2
1 ሳሎቱነ ሳአይ ኡንቱንቱን ደእያዌ ኡባባይ ሀዋዳን መት ፖለቴዳ። 2 ጾሳይ ባረ ኦꬄዳ ኦሱዋ ኡሱፑንꬃ ጋላስ ፖሊደ፥ ባረ ኦꬄዳ ኦሱዋ ኡባፐ ላፑንꬃ ጋላስ ሸምፔዳ። እብራ. 4:4፣ 10 3 ቃይ ጾሳይ ላፑንꬃ ጋላሳ አንጄዳነ ጌሻ ኦꬄዳ፤ አያዉ ጎፐ፥ ጾሳይ ባረ ኦꬅያ ኦሱዋ ዉርሲደ ሸምፔዳዌ ሄ ጋላሳና።
ኤደነ ገነትያባ
(2:4-25)
4 ሳሉነ ሳአይ መቴዳዌ ሀዋዳና።
መꬍና ጎዳይ ጾሳይ ሳኣነ ሳሉዋነ መꬌዳ ዎደ፥ 5 ሳኣ ቦላን ምꬃይነ ማታይ ዶልቤና፤ ጫርሻይነ ጫርቤና፤ አያዉ ጎፐ፥ መꬍና ጎዳይ ጾሳይ እራ ቡክስቤና፤ ቃይ ቢታ ኦꬅያ አሳይካ ባዋ። 6 ግዶፐነ ሳኣፐ ሃꬃይ ፑደ ከሲደ፥ ቢታ ኡባ እርጽሴ። 7 ሄዋፐ ጉየ፥ መꬍና ጎዳይ ጾሳይ ቢታ ባናፐ እት አሳ *አሳ: “አሳ” ጉሳይ እብራዋቱዋ ቃላን “አዳማ” ጌተቴ፤ “አዳማ” ጉሳይ “ቢታ” ጉሳ፤ ሄዎ ላኡ ቃላቱ እቱ እቱዋ ማላቲኖ። መꬊደ አ ሲꬍያን ደኡዋ ሸምፑዋ ሸምፕ ገልሴዳ፤ ያትና ብታኒ ደኡዋን ደእያ አሳ ግዴዳ።
8 መꬍና ጎዳይ ጾሳይ አዋይ ዶልያ ባጋና ኤደነ ግያ ሳኣን ገነትያ ቶኬዳ፤ ያን ባረ መꬌዳ ብታንያ ዎꬄዳ። 9 መꬍና ጎዳይ ጾሳይ ጼላናዉ ሎእያ፥ ማናዉካ ማልእያ ኡባ ቆሞ ምꬃ ቢታፐ ዶልሴዳ። ገነትያ ግዱዋን ደኡዋ ምꬃነ ሎኡዋነ ኢታ ኤርስያ ምꬃ ዎꬄዳ።ሳፃ 2:7፤ 22:2፣ 14
10 ገነትያ ኡሽያ ሻፋ ሃꬃይ ኤደነፐ ጎጌ። ኤደነፐ ከሴዳዋፐ ጉየ፥ ኦይዱ ሻፋ ከስ ሻከቴ። 11 ኮይሮ ሻፋ ሱንꬃይ ፕሶና፤ ፕሶን ዎርቃይ ደእያ ኤዉላጻ ግያ ቢታ ኡባ ቦላን ጎጌ። 12 ሄ ቢታ ዎርቃይ ጌሻ ዎርቃ፤ ቃይ አልኦ ሽቱነ ሎይꬅ ሎእያ ሹቻይ ያን ደኤ። 13 ላኤንꬆ ሻፋ ሱንꬃይ ግዮና፤ ግዮን ቶጵያ †ቶጵያ፦ እብራዋቱዋ ማጻፋን “ኩሽ” ጌተቴ። ሄዌካ ግብጼ ጋድያ ዱገሃ፥ ሀእ ደእያ ቶጵያ ጋድያነ ሱዳነ ጋድያ ጉሳ። ቢታ ኡባ ቦላን ጎጌ። 14 ሄዘንꬆ ሻፋ ሱንꬃይ ጸግሮሳ፤ ጸግሮስ አሶረፐ አዋይ ዶልያ ባጋና ጎጌ። ቃይ ኦይደንꬆ ሻፋይ ኤፍራጺሳ።
15 ብታኒ ኤደነ ገነትያ ኦꬃና ማላነ ናጋና ማላ፥ መꬍና ጎዳይ ጾሳይ አ አፊደ ዎꬄዳ። 16 መꬍና ጎዳይ ጾሳይ ብታንያ፥ “ገነትያ ምꬃ ቴራ ኡባፐ ኔን ማና ጎፐ ማ፤ 17 ሽን ሎኡዋነ ኢታ ኤርስያ ምꬃ ቴራፐ ሞፓ፤ አያዉ ጎፐ፥ ኔን አፐ ሜዳ ጋላስ ቱሙ ሀይቃና” ያጊደ አዛዜዳ።
