1 ያቆብ ደንዲደ ባረ ኦግያ ቢሽን፥ ጾሳ ኪታንቻቱ አናና ጋከቴድኖ። 2 ያቆብ ኡንቱንታ በኤዳ ዎደ፥ “ሀዌ ጾሳይ አቅያ ሳኣ” ያጊደ፥ ሄ ሳኣ ማህናይማ *ማህናይማ፦ ሀ ሱንꬃ ብለꬃይ እብራዌꬁዋን፥ “ላኡ ጩጉ አቅያ ሳኣ” ግያዋ። ጊደ ሱንꬄዳ።

3 ያቆብ ሰኢራ ግያ ሳኣን፥ ኤዶማ ቢታን ደእያ ባረ እሻ ኤሳኮ ኪታ ባረፐ ስንꬃዉ ኪቴዳ። 4 እ ኡንቱንታ ሀዋዳን ያጊደ አዛዜዳ፤ “ህንተንቱ ታ ጎዳ ኤሳዉ ጋናዌ ሀዋ፤ ‘ነ ቆማይ ያቆብ፥ “ታን ላባና ማታን ደኣደ ሀኖ ጋካናዉ ጋምኣድ። 5 ታዉ ሚዛይነ ሀሪ፥ ዶርሳይነ ዴሻይ፥ አቱማ ቆማቱነ ማጫ ቆማቱ ደኢኖ፤ ሀእ ታን ሀ ኪታ ታ ጎዳ ስንꬃን ናሸታና ማላ ኪታድ” ያጌዳ’ ያግተ” ያጌዳ።

6 ኪተቴዳዋንቱ ያቆባኮ ስሚደ አ፥ “ኑን ነ እሻ ኤሳኮ ቤዶ፤ ሀእ እ ቃይ ኔናና ጋከታናዉ ዬ፤ አናና ኦይዱ ጼቱ አሳይ ደኤ” ያጌድኖ።

7 ያቆብ ያዪደ ባትባቴዳ፤ ባረናና ደእያ አሳ ላኡ ጭታን ሻኬዳ፤ ቃይ ባረ ዶርሳ፥ ዴሻ፥ ሚዛነ ጋሉዋ ላኡ ጭታን ሻኬዳ። 8 እ፥ “ኤሳይ ዪደ እት ጭታ ኦልያዋ ግዶፐ፥ አቴዳ ጩጉ ከስ አኮፐነ” ያጊደ ቆፔዳ።

9 ሄ ዎደ ያቆብ ሀዋዳን ያጊደ ዎሴዳ፤ “አቤት መꬍና ጎዳዉ፥ ታ አዉዋ አብራሃመ ጾሳዉ፥ ታ አዉዋ ይሳቃ ጾሳዉ፥ ታና፥ ‘ነ ጋድያ፥ ነ ዳቦቱዋኮ ስማ፤ ታን ነዉ ሎኦባ ኦꬃና’ ጌዳዎ፥ 10 ኔን ነ ቆማዉ ኦꬄዳ ኬካተꬃዉነ ቱማተꬃዉ ኡባዉ ታን በሰናዋ። ታን ሀ ዮርዳኖሳ ሻፋ ፕኔዳ ዎደ፥ ታዉ እት ጻምኣ ጻላላይ ደኤ፤ ሽን ሀእ ታን ላኡ ጩጎ ግዳድ። 11 ታን ኔና ዎሳይ፤ ታ እሻ ኤሳ ኩሽያፐ ታና አሻ፤ አያዉ ጎፐ፥ እ ዪደ፥ ታናነ ማጫዋንታ ኡንቱንቱ ናናቱዋካ ꬋይሳናዌንቶነ ጋደ ያያድ። 12 ሽን ኔን ታና፥ ‘ታን ነዉ ቱሙ ሎኦባ ኦꬃና፤ ታን ነ ዘረꬃነ ፓይዳናዉ ዳንዳየተና አባ ሻፍያ ኬሻ ኦꬃና’ ጌዳዋ ቆፓ” ያጌዳ። ዶመꬃ 22:17

13 ሄ ጋላሳ ቃማ እ ያን አቄዳ፤ ባረዉ ደእያዋ ኡባፐ ባረ እሻ ኤሳዉ እምያዋ ቆሪደ ከሴዳ፤ 14-15 እ ከሴዳዋንቱ ላኡ ጼቱ ማጫ ዴሻቱዋነ ላታሙ ዴሻ ኮለቱዋ፥ ላኡ ጼቱ ማጫ ዶርሳቱዋነ ላታሙ ዶርሳ ኮለቱዋ፥ ሀታሙ ꬋንꬅያ ጋሎቱዋ ኡንቱንቱ ማራቱዋና፥ ኦይታሙ ማጫ ሚዛቱዋ፥ ታሙ ኮሩማ ቦራቱዋ፥ ላታሙ ማጫ ሀረቱዋነ ታሙ አቱማ ሀረቱዋ። 16 ሀዋንታ ዉድያን ዉድያን ሻክ፥ ባረ ቆማቱዋ ኩሽያን ዎꬂደ፥ ባረ ቆማቱዋ፥ “ታፐ ስንꬃዉ ቢደ፥ ዉድያ ዉድያፐ ሃኩዋን ሃኩዋን ላግተ” ያጌዳ።

