1 “መꬍና ጎዳዉ፥ ነ ጾሳዉ፥ ፖሎ አዛዘቶፐ፥ ሀች ታን ነዉ እምያ አዛዙዋ ኡባ ሎይꬃደ ካሎፐ፥ መꬍና ጎዳይ ነ ጾሳይ ጋድያን ደእያ ካዉተꬃቱዋ ኡባፐ ኔና ꬎቁ ꬎቁ ኦꬃና።ዛረ. 11:13-17 2 መꬍና ጎዳዉ፥ ነ ጾሳዉ፥ ኔን አዛዘቶፐ፥ ሀዋፐ ካሊደ ደእያ አንጁ ኡባይ ነዋ ግዳናዋ።

7 “ነ ቦላን ደንድያ ነ ሞርከቱዋ መꬍና ጎዳይ ነ ስንꬃን ጾነቴዳዋንታ ኦꬃና። ኡንቱንቱ ነ ቦላ እት ኦግያና ያና፤ ሽን ላፑን ኦግያና ነ ስንꬃፐ ባቃቲደ ꬋያና።

8 “መꬍና ጎዳይ ነ ኩሺ ኦይቄዳዋ ኡባነ ነ ድይያ አንጃና፤ መꬍና ጎዳይ ነ ጾሳይ ነዉ እ እምያ ጋድያን ኔና አንጃና።

9 “ኔን መꬍና ጎዳ ነ ጾሳ አዛዙዋ ናጎፐነ አ ኦግያን ሀመቶፐ፥ እ ነዉ ካሰ ጫቄዳዋዳን፥ መꬍና ጎዳይ ኔና ባረዉ ዱማቴዳ ጌሻ ጋደ ኦꬂደ ኤሳና። 10 ሄዋፐ ጉይያን፥ ጋድያን ደእያ አሳይ ኡባይ መꬍና ጎዳ ሱንꬃይ ኔናን ጼገቴዳዋ በኢደ ያያና። 11 መꬍና ጎዳይ ነዉ እማናዉ ካሰ ነ ማይዛ አዋቶ ጫቄዳ ሄ ጋድያን፥ ነ ኡሉዋ አይፍያ፥ ነ መህያ አይፍያነ፥ ነ ሾይቃ አይፍያ ዳርሲደ ኔና አንጃና።

12 “ነ ኩሽያ ኦሱዋ ኡባ አንጃናዉነ፥ መꬍና ጎዳይ ነ ቢታዉ እራ ዎድያን ቡክሳናዉ ባረ ምንጃ ጎልያ፥ ሳሉዋ ፐንግያ ነዉ ዶያና፤ ቃይ ኔን ዳሮ ካዉተꬃቶ ታልአናፐ አትና፥ ኦፐነ ሃ ታልአካ። 13 መꬍና ጎዳይ ኔና ሁጰ ከሳናፐ አትና፥ ጉየ ዱፈ ከሰና። ሀቼ ታን ነዉ እምያ፥ መꬍና ጎዳ ነ ጾሳ አዛዙዋ ስሳደ፥ ሄዋ ሎይꬃደ ካሎፐ፥ ኔን ቦላ ግዳናፐ አትና፥ ጋርሳ ግዳካ። 14 ታን ነዉ ሀች እሜዳ አዛዙዋፐ ሀድርሳነ ኡሸቻ ጋደ፥ ሀራ ጾሳቱዋ ካሎፓነ ኡንቱንቶ ኦꬆፓ።

15 “ሽን ኔን መꬍና ጎዳ ነ ጾሳ ቃላዉ አዛዘተናን እጻደ፥ ሀች ታን ኔና አዛዝያ ዎጋነ አዛዙዋ ኡባ ናገናን አጎፐ፥ ሀዋፐ ካሊደ ደእያ ሸቃቱ ኡባይ ነ ቦላ ያናነ ኔና ኡንቱንቱ ደማና።

