1 መꬍና ጎዳይ ሀዋዳን ያጌ፤ “ሀነ፥ የላቤና ማይናቴ፥ የጻ!ጋላ. 4:27 ኔኖ፥ ኦይꬃይ ኦይቂ ኤረናኔ፥ ነ ቃላ ꬎቁ ኦꬃደ እልላ! አያዉ ጎፐ፥ ባረ አስናና ደእያ ማጫን ናናቱዋፐ፥ ባረካ ደእያ ማጫን ናናይ ዳራና። 2 ነ ዱንካንያ ሳኣ አሳ፤ ቃይ ኔን ደእያ ሳኣን ጋርዳቱዋካ ፕድ ኦꬃደ ምጫ። ጉየ ጎፓ፤ ዎዶሩዋካ አዱሳ፤ ሽካልያካ ምንሳ። 3 ኔን ኡሸቻ ባጋናነ ሀድርሳ ባጋና አካና፤ ነ ዛራቱ ካዉተꬃቱዋ ላታና፤ ኡንቱንቱ መላ ካታማቱዋን ኬጺደ ኡታና።

4 “ያዮፓ፤ አያዉ ጎፐ፥ ኔን ዬላታካ። ዳጋሞፓ፤ አያዉ ጎፐ፥ ኔን ካዉሻካ። ኔን ነ ያላጋተꬃ ዬላ ዶጋና፤ ነ አምኤተꬃ ቦርያካ ሀዋፐ ስንꬃን ሀሳያካ። 5 አያዉ ጎፐ፥ ኔና መꬌዳዌ ነዉ አስና፤ አዉ ሱንꬃይካ ኡባፐ ዎልቃማ መꬍና ጎዳ። እስራኤልያ ጌሻይ ኔና ዎዜዳዋ፤ እ ቢታ ኡባ ጾሳ ጌተቴ” ያጌ። 6 ነ ጾሳይ ሀዋዳን ያጌ፤ “አስናይ ኡባና አግ ባሽና፥ ዶገታደ ካዮትያ ማጫ ምሽራቲዳንነ ያላጋተꬃን አስና ጎለፐ ከሴዳ ምሽራቲዳን ኔን ሀና ደእሽን፥ ታን መꬍና ጎዳይ ኔና ዛራ ጼሳድ።

7 “እት ጉꬃ ዎድያዉ ታን ኔና አጋድ፤ ሽን ዎልቃማ ማሮታን ኔና ታን ዛራ ሺሻና። 8 ሱልያ ሀንቁዋን፥ ታን ታ ዴሙዋ ኔፐ ጉꬃ ዎድያዉ ገንꬃድ፤ ሽን መꬍና ሲቁዋን ታን ነዉ ቃረታና” ያጌ። መꬍና ጎዳይ፥ ኔና ዎዝያዌ ሀዋ ኦዴ።

9 ነዉ ቃረትያ መꬍና ጎዳይ ሀዋዳን ያጌ፤ “ሀዌ ታዉ ኖሄ ዎድያ ማላ። ሄ ዎደ ታን ኖሄ ዎዴ ባሻ ሃꬃይ ላኤንꬁዋ ሳኣ ምተናዳን ጫቃድ፤ ዶመꬃ 9:8-17 ሄዋዳንካ፥ ኔና ላኤንꬆ ሀንቀተናንነ ሴረናን አጋናዉ ታን ጫቃድ። 10 ደረቱ ቃጻናዉ፥ ዞዘቱካ ባረንቱ ደኢያሳፐ ክቻናዉ ዳንዳዪኖ፤ ሽን ታ አገና ሲቁ ኔፐ ሻከተና፤ ታ ሳሮተꬃ ጫቁካ ክቼና” ያጌ።

11 ጾሳይ ሀዋዳን ያጌ፤ ሳፃ 21:18-21 “ኔኖ፥ መቶቴዳ ካታማቴ! ጎቲ ያነ ሃነ ሾጬዳነ፥ ምንꬅያብ ꬋዬዳነ፥ በአ፥ ታን ኔና ቦንቾ ሹቻን አሌቂሳደ ኬጻና፤ ነ ባሱዋንካ ሳምፔርያ ግያ ሹቻ ሂጻና። 12 ነ አዱሳ ሹቻ ግምቢያን ደእያ ጉምቡዋ ታን እንቁዋ ግያ ዳሮ አልኦ ዞኦ ሹቻን ግምባና፤ ነ ፐንግያ ጶልያ አልኦ እንቁዋን፥ ነ ድርሳ ኡባካ ቦንቾ ሹቻን ግምባና። 13 ነ አቱማ ናናቱዋ ኡባ መꬍና ጎዳይ ታማርሳና፤ ዮሃ. 6:45 ነ ናናቱ ሳሮተꬃይካ ዳራና። 14 ኔን ጽሎተꬃን ምናደ ኤቃና፤ ሱገꬃይነ ኡቁናይ ኔፐ ሃካና። ኔን አያዉካ ያያካ፤ ዳጋማይካ ኔኮ ሺቀና። 15 ኔና ኦላናዉ ደንድያዌ ደኦፐ፥ ሄዌ ታ ሸንያ ኦና፤ ታን ነ ባጋ ግድያ ድራዉ፥ ኔና ኦላናዉ ደንድያ ኡባይ ኩንዳና።

16 “በአ፥ ዎምፒናን ታማ ፑኒደ፥ ባረ ሀልቾ ሀንያ ኦላ ሚሻ ቆጽያ አሳቱዋ ታን መꬋድ። ቃይ ባይዛናዳን፥ ባይዝያዋንታካ ታን መꬋድ። 17 ኔና ቆሀናዉ ኦꬄዳ አይ ሚሻይነ ኔና ቆሂደ ካንꬅ ከሰና። ኔና ሞትያ እንጻርሳ ኡባዉ ግድያ ዛሩዋ ኔን እማና። መꬍና ጎዳ ቆማቱ ላታይ ሀዋ፤ ኡንቱንታ ታን ሻትንꬃና” ያጌ። መꬍና ጎዳይ ሄዋ ኦዴ።