1 “ኔን ሌዋታና ግያ ዳዊያ ሞልያ ኦይቂያ ማንጻቁዋን ኦይቃናዉ፥ ዎይ አ እንጻርሳ ዎዶሩዋን ቃቻናዉ ዳንዳያይ?ማዝ. 74:14፤ 104:26፤ ኢሳ. 27:1 2 አ ሲꬍያን ዳፉዋ ገልሳናዉ ዳንዳያይ? ዎይ አ ጋጩዋ ማንጻቁዋን ጫዳደ ኦይቃይ? 3 እ ኔና፥ ‘ሀያና ታና የዳርኪ’ ያጊደ ዎሳኔ? ዎይ እ ነዉ ማልኦ ቃላን ሃሳያኔ? 4 ኔን አ መꬍናዉ ነ ቆማ ኦꬃናዉ፥ እ ኔናና ጫቁዋ ጫቀታኔ? 5 አሳይ ካፉዋና ካእያዋዳን፥ ኔን አናና ካአይ? ዎይ አ ቃቻደ፥ ነ ማጫ ቆማቶ ካአናዳን እማይ? 6 ሞልያ ኦይቂያዋንቱ አ ጋትያን ፓሉመቲኖ? ዎይ ዛልአንቻቱ አ ቃንጸሬꬂደ ዛልኢኖ? 7 ኔን አ ጋልባ ማጫምያን፥ አ ሁጲያካ ጎማን ጫዳደ ቆሀናዉ ዳንዳያይ? 8 አነ አ ነ ኩሽያን ቦቻ፤ ኔን አናና ባጸቴዳ ባጽያ ሀሳያደ፥ ላኤንꬃደ አናና ባጸታናዉ ካጄላካ!

9 “ሄ ዳዊያ ኦይቃናዉ ካጄልያዌ መላ፤ ሀራይ አትና፥ አ በኤዳ ኡባይካ ያሻዉ ኮኮሬ። 10 እ ግሴዳሳፐ አ ደንꬃናዉ ኦንነ ጻለና፤ ያትና፥ ታ ስንꬃን ኤቃናዉ ዳንዳይያዌ ኦኔ? 11 ዛራ እማ ጋናዉ፥ ታዉ ኮይሮ እሜዳዌ ኦኔ? ሳሉዋፐ ጋርሳና ደእያባይ ኡባይ ታዋ።

12 “ሌዋታና ገደቱዋባ፥ አ ዎልቃማ ዎልቃባነ አ ሎእያ ቦላባ ሃሳይያዋ ታን አግከ። 13 አ ጋልባ ቃራናዉ ዳንዳይያዌ ኦኔ? አ ዶና ብጻላና ዳንዳይያዌ ኦኔ? 14 ያሽያ አቻይ ደእያ አ ጎጎጩዋ ፖቃናዉ ዳንዳይያዌ ኦኔ? 15 አ ዞክያ ጋልባይ እቱ እቱዋ ቦላን ዶረቴዳነ ሹቻዳን ምኔዳ ጎንዳለቱዋ ማላቴ። 16 ኡንቱንቱ እቱ እቶ ሎይꬅ ማታቴዳ ድራዉ፥ ኡንቱንቱ ግዱዋና፥ ሀራይ አቶ፥ ጫርኩካ አꬋናዉ ዳንዳየና። 17 ኡንቱንቱ ኡባይካ እቱ እቱዋና ጋከት ኡቴዳ ድራዉ፥ ኡንቱንታ አያይነ ሻከና።

18 “እ ሄꬍሽያ ዎደ፥ ጶልቁ ግያ ፖኡ ከሴ፤ አ አይፈቱካ ዎንታ ጻልቂያዳን ዞኢኖ። 19 አ ዶናፐ ታማ ላጩ ከሴ፤ ታማይካ ፕሪደ ዎꬌ። 20 ፐንትያ ድስትያፐ ጋርሳ ባጋና ኤጽያ ማቃፐ ከስያ ጩዋዳን፥ አ ሲꬍያፐ ጩዋይ ከሴ። 21 አ ሲꬍያና ከስያ ሸምፑ ጺጹንꬃ ቦንቂሴ፤ ታማ ላጩካ አ ዶናፐ ከሴ።

22 “አ ሞርግያን ዎልቃይ ደእያ ድራዉ፥ እ ሎይꬅ ያሽያዋ። 23 አ አሹ እትፐ ኑከት ኡቴዳ ድራዉ፥ አ ቦላይ ብራታዳን ምኔ። 24 አ ዎዛናይ ሹቻዳን ምና፤ ጋጭያ ዎጻዳንካ ምና። 25 እ ደንድያ ዎደ፥ ምኖቱካ ያዪኖ፤ ኡንቱንቱ ዳጋሚደ ባቃቲኖ። 26 አኮ ጋክያ ማሻይ አይነ አላለ ከሰና፤ ቶራይ፥ ዎይ አዳይ፥ ዎይ ጎማይ አ አይነ ኦና። 27 ብራታ እ ዳላዳን፥ ናሃስያካ ሙሴዳ ምꬃዳን ፓይዴ። 28 ዎንዳፍያ አዳይ አ ባቃትሰና፤ ያምባርሻን ኦልያ ሹቻይካ አዉ ሱላ ማላ። 29 ዱላይ አዉ እት ቡጻ ማላ፤ ቶራ ጾንግያ ዎደ፥ ቅሊጪደ ሚጬ። 30 አ ኡሉዋ ቦላን ደእያ ጋልባይ መኤረቴዳ ኮንኣዳን ቃራ፤ ኡርቃና እ ብያ ዎደ፥ ማራሻዳን ቢታ ጳልቄ።

31 “አባ ፐንቴዳ ሃꬃዳን ቡኬ፤ ጻሩዋ ግዶን ፐንትያ ዛይትያዳንካ ቡልቡልሴ። 32 ባረፐ ጉየና ጶልያ ኦግያ ከሴ፤ አባ ሃꬃካ ቦꬃ ሆሞ ላሜ። 33 ቢታ ቦላን አ ማላ መት ባዋ፤ እ ያይ ኤረና መታ። 34 ሎይꬅ ዎልቃማ ግዴዳ መታቱዋ ኡባ እ ዝቂ ኦꬂደ ጼሌ፤ ዶኣ ኡባቶ እ ካተ” ያጌዳ።