16 “ኔን ካታማን ሸቀቴዳዋ ግዳና፤ ጋጻርያንካ ኔን ሸቀቴዳዋ ግዳና።

17 “ነ ካꬃ ቁንአይነ ነ ሙናቃ ከሪ ሸቀቴዳዋ ግዳና።

18 “ነ ኡሉዋ አይፊ፥ ነ ሾይቃ አይፊ፥ ነ መህያ ዉዲ፥ ነ ዶርሳነ ዴሻ ዉዲ ሸቀቴዳዋ ግዳና።

19 “ኔን ገላደካ ከሳደካ ሸቀቴዳዋ ግዳና።

20 “ኔን ነ ኢታ ኦሱዋን ታና አጌዳ ድራዉ፥ ኤለካ ኔን ꬋያና ጋካናዉ፥ ነ ኦꬅያ ኦሶ ኡባን መꬍና ጎዳይ ሸቃ፥ ሻቢርሳነ ሴራ የዳና። 21 ኔን ላታናዉ ብያ ጋድያፐ ꬋያና ጋካናዉ፥ መꬍና ጎዳይ ኢታ ሀርጊ ኔፐ ዱጸናዳን ኦꬃና። 22 መꬍና ጎዳይ ኔና ግልቃተꬃን፥ ምሹዋንነ ማዱꬃን፥ ጹግያ ሀርጊያንነ ኮሻን፥ ጫርኩዋንነ ዱማ ዱማ ካꬃ ሀርግያን ኔን ꬋያና ጋካናዉ ሾጫና። 23 ኔፐ ቦላና ነ ልክያን ደእያ ሳሉ ናሃሰ ብራታ ግዳናዋ፤ ነ ቢታይካ ብራታ ግዳናዋ። 24 መꬍና ጎዳይ ነ ጋድያን ቡክያ እራ ꬊልያነ ባና ከሳና፤ ኔን ጋድያፐ ꬋያና ጋካናዉ፥ ባናይ ሳሉዋፐ ዱገ ቡካና።

25 “መꬍና ጎዳይ ኔና ነ ሞርከቱዋን ጾንሳና፤ ኔን ኡንቱንታ ኦላናዉ እት ኦግያና ከሳና፤ ሽን ላፑን ኦግያና ነ ኡንቱንቱ ስንꬃፐ ባቃታና። ቢታን ደእያ ካዉተꬃ ኡባይ ነ ቦላ ጋኬዳዋ በኢደ፥ ያሻን ሻቢረታና። 26 ነ አሃይ ሳሉዋ ካፉዋ ኡባዉነ ባዙዋ ዶአዉ ቁማ ግዳና፤ ኡንቱንታ የደርስያባይካ ደኤና።

27 “መꬍና ጎዳይ ኔና ꬋሊ ባይና ግብጼ ማዱꬃን፥ ክጻን፥ እላሁዋንነ ፑሱዋን ኔና ሀርግሳና። 28 መꬍና ጎዳይ ኔና ጎሻን፥ ቆቀተꬃንነ ዳጋማን ሾጫና። 29 ጋላሳ ሴታን ኔን ቆቂ ꬉማን ታታፍያዋዳን ታታፋና፤ ነ ኦꬅያባይ ኡባይ ነዉ ጊገናን እጻና። ነ ደኦ ላይꬃ ኡባን ኡቁነታደነ ቦንቀታደ ደአና። ኔና ማድያ አሳካ ደማካ።

