10
ምሽራቹዋ ቃላዉ ኪተቴዳ አሳቱዋ
1 ሀዋፐ ካላ ጎዳይ ሀራ ላፑን ታሙ *ላፑን ታሙ፦ እት እት ጌሻ ማጻፋ ብለꬃን፥ “ላፑን ታማነ ላአ”። አይሁዳ ዎጋን ቢታ ቦላን ደእያ አሳ ዘረꬃይ ላፑን ታማ። ሽን ካሰ ኤጫ ግሪከ ማጻፋ ብለꬃን ደእያዌ፥ “ላፑን ታማነ ላአ”። ኦን ኤር የሱስ ባረ ቃላ አላምያ ዩሹዋን ጋꬃናዉ ሀ ፓይዱዋና ቃራ አሳ ሱንꬂደ ኪተናን አገና ያግያ ቆፋይ ደኤ። አሳ ሱንꬂደ ላኡዋ ላኡዋ ኦꬂደ እ ባናዉ ደእያ ካታማ ኡባ ኪቴዳ። 2 የሱስ ኡንቱንታ፥ ማቶሳ 9:37፣ 38
“ቆይቻዉ ጋኬዳ ካꬃይ ዳራ፤ ኪተትያ አሳይ ጉꬃ። ስም ቆይጨትያ ካꬃ ጎዳይ፥ ቆይቻዉ ኪተትያዋንታ የዳና ማላ ዎስተ። 3 ታን ዶርሳቱዋዳን ዋላቱዋ ግዶ ህንተና ኪታይ፥ ቢተ። ማቶሳ 10:16 4 ህንተንቱ ኦገዉ አያነ ኦይቆፕተ: ቦርሳ፥ ቃርጪትያ፥ ጫማ፥ ግድናካ ኦይቆፕተ፤ አሳና ሳሮተቲደ ኦግያን ዎድያ ዉርሶፕተ። †አሳና ሳሮተቲደ ኦግያን ዎድያ ዉርሶፕተ፦ ሄ ጋላሳን ጋራተꬃን ኦꬅያ ሳሮታይ ዎድያ ሎይꬅ ምያ ድራዉ፥ ሀዌ ሃሳየቴዳ። ማቶሳ 10:7-14፤ ማር. 6:8-11፤ ሉቃሳ 9:3-5
5 “ህንተንቱ ገልያ ጎለ ኡባ ካስያን፥ ‘ሳሮተꬃይ ሀ ጎለዉ ግዶ’ ያግተ። 6 ሄ ጎልያን ሳሮተꬃ ዶስያ አሳይ ደኦፐ፥ ህንተንቱ ሳሮታይ ሄ ጎልያን አቃናዋ፤ ኮየናዋ ግዶፐ፥ ህንተንቱ ሳሮታይ ህንተንቶ ስማናዋ። 7 ሄ ጎልያን ኡንቱንቶ ደእያዋፐ ሚድነ ኡሺደ ደእሽተ፤ ኦሳንቻዉ አ ድርጉዋ ጭጋይ ኮሼ፤ እት ጎልያፐ ሀራ ጎልያ ዩዮፕተ። 1 ቆሮ. 9:14፤ 1 ጽሞ. 5:18
8 “አይ ካታማነ ህንተንቱ ገልያ ዎደ፥ አሳይ ህንተና ሞክ አኪደ ምዛናዉ ሺሾዋ አያነ ሚተ። 9 ሄ ካታማትን ደእያ ሀርጋንቻቱዋ ፓꬂደ አሳዉ፥ ‘ጾሳ ካዉተꬃይ ህንተኮ ማቴዳ’‡ጾሳ ካዉተꬃይ ህንተኮ ማቴዳ፦ ሀዋ ጉሳይ፥ “ጾሳ ካዉተꬃይ ሀዋን ዎይ ህንተንቱ ግዶን ደኤ” ጉሳ። ያጊደ ኦድተ። 10 የዉዋን ቃይ አይ ካታማነ ገሎደ፥ አሳይ ህንተንታ ሞክ አከናዋንታ ግዶፐ ሄ ካታማ ቃꬋአኮ ከስኔ፥ 11 ‘ኑን ህንተና ዬላያናዉ፥ ሀራይ አቶ ኑ ገድያ ቦላን ደእያ ህንተንቱ ካታማ ባናካ ህንተንቶ ቆቆፌቶ §ባናካ ህንተንቶ ቆቆፌቶ፦ ሀዋ ጉሳይ፥ እጹዋ በስያዋ። ፤ የዉዋን ቃይ፥ ጾሳ ካዉተꬃይ ህንተንቱኮ ማቴዳዋ ኤርተ’ ያግተ። ኪታ 13:51 12 ፕርዳ ጋላስ ሀ ካታማትፐ ሶዶማ ካታማ ጋኬዳ ሙራይ ካዉሻናዋ ያጋደ ታን ህንተዉ ኦዳይ። ዶመꬃ 19:24-28፤ ማቶሳ 10:15፤ 11:24
