1 መꬍና ጎዳይ ሙሳ ሀዋዳን ያጌዳ፥ “ቄስያ ግድያ አሮና አቱማ ናናቶ ሀዋዳን ያጋደ ኦዳ፤ ‘ህንተፐ ኦንነ 2 ባረ ማታ ዳቦ፥ ባረ ዳይ፥ ባረ አዉዋ፥ ባረ አቱማ ናኣ፥ ባረ ማጫ ናት፥ ባረ እሻ፥ 3 ዎይ አስና ገለናን፥ ደእያ ባረ ምቻት አሃ ግዳና ꬋዮፐ፥ ሀይቄዳ አሳ አሃ ኦዋነ ቦቺደ፥ ባረና ቱንሶፖ። 4 ቃይ አኩዋንነ ገሉዋን ዳቦቴዳ አሳ አሃ ቦቺደካ ባረና ቱንሶፖ።

5 “ ‘ቄሳቱ ሀይቄዳዎ ካዮታናዉ ባረንቱ ሁጲያ ሜደቶፕኖ፤ ባረንቱ ቡቻካ ቃንꬃን ቃንጾፕኖ፤ ዎይ ቃይ ባረንቱ ቦላካ ቃንጸሬꬆፕኖ።ዎጋ 19:27-28፤ ዛረ. 14:1 6 ኡንቱንቱ ባረንቱ ጾሳዉ ጌሻ ግድኖ፤ ቃይ ባረንቱ ጾሳ ሱንꬃካ ቱንሶፕኖ። አያዉ ጎፐ ኡንቱንቱ መꬍና ጎዳዉ ታማን ጹጊደ ያርሽያ፥ ቁማ ያርሹዋ ሺሽያዋንታ፤ ሄዋ ድራዉ፥ ኡንቱንቱ ጌሻ ግዳናዉ በሴ።

7 “ ‘ቃይካ ቄሳቱ ሻርሙጻ ማጫ አሳ፥ ዎዶሮተꬃይ አከት ድጌዳ ማጫ አሳ፥ ዎይ አስናይ የዴዳ ማጫ አሳ አኮፕኖ። አያዉ ጎፐ፥ ቄሳቱ ባረንቱ ጾሳዉ ጌሻ። 8 ቄሲ ህንተ ጾሳዉ ቁማ ያርሹዋ ሺሽያዋ ግድያ ድራዉ፥ እ ሀራ አሳፐ ዱማቶ። ታን ህንተና ጌሽያ ህንተ መꬍና ጎዳይ ጌሻ ግድያ ድራዉ፥ እካ ጌሻ ግዶ። 9 አይ ቄስያ ናቶ ግዶፐካ ሻርሙጻደ ባረና ቱንሶፐ፥ ሄና ባረ አዉዋ ካዉሻዱ። እዛ ታማን ጹገታደ ሀይቁ።

10 “ ‘ቄስያ ኡባቱዋ ካፑ፥ አ ሁጲያን ኦከትያ ዛይቲ ጉኬዳ ድራዉነ እ ቄሰተꬃ ማዩዋ ማያናዉ ዱማቴዳ አሳ ግድያ ድራዉ፥ ባረ ሁጲያ ብናና ካሎ ዎꬆፖ፤ ዎይ ባረ ማዩዋካ ፔꬎፖ። 11 አይ አሃ ግዶፐካ፥ ደእያ ሳኣ እ ገሎፖ፤ ሀራይ አቶ ባረ አዉዋ ዎይ ባረ ዳይ አሃ ግዶፐካ፥ ባረና ሄዋን ቱንሶፖ። 12 አ ጌሻናዉ ኦክያ ጾሳ ዛይቲ አ ቦላን ደእያ ድራዉ፥ ቄሲ ጾሳ ዱንካንያፐ ከሶፖ፤ ጾሳ ዱንካንያካ ቱንሶፖ። ታን መꬍና ጎዳ።

13 “ ‘ቄሲ ዎዶሮ ማጫ ናቶ አኮ። 14 አስናይ ሀይቄዳ ምሽራቶ፥ ዎይ አስናይ የዴዳ ምሽራቶ፥ ዎይ ዎሹማ ምሽራቶ አኮፖ። ሽን ባረ አሳ ግዶፐ ዎዶሮ ማጫ ናቶ ዶሪደ አኮ። 15 ያናና ꬋዮፐ፥ እ ባረ አሳ ግዶን ባረ ዘረꬃ ግድያ ባረ ናናቱዋ ቱንሳና። ታን አ ጌሽያዌ፥ መꬍና ጎዳ ያጋ’ ” ያጌዳ።

16 መꬍና ጎዳይ ሙሳ፥ ሀዋዳን ያጌዳ፤ 17 “ኔን አሮናዉ ሀዋዳን ያጋደ ኦዳ፤ ‘ስንꬃና ይያ ነ ዘረꬃፐ ቦላይ ትላ ግደና አሳይ ኦንነ ቁማ ያርሹዋ ታዉ እማናዉ ሺቆፖ። 18 አያዉ ጎፐ ቦላይ ትላ ግደና አሳይ ኦንነ ሺቃናዉ በሰና። ቆቃ፥ ዎይ ዎባ፥ ዎይ ደሙ ናርጰቴዳ፥ ዎይ ፓጫ ቦላይ ደእያ አሳይ፥ 19 ዎይ ገድያ ዎይ ኩሽያ ስላይ፥ 20 ዎይ ቁናይ፥ ዎይ ድንኪ፥ ዎይ አይፊ ሳክያ አሳይ፥ ዎይ ፑሱ ኦይቄዳ አሳይ፥ ዎይ እላሁ ኦይቄዳ አሳይ፥ ዎይ ጎይሮ ግድናካ ቦላይ ትላ ግደና አሳይ፥ ኦንነ ሺቆፖ። 21 ቄስያ አሮና ዛርያፐ ቦላይ ትላ ግደና አሳይ ኦንነ መꬍና ጎዳዉ ታማን ጹግያ ያርሹዋ ሺሻናዉ ሺቆፖ። አዉ ቦላይ ትላ ግደናዋ ግዶዋፐ ህን ባጋን፥ ባረ ጾሳዉ ቁማ ያርሹዋ ሺሻናዉ እ በሰና። 22 እ ጌሻ ቁማነ ቃይ ጌሻ ኡባፐ እቱዋ ግዴዳ ጌሻ ያርሹዋ ባረ ጾሳ ቁማካ ማናዉ ዳንዳዬ። 23 ሽን አዉ ቦላይ ትላ ግደና ድራዉ፥ እ ታ ዱንካንያ ቱንሰናዳን፥ ጋርዱዋኮ ዎይ ያርሽያ ሳኣኮ ሺቆፖ። አያዉ ጎፐ፥ ኡንቱንታ ጌሽያዌ ታን መꬍና ጎዳ ያጋ’ ” ያጌዳ።

24 ሙሴ አሮናዉ፥ አ አቱማ ናናዉነ እስራኤልያ አሳዉ ኡባዉ ሀዋ ኦዴዳ።