1 ህንተኖ፥ አባ ዶናን ደእያ ቢታቶ፥ ታን ኦድያዋ ስስተ። ኤር. 1:5 ህንተኖ፥ ሃኩዋን ደእያ ካዉተꬃቶ፥ ስስተ። ታን የለታናፐ ካሰ መꬍና ጎዳይ ታና ጼሴዳ፤ ቃይ ታ ዳይ ኡሉዋን ደእሽን፥ ታ ሱንꬃ ሱንꬄዳ። 2 ታ እንጻርሳ ሳታና ደእያ ማሻዳን ኦꬄዳ፤እብራ. 4:12፤ ሳፃ 1:16 ባረ ኩሽያ ኩዋን ታና ገንꬄዳ፤ እ ታና ፖሼዳ ቶራዳን ኦꬄዳ፤ ያቲደ ባረ ሾኩዋ ግዶን ታና የጊደ ቆሴዳ።

3 እ ታና፥ “ኔን ታን ኔናን ቦንቼትያ ታ ቆማ እስራኤልያ” ያጌዳ።

4 ሽን ታን ሀዋዳን ያጋድ፤ “ታን መላ ጮ ዳቡራድ፤ ታ ዎልቃካ ጎኤናባንነ ሀዳባን ጮ ዉርሳድ። ታ ፕርዳይ ጾሳ ማታና፤ ታ ጋቲካ ታ መꬍና ጎዳ ማታና” ያጋድ።

5 ሀእካ፥ ታን መꬍና ጎዳ አይፍያ ስንꬃን ቦንቼቴዳ ድራዉነ ታ ጾሳይ ታዉ ዎልቃ ግዴዳ ድራዉ፥ ያቆባ አኮ ዛራናዉነ እስራኤልያ አኮ ሺሻናዉ፥ ታን አዉ ቆማ ግዳናዳን፥ ታና ታ ዳይ ኡሉዋን መꬌዳዌ መꬍና ጎዳይ ሀዋዳን ያጌ፤ 6 “ኔን ያቆባ ዛርያ ደንꬃናዉነ እስራኤልያፐ አቴዳዋንታ ዛራደ አሀናዉ፥ ኔን ታዉ ቆማ ግድያዌ ቄር ጉꬃባ። ሄዋ ቦላ ጉጃደ፥ ታ አቶተꬃይ ቢታ ጋጻ ጋካናዳን፥ ታን ኔና ካዉተꬃቶ ፖኦ ኦꬃና” ያጌ። ኢሳ. 42:6፤ ሉቃሳ 2:32፤ ኪታ 13:47፤ 26:23

7 አሳይ ካꬌዳዎ፥ እጼዳዎነ ደርያ ሞድያዋንቶ ቆማዉ፥ መꬍና ጎዳይ፥ እስራኤልያ ዎዝያዌ፥ እስራኤልያ ጌሻይ ሀዋዳን ያጌ፤ “አማነትያ መꬍና ጎዳ ድራዉነ ኔና ዶሬዳ እስራኤልያ ጌሻ ድራዉ ካተቱ በኢደ፥ ደንድ ኤቃና። ደርያ ሞድያዋንቱካ በኢደ ጎይናና” ያጌ።

8 መꬍና ጎዳይ ሀዋዳን ያጌ፤ 2 ቆሮ. 6:2 “ታን ዶሬዳ ዎድያን ነ ኦሻ ዛራድ። አቶተꬃ ጋላስ ታን ኔና ማዳድ። ታን ኔና ናጋና፤ ኔን ቢታ ዛረꬃደ ኤሳና ማላ፥ አሳይ ደኤና ቢታቱዋካ ኔን ላትሳና ማላ፥ ታን ኔና አሳዉ ጫቁዋ ኦꬃደ እማድ። 9 ኦሞዱዋን ደእያዋንታ፥ ‘ከስተ!’ ꬉማ ቃሹዋን ደእያዋንታካ፥ ‘ብለትተ!’ ጋና ማላ፥ አሳዉ ጫቁዋ ኦꬃደ ኔና እማና። ኡንቱንቱ ኦግያ ማታን ሄመታና፤ ዞዘትያ ከራ ኡባ ቦላ አላጻና። 10 ኡንቱንቱ ኮሻትክኖ ዎይ ሳመትክኖ። ሳፃ 7:16-17 ኡንቱንቱ ባዙዋ ምሹ ጹገና፤ አዋይካ ኡንቱንታ ሜና። ኡንቱንቶ ቃረꬅያዌ ኡንቱንታ ካለꬃና፤ ፑልቶ ሃꬃኮካ ኡንቱንታ ላጋና።

11 “ታን ታ ደረቱዋ ኡባ ኦገ ከሳና፤ ታ ዎጋ ኦገቱካ ዛንጋራፐ ꬎቁ ጋና። 12 በአ፥ ታ አሳይ ሃኮ ሳፐ ያና: ሁጲሳ ባጋፐነ አዋይ ዉልያ ባጋፐ ያና። ቃይ አስዋና ቢታፐካ ያና” ያጌ።