አማነናን እጼዳ ካታማቱዋ
(ማቶሳ 11:20-24)
13 “አየ ነዉ ኮራዚነ፤ አየ ነዉ ቤተሳይደ፤ ህንተንቱን ሀኔዳ ማላታቱ ጺሮሳ ካታማንነ ሲዶና ካታማን ሀኔደንቶ፥ ሄዋን ደእያ አሳቱ ካዩዋ ማዩዋ ማዪደ፥ ብድንꬃ ቦላን ኡቲደ፥ በንፐ ባረንቱ ናጋራፐ ስማናዋንታሽን። 14 ሀዋ ድራዉ፥ ሙረትያ ጋላስ ህንተንቱፐ አꬂደ ጺሮሳ ካታማዉነ ሲዶና ካታማዉ ሙራይ ካዉሻናዋ። 15 ሀነ ቅፍርናሆመ፥ ኔን ሳሉዋ ፑደ ꬎቁ ጋናዉ ኮያድ? ዱገ ስኦልያ ዎꬋናሳ።ኢሳ. 14:13-15
16 “ህንተንቱ ግያዋ ስስያ አሳይ፥ ታን ግያዋ ስሴ፤ ህንተንታ እጽያ ኡራይ ታና እጼ፤ ታና እጽያ ኡራይ ታና ኪቴዳዋካ እጼ” ያጌዳ። ማቶሳ 10:40፤ ማር. 9:37፤ ሉቃሳ 9:48፤ ዮሃ. 13:20
አ ካልያዋንቱ ኪተቴዳሳፐ ስሜድኖ
17 ላፑን ታሙ አሳቱካ፥ “ጎዳዉ፥ ኢታ አያናቱካ ነ ሱንꬃን ኑዉ አዛዘቴድኖ” ያጊደ ናሸቻን ስሜድኖ።
18 የሱስካ ኡንቱንቶ፥ “ሴጻናይ ዋልቃንꬃዳን ሳሉዋፐ ዎꬍሽን በኣድ። 19 ስም ሾሻነ ሶጉዋ የꬋናዳን ህንተንቱ ሞርክያ ጻላህያ ዎልቃ ጾናና ማላ ማታ እማድ። ህንተንታ ቆሀናዌ አይኔካ ደኤና። 20 ግዶፐ አትን ህንተንቱ ሱንꬃይ ሳሉዋ ማዝጎብያን ጻፈቶ ድራዉ፥ ናሸትተፐ አትን ኢታ አያናቱ አዛዘቶ ድራዉ ናሸቶፕተ” ያጌዳ።
የሱስ ባረ ናሸቻ ቆንጭሴዳ
(ማቶሳ 11:25-27፤ 16:13-17)
21 ሄ ዎድያን የሱስ አያና ጌሻን ዳሮ ናሸቲደ፥ “ሳሉዋነ ሳኣ ጎዳዉ፥ ኔን ሀ የዉዋ ታማሮዋንቱፐነ አꬎ ኤራንቻቱዋፐ ገንꬃደ፥ ቄር ናናዉ ቆንጭሶ ድራዉ፥ ኔና ጋላታይ፤ ኤ፥ ታ አቦ፥ አያዉ ጎፐ፥ ሀዋ ኦꬃናዉ ነ ሎኦ ሸነ ግዴዳ።
22 “ኡባ የዉ ታዉ ታ አቡፐ እመቴዳ። ናአይ ኦነንቶ አዉዋፐ አትሽን ኦንነ ኤርያዌ ባዋ፤ ሄዋዳንካ አዉ ኦነንቶ ናኣፐነ እ ቆንጭሳናዉ ኮዮ ኡራፐ አትን፥ ሀራይ ኦንነ ኤርያዌ ባዋ” ያጌዳ።