17 ስንꬃን ካለꬅያዋ፥ “ታ እሻይ ኤሳይ ኔናና ጋከቲደ ኔና፥ ‘ኔን ኦሴ? ኔን ሀቃ ባይ? ነ ስንꬃን ደእያ መህያ ኡባይ ኦሴ?’ ያጊደ ኦችያዋ ግዶፐ፥ 18 ኔን አዉ፥ ‘ሀዋንቱ ነ ቆማ ያቆባዋ፤ ኡንቱንቱ ታ ጎዳ ኤሳዉ እማናዉ የዴዳዋንታ፤ ቃይ እካ ኑፐ ጉየና ይደኤ’ ያጋ” ያጊደ አዛዜዳ።

19 ቃይ እ ላኤንꬃ ሄዛንꬁዋነ ዉድያ ካልያ ሀራቱዋ ኡባቱዋ ሀዋዳን አዛዜዳ፤ “ህንተንቱ ኤሳና ጋከትያ ዎደ፥ ሀንዳንካ ጊታ፤ 20 ‘ነ ቆማ ያቆብ ኑፐ ጉየና ይደኤ’ ጌናን አጎፕተ” ያጌዳ። አያዉ ጎፐ እ፥ “ታን ታፐ ስንꬃዉ እማናዉ ኪቴዳዋን አ ዶሽሳና፤ ኦን ኤሪ፥ ሄዋፐ ጉየ ታን አናና ጋከትያ ዎደ፥ እ ታና ሞክ አካነንቶነ” ያጊደ ቆፔዳ። 21 ሄዋ ድራዉ ባረ እምያዋ ባረፐ ስንꬃዉ የዴዳ። ሽን እ ባረ ሁጲያዉ ሄ ጋላስ ቃማ ያን አቄዳ።

22-23 ሄ ጋላስ ቃማ ያቆብ ደንዲደ፥ ባረ ላኡ ማቻቱዋ፥ ባረ ላኡ ቆማቱዋነ ባረ ናና ታማነ እታቱዋ አኪደ፥ ያቦቃ ግያ ፕኑዋ ጋኬዳ፤ እ ኡንቱንታ ሻፋ ፕንꬄዳ፤ ባረዉ ደእያዋ ኡባካ ፕንꬂደ የዴዳ፤ 24 ሽን ያቆብ ባረካ አቴዳ። ሆሰ 12:3-4

ሄ ዎደ እት አሳይ ሳአይ ዎንታና ጋካናዉ አናና ባጸቴዳ። 25 ሄ አሳይ አ ጾናናዉ ዳንዳይቤናዋ በኤዳ ዎደ፥ ያቆባዉ ሙቄቻ መቀꬃ ቦቼዳ፤ አ ሙቄቻ መቀꬃይ ከስ ዎꬌዳ። 26 ያትና ብታኒ አ፥ “ሳአይ ዎንቴዳ ድራዉ፥ ታና የዳ” ያጌዳ።

ሽን ያቆብ አ፥ “ኔን ታና አንጀናን ታን ኔና የድከ” ያጌዳ።

27 ብታኒ አ፥ “ነ ሱንꬃይ ኦኔ?” ያጊደ ኦቼዳ።

እ፥ “ያቆባ” ያጊደ ዛሬዳ።

28 ብታኒ አ፥ “ሀዋፐ ስንꬃዉ ነ ሱንꬃይ እስራኤልያ †እስራኤልያ፦ ሀ ሱንꬃ ብለꬃይ እብራዌꬁዋን፥ “ጾሳና ባጸቴዳ” ግያዋ። ጌተቶፐ አትና፥ ያቆባ ጌተቶፖ፤ አያዉ ጎፐ፥ ኔን ጾሳናነ አሳና ባጸታደ ጾናዳ”ዶመꬃ 35:10 ያጌዳ።

29 ያቆብ አ፥ “ነ ሱንꬃይ ኦኔ?”ዳና. 13:17-18 ያጊደ ኦቼዳ።

ሽን ብታኒ፥ “ኔን ታ ሱንꬃ አያዉ ኦቻይ?” ያጌዳ ጊደ አ አንጄዳ።

30 ሄዋ ድራዉ ያቆብ ሄ ሳኣ ጲንኤላ ‡ጲንኤላ፦ ሀ ሱንꬃ ብለꬃይ እብራዌꬁዋን፥ “ጾሳ ዴሙዋ” ግያዋ። ጊደ ሱንꬄዳ፤ አያዉ ጎፐ እ፥ “ታን ጾሳ ባዙዋን ጼላድ፤ ግዶፐነ ታን ፓጻ አታድ” ያጌዳ። 31 እ ጲንኤላፐ ደንድያ ዎደ፥ አ ቦላ ጻልቂ ዶሌዳ። እ ባረ ሙቄቻ መቀꬃ ድራዉ ዶጌ። 32 ያቆባ ሙቄቻ አሹዋ ማታን ቦሸቴዳ ድራዉ፥ እስራኤልያ አሳይ መህያ ሙቄቻ አሹዋ ሀቼ ጋካናዉ ሜና።