1 ፓስጋ ቦንችያ ጋላሳፐ ኡሱፑን ጋላሳ ካሰቲደ፥ የሱስ እ ሀይቁዋፐ ደንꬄዳ አልኣዛር ደእያ ቢታንያ ግያ ካታማ ቤዳ። 2 ሄ ሳኣን ኡንቱንቱ አዉ ካዉዋ ካꬄድኖ፤ አልኣዛር አናና ኡቲደ እትፐ ምያዋንቱ ግዶን ኡት ደእሽን፥ ማርታ ካዉዋ ግሻ ምዛዱ። 3 ማይራማ ዳሮ ሻሉዋን ዛልኤትያ እት ጻራሙስያ ግድያ ናርዶሳ ጌተትያ ጌሻ ሽቱዋ አሃደ፥ የሱሳ ገድያ ኦካደ ባረ ብናናን አ ገድያ ቁጫዱ፤ ጎልያ ኡባይ ሽቱዋ ሳዉዋን ቶሽኩ ጌ።

4 ሽን የሱሳ ካልያዋንቱፐ እቱ፥ የሱሳ አꬅ እማናዌ፥ ይሁዳ አስቆሮቱ፥ 5 “ሀ ሽቱ ሄዙ ጼቱ ዲናርያን ዛልኤትና፥ አያዉ ሄዌ ህዬሳዉ እመተኔ?” ያጌዳ። 6 እ ካይሱዋ ግዴዳ ድራዉ፥ ሄዋ ጌዳፐ አትን፥ ህዬሳዉ ቃረቲደ ግቤና፤ እ ሚሻ ቃርጪትያ ኦይቂያዋ ግድያ ድራዉ፥ ኡባ ዎደ አፐ ባረዉ አኬዳ።

7 የሱስ፥ “ሀ ሽቱዋ ታን ሞገትያ ጋላሳይ ጋካናዉ እዛ አያዉ ምንጃኔ? እዞ አግተ። 8 ህዬሳቱ ኡባ ዎደ ህንተናና ደአና፤ ሽን ታን ኡባ ዎደ ህንተናና ደእከ” ያጌዳ። ዛረ. 15:11

9 አይሁዳቱዋፐ ዳሮ አሳይ የሱስ ቢታንያን ደእያዋ ስሲደ፥ ያ ቤዳ፤ ኡንቱንቱ የሱሳ በአና ግሻ ጻላላዉ ግደናን፥ እ ሀይቁዋፐ ደንꬄዳ አልኣዛራካ በአናዉ ቤድኖ። 10 ሄዋ ድራዉ፥ ቄሳቱዋ ካፓቱ አልኣዛራካ ቃይ ዎꬋናዉ ማቀቴድኖ። 11 አያዉ ጎፐ፥ አልኣዛራ ጋሱዋን ዳሮ አይሁዳቱ ባረና ካለꬅያዋንታ አጊደ፥ የሱሳ አማኒኖ።

12 ዎንተꬃ ጋላስ ፓስጋ ቦንችያሳ ዬዳ ዳሮ አሳይ የሱስ የሩሳላመ ብያዋ ስሴዳ። 13 ያቲደ ዛምባ ሀይꬃ ኦይቂደ፥ *ዛምባ ሀይꬃ ኦይቂደ፦ ሀዌ አይሁዳ አሳይ ኤረቴዳ አሳ ሞክያ ዎጋ። አ ሞካናዉ ከሴድኖ። ባረንቱ ኮሻ ꬎቁ ኦꬂደ፥

16 የሱሳ ካልያዋንቱ ሄዋ ካሰ አኬክበይክኖ፤ ሽን የሱስ ቦንቼቴዳዋፐ ጉይያን፥ ጾሳ ማጻፋይ ሄዋ ኡባ ጌዳዋነ ቃይ ኡንቱንቱካ ሄዋ ኡባ የሱሳዉ ኦꬄዳዋ ሀሳዬድኖ።