23 ካሊደካ የሱስ ባረና ካልያዋንቱኮ ስም ዎꬊደ፥ ኡንቱንቱ ጻላላ፥ “ህንተንቱ በእያዋ ጼልያ አይፋቱ አንጀቴዳዋንታ። 24 ታ ህንተዉ ኦድያዌ አዬ ጎፐ፥ ጮራ ናባቱነ ካታቱ ህንተንቱ በእያዋ በአናዉ አሞቴድኖሽን በእበይክኖ፤ ህንተንቱ ስስያዋካ ስሳናዉ አሞቴድኖ፤ ሽን ስስበይክኖ” ያጌዳ።
አሳዉ ቃረትያ ሳማርያ ብታንያ
25 እት ጋላስ ህግያ ኤርያዌ እቱ የሱሳ ፓጫናዉ አኮ ዪደ፥ “ታማርስያዎ፥ መꬍና ደኡዋ ላታናዉ፥ ታን አያ ኦꬆ?” ያግ ኦቼዳ።
26 የሱስ ዛሪደ፥ “ሙሴ ህግያ ማጻፋን ጻፈቶዌ አዬ? ኔን አያ ጋደ ብላይ?” ያጌዳ።
27 ብታኒካ፥ “ሙሴ ህግያ ማጻፋይ፥ ‘ጾሳ ነ ጎዳ ፖሎ ነ ዎዛናፐ፥ ፖሎ ነ ሸምፑዋፐ፥ ፖሎ ነ ዎልቃፐነ ፖሎ ነ ቆፋፐ ሲቃ፤ ሄዋዳንካ ነ ላገꬃካ ነ ሁጲያዳን ዶሳ’ ጌ” ያጌዳ። ዎጋ 19:18፤ ዛረ. 6:5
28 የሱስ አ፥ “ልከ፥ ቱሙዋ ጋዳ፤ ስም ኔንካ ሀዋ ኦꬃ፤ ደኡዋን ደአናሳ” ያጌዳ።
29 ሙሴ ህግያ ታማርስያ ብታኒ ቃይ ባረና ጽሎ ኦꬃናዉ ኮዪደ የሱሳ፥ “ሀኖሽን፥ ታ ላገꬃይ ኦኔ?” ያጊደ ኦቼዳ።
30 የሱስ ዛሪደ፥ “እት ብታኒ የሩሳላመፐ እያርኮ ቢደ ደእሽን፥ ኦግያ ቦላን ፓናቱ አ ደሚደ፥ አ ማዩዋ ቃሮዋፐ ጉየ ሾጪደ፥ ሀይቃናዉ ፖሉ ጎደ ኦሊደ ቤድኖ። 31 ቆፐናን እት ቄሳይ ሄ ኦግያና ብደእያዌ፥ ሾጨቲደ ኩንዴዳ ብታንያ በኤዳ ዎደ፥ አያነ ኦናን ምይያና አꬊደ ቤዳ። 32 ሄዋዳንካ እት ሌዊ ሄ ኦግያና ብደኤ። እካ ብታንያ በኢደ፥ ምየት አꬌዳ። 33 ሽን ሳማርያ አሳ ግዴዳ እት ብታኒ፥ ሄ ባጋና አꬊደ፥ ሀ ብታንያኮ ዬዳ። አ በኤዳ ዎደ አዉ ቃረቴዳ። 2 ኦዱዋ 28:15 34 አኮካ ሺቂደ፥ ዛይትያነ ዎይንያ ኤሳ *ዛይትያነ ዎይንያ ኤሳ፦ ኦራꬃ ጫቁዋ ዎድያን ሀዋንቱ ꬋልያዋንታ ጌተቲደ አከቲኖ። ኡባ ሀዋን ጻፈቴዳ ዛይቲ፥ ኦራꬃ ꬋልያ ማላታ ጌተቴ። ያይ። 5:14 ጼልተ። አ ማይꬃን ትጊደ፥ ቃቼዳ። ሄዋፐ ጉየ ባረ ሀርያ ቶግሲደ፥ እማꬃይ አቅያ ጎልያ አክ ቤዳ፤ ሄዋን ብꬋዪደ ናጌዳ። 35 ዎንተꬃ ጋላስ ጉꬃ ብራ ባረ ኪስያፐ ከሲደ፥ እማꬃይ አቅያ ጎልያ ጎዳዉ እሚደ፥ ‘ሀ ብታንያ ታዉ ሎይꬃ ብꬋያ፤ ሀዋፐ ዳሩዋ ኔን ከሶፐካ፥ ታን ስምያ ዎደ ነዉ ጭጋና’ ያጌዳ።
36 “ስም ሀ ሄዙ አሳቱዋፐ፥ ፓናቱዋ ኩሽያን ሾጨቲደ ኩንዴዳ ብታነዉ፥ ላገ ግዴዳዌ ሀቃዋ ማላቲ?” ያጌዳ።
37 ህግያ ታማርስያዌካ፥ “ሄ አዉ ቃረቶዋ” ያጌዳ።
