1 ኦዝያና ናአይ እዮኣታም የሌዳ አካዝ ይሁዳ ጋድያን ካተቴዳ ዎደ፥ ሶርያ ጋድያ ካቲ ራጺንነ እስራኤልያ ጋድያ ካቲ ራማልያ ናአይ ፓቁህ የሩሳላመ ኦላናዉ ዬድኖ፤ ሽን ጾናናዉ ዳንዳይበይክኖ። 2 ካታ. 16:5፤ 2 ኦዱዋ 28:5-6

2 ሶርያ ጋዲ ኤፍሬማ ቢታና እትፐ ኦላዉ ጫቀቴዳዋ ዳዊታ ዛርያፐ ካተቴዳ ካቲ ስሴዳ ዎደ፥ ደርያን ጫርኩ ቃꬅያ ምꬃዳን፥ አካዛ ዎዛናይነ አ አሳ ዎዛናይ ዳጋማን ሻቢረቴዳ።

3 ያትና፥ መꬍና ጎዳይ ኢስያሳ፥ “ኔን ነ ናኣ ሻኣር-ያሹባ*ሻኣር-ያሹባ፦ ሀ ሱንꬃ ብለꬃይ እብራዌꬁዋን፥ “አማሬዳዋንቱ ስማና” (10:20-22 በእተ) ግያዋ። አካደ፥ አካዛና ጋከታናዉ ባ፤ ማዩዋ ሜጭያዋንቱ ጎሻኮ አፍያ ኦግያ ማታን ቆሞና ደእያ ሺቄዳ ሃꬃ ጼራን ኔን አ ደማና። 4 አዉ ሀዋዳን ያጋደ ኦዳ፤ ‘ናገታ፤ ህርጎፓ፤ ሶርያ አሳ፥ ካትያ ራጺናነ ራማልያ ናኣ ሀንቆ ያዮፓ፤ ነ ዎዛናይካ ሻባረቶፖ፤ አያዉ ጎፐ፥ ላኡ ካተቱ ታማፐ አꬂደ ጩዋትያ ላኡ ምꬃ ዱሩማ ማላ።

5 “ ‘ሶርያ ጋድያ አሳይ ኤፍሬማ አሳናነ ራማልያ ናኣና ነ ቦላ ኢታባ ማቀቲደ፥ 6 “አነ ይሁዳ ጋድያን ዎራጂደ፥ መንሬꬅድነ ኑ ግዶን ሻኪደ፥ ጻብኤላ ናኣ ካዉꬄቶ” ያጊኖ’ ያጋ” ያጌዳ።

7 ግዶፐነ፥ ኡባ ሞድያ መꬍና ጎዳይ ሀዋዳን ያጌ፤ “ሄ ኡንቱንቱ ማቁ ምነና፤ ሙለካ ሄዌ ፖለተናዋ። 8 አያዉ ጎፐ፥ ዳማስቁ ሶርያ ቢታዉ ሁጲያ፤ ካቲ ራጺንካ ዳማስቆ ካታማዉ ሁጲያ። ኡሱፑን ታማነ እቼሹ ላይꬃ ግዶን ኤፍሬማ ጋዲ ቡንቼቲደ፥ ካዉተꬃ ግደናን አታና። 9 ቃይ ሳማሪ ኤፍሬማ ቢታዉ ሁጲያ፤ ራማልያ ናአይ ሳማርያ ካታማዉ ሁጲያ፤ ህንተ አማኑዋን ምኒደ ኤቀናን ꬋዮፐ፥ ህንተካ ኤቂክታ” ያጌ።

10 ቃይካ መꬍና ጎዳይ አካዛዉ፤ 11 “መꬍና ጎዳይ ነ ጾሳይ ነዉ ቦላ ሳሉዋፐ፥ ዎይ ጋርሳ ሳኣ ጪሙዋፐ እት ማላታ እማና ማላ ኦቻ” ያጌዳ። 12 ሽን አካዝ፥ “ኦችከ፤ መꬍና ጎዳካ ፓጭከ” ያጌዳ።

