1 ነዌ ናአይ ኢያሱ ጋድያ ጌድያ ላኡ አሳቱዋ ሺጽማ ጌተትያ ሳኣፐ ቆሱዋን ኪቲደ ኡንቱንታ፥ “ቢተ፤ ጋድያ ጌድተ፤ ያርኮ ካታማ ቃይ ዱማ ጌድተ” ያጌዳ።

ሄዋፐ ኡንቱንቱ ቢደ፥ ራኣቦ ጌተትያ ሻርሙጻት ሶ አቃናዉ ገሌድኖ። እብራ. 11:31፤ ያቆባ 2:25 2 ያርኮ ካቲ፥ “እስራኤልያ አሳፐ ኪተቴዳዋንቱ ሀ ጋድያ ጌዳናዉ ቃማ ዬድኖ” ግያ ኦዱዋ ስሴዳ።

3 ያርኮ ካቲ ራኣብዉ ሀዋዳን ያጊደ ኪቴዳ፤ “ነ ሶ ዪደ ገሌዳ አሳቱዋ ከሳደ እማ። አያዉ ጎፐ፥ ኡንቱንቱ ጋድያ ኡባ ጌዳናዉ ዬድኖ” ያጌዳ።

4 ሽን ምሽራታ ሄ ላኡ አሳቱዋ ቆሳ ድጋደ፥ ሀዋዳን ያጋዱ፤ “ኤ አሳቱ ታኮ ዬድኖ፤ ሽን ኡንቱንቱ ሀቃፐ ዬደንቶነ ታን ኤራበይከ። 5 ኦማርስ ካታማ ፐንግያ ጎርዳና ሀንያ ዎደ፥ ኡንቱንቱ ከሲደ ቤድኖ፤ ኡንቱንቱ ሀቃ ቤድኖንቶ ታን ኤርከ። ኤሌል ካልያዋ ግዶፐ፥ ህንተንቱ ኡንቱንታ ኦይቃንታ” ያጋዱ። 6 ሽን ራኣባ አሳቱዋ ጎልያ ቦላን ደምባዪደ ኦꬄዳ ሳኣ ከሳደ፥ ሱፍያ ጌተትያ ማዩዋ ከስያ ታልባ ዳላ ዶርያ ግዶን ኡንቱንታ ቆሳ ዎꬃዱ። 7 ያትና፥ አሳቱ ጌድያዋንታ ኮያናዉ ከሲደ፥ ዮርዳኖሳ ሻፋ ፕኑዋ አፍያ ኦግያ ኦይቂደ ቤድኖ። ኮይያዋንቱ ካታማፐ ከሶንን፥ ካታማ ፐንጊ ጎርደቴዳ።

8 ጌድያዋንቱ ገምእሻናፐ ካሰታደ፥ አ ኡንቱንቱኮ ፑደ ከሳደ፥ ኡንቱንታ ሀዋዳን ያጋዱ፤ 9 “ጾሳይ ሀ ጋድያ ህንተንቶ እሜዳዌ፥ ህንተንቱ ኑና ዎልቃማ ያሻ ያሽያዋነ ሀ ጋድያን ደእያ አሳይ ኡባይ ህንተንቶ ህርጋ ሀይቂያዋ ታን ኤራይ። 10 አያዉ ጎፐ፥ ግብጼ ጋድያፐ ህንተንቱ ከሴዳ ዎደ፥ ህንተንቱ ስንꬃን ዞኦ አባ ጾሳይ ዎት መልሴደንቶነ ኑን ስሴዶ። ቃይ ዮርዳኖሳ ሻፋፐ አዋይ ዶልያ ባጋና ደእያ አሞረ ጋድያ ካተቱዋ ላአቱዋ፥ ስሆናነ ኦጋነ ህንተንቱ ዎት ኡባና ꬋይሴደንቶነ ስሴዶ። ከሳ 14:21፤ ፓይ. 21:21-35 11 ኑን ሄዋ ስሴዳ ዎደ፥ ኑ ዎዛናይ ኮልዴዳ፤ አሳይ ኡባይ ህንተንቶ ጻልያዋ አግ ባሼዳ። አያዉ ጎፐ፥ ጾሳይ ህንተንቱ ጾሳይ ቦላ ሳሉዋንካ ጋርሳ ሳኣንካ ጾሳ። 12 ሄዋ ድራዉ፥ ታን ህንተንቶ ኬኬዳዋዳን፥ ህንተንቱካ ታ አዉዋ ጎልያ አሳዉ ኬካናዳን ታዉ ጾሳን ሄዋዉካ አማንꬅያ ማላታ እምተ። 13 ታ አዉዋነ ታ ዳዮ፥ ታ እሻቱዋነ ታ ምቼቱዋ ኡንቱንቱሳ ግዴዳዋ ኡባ ፓጻ አግተ፤ ኑና ሀይቁዋፐ አሽተ” ያጋዱ።