የሱስካ አ፥ “ስም ባደ ኔንካ ሄዋዳን ኦꬃ” ያጌዳ።
የሱስ ማርትነ ማይራም ሶይ ቤዳ
38 የሱስ ባረና ካልያዋንቱና ኦግያ ቢደ፥ እት ሄራ ጋርሳ ጋኬዳ። ሄዋን ማርቶ ጌተትያ እት ምሽራታ ባረ ጎለን ሞካዱ። ዮሃ. 11:1 39 እዝዉካ ማይራሞ ጌተትያ ምቻታ ደአዉ፤ ሄናካ የሱሳ ገድያ ማታን ኡታደ፥ እ ኦድያዋ ሀይዛደ ደአዉ። 40 ማርታ ቃይ ሶይባ ጊግሳደ ዳቡራ ደአዉ፤ ሄዋ ድራዉ የሱሳኮ ሺቃደ፥ “ሀና ታ ምቻታ፥ ኪታ ኡባ ታ ቦላ ኦልና፥ ታን ታረካ ላባኖደ ጼላደ ጮኡ ጋይ? ሀያና ታና ማዳናዳን እዝዉ ኦዳ” ያጋዱ።
41 የሱስካ ዛሪደ እዞ፥ “ማርቴ፥ ማርቴ፥ ኔን ጮራ የዉዋ ቆፓደ ህርጋ፤ ቃይካ መቶታ። 42 ሽን ኮሽያዌ እትባ፤ ማይራማ ባረፐ ኦንነ አከና ሎኦባ ዶራዱ” ያጌዳ።
*10:1 ላፑን ታሙ፦ እት እት ጌሻ ማጻፋ ብለꬃን፥ “ላፑን ታማነ ላአ”። አይሁዳ ዎጋን ቢታ ቦላን ደእያ አሳ ዘረꬃይ ላፑን ታማ። ሽን ካሰ ኤጫ ግሪከ ማጻፋ ብለꬃን ደእያዌ፥ “ላፑን ታማነ ላአ”። ኦን ኤር የሱስ ባረ ቃላ አላምያ ዩሹዋን ጋꬃናዉ ሀ ፓይዱዋና ቃራ አሳ ሱንꬂደ ኪተናን አገና ያግያ ቆፋይ ደኤ።
10:2 ማቶሳ 9:37፣ 38
10:3 ማቶሳ 10:16
†10:4 አሳና ሳሮተቲደ ኦግያን ዎድያ ዉርሶፕተ፦ ሄ ጋላሳን ጋራተꬃን ኦꬅያ ሳሮታይ ዎድያ ሎይꬅ ምያ ድራዉ፥ ሀዌ ሃሳየቴዳ።
10:4 ማቶሳ 10:7-14፤ ማር. 6:8-11፤ ሉቃሳ 9:3-5
10:7 1 ቆሮ. 9:14፤ 1 ጽሞ. 5:18
‡10:9 ጾሳ ካዉተꬃይ ህንተኮ ማቴዳ፦ ሀዋ ጉሳይ፥ “ጾሳ ካዉተꬃይ ሀዋን ዎይ ህንተንቱ ግዶን ደኤ” ጉሳ።
§10:11 ባናካ ህንተንቶ ቆቆፌቶ፦ ሀዋ ጉሳይ፥ እጹዋ በስያዋ።
10:11 ኪታ 13:51
10:12 ዶመꬃ 19:24-28፤ ማቶሳ 10:15፤ 11:24
10:15 ኢሳ. 14:13-15
10:16 ማቶሳ 10:40፤ ማር. 9:37፤ ሉቃሳ 9:48፤ ዮሃ. 13:20
10:27 ዎጋ 19:18፤ ዛረ. 6:5
10:33 2 ኦዱዋ 28:15
*10:34 ዛይትያነ ዎይንያ ኤሳ፦ ኦራꬃ ጫቁዋ ዎድያን ሀዋንቱ ꬋልያዋንታ ጌተቲደ አከቲኖ። ኡባ ሀዋን ጻፈቴዳ ዛይቲ፥ ኦራꬃ ꬋልያ ማላታ ጌተቴ። ያይ። 5:14 ጼልተ።
10:38 ዮሃ. 11:1