17 አልኣዛር ሞገቴዳ ጎንጎሉዋፐ የሱስ አ ጼሲደ፥ ሀይቁዋፐ ደንꬄዳ ዎደ፥ የሱሳና ደእያ ዳሮ አሳይ የሱሳዉ ማርካቴዳ። 18 ዳሮ አሳይ አ ሞካናዉ ከሴዳዌ፥ እ ሄ ዎልቃማ ማላልያዋ ኦꬄዳ ድራሳ። 19 ሄዋ ድራዉ፥ ፓርሳዋቱ እቱ እቱዋ፥ “ህንተንቱ አይነ ኦꬃናዉ ዳንዳየናዋ በኢቴ! በእተ፥ ጋደ ኡባይ አ ጌዱዋ ካሌዳ” ያጌድኖ።

20 ፓስጋ ቦንችያ ጋላስ ጎይናናዉ የሩሳላመ ቤዳዋንቱ ግዶን እት እት ግሪከ አሳቱ ደኢኖ። 21 ኡንቱንቱ ጋሊላ ጋድያን ቤተሳይዳ ጌተትያ ካታማፐ ዬዳ ፕልጶሳኮ ቢደ፥ “ጎዳዉ፥ ኑን የሱሳ በአናዉ ኮዬቶ” ያጊደ ዎሴድኖ። 22 ፕልጶስ ቢደ፥ እንድራሳዉ ኦድና ላአቱካ ቢደ፥ የሱሳዉ ኦዴድኖ።

23 የሱስ ኡንቱንቶ ሀዋዳን ያጌዳ፤ “ታን፥ አሳ ናአይ፥ ቦንቼትያ ሳቲ ጋኬዳ። 24 ታን ህንተንቶ ቱሙዋ ኦዳይ፤ እት ዛርጋ አይፋታ ቢታን ዎꬋአደ ዎቃና ꬋዮፐ፥ ባረካ አታዉ። ሽን ሄ ዛርጋ አይፋታ ዎቆፐ፥ ዳሮ አይፍያ አይፋዉ። 25 ባረ ሸምፑዋ ሲቅያ ኦንነ ባይዜ፤ ቃይ ባረ ሸምፑዋ ሀ ሳኣን እጽያ ኦንነ መꬍና ደኦ አሼ። 26 ኦንነ ታዉ ኦꬆፐ፥ ታና ካላናዉ በሴ፤ ቃይ ታን ደእያ ሳኣን ታዉ ኦꬅያዌካ ደአናዋ። ታዉ ኦꬅያ ኦናነ፥ ታ አቡካ አ ቦንቻናዋ።

27 “ሀእ ታ ሸምፑ ዳሮ ኡንኤቴዳ፤ ያትና ዋጎ? ታን፥ ‘ታ አቦ፥ ታና ሀ ሳታትፐ አሻርክ’ ያጎ? ቱይት፥ ታን ሀ ሳትያን ዬዳዌ ሀዋ ድራሳ። 28 ታ አቦ፥ ነ ሱንꬃ ቦንቻ” ያጌዳ።

ሄ ዎደ ሳሉዋፐ፥ “ታን ታ ሱንꬃ ቦንቻድ፤ ቃይካ ጉጃደ ቦንቻና” ያግያ ቃላይ ዬዳ።

29 ሄ ሳኣን ኤቄዳ ጮራ አሳይ ሄ ቃላ ስሲደ፥ “ሄዌ ጉጉንꬃ” ያጌዳ።

ሀራንቱ ቃይ፥ “ኪታንቻይ አዉ ሃሳዬዳ” ያጌድኖ።

30 የሱስ ዛሪደ ኡንቱንታ፥ “ሀ ቃላይ ህንተንቱ ድራዉ ዬዳዋፐ አትን፥ ታ ድራሳ ግደና። 31 ሀ ሳአይ ፕርደትያ ዎዲ ሀአ፤ ሀ ሳኣ †ሀ ሳኣ፦ ጉሳይ ሀ አላምያ ግዲደ ሀ ዮሃንሳ ምሽራቹዋን ደእያ ሀ ሳኣ ግያዌ ሀ ሳኣ ቦላ ደእያ አሳነ ኡንቱንቱ ካሃ ባረሳ ኦꬂደ ሞድያ ኢታ አያና ዎልቃ በሴ። ሞድያዌ ሀእ ካረ ኦለታናዋ። 32 ቃይ ታን ማስቃልያ ቦላ ካቀትያ ዎደ፥ አሳ ኡባ ታኮ ጎቻና” ያጌዳ። 33 እ ሄዋ ጌዳዌ አይ ማላ ሀይቁዋ እ ሀይቃነንቶነ ኡንቱንታ ኤርሳናሳ።