13 ህንተኖ ሳሎቶ፥ ናሸቻን የጽተ። ኔኖ ቢታዉ ናሸታ። ህንተኖ ደረቶ፥ እልልተ! አያዉ ጎፐ፥ መꬍና ጎዳይ ባረ አሳ ምንꬄዳ፤ ቃይ ባረ መቶታንቻቶካ ቃረቴ።

14 ሽን ጽዮና፥ “መꬍና ጎዳይ ታና አጌዳ፤ ጎዳይ ታና ዶጌዳ” ያጋዉ።

15 ጾሳይ ሀዋዳን ያጊደ ዛሬ፤ “አታ ባረ ꬋንꬅያ ናኣ ዶጋናዉ ዳንዳያይ? ባረ ኡሉዋፐ የሌዳ ናአዉ ቃረተኬየ? ጌላዳን አ ዶግንቶካ፥ ታን ኔና ዶግከ! 16 በአ፥ ታን ኔና ታ ኩሽያ ጎምፓን ጻፋ ዎꬃድ፤ ነ ድርሳ ግምበቱካ ኡባ ገደ ታ ስንꬃን ደኢኖ።

17 “ኔና ዛረꬂደ ኬጽያዋንቱ ያና፤ ኔና ኮሌዳዋንቱ ከሲደ ባና። 18 አነ ꬎቁ ጋደ፥ ነ ዩሹዋ ጼላ፤ ነ ናናይ ኡባይ እትፐ ሺቂደ፥ ኔኮ ያና። ታን መꬍና ጎዳይ ታ ደኡዋን ጫቃይ: ኔን ኡንቱንቱ ኡባ አሌቁዋዳን ማያና፤ ቡላቼታናዉ ሀንያ ምሽራቲዳን፥ ኔን ኡንቱንታ ማያና።

19 “ነ ባሻ ሳአቱነ መላ ቢታቱ ሀእ ኔናን ደእያ አሳዉ ሎይꬅ ኡንአና፤ ቃይ ኔና ኮሌዳዋንቱካ ኔፐ ሃካና። 20 ኔን ካዮትያ ላይꬃቱዋን ነዉ የለቴዳ ናናይ ነ ሀይꬃን ኦዲደ፥ ‘ሀዌ ሳአይ ኑዉ ሎይꬅ ኡንኦ፤ ሄዋ ድራዉ፥ ኑዉ ደአናዉ አኮ ሳኣ እማ’ ያጋና። 21 ኔን ነ ዎዛናን፥ ‘ሀዋንታ ናናቱዋ ኡባ ታዉ ኦኔ የሌዳዌ? ታን የላደ ማንꬃ አታድ ሽን፤ ታን ማይናድ ሽን፤ ታን ኦሞደታደ ዎራ ባድ ሽን። ያትና፥ ሀዋንታ ኦኔ ድቼዳዌ? በአ፤ ታን ታረካ አታድ፤ ያትና ሀዋንቱ ናናይ ኡባይ ሀቃፐ ዬድኖ?’ ያጋና” ያጌ።

22 ኡባ ሞድያ መꬍና ጎዳይ ሀዋዳን ያጌ፤ “በአ፥ ታን ካዉተꬃቶ ማላታ በሳና፤ ታን አሳዉ ታ ባንድራ ኤሳና። ኡንቱንቱ ነ አቱማ ናናቱዋ እድም አሀና፤ ነ ማጫ ናናቱዋካ ባረንቱ ሀሽያን ቶኪደ አሀና። 23 ካተቱ ኔና ድችያ አዎቱዋ ግዳና፤ ኡንቱንቱ ማጫ ካተቱካ ኔና ꬋንꬅያዋንታ ግዳና። ኡንቱንቱ ጉፋኒደ፥ ነዉ ጎይናና፤ ቃይ ነ ገድያ ባናካ ላጫና። ታን መꬍና ጎዳ ግዴዳዋ ኔን ሄዋን ኤራና፤ ታናን አማነቲደ ናግያዋንቱ ዬላትክኖ” ያጌ።

24 ኦሞዱዋን አኬዳዋ ዎልቃማ ኩሽያፐ ዛርሳና ዳንዳዪቴየ? ዎይ ኦሞዲደ አፌዳ አሳይ መቀꬅ ባይና ኢታ ኩሽያፐ ከስ አካናዉ ዳንዳዪየ?

25 ሽን መꬍና ጎዳይ ሀዋዳን ያጌ፤ “ዎልቃማይ ኦሞዲደ አፌዳባይ ስማና፤ መቀꬅ ባይና ኢታቱዋ ኩሽያን ኦሞደቴዳ አስካ ከስ አካና። አያዉ ጎፐ፥ ኔናና ኦለትያዋንቱና ታን ኦለታና፤ ነ ናናቱዋካ ታን አሻና። 26 ኔና ኡቁንያዋንቱ ባረንቱ አሹዋ ማናዳን፥ ታን ኦꬃና፤ ቃይ ዎይንያ ኤሳ ኡሺደ ማꬆትያዋዳን፥ ኡንቱንቱ ባረንቱ ሱꬃ ኡሺደ ማꬆታና። ያቶፐ አሳ ኡባይ ታን መꬍና ጎዳ፥ ኔና አሽያዋ፥ ዎዝያዋነ፥ ያቆባ ዎልቃማ ግድያዋ ሄዋን ኤራና” ያጌ።