18 ሄዋፐ ጉየ መꬍና ጎዳይ ጾሳይ፥ “ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መꬋና” ያጌዳ።
19 መꬍና ጎዳይ ጾሳይ መሄቱዋ ኡባ፥ ዶአቱዋ ኡባነ ሳሉዋ ካፎቱዋ ኡባ ቢታፐ መꬌዳ፤ ቃይ ብታኒ ኡንቱንታ ዋግ ሱንꬃነንቶነ በአናዉ አኮ አሄዳ፤ ብታኒ ደኡዋን ደእያ መታ ኡባ ሱንꬄዳ ሱንꬃይ ኡንቱንቱ ሱንꬃ ግዲደ አቴዳ። 20 ሄዋዳን ብታኒ መሄቱዋ ኡባ፥ ሳሉዋ ካፎቱዋነ ባዙዋ ዶአቱዋ ኡባ ሱንꬄዳ፤ ሽን አዳማዉ ‡አዳማ: እብራዋቱ ቃላን “አዳማ” ግያ ሱንꬃይ “አሳ” ግያዋ። እንጀትያነ አ ማድያዌ ቤትቤና። 21 ሄዋ ድራዉ መꬍና ጎዳይ ጾሳይ ብታንያ ገምእሹዋ ካይሮዬዳ፤ እ ገምእሹዋ ካይሮት ደእሽን፥ አ ምይያ መቀꬃፐ§ምይያ መቀꬃፐ: አዳማ ምየ አሹዋፐ አከቴዳዋ ጉሳ። እቱዋ አኪደ፥ ሄ ሳኣ አሹዋ ኩንꬄዳ። 22 መꬍና ጎዳይ ጾሳይ ብታንያፐ አኬዳ መቀꬃ ማጫውኖ ኦꬄዳ፤ ያቲደ እዞ ብታንያኮ አሄዳ። 23 ያትና ብታኒ፥ “ሀያናሾ! ሀ መቀꬃታ ታ መቀꬃፐ፥ ሀ አሻታካ ታ አሹዋፐ አከቴዳውኖ፤ እዛካ አቱማ አሳፐ *አቱማ አሳ: ጉሳይ እብራዋቱዋ ቃላን “እሽ” ጌተቴ፤ “ማጫ አሳ” ጉሳይ “እሻህ” ጌተቴ፤ ሄዎ ላኡ ቃላቱ እቱ እቱዋ ማላቲኖ። አከቴዳ ድራዉ፥ ማጫውኖ ጌተቱ” ያጌዳ። 24 ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ። ማቶሳ 19:5፤ ማር. 10:7-8፤ 1 ቆሮ. 6:16፤ ኤፈ. 5:31 25 ብታኒነ አ ማቻታነ ላአቱካ ካሎ ጺራ ደእኖ፤ ሽን እቱ እቶ ዬላትክኖ።
2:2 እብራ. 4:4፣ 10
*2:7 አሳ: “አሳ” ጉሳይ እብራዋቱዋ ቃላን “አዳማ” ጌተቴ፤ “አዳማ” ጉሳይ “ቢታ” ጉሳ፤ ሄዎ ላኡ ቃላቱ እቱ እቱዋ ማላቲኖ።
2:9 ሳፃ 2:7፤ 22:2፣ 14
†2:13 ቶጵያ፦ እብራዋቱዋ ማጻፋን “ኩሽ” ጌተቴ። ሄዌካ ግብጼ ጋድያ ዱገሃ፥ ሀእ ደእያ ቶጵያ ጋድያነ ሱዳነ ጋድያ ጉሳ።
‡2:20 አዳማ: እብራዋቱ ቃላን “አዳማ” ግያ ሱንꬃይ “አሳ” ግያዋ።
§2:21 ምይያ መቀꬃፐ: አዳማ ምየ አሹዋፐ አከቴዳዋ ጉሳ።
*2:23 አቱማ አሳ: ጉሳይ እብራዋቱዋ ቃላን “እሽ” ጌተቴ፤ “ማጫ አሳ” ጉሳይ “እሻህ” ጌተቴ፤ ሄዎ ላኡ ቃላቱ እቱ እቱዋ ማላቲኖ።
2:24 ማቶሳ 19:5፤ ማር. 10:7-8፤ 1 ቆሮ. 6:16፤ ኤፈ. 5:31