1 ቃይ አብራሃመ ቃጹሮ ጌተትያ ሀራ ማቻቶ አኬዳ። 2 እዛ ዚምራና፥ ዮቅሻና፥ ማዳና፥ ምድያማ፥ ይሽባቃነ ሹሀ አዉ የላዱ።

3 ዮቅሻን ሳባነ ዳዳና የሌዳ። ዳዳን አሾረታ፥ ለጹሸታነ ለኣማታ የሌዳ።

4 ምድያማ ናናይ አፋ፥ አፋደ፥ ሀኖካ፥ አቢዳአነ ኤልዳአ። ሀዋንቱ ኡባይካ ቃጹር ናና።

5 አብራሃመ ባረዋ ኡባ ይሳቃ ላትሴዳ። 6 ሽን እ ብሮ ፓጻ ደኢደ፥ ባረ ሀራ ማቻቱዋፐ የሌዳ ናናቶ ባረዉ ደእያዋፐ ዎይቴዳ። ባረ ናኣ ይሳቃፐ ኡንቱንታ ሻክ፥ አዋይ ዶልያ ባጋ ቢታዉ የዴዳ።

7 አብራሃመ ሙለ እት ጼታነ ላፑን ታማነ እቼሹ ላይꬃ ደኤዳ። 8 አብራሃመ ዳሮ ዎድያ ደኢደ፥ ሎኦ ጭሚደ ሀይቄዳ፤ ባረ ማይዛቱዋና ጋከቴዳ። 9 አ ናናይ ይሳቅነ እስማኤል አ ማክጴላ ግያ ጎንጎሎ ዱፉዋን ሞጌድኖ፤ ሄ ጎንጎሉ ማምረ ማታን፥ ሂትያ ጾሃራ ናኣ ኤፍሮና ጋድያን ደኤ። 10 ሄዌነ አብራሃመ ሂተቱዋፐ ሻሜዳ ጋድያ። አብራሃመ ባረ ማቻታ ሳራ ሞገቴዳ ሳኣን ሞገቴዳ። ዶመꬃ 23:3-16 11 አብራሃመ ሀይቄዳዋፐ ጉየ፥ ጾሳይ አ ናኣ ይሳቃ አንጄዳ። ሄ ዎደ ይሳቅ፥ “ታና በእያ ደኡዋ ጾሳ ፑልቱዋ” ግያ ፑልቱዋ ማታን ደኤ።

12 ሳር አይላታ፥ ግብጼፐ ዬዳ አጋራ፥ አብራሃመዉ የሌዳ ናኣ እስማኤላ የለታይ ሀዋፐ ካሊደ ጻፈቴዳዋ። 13 እስማኤላ ናናይ ባረንቱ ሱንꬃንነ ባረንቱ የለታ ማራን ሀዋንታ፤ ሄዋንቱነ: ናባዮታ፥ ቄዳራ፥ አድብኤላ፥ ምብሳማ፥ 14 ምሽማአ፥ ዱማ፥ ማሳ፥ 15 ሀዳዳ፥ ቴማ፥ ይጹራ፥ ናፊሻነ ቄድማ። 16 እስማኤላ ናናይ ሀዋንታ፤ ኡንቱንቱ ሱንꬃይ ኡንቱንቱ ሞꬃንነ ደእያ ሳኣን ሀዋ። ኡንቱንቱ ባረንቱ ያራን ታማነ ላኡ ካፓቱዋ። 17 እስማኤል ሙለ ጼታነ ሀታማነ ላፑን ላይꬃ ደኢደ፥ ሀይቄዳ፤ ባረ ማይዛቱዋና ጋከቴዳ። 18 እስማኤላ ዛራቱ ግብጼፐ አዋይ ዶልያ ባጋን ደእያ ሀዊላፐነ ሹራፐ ግዱዋን፥ አሶራ አፍያ ኦግያ ማታን ደኤድኖ። ኡንቱንቱ ባረንቱ እሻቱዋ ኡባና ሞርክያን ደኤድኖ።

