1 ጾሳይ ኖሀነ አ አቱማ ናና ሀዋዳን ያጊደ አንጄዳ፤ “የለትተ፤ ጮርተ፤ ሳኣ ኡባ ኩምተ። ዶመꬃ 1:28 2 ሳኣ ዶአቱ ኡባይ፥ ሳሉዋ ካፋቱ ኡባይ፥ ጋድያን ዎጽ ቃጽያባ ኡባይነ አባን ደእያ ሞለቱ ኡባይ ህንተንቶ ያይኖነ ዳጋምኖ። ኡንቱንቱ ህንተንቶ አꬊደ እመቴድኖ፤ 3 ታን ሞክያ ዱማ ዱማ ካꬃቱዋ ህንተንቶ እሜዳዋዳንካ፥ ሸምፑ ደእያ ዎጽ ቃጽያ መታ ኡባይ ህንተንቶ ቁማ ግዳና። 4 ሽን ሱꬃ ግዶን ሸምፑ ደእያ ድራዉ ሱꬃይ አ ግዱዋን ደእያ አሹዋ ሞፕተ። ዶመꬃ 17:10-14፤ ዎጋ 19:26፤ ዛረ. 12:16፣ 23፤ 15:23 5 ታን ህንተንቱ ሸምፑዋና ደእያ ህንተንቱ ሱꬃ ዶኣ ኡባፐ ቱሙ አቻና፤ ቃይ አሳ ኡባፐ፥ አ ማላ አሳ ሱꬃ አቻና። 6 ጾሳይ አሳ ባረና ማላትሲደ መꬌዳ ድራዉ፥ አሳ ሱꬃ ጉስያ ኦናነ ግዶፐነ፥ አ ሱꬃይካ አሳ ኩሽያን ጉካናዋ። ዶመꬃ 1:26፤ ከሳ 20:13 7 ህንተንቱ የለትተ፤ ጮርተ፤ ሳኣን ዳርተ፤ አን ጮርተ” ያጌዳ። ዶመꬃ 1:28

8 ሄዋፐ ጉየ፥ ጾሳይ ኖሀነ አናና ደእያ አ አቱማ ናና፥ 9-10 “ስም ሀእ፥ ታን ታ ጫቁዋ ህንተናና፥ ህንተፐ ጉየ ህንተንቱ ዘረꬃናነ ፓጻ ኔናና ደእያ መታ ኡባና ጫቀታይ፤ ኤ፥ ታን ታ ጫቁዋ ካፉዋና፥ መህያና፥ ሳኣ ዶኣ ኡባናነ፥ ማርካብያፐ ህንተናና ከሴዳ፥ ሸምፑዋና ደእያ መታ ኡባና ጫቃይ። 11 ታን ህንተናና ታ ጫቁዋ ጫቀታይ፤ ሀዋፐ ስንꬃን ሸምፑ ደእያባይ ኡባይ ባሻ ሃꬃን ኡባካ ባየና፤ ሀ ሳኣ ባይዝያ ሃꬃይ ሀዋፐ ስንꬃን ኡባካ ደኤና” ያጌዳ።

12 ቃይካ ጾሳይ፥ “ታን ታፐነ ህንተፐ፥ ህንተናና ደእያ ፓጻ መታቱዋ ኡባፐ ግዱዋን ያና የለታ ኡባና ጫቀትያ ጫቁዋ ማላታይ ሀዋ፤ 13 ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና። 14 ታን ሳኣፐ ቦላን ሻርያ አሄዳ ዎደነ ሻርያን ዙሉ ቤቴዳ ዎደ፥ 15 ታፐነ ህንተፐ ሸምፑ ደእያ ዱማ ዱማ ቆሞ መታ ኡባፐ ግዱዋን ጫቀቴዳ ታ ጫቁዋ ሀሳያና፤ ፓጻ ደእያዋ ኡባ ꬋይሳናዉ ሀዋፐ ስንꬃን ኡባካ ባሻ ሃꬃይ ዬና። 16 ዙሉ ሻርያን ቤቴዳ ዎደ አዉደነ፥ ታን አ በአና፤ ታፐ ጾሳፐነ ሀ ሳኣ ቦላን ሸምፑዋና ደእያ ዱማ ዱማ ቆሞ መታ ኡባፐ ግዱዋን ጫቀቴዳ መꬍና ጫቁዋ ታን ሀሳያና” ያጌዳ።

17 ጾሳይ ኖሀ፥ “ታን ታፐነ ሀ ሳኣ ቦላን ሸምፑዋና ደእያዋ ኡባፐ ግዱዋን ጫቀቴዳ ጫቁዋ ማላይ ሀዋ” ያጌዳ።

18 ማርካብያፐ ከሴዳ ኖሄ አቱማ ናናይ ሴማ፥ ካማነ ያፌታ፤ ካመ ካናነ አዉዋ። 19 ሀዋንቱ ሄዙካ ኖሄ ናና፤ ሳኣን ኡባን ደእያ አሳይ ኡንቱንቱፐ የለቴዳ።

20 ኖሄ ጎሻንቻ፤ እ ዎይንያ ቱራ ቶከꬃ ዶሜዳ። 21 እት ጋላስ እ ሄ ዎይንያ ኤሳ ኡሺደ ማꬆቴዳ፤ ባረ ዱንካንያ ግዶን ካሎ ጺራ ግሴዳ። 22 ካናነ አዉዋ ካመ ባረ አዉዋ ካሉዋ በኤዳ፤ ካረ ከሲደ፥ ባረ ላኡ እሻቶ ኦዴዳ። 23 ሽን ሴምነ ያፌት አፍላ እቱዋ አኪደ፥ ላአቱካ ባረንቱ ሀሽያና ሀሽያና ጋꬅ ኦይቂደ፥ ጉየጉꬃን ሀመት ገሊደ፥ ባረንቱ አዉዋ ካሉዋ ካሜድኖ፤ ኡንቱንቱ ባረንቱ አዉዋ ካሉዋ በኤና ማላ ባረንቱ ዴሙዋ ዎራ ዛሬድኖ።

24 ኖሄ ማꬁ አꬍና ቤጎቲደ፥ አ ናአይ ኡባፐ ቴፋይ አ ኦꬄዳዋ ኤሬዳ። 25 አ፥

28 ባሻ ሃꬃፐ ጉየ፥ ኖሄ 350 ላይꬃ ደኤዳ። 29 ኖሄ ሙለ 950 ላይꬃ ደኢደ ሀይቄዳ።