1 አብራሞ ላይꬃይ ኡዱፑን ታማነ ኡዱፑና ግድያ ዎደ፥ መꬍና ጎዳይ አዉ ቆንጪደ አ፥ “ታን ኡባ ዳንዳይያ ጾሳ፤ ኔን ታ ስንꬃን ሀመታ፤ ሱረ ግዳ። 2 ታን ታፐነ ኔፐ ግዱዋን ታ ጫቁዋ ዎꬃይ፤ ታን ኔና ሎይꬃ ጮርሳና” ያጌዳ። 3 አብራመ ባረ ዴሙዋን ዱገ ጉፋኔዳ፤ ጾሳይ አዉ ሀዋዳን ያጌዳ፤ 4 “ስም፥ ታን ኔናና ጫቀትያ ጫቁ ሀዋ፤ ኔን ዳሮ ካዉተꬃ አዉዋ ግዳና። 5 ሀዋፐ ዶሚደ ነ ሱንꬃይ አብራማ ጌተተና፤ ሽን ነ ሱንꬃይ አብራሃማ *አብራሃማ፦ ሀ ሱንꬃ ብለꬃይ ዳሮ ካዉተꬃዉ አዉዋ ግያዋ ማላቴ። ግዳና። አያዉ ጎፐ፥ ታን ኔና ዳሮ ካዉተꬃ አዉዋ ኦꬃድ።ሮመ 4:17 6 ታን ኔና ሎይꬃ ጮርሳና፤ ታን ኔፐ ካዉተꬃቱዋ መꬋና፤ ካተቱካ ኔፐ ከሳና። 7 ታን ታፐነ ኔፐ፥ ኔፐ ጉየ ነ ዘረꬃፐነ ግዱዋን፥ የለታፐ የለታ ጋካናዉ ታ ጫቁዋ ጫቀታይ፤ ሀ ጫቁ ታን ነዉነ ኔፐ ጉየ ነ ዘረꬃዉ ጾሳ ግዳና ማላ መꬍና ጫቁዋ። ሉቃሳ 1:55 8 ሀእ ኔን በተ ግዳደ ደእያ ካናነ ቢታይ ኡባይ ነዉነ ኔፐ ጉየ ነ ዘረꬃዉ መꬍናዉ ላታ ግዳና ማላ ታን እማና፤ ቃይ ታን ኡንቱንቱ ጾሳ ግዳና” ያጌዳ። ኪታ 7:8

9 ቃይካ ጾሳይ አብራሃማ፥ “ኔና ግዶፐ፥ ኔን ታ ጫቁዋ ናጋ፤ ኔንካ ኔፐ ጉየ ነ ዘረꬃይካ፥ የለታፐ የለታ ጋካናዉ ናግተ። 10 ታፐነ ኔፐነ፥ ኔፐ ጉየ ነ ዘረꬃፐ ግዱዋን ህንተንቱ ናጋና ታ ጫቁ ሀዋ፤ ህንተንቱ ግዱዋን ደእያ አቱማዌ ኡባይ ቃጻረቶ። ኪታ 7:8፤ ሮመ 4:11 11 ህንተንቱ አቱማተꬃ ሾኩዋ ቃጻረቲታ፤ ሄዌ ታፐነ ህንተፐ ግዱዋን ደእያ ጫቆ ማላ ግዳናዋ። 12 ህንተንቱ ግዶን ስንꬃፐ የለታና አቱማ ናናይ ኡባይ የለቴዳ ሆስፑንꬃ ጋላሳን ቃጻረታናዉ ኮሼ። ነ ሶን የለቴዳዋንታ ግድና፥ ዎይ አላጋፐ ሻሉዋን ሻመቴዳ አይለቱዋ ግድና፥ ነ ዘረꬃ ግደናዋንታካ አቱማዋንታ ቃጻራናዉ ኮሼ። 13 ነ ሶን የለቴዳዋንቱ ነ ሻሉዋን ሻመቶዋንቱ ቃጻረትኖ። ሀዌ ህንተንቱ አሹዋን ደእያ ታ ጫቁ መꬍና ጫቁዋ ግዳና። 14 ቃጻረትቤና፥ ባረ ሾኩዋና ደእያ አቱማ አሳይ ኡባይ ባረ አሳፐ ዱጻና፤ አያዉ ጎፐ፥ እ ታ ጫቁዋ መንꬄዳ” ያጌዳ።

