1 ታን ዘምፕሳደ ኦይኬዳ ታ ቆማይ፥ ታ ሸምፑ አን ናሸትያዌ፥ ታን ዶሬዳዌ ሀዎኮ። ታን ታ አያና አ ቦላ ዎꬃድ፤ እ ካዉተꬃቶ ሱረ ፕርዳ አሀና። ማቶሳ 3:17፤ 17:5፤ ማር. 1:11፤ ሉቃሳ 3:22፤ 9:35ማቶሳ 12:18-21 2 እ ዋሰና፤ ዎይ ባረ ቃላ ꬎቂሰና፤ ዎይ ቃይ ባረ ቃላ ኦግያን ስሰና። 3 ትንጨቴዳ ሾምቦቁዋ እ መንና፤ ቃይ ሊአካቲደ ኤጽያ ሙቃዳካ እ ቶይሰና። እ አማነቲደ፥ ሱረ ፕርዳ አሀና። 4 እ ቢታን ሱረ ፕርዳ ኤሰናን ደኢደ አገና፤ ዎይ ጉየ ጌና። አባ ዶና ቢታቱዋን ደእያ አሳይ ኡባይ አ ህግያ ስሳናዉ ናጌ።

5 ጾሳይ መꬍና ጎዳይ፥ ሳሎቱዋ መꬊደ ምጬዳዌ፥ ኪታ 17:24-25 ሳኣነ ሳኣፐ ከስያዋ ኡባ ኦꬄዳዌ፥ ሳኣን ደእያ አሳዉ ሸምፑዋ እምያዌ፥ አን ሀመትያ ኡባዉ ደኡዋ እምያዌ ሀዋዳን ያጌ፤ 6 “ታን መꬍና ጎዳ፤ ታን ኔና ጽሎተꬃን ጼሳድ፤ ታን ነ ኩሽያ ኦይቃደ፥ ኢሳ. 49:6፤ ሉቃሳ 2:32፤ ኪታ 13:47፤ 26:23 ኔና ናጋና። ታን ኔና ካዉተꬃቶ ፖኦ ኦꬃደ፥ ቃይ አሳዉካ ጫቁዋ ኦꬃደ እማና። 7 ኔን ቆቅያ አይፍያ ዶያና ማላ፥ ኦሞደቴዳዋንታ ኦሞዱዋ ጎልያፐ ከሳና ማላ፥ ꬉማን ደእያዋንታካ ቃሾ ጎልያፐ ከሳና ማላ፥ 8 ታን መꬍና ጎዳ፤ ሄዌ ታ ሱንꬃ። ታ ቦንቹዋ ታን ሀራዉ እምከ፤ ታ ጋላታካ ማሰቲደ ጊጌዳ ምስለቶ እምከ። 9 በእተ፥ ካሰ ታን ኦዴዳዋንቱ ኡባይ ፖለቴድኖ። ሀእ ቃይ ታን ኦራꬃባ አዋያይ፤ ኡንቱንቱ ሀናናፐ ካሰታደ ታን ህንተንቶ ኦዳይ” ያጌ።

18 ጾሳይ ሀዋዳን ያጌ፤ “ህንተኖ ቱለቶ፥ ስስተ፤ ህንተኖ ቆቀቶ፥ ህንተ በአና ማላ ጼልተ። 19 ታ ቆማፐ ሀራ ቆቂ ኦኔ? ታን ኪትያ ኡራፐ ሀራ ቱሊ ኦኔ? ጾሳዉ ዱማቴዳ ኡራዳን፥ ዎይ መꬍና ጎዳ ቆማዳን ቆቃይ ኦኔ? 20 ዳሮባ ጼሊታ፤ ሽን አኬክክታ። ህንተንቱ ሀይꬃቱካ ዶያ፤ ሽን ስስክኖ” ያጌ።

21 መꬍና ጎዳይ ባረ ጽሎተꬃ ድራዉ፥ ባረ ህግያ ግታያናዉነ ቦንቻናዉ ዶሴዳ። 22 ሽን ሀዌ አሳይ ቦንቀቴዳነ ዎꬅ አከቴዳ። ኡንቱንቱ ኡባይካ ዲዛን ኦይቀቲደ፥ ቃሾ ጎልያን ቆሰቴድኖ። ኡንቱንቱ ቦንቀቴድኖ፤ ሽን ኡንቱንታ አሽያዌ ባዋ። ቃይ ኦሞደቴድኖ፤ ሽን ኦንነ፥ “ዛርተ” ያግያዌ ባዋ።

23 ህንተ ግዶፐ ሀዋ ስሳናዌ ኦኔ? ቃይ ስንꬃፐ ያና ዎድያባ ሀይዛናዌ ኦኔ? 24 ያቆባ ኦሞድያዎ፥ እስራኤልያ ቦንቂያዎ አꬂደ እሜዳዌ ኦኔ? አ ቦላን ኑን ናጋራ ኦꬄዳ፥ አ ኦግያን ኡንቱንቱ ቤናን እጼዳነ አ ህግያዉካ ኡንቱንቱ አዛዘተናን እጼዳ መꬍና ጎዳ ግደኔየ? 25 ሄዋ ድራዉ፥ እ ኡንቱንቱ ቦላ ባረ ሀንቁዋ ሱሉዋነ ያሽያ ኦላ ጉሴዳ፤ እ ኡንቱንቱ ዩሹዋን ታማ ኤꬄዳ፥ ሽን ኡንቱንታ ኤርበይክኖ፤ እ ኡንቱንቱ ጹጌዳ፤ ሽን ኡንቱንቱ አኬክበይክኖ።