19 አብራሃማ ናኣ ይሳቃ የለታይ ሀዋፐ ካሊደ ጻፈቴዳዋ። አብራሃመ ይሳቃ የሌዳ። 20 ይሳቃዉ ላይꬃይ ኦይታሙዋ ግዴዳ ዎደ፥ ርብቆ አኬዳ፤ እዛ ማስጰጾምያን ደእያ ሶርያ ባቱኤላ ናትዉነ ሶርያ ላባና ምቻቶ። 21 ይሳቅ ባረ ማቻታ ማንꬃቶ ግዴዳ ድራዉ፥ እዝዉ መꬍና ጎዳ ዎሴዳ፤ መꬍና ጎዳይ አ ዎሳ ስሴዳ። ያትና አ ማቻታ ርብቃ ሻሃራዱ። 22 ሽን እዝ ኡሎ ግዶን ደእያ ናናይ ማንተ ግድ ኡቲደ፥ እቱ እቱዋና ሱገቴድኖ፤ ያትና እዛ፥ “ሀዌ ታዉ አያዉ ሀኒ?” ያጋዱ። ሄዋ ድራዉ መꬍና ጎዳ ኦቻናዉ ባዱ።

23 መꬍና ጎዳይ እዝዉ፥ ሮመ 9:12

24 እዛ የልያ ዎዲ ጋክና፥ እዝ ኡሉዋን ማንተ አቱማ ናናይ ደኢኖ። 25 ኮይሮ የለቴዳዌ አርሳ፤ አ ቦላ ኡባ እስኪ ማዬዳ፤ ሄዋ ድራዉ ኡንቱንቱ አ ኤሳዉ *ኤሳዉ፦ ሀ ሱንꬃ ብለꬃይ፥ “እስካማ” ግያዋ። ጊደ ሱንꬄድኖ። 26 ሄዋፐ ጉየ፥ አ እሻይ የለቴዳ፤ እ ባረ ኩሽያን ኤሳዉ ግንድያ ኦይቂ ኡቴዳ፤ ሄዋ ድራዉ አ ያቆባ †ያቆብ፦ ሀ ሱንꬃ ብለꬃይ፥ ግንድያ ኦይቂያዋ ግያዋ። ጊደ ሱንꬄድኖ። ርብቃ ኡንቱንታ የሌዳ ዎደ፥ ይሳቃዉ ኡሱፑን ታሙ ላይꬃ ግዴዳ።

27 ናናይ ድጬድኖ፤ ኤሳይ ሻንካ ሂላ ኤርያ ባዙዋ አሳ ግዴዳ፤ ሽን ያቆብ ዱንካንያን ደእያ ዎፓ አሳ ግዴዳ። 28 ይሳቅ ኤሳ ሲቄዳ፤ አያዉ ጎፐ፥ እ ሻንካቴዳባፐ ማናዉ ዶሴዳ፤ ሽን ርብቃ ያቆባ ሲቃዱ።

29 እት ገደ ያቆብ ዎጽያ ካꬅሽን፥ ኤሳይ ኮሻይ ዎꬌዳዌ፥ ዎራፐ ዬዳ። 30 ኤሳይ ያቆባ፥ “ታና ሀ ዞኦ ዎጽያፐ ምዛ፤ ታና ኮሻይ ዎꬌዳ” ያጌዳ። (ሄዋ ድራዉ ቃይ አ ሱንꬃይ ኤዶማ ‡ኤዶማ፦ ሀ ሱንꬃይ እብራዌꬁዋን፥ “ዞኡዋ” ግያዋ። ጌተቴዳ)።

31 ያቆብ አ፥ “ኮይሮ ታዉ ነ ባይራተꬃ ዛልአ” ያጌዳ።

32 ኤሳይ፥ “በአ! ታን ሀይቃና ሀናይ፤ ሀ ባይራተꬃይ ታዉ አያ ጎእ ደኢ?” ያጌዳ።

33 ያቆብ ዛሪደ፥ “አነ ታዉ ኮይሮ ኔን ጫቃ”እብራ. 12:16 ያጌዳ።

እ ጫቄዳ፤ ባረ ባይራተꬃ ያቆባዉ ዛልኤዳ። 34 ያቆብ ኤሳዉ ሶሉዋነ ምስርያ ዎጽያ እሜዳ፤ እ ሜዳነ ኡሼዳ፤ ሄዋፐ ጉየ ደንዲደ ቤዳ። ኤሳይ ባረ ባይራተꬃ ሀዋዳን ካꬌዳ።