1 መꬍና ጎዳይ ሀዋዳን ያጌ፤ “ታን ህንተ ዳዮ የዴዳ ፕርማይ ሀቃን ደኢ? ዎይ ኦስ ህንተና ታን ዛልኣድታ? በእተ፥ ህንተ ናጋራ ድራዉ፥ ህንተ ዛልኤቴድታ፤ ህንተ ባይዙዋ ድራዉ፥ ህንተ ዳያ ብለታዱ። 2 ታን ዬዳ ዎደ፥ አያዉ ሄዋን አሳይ ꬋዬዴ? ታን ጼሴዳ ዎደ፥ ‘ዬ!’ ጋናዉ አያዉ አሳይ ሄዋን ደእቤኔ? ታን ህንተና ዎዛናዉ ታ ኩሺ ቃንꬄየ? ዎይ ህንተና አሻናዉ ታዉ ዎልቃይ ባዌየ? በእተ፥ ታን ሴራደ አባ መልሳይ። ሻፋቱዋካ መላ ቢታ ኦꬃይ። ኡንቱንቱን ደእያ ሞለቱ ሃꬃይ ꬋይና ዎቂኖ፤ ሳሙ ዎꬍና ሀይቂኖ። 3 ታን ሳሎቱዋ ካረꬃባ ማይዛይ፤ ዋሩዋካ ኡንቱንቱ ካመትያባ ኦꬃይ” ያጌ።

4 ዳቡሬዳዋ ታን ቃላን ዋታደ ምንꬃነንቶ ኤራና ማላ፥ ኡባ ሞድያ መꬍና ጎዳይ ታዉ ታማሬዳ እንጻርሳ እሜዳ። እ ታና ዎንታ ዎንታ ቤጎꬂደ፥ ታን ታማርያ አሳዳን ስሳናዳን፥ ታ ሀይꬃ ዶዬ። 5 ኡባ ሞድያ መꬍና ጎዳይ ታ ሀይꬃ ዶዬዳ፤ ታንካ ማካላንቻ ግዳበይከ፤ ጉየካ ስማበይከ። 6 ታን ታ ዞክያ ሾጭያዋንቶ፥ ማቶሳ 26:67፤ ማር. 14:65 ታ ጋጩዋ ቡቻ ሾድያዋንቶ አꬃደ እማድ። ታ ሶምኡዋ ካዉሻፐነ ጩቻ ጩሸትያሳፐ ገንꬃበይከ። 7 ኡባ ሞድያ መꬍና ጎዳይ ታና ማድያ ድራዉ፥ ታን ዬላታበይከ፤ ሄዋ ድራዉ፥ ታን ታ ሶምኡዋ ሳልያ ግያ ሹቻዳን ኡዳድ። ታን ዬላተናን አታናዋካ ኤራይ። 8 ታና ሻትንꬅያዌ ማታን ደኤ፤ ሮመ 8:33-34 ያትና፥ ታና ሞትያዌ ኦኔ? አነ እትፐ ታናና ኤቆ! ታ ሞርኪ ኦኔ? አነ ታናና ጋከቶ! 9 በእተ፥ ኡባ ሞድያ መꬍና ጎዳይ ታና ማዴ፤ ያትና፥ ታና ባይዛንቻ ጋናዌ ኦኔ? በእተ፥ ኡንቱንቱ ኡባይካ ማዩዋዳን ኤጭ ዉራና፤ ብልአይ ኡንቱንታ ማና።

10 ህንተ ግዶፐ መꬍና ጎዳዉ ያይያዌነ አ ቆማ ቃላዉ አዛዘትያዌ ኦኔ? ꬉማን ሀመትያዌነ ፖኡ ባይናዌ እ ኦኔ? ሄ ኡራይ መꬍና ጎዳ ሱንꬃን አማነቶ፤ ባረ ጾሳንካ ዘምፖ። 11 በእተ፥ ህንተኖ ታማ ኤꬅያ ኡባ ገደ፥ ዪቻ ጾምፕያ ላጩዋ ህንተንቶ ሺሽያዋንቶ፥ ህንተ ኤꬄዳ ታማ ፖኡዋን ሄመትተ! ህንተ ዪጬዳ ጾምፕያ ላጩዋ ፖኡዋን ስመረትተ! ህንተ ታ ኩሽያፐ አካናዉ ደእያባይ ሀዋ: ህንተ ዎልቃማ ሴላን ግሳና።