳኣን ሀርግያ ሀራ ኡባ አሳይካ ቃይ ዪደ ፓጼዳ። 10 ሄዋፐ ስምና ኑና ዳሮ ቦንቹዋ ቦንቼድኖ፤ ኑን ማርካብያን ባናዉ ደንዴዳ ዎደ፥ ኦገዉ ኑና ኮሽያባ ኑዉ እሜድኖ።

11 ሄዙ አገናፐ ጉይያን፥ ሃꬃን ዶደቴዳ ሳኣን ባልጉዋ አꬂደ፥ “ማንተ ጾሳ”*ማንተ ጾሳ፦ ሀዋንቱ ላኡ አቱማ ናናቱ፥ ካስቶርነ ፓሎክሳ ጌተትያዋንቱ ዘዉሰ ናናቱዋ ግዲደ፥ ማርካብያን ደእያ አሳቱዋ ናግያ ጾሳቱዋ ጌተቲደ ጼሰቲኖ። ግያ እስክንድርያ ማርካብያን ባናዉ ደንዴዶ። 12 ኑን ስራኩሰ ግያ ካታማ ገሊደ፥ ያን ሄዙ ጋላሳ ኡቴዶ። 13 ሄዋፐ ዩዪደ፥ ረጊዩመ ግያ ካታማ ጋኬዶ። እት ጋላሳፐ ጉይያን፥ አዋይ ከስያሳ ጼልያ ዎደ ኡሸቻ ዱገሃ ባጋ ጫርኩ ጫርክና፥ ዎንትሳ ጋላስ ፑትያሉሳ ግያ ካታማ ዬዶ። 14 ሄዋን ኑን እት እት አማንያዋንታ ደምና፥ ባረንቱና ላፑ ጋላሳ ኡታና ማላ፥ ኑና ዎሴድኖ፤ ሄዋፐ ቃይ ሮመ ዬዶ።

15 ሮመን ደእያ አማንያዋንቱ ኑባ ስሲደ፥ አፍያሳ ገያነ “ሄዙ አቅያሳ ጌተትያሳ” ጋካናዉ ኑና ሞካናዉ ዬድኖ፤ ጳዉሎስ ኡንቱንታ በኤዳ ዎደ ጾሳ ጋላቲደ፥ ዎዛናን ምንሴዳ።

16 ኑን ሮመ ገሌዳ ዎደ፥ ጳዉሎስ ባረና ናግያ ዎታዳራና ባረካ ደአናዳን ኦሰቴዳ።

17 ሄዙ ጋላሳፐ ጉይያን፥ ጳዉሎስ አይሁዳቱዋ ካፓቱዋ ባረኮ ጼሴዳ፤ ኡንቱንቱ ሺቄዳ ዎደ፥ ኡንቱንታ ሀዋዳን ያጌዳ፤ “ታናዳን አማንያዋንቶ፥ ታን ኑ አሳ ዎይ ኑ አዎቱዋ ዎጋ ኢታባ አይነ ኦናን፥ ታና የሩሳላመን ቃቺደ፥ ሮመ አሳዉ አꬂደ እሜድኖ። 18 ኡንቱንቱ ታና ብዴዳዋፐ ጉየ፥ ሀይቃናዉ በስያባይ ታ ቦላ አይነ ባይና ድራዉ፥ ታና ብላናዉ ኮዬድኖ። 19 ሽን ሄዋ አይሁዳቱ ኤኖ ጌናን እጼዳ ዎደ፥ ‘ታባ ቄሳረ ፕርዶ’ ጋናዌ ታና ኮሼዳፐ አትን፥ ታን ታ ዛርያ ሞትያባይ ታዉ ደእና ግደና። 20 ታን ህንተንቱና ጋከታናዉነ ሃሳያናዉ ህንተንታ ጼሴዳዌ ሄዋሳ፤ አያዉ ጎፐ፥ እስራኤልያ አሳይ ናሸቻን ናግያዋ ድራዉ ታን ሀ ሳንꬃላታን ቃሸታድ” ያጌዳ።

21 አይሁዳ ጭማቱ ጳዉሎሳ፥ “ኑን ይሁዳፐ ነባዉ ዳብዳቢያ አክበይኮ። ኑ እሻቱዋፐካ ሀራይ አቶ፥ እቱካ ዪደ፥ ነባ ኦድቤና፤ ዎይ ነ ሱንꬃ ባይዚደ፥ ኑዉ ኦድቤና። 22 ሽን ሄ አሳ ሱንꬃ ኡባ ሳን አሳይ ባይዚደ ሃሳይያዋ ኑን ኤርያ ድራዉ፥ ነ ቆፋ ስሳናዉ ኮዬቶ” ያጌድኖ።

23 ኡንቱንቱ ባረንቱ ያና ጋላሳ ጳዉሎሳዉ ኬሪደ፥ ሄ ጋላስ ጮሪደ እ ደኢያሳ ዬድኖ፤ እካ ኡንቱንቶ ጾሳ ካዉተꬃባ ማርካቴዳ። ቃይ ኡንቱንቱ የሱሳባ አማናና ማላ፥ ሙሴ ህግያፐነ ናባቱ ጻፌዳዋፐ አኪደ ኡንቱንታ ታማርሲደ፥ ዎንታፐ ኦማርስ ጋካናዉ ሎይꬅ ኦዴዳ። 24 ባጋቱ ጳዉሎስ ጌዳዋ አማኔድኖ፤ ሽን ባጋቱ አማንበይክኖ። 25 ኡንቱንቱ ባረንቱ ግዶን የዉዋ ኤኖ ጌናን እጼዳ ዎደ፥ ጳዉሎስ እትባ ጌዳዋፐ ጉይያን ቤድኖ፤ እ ሀዋዳን ያጌዳ፤ “ጌሻ አያናይ ኑ አዋቶ ናብያ ኢስያሳ ማጻፋን፥

28 “ስም ሀዌ ጾሳ አቶተꬃይ፥ አይሁዳ ግደናዋንቶ ኪተቴዳዌ ህንተንቶ ኤረቶ። ቃይ ኡንቱንቱካ ስሳና” ያጌዳ።

29 [ጳዉሎስ ሄዋ ጌዳዋፐ ጉይያን፥ አይሁዳቱ ባረንቱ ግዶን ዳሮ ፓሉመቲደ ቤድኖ።]†ዱማ ዱማ ማጻፋቱ ሀዋ ጉጅያዌ፥ ጳዉሎስ ሀዋ ጌዳዋፐ ጉይያን ግያዋና።

30 ጳዉሎስ ክራ ጎልያን ላኡ ላይꬃ ኩመንꬃ ደኢደ፥ ባረኮ ይያ ኡባ ሞኬ። 31 ባረና ኦንነ ድገናን ጾሳ ካዉተꬃባነ ጎዳ የሱስ ክርስቶሳባ ኦዲደ፥ ያየናን ዳሪ ቆንጭሲደ ታማርሴዳ።