30 “ኔን ማጫ ናቶ ጊግሳና ሽን፥ ሀራይ እዞ ቦንቂደ አፋና። ጎልያ ኔን ኬጻና፤ ሽን አን ደአካ። ዎይንያ ነ ቶካና፤ ሽን አ አይፍያ ማካ። 31 ነ ቦራይ ነ ስንꬃን ሹከታና፤ ሽን አ አሹዋ ማካ። ነ ሀሪ ኔፐ ላገቲደ አከታና፤ ሽን ነዉ ጉየ ስመና። ነ ዶርሳይ ነ ሞርክያዉ እመታና፤ ሄዋ አሻናዉ ኔና ማድያዌ ባዋ። 32 ነ አይፍያ ስንꬃን ነ አቱማ ናናቱነ ማጫ ናናይ ሀራ ካዉተꬃዉ እመታና፤ ኡንቱንቱ ስምና በአና ጋደ ጼልሽን፥ ነ አይፊ ጋልጃና፤ ሄዋ ድጋናዉ ነዉ አይ ዎልቃይነ ደኤና። 33 ነ ቢታ አይፍያነ ነ ዳቡሬዳዋ ኡባ ነ ኤረና አሳይ ማና፤ ነ ደኦ ኡባን ኡቁነቴዳዋነ ናቀቴዳዋ ግዳና። 34 ነ በእያ ኢታይ ኔና ጎሻና። 35 መꬍና ጎዳይ ꬋሊ ባይና ኢታ ማዱꬃን ነ ጉልባታነ ነ ዎድርያ ሀርግሳና፤ የꬍያ ገድያፐ ሁጲያ ጋካናዉ፥ ኔና ሄ ማዱꬃን ሾጫና።

36 “መꬍና ጎዳይ ኔናነ ነ ካትያ፥ ኔና ግድና፥ ነ ማይዛ አዎቱዋ ግድናካ ኤርቤና አሳ ጋደ አፋና። ሄዋን ኔን ምꬃፐነ ሹቻፐ መቴዳ ሀራ ጾሳቶ ጎይናና። 37 መꬍና ጎዳይ ኔና ላልያ ሀራ ካዉተꬃቱዋ ኡባ ግዶን ፖራ ሀዋንቱዋ ጊደ፥ ቅሊጭያዋነ ካእያዋ ግዳናሳ።

38 “ኔን ዳሮ ካꬃ ነ ሾይቃን ዘራና፤ ሽን ቦሊ ም ድግና፥ ጉꬃ ካꬃ ሺሻና። 39 ዎይንያ ቶካደ፥ አ ኦꬃና፤ ሽን ጉጹኒ አ ም ድግና፥ አፐ አይነ ማጻካ፤ አጋደካ አፐ ኡሻካ። 40 ነ ቢታ ኡባን ዛይትያ ዎጋራይ ሞካና፤ ሽን አይፊ ቆቆፈት ክችና፥ ዎጋራ ዛይትያ ደማካ። 41 አቱማነ ማጫ ናናቱዋ ነ የላና፤ ሽን ኦላይ ኦሞድ አፍ ድግና፥ ኡንቱንቱ ኔናና ደእክኖ። 42 ነ ምꬃ ኡባነ ነ ቢታ አይፍያ ቦሊ ዉርሳና።

43 “ነ ግዶን ደእያ በቲ ነ ቦላ ꬎቁ ꬎቁ ጋና፤ ሽን ኔን ጉየ ያደ ዝቂ ዝቂ ጋና። 44 እ ነዉ ታልአናፐ አትና፥ ኔን አዉ ታልአካ፤ እ ሁጰ ግዳናዋ፤ ኔን ዱፈ ግዳናሳ።

45 “መꬍና ጎዳዉ፥ ነ ጾሳዉ፥ አዛዘተናን እጼዳ ድራዉነ እ አዛዜዳ አዛዙዋነ ዎጋ ናገናን እጼዳ ድራዉ፥ ኔን ꬋያና ጋካናዉ፥ ሀ ሸቃቱ ኡባይ ነ ቦላ ዎꬋና፤ ኔና ኡንቱንቱ የደርሳና። 46 ሀ ሸቃቱ ነ ቦላንነ ነ ዛራቱ ቦላን መꬍናዉ ማላታነ ማላልስያዋ ግዳናዋ። 47 ነዉ ሳአይ እንጀቴዳ ዎደ፥ መꬍና ጎዳዉ፥ ነ ጾሳዉ፥ ናሸቻንነ ጋላታን ጎይናባካ። 48 ሄዋ ድራዉ፥ ኔና ኮሻን፥ ሳሙዋን፥ ካሉዋንነ መቱዋን ኡባባ ꬋያደ፥ መꬍና ጎዳይ ነ ቦላ የድያ ነ ሞርከቶ ሞደታና፤ መꬍና ጎዳይ ኔና ꬋይሳና ጋካናዉ፥ ነ ሞርግያን ብራታ ሞርገ ምꬃ ዋጻና።

