1 አብራሞ ማቻታ ሳራ አዉ ናኣ የላበይኩ፤ ሽን እዝዉ ግብጼፐ ዬዳ አጋሮ ግያ እት አይላታ ደአዉ። 2 ሄዋ ድራዉ ሳራ አብራማ ጼሳደ፥ “በአ፥ መꬍና ጎዳይ ታዉ የሉዋ ድጌዳ። ኔን ባደ፥ ታ አይላትና ግሳ፤ ኦን ኤሪ፥ ታን እዝ ባጋና ናኣ ዳዮ ግዳነንቶነ” ያጋዱ። አብራመ ሳር ቃላ ስሲደ ማዬዳ። 3 አብራመ ካናነ ጋድያን ታሙ ላይꬃ ኡቴዳዋፐ ጉየ፥ አብራሞ ማቻታ ሳራ ግብጼፐ አሄዳ ባረ አይላቶ አጋሮ፥ ባረ አስና አብራማዉ ማቼተꬃዉ እማዱ። 4 አጋሮ አኬዳ፤ እዛ ሻሃራዱ። እዛ ባረዉ ሻሃራይ አቴዳዋ ኤሬዳ ዎደ፥ ባረ ጎዳቶ ካꬍያ ዶማዱ።

5 ሄ ዎደ ሳራ አብራማ፥ “ታና ሀ ናቁዋ ናቂስያዌ ኔና፤ *ታና ሀ ናቁዋ ናቅስያዌ ኔና፦ ኔን ታ ቦላ ኦꬆዌ ነ ቦላ ፔሾ ጉሳ። ታን ታ አይላቶ ነዉ እምና፥ እዛ ሀእ ባረዉ ሻሃራይ አቴዳዋ ኤራደ፥ ታና ካꬋዉ። ነባነ ታባ መꬍና ጎዳይ ፕርዶ” ያጋዱ።

6 አብራመ ሳሮ፥ “ሀኖ በአ፤ ነ አይላታ ነ ኩሽያና፤ ኔን እዞ ነዉ ሎኦዋ ኦꬃ” ያጌዳ። ሄዋፐ ጉየ፥ ሳራ አጋሮ ናቂና፥ እዛ ከሳደ ኢፐ ባቃታዱ።

7 መꬍና ጎዳ ኪታንቻይ ፑልቱዋ ማታን ዎራን አጋሮ ደሜዳ፤ ሄ ፑልቱ ሹራ ግያ ጋድያ አፍያ ኦግያ ማታና። 8 እ አጋሮ፥ “ሀነ ሳር አይላቴ አጋሬ፥ ሀቃፐ ያድ? ቃይ ሀቃ ባይ?” ያጊደ ኦቼዳ።

እዛ፥ “ታን ታ ጎዳት ሳርፐ ባቃታይ” ያጋዱ።

9 መꬍና ጎዳ ኪታንቻይ እዝዉ፥ “ኔን ነ ጎዳትኮ ጉየ ስማደ ባ፤ እዝዉ ሞደታ” ያጊደ ኦዴዳ። 10 ቃይካ መꬍና ጎዳ ኪታንቻይ እዞ፥ “ነ ዛሪ ፓይዳናዉ ዳንዳየተናዋ ኬና ታን ጮርሳና” ያጌዳ። 11 ቃይካ መꬍና ጎዳ ኪታንቻይ እዞ፥ “ሀእ ኔን ሻሃራ፤ ኔን አቱማ ናኣ የላና፤ አ እስማኤላ †እስማኤላ፦ ሀ ሱንꬃ ብለꬃይ ጾሳይ ስሴዳ ጉሳ። ጋደ ሱንꬃና፤ አያዉ ጎፐ፥ መꬍና ጎዳይ ነ ዋሱዋ ስሴዳ። 12 እ ዎራን የዳ ደእያ ሀርያ ማላ አሳ ግዳና፤ አሳ ኡባና እ ኤቀታና፤ ቃይ አሳይ ኡባይካ አናና ኤቀታና፤ እ ባረ እሻቱዋ ኡባና እጾ ግዲደ ደአና” ያጌዳ።

13 አጋራ፥ “ታን ታና በእያዋ በኣደ ፓጻ አታኔ?” ያጋዱ፤ እዛ ባረዉ ሃሳዬዳ መꬍና ጎዳ፥ “ኔን ታና በእያ ጾሳ” ያጋደ ሱንꬃዱ። 14 ሄዋ ድራዉ ሄ ፑልቱዋ ኦላይ፥ “ታና በእያ ደኡዋ ጾሳ ፑልቱዋ” ጌተቴዳ፤ ሄ ኦላይ ሀኖ ጋካናዉ ቃዴሰፐነ ባሬዳፐ ግዱዋን ደኤ።

15 አጋራ አብራማዉ አቱማ ናኣ የላዱ፤ አብራመ አጋራ የሌዳ ናኣ እስማኤላ ጊደ ሱንꬄዳ።ጋላ. 4:22 16 አጋራ እስማኤላ አብራመዉ የሌዳ ዎደ፥ አብራሞ ላይꬃይ ሆስፑን ታማነ ኡሱፑና።