1 ታናዳን ጾሳ ካልያዋንቶ፥ ህንተ ኑ ቦንቾ ጎዳ የሱስ ክርስቶሳ አማን ደኢደ፥ ዴሙዋ ጼሊደ፥ አሳ ቦንቾፕተ። 2 አያዉ ጎፐ፥ ዎርቃ ምግዱዋ ዎꬂደ፥ ሎኦ ማዩዋ ማዬዳ እት አሳይ ህንተ ሺቁዋ ዮፐ፥ ቃይ ጩርቃ ማዩዋ ማዬዳ ህዬሳ አስካ ዮፐ፥ 3 ሎኦ ማዩዋ ማዬዳ ብታንያ ህንተ አꬅ ቦንቺደ አ፥ “ኔን ሀዋን ኡባፐ ሎእያ ኦይድያን ኡታ” ጊደ ቃይ ህዬሳ ብታንያ፥ “ኔን ህንና ኤቃሻ፤ ዎይ ሀዋን ታ ገድያ ማታን ሳኣን ኡታ” ጎፐ፥ 4 ያትና ህንተ ህንተ ግዶን ሻኮተꬃ መꬍያዋንታነ ኢታ ቆፋና ደእያ ዳናቱዋ ግድክቴዬ?

5 ታናዳን ጾሳ ካልያዋንቶ፥ ስስተ፤ ጾሳይ ሀ ሳኣን ደእያ ህዬሳ አሳይ አማኑዋን ዱረታናዉነ ባረና ሲቅያዋንቶ እማና ጌዳ ሳሉዋ ካዉተꬃ ላታናዉ ዶርቤነዬ? 6 ሽን ህንተ ህዬሳቱዋ ቶቼድታ። ዱረቱ ህንተና ቱጋይያዋንታ ግድክኖዬ? ኡንቱንቱ ህንተና ዳናን ሞትያዋንታ ግድክኖዬ? 7 ህንተዉ እመቴዳ ሎኦ ሱንꬃ ቦርያዋንቱ ኡንቱንታ ግድክኖዬ?

8 ሽን ጾሳ ማጻፋን፥ “ነ ሾሩዋ ነ ሁጲያዳን ሲቃ” ጌተቲደ ጻፈቴዳ ካትያ ህግያ *ካትያ ህግያ፦ ኡባፐ አꬉዋን ጎእያ ህግያ፤ ሀዋ ብለꬃይ፥ ካትያፐ እመቴዳዋ ጉሳ። ካቲ ኦኔ ጎፐ ጾሳፐ እመቴዳ ህግያ። ህንተ ፖሎፐ፥ ሎኦባ ኦꬂታ።ዎጋ 19:18 9 ሽን ህንተ አሳ ዴሙዋ ጼሊደ ቦንቾፐ፥ ናጋራ ኦꬂታ፤ ቃይ ህጊ ህንተ ቦላ፥ ህግያ መንꬄዳዋንቱዳን ፕርዳና። 10 አያዉ ጎፐ፥ ኦንነ ህግያ ኡባ ናጊደ፥ እትኖ መንꬅያዋ ግዶፐ፥ ሄ ኡራይ ህግያ ኡባ መንꬄ። 11 አያዉ ጎፐ፥ “ዎሹሞፓ” ጌዳዌ ቃይ “ዎꬎፓ” ጌዳ፤ ሽን ኔን ዎሹማና ꬋዮፐካ፥ ዎꬌዳዋ ግዶፐ፥ ህግያ መንꬃዳ።ከሳ 20:13፣ 14፤ ዛረ. 5:17፣ 18 12 አሳ አይለተꬃፐ ከስያ ህግያን፥ ፕርዳ አካና አሳቱዋዳን ሃሳይተነ ኡንቱንቱዋዳን ኦꬅተ። 13 አያዉ ጎፐ፥ አሳ ማርቤና ኡራ ጾሳይ ማረናን ፕርዳና፤ ማሮተꬃይ ፕርዳ ጾኔ።

14 ታናዳን ጾሳ ካልያዋንቶ፥ እት ኡራይ ባረዉ አማኑ ደኤ ጎፐ፥ ቃይ አ አማኑዋ አ ኦሱ ኤርሳና ꬋዮፐ፥ አ አይ ጎአኔ? አ አማኑ አ አሻናዉ ዳንዳዪ? 15 እት እሻይ፥ ዎይ እት ምቻታ ካሎቶፐ፥ ቃይ ኡንቱንቶ ኡባ ጋላስ ምያባይ ꬋዮፐ፥ 16 ህንተፐ እት ኡራይ ኡንቱንታ፥ “ሳሮ ቢተ። ታማ ሆእተ። ካሊደ ሚተ” ጊደ፥ ኡንቱንቶ ኮሽያዋ እማና ꬋዮፐ፥ ኡንቱንታ አይ ጎአኔ? 17 ሄዋ ድራዉ፥ አማኑ ኦሱ ባይናን ባረካ ደኦፐ ሀይቄዳዋ።

18 ሽን እት ኡራይ፥ “ነዉ አማኑ ደኤ፤ ቃይ ታዉ ኦሱ ደኤ። ኔን ነ አማኑዋ ነ ኦሱዋፐ ሻካደ ታና በሳ፤ ታንካ ታ አማኑዋ ታ ኦሱዋን ኔና በሳና” ጋና። 19 ኔን እት ጾሳይ ደእያዋ አማናሳ፤ ሄዌ ሎአ። ጻላሄቱካ ቃይ አማኒኖ፤ ያሻን ኮኮሪኖ። 20 ኔን ኤያይ! አማኑ ኦሱዋፐ ሻከቲደ ጎኤናዋ †ጎኤናዋ፦ ሀዋ ጉሳይ ሀይቄዳዋ ጉሳ። ኤራናዉ ኮያይ? 21 ኑ አቡ አብራሃሞ ባረ ናኣ ይሳቃ ያርሽያ ሳኣ ቦላ ዎꬄዳ ዎደ፥ ባረ ኦሱዋን ጽልቤኔ?ዶመꬃ 22:1-14 22 አ አማኑነ አ ኦሱ እትፐ ኦꬄዳዋነ አ አማኑ አ ኦሱዋን ፖለቴዳዋ በእኪ? 23 ጾሳ ማጻፋይ “አብራሃሞ ጾሳ አማኔዳ። ጾሳይካ ሄዋ አዉ ጽሎተꬃን ፓይዴዳ” ጌዳዌ ፖለቴዳ፤ ቃይ ጾሳ ዳቦ ጌተቲደ እ ጼሰቴዳ። ዶመꬃ 15:6፤ 2 ኦዱዋ 20:7፤ ኢሳ. 41:8 24 አሳይ አማኖ ጻላላና ግደናን፥ ኦሱዋን ጽልያዋ ህንተ በኢታ።

25 ሄዋዳንካ ቃይ ጫራታ ራኣባ ኪተቶዋንታ ሞካደ ሀራ ኦግያና ኡንቱንታ ሞይዜዳ ዎደ፥ ባረ ኦሱዋን ጽላበይኬ?ኢያሳ 2:1-21

26 አያዉ ጎፐ፥ ሸምፑ ሻከቴዳ ቦላይ ሀይቄዳዋ ግድያዋዳን፥ ሄዋዳንካ ቃይ ኦሱ ሻከቴዳ አማኑ ሀይቄዳዋ።