49 “መꬍና ጎዳይ ኔን ኡንቱንቱ ቃላ ኤረና ካዉተꬃ አንኩ ፓልያዋዳን ኤሌልሲደ፥ ቢታ ጋጻፐ፥ ሃኩዋፐ ነ ቦላ አሀና። 50 ኡንቱንቱ ሀንቁዋ ሶምኡዋና ደእያዋንታ፤ ጭማ ቦንቼናዋንታ፤ ጉꬃቶካ ቃረተናዋንታ። 51 ኔን ꬋያና ጋካናዉ፥ ነ መህያ ማራነ፥ ነ ቢታ አይፍያ ማና። ኡንቱንቱ ኔን ꬋያና ጋካናዉ፥ ነ ካꬃ፥ ነ ዎይንያ ኤሳ፥ ነ ዛይትያ፥ ነ ሚዛነ ነ ዶርሳ ዉድያ ዉርሳና። 52 ነ ጋድያን ደእያ ኔን አማነትያ፥ አዱሳ፥ ምኖ ድርሳቱ ሙለሳና ኮለታና ጋካናዉ፥ ነ ካታማ ዩሹዋን ዶዲደ፥ ኔና ኡንኤꬃና። መꬍና ጎዳይ ነ ጾሳይ ነዉ እሜዳ ቢታ ኡባ ዩሹዋን ዶዲደ ኔና ኡንኤꬃና።

53 “ነ ሞርከቱ ካታማ ዶዲደ ኔና ኡንኤꬅያ ዎደ፥ ምያዋ ꬋያደ፥ መꬍና ጎዳይ ነ ጾሳይ ነዉ እሜዳ፥ ነ ኡሉዋ አይፍያ ግድያ፥ ነ አቱማ ናናቱነ ነ ማጫ ናናቱ አሹዋ ኔን ማና። 54 ነ ግዶን ሀራይ አቶ ካሰ ሱረተꬃንነ አሽከተꬃን ደኤዳ ግያ አስካ ባረ እሻዉ፥ ባረ ሲቅያ ማቻትዉነ ባረ የሌዳ ናናቶ ቃረተና። 55 ሞርከቱ ካታማ ዶዲደ ኡንኤꬄዳዋፐ ደንዴዳዋን፥ ሀራባይ ማናዉ ባይና ድራዉ፥ ባረ ምያ ባረ ናናቱ አሹዋፐ ሀራዉ ኦስነ እመና። 56 ነ ግዶን ካሰ ሱረተꬃንነ አሽከተꬃን ደኣዱ ግያ፥ ባረ ዱረተꬃፐ ደንዴዳዋን ሳኣ የꬋናዉ ሻተትያ ማጫ ምሽራታካ፥ ባረ ሲቅያ አስናዉ ባረ አቱማነ ማጫ ናናቶ ቃረተናን፥ 57 አ ባረ የሌዳ ናኣና ዬዳ ጉየባ ባረ ሲቅያ አስናካ ባረ የሌዳ ናናቱዋካ ጋናን፥ ኡዘታደ ጌማን ባረካ ማድጋና። አያዉ ጎፐ፥ ሞርኪ አ ደእያ ካታማ ዶዲደ እዞ ኡንኤꬄዳነ ቱጋዬዳ ድራዉ፥ እዝዉ ምያባይ ሀራባይ አያይነ ባዋ። 2 ካታ. 6:28-29፤ ሴላ 4:10