34 ዳሮ አሳይ ዛሪደ የሱሳ፥ “ኑ ህጊ ክርስቶስ መꬍናዉ ደእያዋ ኦዴ። ያትና፥ ኔን ዋጋደ፥ ‘አሳ ናአይ ማስቃልያ ቦላ ካቀታና’ ጋይ? ሄ አሳ ናአይ ኦኔ?” ያጌድኖ። ማዝ. 110:4፤ ኢሳ. 9:7፤ ህዝ. 37:25፤ ዳኔላ 7:14

35 የሱስ፥ “ፖኡ ህንተናና ጉꬃ ዎድያ ጋምአናዋ። ህንተንቶ ꬉመና ማላ፥ ፖኡ ደእሽን፥ ፖኡዋን ሀመትተ። ꬉማን ሀመትያ ኡራይ ሀቃ ብንቶነ ኤረና። 36 ፖኡዋ አሳ ግዳና ማላ፥ ህንተንቶ ፖኡ ደእሽን፥ ፖኡዋ አማንተ” ያጌዳ። የሱስ ሄዋ ሃሳዬዳዋፐ ጉይያን፥ ቢደ ኡንቱንቱፐ ጌመቴዳ።

37-38 እ ሄዋ ኬና ዎልቃማ ማላታ ኡንቱንቱ ስንꬃን ኦꬆፐካ፥ ናብያ እሳያሰ፥

41 እሳያሰ የሱሳ ቦንቹዋ በኤዳ ድራዉነ ቃይ አባ ሃሳዬዳ ድራዉ፥ ‡እሳያሰ የሱሳ ቦንቹዋ በኤዳ ድራዉነ ቃይ አባ ሃሳዬዳ ድራዉ፥ ዎይ እሳያሰ ጾሳ ቦንቹዋ በኤዳ ድራዉነ ቃይ የሱሳባ ሃሳዬዳ ድራዉ፥ ሄዋ ጌዳ።

42 ሄዋ ግድናካ፥ ሀራይ አቶ አይሁዳቱ ካፓቱዋፐካ ጮራቱ የሱሳ አማኔድኖ። ሽን ፓርሳዋቱ ባረና አይሁዳቱ ዎሳ ጎልያፐ ከሲኖ ጊደ ያዬዳ ድራዉ፥ አማኔዳ ጊደ ማርካትበይክኖ። 43 አያዉ ጎፐ፥ ኡንቱንቱ ጾሳ ሳባፐ አꬂደ፥ አሳ ሳባ ሲቄድኖ።

44 የሱስ ባረ ቃላ ꬎቁ ኦꬂደ ያጌዳ፤ “ታና አማንያ ኦንነ ታና ኪቴዳዋካ አማንያዋፐ አትን፥ ታ ጻላላ አማነና። 45 ታና በእያ ኦንነ ታና ኪቴዳዋካ በኤ። 46 ታና አማንያ ኡባይ ꬉማን ደኤና ማላ፥ ታን ፖኡዋ ግዳደ ሳኣ ያድ። 47 ታ ቃላ ስሲደ አዛዘተና ኡራ ኦናነ ታን ፕርድከ፤ አያዉ ጎፐ፥ ታን አላምያ አሻናዉ ዬዳዋፐ አትን፥ ፕርዳናዉ ያበይከ። 48 ታና እጽያ ኦናነ ቃይ ታ ቃላ አከና ኦናነ ፕርድያዌ ደኤ። ታን ኦዴዳ ቃላይ ዉርሰꬃ ጋላስ ሄ ኡራ ፕርዳና። 49 አያዉ ጎፐ፥ ታን ሀዋ ታፐ ሃሳያበይከ፤ ሽን ታና ኪቴዳ ታ አቡ ታን ጋናዋነ ሃሳያናዋ ታና አዛዜዳ። 50 ቃይ አ አዛዙ መꬍና ደኡዋ አህያዋ ታን ኤራይ፤ ሄዋ ድራዉ፥ ታን ኦድያዌ ታ አቡ ታና ኦዳ ጊደ ኦዴዳዋ” ያጌዳ።