10
ሚሺራቹዋ ቃላው ኪቴቴዳ ኣሳቱዋ
1 ሃዋፔ ካላ ጎዳይ ሃራ ላፑን ታሙ *ላፑን ታሙ፡ ኢቲ ኢቲ ጌሻ ማፃፋ ቢሌꬃን፥ «ላፑን ታማኔ ላዓ»። ኣዪሁዳ ዎጋን ቢታ ቦላን ዴዒያ ኣሳ ዜሬꬃይ ላፑን ታማ። ሺን ካሴ ኤጫ ግሪኬ ማፃፋ ቢሌꬃን ዴዒያዌ፥ «ላፑን ታማኔ ላዓ»። ኦኒ ኤሪ ዬሱሲ ባሬ ቃላ ኣላሚያ ዩሹዋን ጋꬃናው ሃ ፓይዱዋና ቃራ ኣሳ ሱንꬂዴ ኪቴናን ኣጌና ያጊያ ቆፋይ ዴዔ። ኣሳ ሱንꬂዴ ላዑዋ ላዑዋ ኡዲዴ ኢ ባናው ዴዒያ ካታማ ኡባ ኪቴዳ። 2 ዬሱሲ ኡንቱንታ፥ ማት 9፡37፣ 38
«ቆይቻው ጋኬዳ ካꬃይ ዳራ፤ ኪቴቲያ ኣሳይ ጉꬃ። ሲሚ ቆይጬቲያ ካꬃ ጎዳይ፥ ቆይቻው ኪቴቲያዋንታ ዬዳና ማላ ዎሲቴ። 3 ታኒ ዶርሳቱዋዳን ዋላቱዋ ጊዶ ሂንቴና ኪታይ፥ ቢቴ። ማት 10፡16 4 ሂንቴንቱ ኦጌው ኣያኔ ኦይቆፒቴ፡ ቦርሳ፥ ቃርጪቲያ፥ ጫማ፥ ጊዲናካ ኦይቆፒቴ፤ ኣሳና ሳሮቴቲዴ ኦጊያን ዎዲያ ዉርሶፒቴ። †ኣሳና ሳሮቴቲዴ ኦጊያን ዎዲያ ዉርሶፒቴ፡ ሄ ጋላሳን ጋራቴꬃን ኡዲያ ሳሮታይ ዎዲያ ሎይꬂ ሚያ ዲራው፥ ሃዌ ሃሳዬቴዳ። ማት 10፡7-14፤ ማር 6፡8-11፤ ሉቅ 9፡3-5
5 «ሂንቴንቱ ጌሊያ ጎሌ ኡባ ካሲያን፥ ‹ሳሮቴꬃይ ሃ ጎሌው ጊዶ› ያጊቴ። 6 ሄ ጎሊያን ሳሮቴꬃ ዶሲያ ኣሳይ ዴዖፔ፥ ሂንቴንቱ ሳሮታይ ሄ ጎሊያን ኣቃናዋ፤ ኮዬናዋ ጊዶፔ፥ ሂንቴንቱ ሳሮታይ ሂንቴንቶ ሲማናዋ። 7 ሄ ጎሊያን ኡንቱንቶ ዴዒያዋፔ ሚዲኔ ኡሺዴ ዴዒሺቴ፤ ኦሳንቻው ኣ ዲርጉዋ ጪጋይ ኮሼ፤ ኢቲ ጎሊያፔ ሃራ ጎሊያ ዩዮፒቴ። 1ቆር 9፡14፤ 1ፂም 5፡18
8 «ኣይ ካታማኔ ሂንቴንቱ ጌሊያ ዎዴ፥ ኣሳይ ሂንቴና ሞኪ ኣኪዴ ሚዛናው ሺሾዋ ኣያኔ ሚቴ። 9 ሄ ካታማቲን ዴዒያ ሃርጋንቻቱዋ ፓꬂዴ ኣሳው፥ ‹ፆሳ ካዉቴꬃይ ሂንቴኮ ማቴዳ›‡ፆሳ ካዉቴꬃይ ሂንቴኮ ማቴዳ፡ ሃዋ ጉሳይ፥ «ፆሳ ካዉቴꬃይ ሃዋን ዎይ ሂንቴንቱ ጊዶን ዴዔ» ጉሳ። ያጊዴ ኦዲቴ። 