15 ቃይካ ጾሳይ አብራሃመ፥ “ስም፥ ነ ማቻት ሳር ሱንꬃ ሳራይ ጎፓ፤ ሀዋፐ ስንꬃዉ እዝ ሱንꬃይ ሳሮ። †ሳሮ፦ ሀ ሱንꬃ ብለꬃይ ካዉተꬃ አቶ ጉሳ። 16 ታን እዞ አንጃና፤ ታን ኢፐ ነዉ አቱማ ናኣ ቱሙ እማና። እዞ ታን አንጃና፤ እዛ ካዉተꬃቱዋ አቶ ግዳና፤ አሳ ካተቱ ኢፐ ያና” ያጌዳ።

17 አብራሃመ ባረ ዴሙዋን ጉፋኔዳ፤ እ ሚጪደ ባረ ዎዛናን፥ “ጼቱ ላይꬃ አሳይ ቱሙ ናኣ የላኔ? ቃይ ኡዱፑን ታሙ ላይꬃ ግዴዳ ሳራ ናኣ የላኔ?” ያጊደ ቆፔዳ። 18 አብራሃመ ጾሳ፥ “እስማኤል ታና ላትያዋ ግዳናዉ ዳንዳየኔ?” ያጌዳ።

19 ሽን ጾሳይ፥ “ቱይት፥ ነ ማቻታ ሳራ ነዉ አቱማ ናኣ ቱሙፐ የላና፤ ኔን ይሳቃ ‡ይሳቃ፦ ሀ ሱንꬃ ብለꬃይ እ ሚጬዳ ግያዋ። ጋደ አ ሱንꬃና። አፐ ጉየ፥ አ ዘረꬃዉ መꬍና ጫቁዋ ግዳና ማላ፥ ታን አናና ታ ጫቁዋ ጫቀታና። 20 ቃይ እስማኤላባ ግዶፐነ፥ ኔን ኦቼዳዋ ታን ስሳድ፤ ታን አካ አንጃና፤ ታን አ አንጃናነ አ ዘረꬃ ሎይꬃ ጮርሳና፤ እ ታማነ ላኡ የለታቱዋ የላና፤ ታን አ ዘረꬃ ዎልቃማ ካዉተꬃ ኦꬃና። 21 ሽን ታን ታ ጫቁዋ ላይꬅ ሀኖደ ሳራ ነዉ የልያ ይሳቃና ጫቀታና” ያጌዳ። 22 ጾሳይ አብራሃማና ሃሳዪደ ዉርሴዳዋፐ ጉየ፥ አብራሃመፐ ሻከቲደ ፑደ ቤዳ።

23 ሄ ጋላሳን አብራሃመ ባረ ናኣ እስማኤላ፥ ባረ ሶን የለቴዳ ኡባ፥ ባረ ሻሉዋን ሻሜዳዋንታ ኡባ፥ ባረ ሶን ደእያ አቱማ አሳ ኡባ፥ ጾሳይ አዉ ኦዴዳዋዳን ኡንቱንቱ አቱማተꬃ ቃጻሬዳ። 24 አብራሃመ ባረ አቱማተꬃ ቃጻረትያ ዎደ፥ ኡዱፑን ታማነ ኡዱፑን ላይꬃ አሳ፤ 25 አ ናአይ እስማኤል ባረ አቱማተꬃ ቃጻረትያ ዎደ፥ ታማነ ሄዙ ላይꬃ ናኣ። 26 አብራሃመነ አ ናአይ እስማኤል ላአቱካ ሄ ጋላስ ቃጻረቴድኖ። 27 አብራሃመ ሶን ደእያ አቱማ አሳይ ኡባይ፥ አ ሶን የለቴዳዋንቱነ ሻሉዋን ሻሜዳዋንቱ ኡባይ አናና ቃጻረቴድኖ።