1 ሄዋ ድራዉ፥ ጾሳይ ጼሴዳ ጌሻ እሻቶ፥ ኑ ማርካተꬃ ጾሳይ ኪቴዳዋ ቄሳቱዋ ኡባቱዋ ካፑዋ፥ የሱስ ክርስቶሳ ቆፕተ። 2 ሙሴ ባረ ኪታን ጾሳ ጎልያ ኡባን አማነቴዳዋ ግዴዳዋዳን፥ የሱስካ ባረና ዶሪደ፥ ሀ ኦሶ የዴዳ ጾሳዉ አማነቴዳዋ። ፓይ. 12:7 3 አያዉ ጎፐ፥ ኬጸትያ ጎልያፐ ኬጽያ ብታኒ ቦንቼትያዋዳን፥ ሙሴዋፐ አꬍያ ቦንቹዋ እ አካናዉ በስያዌ ኤረቴዳዋ። 4 አያዉ ጎፐ፥ ጎልያ ኡባ ኬጼዳዌ እት አሳ፤ ሽን ኡባባ ኬጼዳዌ ጾሳ። 5 ሙሴ ጾሳ ጎልያ ኡባን አማነቴዳ ኦሳንቻ ግዲደ፥ ጾሳይ ስንꬃፐ ጋናዋ ማርካቴዳ። 6 ሽን ክርስቶስ ጾሳ ጎለን ናኣዳን አማነቴዳዋ፤ ኑን አካና ጊደ ናሸቻን ናግያዋ ጻላተꬃንነ አማኑዋን ናጎፐ፥ ጾሳዉ ጎልያ ግዴቶ።

7 ሄዋ ድራዉ፥ ጌሻ አያናይ ሀዋዳን ያጌ፤

12 ታናዳን አማንያዋንቶ፥ ደኡዋ ጾሳፐ ህንተንታ ሻክያ ኢታ አማነና ዎዛናይ ህንተናን ኦናንነ ደኤና ማላ ናገትተ። 13 ሽን ጾሳይ ህንተንታ ኡባ ጋላስ ሀቼ ጊደ ጼስሽን፥ ህንተፐ ኦናነ ናጋራይ ባለꬅና፥ ዞርያ አከናን እጸና ማላ፥ እቱ እቱዋ ዞርተ። 14 አያዉ ጎፐ፥ ኑን ኮይሮ ኑዉ ደእያ አማኑዋ ዉርሰꬃይ ጋካናዉ ሎይꬅ ናጎፐ፥ ክርስቶሳና እትፐ ሻካና። 15 ጾሳ ማጻፋይ፥

16 ጾሳይ ግያዋ ስሲደ፥ አዉ ማካሌዳ አሳቱ ኦኔ? ሙሴ ግብጼፐ ካለꬅና ከሴዳ ኡባቱዋ ግድክኖዬ?ፓይ. 14:1-35 17 ጾሳይ ኦይታሙ ላይꬃ ኦናን ሀንቀቴዴ? አሃይ ዎራን አቴዳ አሳቱዋ፥ ናጋራ ኦꬄዳዋንታ ግድክኖዬ? 18 ቃይ ጾሳይ ባረዉ አዛዘተናን እጼዳዋንቱ እ ሸምፕያ ሳኣ ኡባካ ገለና ማላ፥ ኡንቱንቶ ጫቄዳዋፐ አትን፥ ኦስ ጫቄዴ? 19 ኡንቱንቱ አማንቤና ድራዉ፥ ሸምፕያ ሳ ገላናዉ ዳንዳይቤናዋ ኑን በኤቶ።