10 ዬዉዋን ቃሲ ኣይ ካታማኔ ጌሎዴ፥ ኣሳይ ሂንቴንታ ሞኪ ኣኬናዋንታ ጊዶፔ ሄ ካታማ ቃꬋኮ ኬሲኔ፥ 11 ‹ኑኒ ሂንቴና ዬላያናው፥ ሃራይ ኣቶ ኑ ጌዲያ ቦላን ዴዒያ ሂንቴንቱ ካታማ ባናካ ሂንቴንቶ ቆቆፌቶ §ባናካ ሂንቴንቶ ቆቆፌቶ፡ ሃዋ ጉሳይ፥ ኢፁዋ ቤሲያዋ። ፤ ዬዉዋን ቃሲ፥ ፆሳ ካዉቴꬃይ ሂንቴንቱኮ ማቴዳዋ ኤሪቴ› ያጊቴ። ኪት 13፡51 12 ፒርዳ ጋላሲ ሃ ካታማቲፔ ሶዶማ ካታማ ጋኬዳ ሙራይ ካዉሻናዋ ያጋዴ ታኒ ሂንቴው ኦዳይ። ዶም 19፡24-28፤ ማት 10፡15፤ 11፡24
ኣማኔናን ኢፄዳ ካታማቱዋ
(ማት 11፡20-24)
13 «ኣዬ ኔው ኮራዚኔ፤ ኣዬ ኔው ቤቴሳይዴ፤ ሂንቴንቱን ሃኔዳ ማላታቱ ፂሮሳ ካታማኒኔ ሲዶና ካታማን ሃኔዴንቶ፥ ሄዋን ዴዒያ ኣሳቱ ካዩዋ ማዩዋ ማዪዴ፥ ቢዲንꬃ ቦላን ኡቲዴ፥ ቤኒፔ ባሬንቱ ናጋራፔ ሲማናዋንታሺን። 14 ሃዋ ዲራው፥ ሙሬቲያ ጋላሲ ሂንቴንቱፔ ኣꬂዴ ፂሮሳ ካታማዉኔ ሲዶና ካታማው ሙራይ ካዉሻናዋ። 15 ሃኔ ቂፊሪናሆሜ፥ ኔኒ ሳሉዋ ፑዴ ꬎቁ ጋናው ኮያዲ? ዱጌ ሲዖሊያ ዎꬋናሳ። ኢሳ 14፡13-15
16 «ሂንቴንቱ ጊያዋ ሲሲያ ኣሳይ፥ ታኒ ጊያዋ ሲሴ፤ ሂንቴንታ ኢፂያ ኡራይ ታና ኢፄ፤ ታና ኢፂያ ኡራይ ታና ኪቴዳዋካ ኢፄ» ያጌዳ። ማት 10፡40፤ ማር 9፡37፤ ሉቅ 9፡48፤ ዮህ 13፡20
ኣ ካሊያዋንቱ ኪቴቴዳሳፔ ሲሜዲኖ
17 ላፑን ታሙ ኣሳቱካ፥ «ጎዳው፥ ኢታ ኣያናቱካ ኔ ሱንꬃን ኑሲ ኣዛዜቴዲኖ» ያጊዴ ናሼቻን ሲሜዲኖ።
18 ዬሱሲካ ኡንቱንቶ፥ «ሴፃናይ ዋልቃንꬃዳን ሳሉዋፔ ዎꬊሺን ቤዓዲ። 19 ሲሚ ሾሻኔ ሶጉዋ ዬꬋናዳን ሂንቴንቱ ሞርኪያ ፃላሂያ ዎልቃ ፆናና ማላ ማታ ኢማዲ። ሂንቴንታ ቆሃናዌ ኣይኔካ ዴዔና። 20 ጊዶፔ ኣቲን ሂንቴንቱ ሱንꬃይ ሳሉዋ ማዚጎቢያን ፃፌቶ ዲራው፥ ናሼቲቴፔ ኣቲን ኢታ ኣያናቱ ኣዛዜቶ ዲራው ናሼቶፒቴ» ያጌዳ።
ዬሱሲ ባሬ ናሼቻ ቆንጪሴዳ
(ማት 11፡25-27፤ 16፡13-17)
21 ሄ ዎዲያን ዬሱሲ ኣያና ጌሻን ዳሮ ናሼቲዴ፥ «ሳሉዋኔ ሳዓ ጎዳው፥ ኔኒ ሃ ዬዉዋ ታማሮዋንቱፔኔ ኣꬎ ኤራንቻቱዋፔ ጌንꬃዴ፥ ቄሪ ናናው ቆንጪሶ ዲራው፥ ኔና ጋላታይ፤ ኤ፥ ታ ኣቦ፥ ኣዪሲ ጎፔ፥ ሃዋ ኦꬃናው ኔ ሎዖ ሼኔ ጊዴዳ።