13 ያትና፥ እስያስ፥ “ህንተኖ፥ ዳዊታ ዛረቶ፥ ስስተ! ህንተ አሳ ዳቡርስያዌ አይ ጉጽና፥ ቃይ ታ ጾሳ ዳቡርሲቴ? 14 ያቶፐ፥ ጎዳይ ባረ ሁጲያን ህንተንቶ ማላታ እማና፤ ወዶራታ ሻሃራደ አቱማ ናኣ የላና፤ አ ሱንꬃካ አማኑኤላ †አማኑኤላ፦ ሀ ሱንꬃ ብለꬃይ እብራዌꬁዋን፥ “ጾሳይ ኑናና ደኤ” ግያዋ። ያጋደ ሱንꬃና።ማቶሳ 1:23 15 እ ኢታ እጻናዉነ ሎኡዋ ዶራናዉ ኤርያ ዎደ፥ መኤዳ ማꬃነ ኤሳ ኡታና። 16 ሽን ናአይ ኢታ እጻናዉነ ሎኡዋ ዶራናዉ ኤራናፐ ካሰቲደ፥ ኔን ሎይꬅ ያዬዳ ላኡ ካተቱ ቢታቱ ኮለት መላ ግዳና።

17 “ኤፍሬማ ጋዲ ይሁዳ ጋድያፐ ሻከቶደፐ ዶምና ሀንቤና መቶ ዎድያ መꬍና ጎዳይ ነ ቦላ፥ ነ አሳ ቦላነ ነ አዉዋ ጎልያ ቦላ አሀና፤ ሄ ያናዌካ አሶረ ጋድያ ካትያ” ያጌዳ።

18 ሄ ጋላሳይ ጋክያ ዎደ፥ መꬍና ጎዳይ ኡዱንጸቶ፥ ግብጼን ሃኮ ሻፋን ደእያ አሳቶ ማላታና፤ እ ማꬃቱዋ፥ አሶረ ጋድያ አሳቱዋ ጼሳና። 19 ያትና፥ ኡንቱንቱ ኡባይካ ዪደ፥ ዛንጋራ ሾባን፥ ሹቻ ጎንጎሉዋን፥ አጉንꬃይ ደእያ ቡራንነ ሃꬃ ኦላን ኡታና።

20 ሄ ጋላስ ጎዳይ ኤፍራጺሳ ሻፋፐ ሄፍንꬃ ባጋፐ ሁጲያ ቃንጽያ አሳ ጼሳና፤ እካ አሶረ ጋድያ ካትያ፤ እ ዪደ፥ ህንተ ሁጲያ ብናና፥ ህንተ አሳተꬃ ብናናነ ህንተ ቡቻ ሜዳና።

21 ሄ ጋላስ እት አሳይ መጽ እት ማꬃ ሚዛነ ላኡ ዴሻቱዋ ጻላላ አሻና። 22 ግዶፐካ፥ ኡንቱንቱ ማጽያ ማꬃይ ሎይꬅ ዳሮ ግድያ ድራዉ፥ እ መኤዳ ማꬃ ኡታና፤ ሄ ጋድያን አቴዳ አሳይ ኡባይካ መኤዳ ማꬃነ ኤሳ ኡታና።

23 ሄ ጋላስ እት ሻአ ብራን ዋሸትያ ሻአ ዎይንያ አኖቱ ደእያ ሳን ኡባን ክንድቹነ አጉንꬃ ጻላላይ ሞካና። 24 ቢታ ኡባን ክንድቹነ አጉንꬃይ ኩሜዳ ድራዉ፥ አሳይ ያ ብያ ዎደ፥ ቶራነ ዎንዳፍያ ኦይቂደ ባና። 25 ካሰ ጎማን ቡልኤዳ ዞዘቱዋን ሀእ ክንድቹነ አጉንꬃይ ኩሜዳ ድራዉ ያዪደ፥ እት አሳይነ ያ ቤና። መሂ የደትያሳነ ዶርሳይ ሄመትያሳ ግዳናዋ።