58 “ሀ ማጻፋን ጻፈቴዳ ህግያ ቃላቱዋ ኡባ ኔን ናጋና ꬋዮፐ፥ መꬍና ጎዳይ ነ ጾሳይ ማላልስያነ ያሽያ ሱንꬃ ቦንቼናን አጎፐ፥ 59 ነ ቦላነ ነ ዛርያ ኡባ ቦላ መꬍና ጎዳይ ያሽያ ቦሻ፥ ስመና ባሻነ ꬋሊ ባይና ኢታ ሀርግያ ነ ቦላ የዳና።

60 “ካሰ ግብጼ አሳ ቦላ በኣደ፥ ኔን ያዬዳ ግብጼ ሀርግያ ኡባ ዛሪደ፥ ነ ቦላ አሀና፤ ሄ ሀርጊ ኔና የደና። 61 ቃይ ሀ ህግያ ማጻፋን ጻፈትቤና ሀርገ ኡባነ ቦሻ ኡባ ነ ꬋያና ጋካናዉ፥ መꬍና ጎዳይ ነ ቦላ አሀና። 62 መꬍና ጎዳ ህንተ ጾሳ ቃላ ስሰናን እጼዳ ድራዉ፥ ሳሉዋ ጾልንትያዳን ጮራቴዳ ህንተፐ ጉꬃይ አታና። 63 መꬍና ጎዳይ ህንተንቶ ሎኦባ ኦꬅያ ዎደነ ህንተ ፓይዱዋ ጮራይያ ዎደ ዶሴዳዋዳን፥ ሀእ ህንተ ቦላን ባሻ አህያ ዎደካ ህንተና ላልያ ዎደካ ናሸታና፤ ህንተ ላታናዉ ብያ ቢታፐካ ሾደቲደ ꬋያና።

64 “መꬍና ጎዳይ ህንተና ቢታዉ ሀ ጋጻፐ ያ ጋጻ ጋካናዉ፥ ቢታ ኡባን ላላና። ሄዋን ህንተና ግድና፥ ዎይ ህንተ ማይዛ አዎቱ ኤርቤና፥ ሀራ ምꬃነ ሹቻ ጾሳቶ ጎይናና። 65 ሄ ካዉተꬃቱዋ ግዶን ህንተ ዎፓ ደምክታ፤ ህንተ ገድያ ጫማይ የꬍያ ሳኣ ኬሻ ጋዲካ ህንተንቶ ደኤና። ሄዋን መꬍና ጎዳይ ህንተንቶ መቶባ ቆፋ ጻላላን ኩሜዳ ሁጲያ፥ አሞ ጻላላን ዳቡሬዳ አይፍያነ ህዶታ ቃንጹዋን ኩሜዳ ዎዛና እማና። 66 ህንተ ደኡ ኡባይ ህርጋና ግዳናዋ፤ ጋላስነ ቃማ ሻቢርሳንነ ሀይቁዋ ያሻን ኡንኤቲደ ደአና። 67 ህንተ ዎዛናን ኩሜዳ ያሻፐነ ህንተ አይፊ በእያ ፓላፐ ደንዴዳዋን፥ ህንተ ዎንትያ ዎደ፥ ‘አዉደ ቃማንዴሻ’ ቃይ ቃምያ ዎደ፥ ‘አዉደ ዎንታንዴሻ’ ያጋና። 68 ታን ህንተና፥ ‘ላኤንꬆ ሀ ኦግያ ቢክታ’ ጌዳ ኦግያና መꬍና ጎዳይ ህንተና ዛሪደ ማርካብያን ጉየ ግብጼ የዳና። ሄዋን ህንተ አይልያ ግዳናዉ፥ ህንተ ሞርከቶ ህንተና ዛልአናዉ ኮያና፤ ሽን ህንተና አይለያናዉካ ሻምያዋ ደምክታ” ያጌዳ።