1 እስራኤልያ አሳይ ግብጼፐ ከሴዳ ሄዘንꬃ አግናን ሄ ኮይሮ ጋላሳን ሲና መላ ቢታ ጋኬድኖ። 2 ኡንቱንቱ ራፊድመፐ ደንዲደ ሲና መላ ቢታ ቢደ፥ ሄዋን ደእያ ደርያ ስንꬃ መላ ቢታን ኡቴድኖ።

3 ሙሴ ጾሳኮ ፑደ ደርያ ሁጲያ ከስና፥ መꬍና ጎዳይ ደርያ ሁጲያን አ ጼሲደ፥ “ኔን ያቆባፐ የለቴዳ እስራኤልያ አሳዉ ሀዋዳን ያጋደ ኦዳ፤ 4 ‘ታን ግብጼቱዋ ቦላ አያ ኦꬃድታንቶነ ቃይ አርጋንꬃ ቀፍያን ታን ህንተንታ ዋታ ቶካደ ታኮ አሃድታንቶነ ህንተንቱ ህንተንቱ ሁጲያዉ በኤድታ። 5 ስም ሀእ ህንተንቱ ታዉ ሎይꬅ አዛዘቶፐነ ታ ቃላ ጫቁዋ ናጎፐ፥ አሳ ኡባ ግዶን ህንተንቱ ታዉ ቡዞ ግዳና። ኩመንꬃ ሳአይ ታዋ ግዶፐነ ዛረ. 4:20፤ 7:6፤ 14:2፤ 26:18፤ ቲቶ 2:141 ጰጽ. 2:9 6 ህንተንቱ ታ ካዉተꬃ ቄሳቱዋነ ጌሻ አሳ ግዳና’ ያጋ፤ ኔን እስራኤላቶ ኦዳና ቃላይ ሀዋ” ያጌዳ። ሳፃ 1:6፤ 5:10

7 ሙሴ ጉየ ስም ቢደ፥ አሳ ካለꬅያዋንታ ጼስ ሺሺደ፥ መꬍና ጎዳይ ኦዳ ጌዳ ሀ ቃላቱዋ ኡባ ኡንቱንቶ ኦዴዳ። 8 አሳይ ኡባይ እት ዶና ግዲደ፥ “መꬍና ጎዳይ ጌዳዋ ኡባ ኑን ኦꬃና” ያጌድኖ። ሙሴካ ኡንቱንቱ ጌዳዋ መꬍና ጎዳኮ አፌዳ።

9 መꬍና ጎዳይ ሙሳ፥ “ታን ኔናና ሃሳይሽን አሳይ ስሳናዳንነ ኡንቱንቱ ኔናን ኡባ ዎደካ አማነታናዳን፥ ታን ኔኮ ዎልቃማ ሻርያ ግዱዋና ያና” ያጌዳ። ሄዋፐ ጉይያን ሙሴ አሳይ ጌዳዋ መꬍና ጎዳዉ ኦዴዳ።

10 መꬍና ጎዳይ ሙሳ፥ “ኔን አሳኮ ባደ ሀቼነ ዎንት ኡንቱንቱ ጌያናዳን ኦዳ። ኡንቱንቱ ባረንቱ ማዩዋ ሜጪደ፤ 11 ሄዘንꬆ ጋላሳዉ ጊግኖ። አያዉ ጎፐ፥ ሄዘንꬆ ጋላሳን አሳይ ኡባይ በእሽን፥ መꬍና ጎዳይ ሲና ደርያ ቦላን ዎꬋናዋ። 12 ኔን ሀ ደርያ ዩሹዋን አሳዉ ዛዋ ዎꬃደ ኡንቱንቶ፥ ‘ደርያ ፑደ ከሰናዳን ዎይ ደርያ ጻጱዋ ቦቼናዳን ህንተንታ ኤርተ። ደርያ ቦቼዳ ኦንነ ቱሙፐ ሀይቃናዋ። እብራ. 12:18-20 13 ሄ ኡራይ ሹቻን ጫደቲደ ዎይ ዎንዳፍያን ጫደቲደ ሀይቆፐ አትን፤ እ ኩሽያን ቦሸቶፖ። መሄ፥ ዎይ አሳ ግዶፐነ እ ሸምፑዋና አተና’ ያጋ። ማላካታይ ፑነትያ ዎደ፥ ሄ ዎደ ኡንቱንቱ ደርያ ፑደ ከሳና ጎፐ ከስኖ” ያጌዳ።

