2
ዎልቃማ አንጁዋ
1 ሄዋ ድራዉ፥ ኑን ስሴዳ ቱሙ የዉዋፐ ሱገት ዎራ ቤና ማላ፥ ሄ የዉዋ ሎይꬅ ኦይቃናዉ በሴ። 2 አያዉ ጎፐ፥ ኪታንቻቱ ኦዴዳ ቃላይ ቱማ ግድያ ድራዉ፥ ናቂያ ዎይ አዛዘተና አሳይ ኡባይ ሙረቴዳዋ ግዶፐ፥ 3 ያትና፥ ኑን ሀ ዎልቃማ አቶተꬃ ሸነኮ ጎፐ፥ ዋኒደ አታኔ? ጎዳይ ኮይሮ ባረ ሁጰዉ ሀ አቶተꬃ ኦዴዳ፤ ቃይ እ ኦዴዳዋ ስሴዳዋንቱ ኑዉ ጌሺደ ኦዴድኖ። 4 ሄ ስሴዳዋንቱ ማርካቴዳዌ ቦላ ጾሳይካ ማላ፥ ኦራꬃባነ ዱማ ዱማ ማላታ ኪተትያዋን ጉጅ ማርካቴዳ፤ ቃይ ጌሻ አያና እሙዋካ ባረ ኮዬዳዋዳን፥ ግሽ ጋꬄዳ።
አቶተꬃዉ ካለꬅያዋ
5 አያዉ ጎፐ፥ ጾሳይ ኑን ሃሳይያ ስንꬃፐ ያና አላምያ፥ ኪታንቻቱዋ ሞድስቤና። 6 ሽን ጾሳ ማጻፋይ እትሳን ሀዋዳን ያጌ፤
“ጾሳዉ፥ ኔን አሳዋ ቆፓናዉ አሳይ አዬ?
ዎይ ኔን አዉ ህርጋናዉ እ አዬ?ማዝ. 8:4-6
7 ኔን ኪታንቻቱዋፐ፥
አማሬዳ ዎድያ አ ጉꬃዳ።
አ ሁጲያንካ ቦንቹዋነ፥
ሳባ ካላቻ ዎꬃዳ።
8 ቃይ ኡባባ አ ገድያፐ ጋርሳና ዎꬃደ
ሞድሳዳ”
ያጌ። አያዉ ጎፐ፥ ጾሳይ ኡባባካ አ ሞድሴዳዋዳን አን ሞደትቤናዌ አያይነ ባዋ፤ ሽን ሀእ ኡባባይ አዉ ሞደትያዌ ኑዉ ቤተና። 9 ሽን ኑን የሱሳ በኤቶ፤ የሱስ ጾሳ አꬎ ኬካተꬃ ባጋና አሳ ኡባዉ ሀይቃና ማላ፥ አማሬዳ ዎድያ ኪታንቻቱዋፐ ጋርሳ ግዴዳ። ቃይ ሀይቁዋ ዋይያ እ ዋየቴዳ ድራዉ፥ ፖእያ ቦንቹዋነ ሳባ ካላቻ ዎꬄዳዋ ሀእ ኑን በኤቶ። 10 ጾሳይ ኡባባ መꬌዳዌ፥ ኡባባካ ናግያዌ፥ የሱስ ዳሮ ናና አሂደ፥ ባረናና ቦንችሳና ማላ፥ ዋይያ ባጋና የሱሳ ባላይ ባይናዋ ኦꬄዳዋ በሴ፤ አያዉ ጎፐ፥ ሄ ናና አቶተꬃዉ ካለꬅያዌ የሱሳ።
11 አያዉ ጎፐ፥ አሳ ጌሽያ የሱሳዉካ ቃይ ሄ ጌዬዳ አሳ ኡባዉካ አዉ እቱዋ። የሱስ ኡንቱንታ፥ “ታ እሻቱዋ” ጊደ ዬላተናን ጼስያዌ ሀዋሳ። 12 የሱስ፥
“ታን ነ ሱንꬃ ታ እሻቶ አዋያና።
ማባራ ሺቁዋንካ ኔና ጋላታና”
14 ናና ጊደ እ ጼስያዋንቱ፥ አሹዋፐነ ሱꬃፐ መቴዳ አሳቱዋ ግድያ ድራዉ፥ የሱስ ባረ ሁጰዉ ኡንቱንታ ማላቲደ፥ ኡንቱንቱ መታ አኬዳ፤ ቃይ እ ሄዋ ኦꬄዳዌ፥ ጻላህያ ካፑዋ ሀይቁዋ ቦላ ማታይ ደእያዋ ባረ ሀይቁዋን ꬋይሳናሳ። 15 ቃይ ባረንቱ ደኡዋ ኡባን ሀይቆ ያዪደ፥ ሀይቆ አይለቲደ ደእያዋንታ ኡባቱዋ አይለተꬃፐ ከሴዳ።
16 አያዉ ጎፐ፥ አብራሃማ ዛርያ እ ማድያዋፐ አትን፥ ኪታንቻቱዋ ማደናዌ ኤረቴዳ። ኢሳ. 41:8-9 17 ሄዋ ድራዉ፥ አሳ ናጋራይ አቶ ጌተታና ማላ፥ ጾሳ ኪታን አማነቴዳ ማርያ ቄሳቱዋ ኡባቱዋ ካፑዋ ግዳና ማላ፥ ኡባባን እ ባረ እሻቱዋ ማላታናዉ በሴ። 18 አያዉ ጎፐ፥ እ ባረ ሁጰዉ ፓጨቴዳ ድራዉነ ዋየቴዳ ድራዉ፥ ፓጨትያዋንታ ማዳናዉ ዳንዳዬ።