14 ሄ አሳቱ፥ “ኑን ኦꬄዳዋ ኔን ኦደናን አግና፥ ኑን ነዉ ጫቄዳ ጫቁዋ ፖላና ꬋዮፐ፥ ጾሳይ ኑና ዎꬎ! ጾሳይ ሀ ጋድያ ኑዉ እምያ ዎደ፥ ኑን ነዉ አማነታናነ ኬካና” ያጌድኖ።

15 ራኣባ ደእያ ኬꬃይ ካታማ ድርሳና ኦይቀቲደ ኬጸት ኡቴዳ ድራዉ፥ ማስኮትያና ዎዶሩዋ ዱገ የዳደ፥ አን ዱገ ዎꬃዱ። 16 ራኣባ ኡንቱንታ፥ “ህንተና ኮይያዋንቱ ደመና ማላ፥ ደርያ ቢደ ኡንቱንቱ ስማና ጋካናዉ፥ ያን ሄዙ ጋላሳ ቆሰትሽተ። ሄዋፐ ጉይያን ህንተንቱ ብያሳኣ ቢተ” ያጋዱ።

17-18 አሳቱ እዞ፥ “ኑን ነ ጋድያ ገልያ ዎደ፥ ሀ ዞኦ ዎዶሩዋ ኔን ኑና ከሴዳ ማስኮትያን ቃቻና ꬋዮፐነ ነ አዉዋ፥ ነ ዳዮ፥ ነ እሻቱዋነ ነ ሶ አሳ ኡባ ኔኮ ሶ አሀና ꬋዮፐ፥ ኔን ኑና ጫቂሴዳ ጫቁ ኑዉ ጎመተና። 19 ኦንነ ነ ሶፐ ካረ ኦግያ ከሲደ ሀይቂንቶ፥ ሄዌ አ ጎመ፤ ኑን ሄዋን ኦሸቶኮ። ኔናና ሶን እትፐ ደእያዌ ኩሽያን ቦሸቶፐ፥ አ ሱꬃ ጎሚ ኑና ጋኮ። 20 ሽን ኑን ኦꬄዳዋ ኔን ኦዶፐ፥ ኔን ኑና ጫቀꬄዳ ጫቁ ኑዉ ጎመተና” ያጌድኖ።

21 ሄዋፐ ጉየ እዛ፥ “ህንተንቱ ጌዳዋዳን ሀኖ” ጋደ፥ ኡንቱንታ ሞይዛዱ። ኡንቱንቱ ቤዳዋፐ ጉይያን፥ ሄ ዞኦ ዎዶሩዋ ማስኮትያን ቃቻዱ።

22 ኡንቱንቱ ፑደ ገዝያ ቢደ፥ ያን ቆሰቴድኖ፤ የደርስያዋንቱ ያርኮ ስማና ጋካናዉ፥ ኡንቱንቱ ያን ሄዙ ጋላሳ ጋምኤድኖ። የደርስያዋንቱ ኦግያ ኡባን ኮዬድኖ፤ ሽን ኡንቱንታ ደምቤይክኖ። 23 ሄዋፐ ጉይያን ሄ ላኡ አሳቱ ደርያፐ ዎꬊደ፥ ዮርዳኖሳ ሻፋካ ፕኒደ፥ ነዌ ናኣ ኢያሱኮ ስሚደ ዬድኖ። ባረና ጋኬዳዋ ኡባ አዉ ኦዴድኖ። 24 ኡንቱንቱ ኢያሳ፥ “ጾሳይ ቱሙ ቢታ ኡባ ኑዉ አꬅ እሜዳ። ቃይ ጋድያን ደእያ አሳይ ኡባይ ኑዉ ያሻ ኮልዴዳ” ያጌድኖ።