14 ሙሴ ደርያፐ አሳኮ ዱገ ዎꬌዳዋፐ ጉይያን ኡንቱንታ ጌያናዳን ኦድና፥ ኡንቱንቱ ባረንቱ ማዩዋ ሜጬድኖ። 15 ሄዋፐ ጉይያን አሳ እ፥ “ሄዘንꬆ ጋላሳዉ ጊግተ፤ ማችያና አቆፕተ” ያጌዳ።

16 ሄዘንꬆ ጋላስ ዎንታ ጉጉንꬃ ጉንꬃይ ስሰቴዳ። ዋልቃንꬃይነ ዎልቃማ ሻሪ ደርያ ማዪደ ቤቴዳ፤ ማላካታይካ ፑነትያ ዎልቃማ ኮሻይ ስሰቴዳ። ሄዋ ድራዉ፥ ባረ ደእያ ሳኣን አሳይ ኡባይ ኮኮሬዳ። ሳፃ 4:5ዛረ. 4:11-12 17 ሄዋፐ ጉይያን ሙሴ አሳ ጾሳና ጋꬃናዉ ኡንቱንቱ ደእያ ዱንካንያፐ ከሴዳ፤ ኡንቱንቱ ደርያ ጋርሳ ደምባን ኤቄድኖ። 18 መꬍና ጎዳይ ሲና ደርያ ቦላን ታማና ዎꬌዳ ድራዉ፥ ሲና ደሪ ጩዋን ካመቴዳ። ዎልቃማ ጉዱዋፐ ጩዋይ ከስያዋዳን፥ አፐ ጩዋይ ፑደ ከሴዳ። አሳይ ኡባይ ሎይꬅ ኮኮሬዳ። 19 ማላካታ ፑኑ ሎይꬅ ዳር ዳር ቤዳ ዎደ፥ ሙሴ ሃሳይና፥ ጾሳ ኮሻይ አዉ ዛሪደ ሃሳዬዳ። 20 መꬍና ጎዳይ ሲና ደርያ ኪክያን ዎꬊደ፥ ሙሳ ፑደ ደርያዉ ኪክያ ጼስና ሙሴ ፑደ ከሴዳ። 21 መꬍና ጎዳይ አ፥ “ኔን ዱገ ባደ አሳይ መꬍና ጎዳ በአና ጊደ፥ ዛዋ አናዳንነ ኡንቱንቱፐ ዳሩ ሀይቀናዳን አሳ ሴራ። 22 ሀራይ አቶ መꬍና ጎዳ ማታ ሺቅያ ቄሳቱካ ባረና ጌሻናዉ ኮሼ፤ ሄዌ ꬋዮፐ፥ መꬍና ጎዳይ ኡንቱንታ ሙራና” ያጌዳ።

23 ሙሴ መꬍና ጎዳ፥ “አሳይ ደርያ ፑደ ያናዉ ዳንዳየና፤ አያዉ ጎፐ፥ ኔን ነ ሁጲያዉ፥ ‘ሀ ሳኣ ጌሻዳን ዱማዪደ፥ ሀ ደርያ ዩሹዋን ዛዋ ዎꬅተ’ ጋደ ኑዉ ኦዳ ዎꬃዳ” ያጌዳ።

24 መꬍና ጎዳይ አ፥ “ኔን ዱገ ባደ አሮና ኔናና ፑደ አካደ ያ። ቄሳቱዋነ አሳ መꬍና ጎዳይ ሙረናዳን፥ ኡንቱንቱ ዛዋ አꬊደ ፑደ መꬍና ጎዳኮ ዮፕኖ” ያጌዳ። 25 ሄዋ ድራዉ፥ ሙሴ ዱገ አሳኮ ዎꬊደ፥ ጾሳይ ጌዳዋ ኡንቱንቶ ኦዴዳ።