22 «ኡባ ዬዉ ታው ታ ኣቡፔ ኢሜቴዳ። ናዓይ ኦኔንቶ ኣዉዋፔ ኣቲሺን ኦኒኔ ኤሪያዌ ባዋ፤ ሄዋዳንካ ኣዉ ኦኔንቶ ናዓፔኔ ኢ ቆንጪሳናው ኮዮ ኡራፔ ኣቲን፥ ሃራይ ኦኒኔ ኤሪያዌ ባዋ» ያጌዳ።
23 ካሊዴካ ዬሱሲ ባሬና ካሊያዋንቱኮ ሲሚ ዎꬊዴ፥ ኡንቱንቱ ፃላላ፥ «ሂንቴንቱ ቤዒያዋ ፄሊያ ኣይፋቱ ኣንጄቴዳዋንታ። 24 ታ ሂንቴው ኦዲያዌ ኣዬ ጎፔ፥ ጮራ ናባቱኔ ካታቱ ሂንቴንቱ ቤዒያዋ ቤዓናው ኣሞቴዲኖሺን ቤዒቤይኪኖ፤ ሂንቴንቱ ሲሲያዋካ ሲሳናው ኣሞቴዲኖ፤ ሺን ሲሲቤይኪኖ» ያጌዳ።
ኣሳው ቃሬቲያ ሳማሪያ ቢታኒያ
25 ኢቲ ጋላሲ ሂጊያ ኤሪያዌ ኢቱ ዬሱሳ ፓጫናው ኣኮ ዪዴ፥ «ታማሪሲያዎ፥ ሜꬊና ዴዑዋ ላታናው፥ ታኒ ኣያ ኡዶ?» ያጊ ኦቼዳ።
26 ዬሱሲ ዛሪዴ፥ «ሙሴ ሂጊያ ማፃፋን ፃፌቶዌ ኣዬ? ኔኒ ኣያ ጋዴ ቢላይ?» ያጌዳ።
27 ቢታኒካ፥ «ሙሴ ሂጊያ ማፃፋይ፥ ‹ፆሳ ኔ ጎዳ ፖሎ ኔ ዎዛናፔ፥ ፖሎ ኔ ሼምፑዋፔ፥ ፖሎ ኔ ዎልቃፔኔ ፖሎ ኔ ቆፋፔ ሲቃ፤ ሄዋዳንካ ኔ ላጌꬃካ ኔ ሁጲያዳን ዶሳ› ጌ» ያጌዳ። ዎግ 19፡18፤ ዛር 6፡5
28 ዬሱሲ ኣ፥ «ሊኬ፥ ቱሙዋ ጋዳ፤ ሲሚ ኔኒካ ሃዋ ኦꬃ፤ ዴዑዋን ዴዓናሳ» ያጌዳ።
29 ሙሴ ሂጊያ ታማሪሲያ ቢታኒ ቃይ ባሬና ፂሎ ኦꬃናው ኮዪዴ ዬሱሳ፥ «ሃኖሺን፥ ታ ላጌꬃይ ኦኔ?» ያጊዴ ኦቼዳ።
30 ዬሱሲ ዛሪዴ፥ «ኢቲ ቢታኒ ዬሩሳላሜፔ ኢያርኮ ቢዴ ዴዒሺን፥ ኦጊያ ቦላን ፓናቱ ኣ ዴሚዴ፥ ኣ ማዩዋ ቃሮዋፔ ጉዬ ሾጪዴ፥ ሃይቃናው ፖሉ ጎዴ ኦሊዴ ቤዲኖ። 31 ቆፔናን ኢቲ ቄሳይ ሄ ኦጊያና ቢዴዒያዌ፥ ሾጬቲዴ ኩንዴዳ ቢታኒያ ቤዔዳ ዎዴ፥ ኣያኔ ኡዴናን ሚዪያና ኣꬊዴ ቤዳ። 32 ሄዋዳንካ ኢቲ ሌዊ ሄ ኦጊያና ቢዴዔ። ኢካ ቢታኒያ ቤዒዴ፥ ሚዬቲ ኣꬌዳ። 33 ሺን ሳማሪያ ኣሳ ጊዴዳ ኢቲ ቢታኒ፥ ሄ ባጋና ኣꬊዴ፥ ሃ ቢታኒያኮ ዬዳ። ኣ ቤዔዳ ዎዴ ኣው ቃሬቴዳ። 2ኦድ 28፡15 34 ኣኮካ ሺቂዴ፥ ዛይቲያኔ ዎዪኒያ ኤሳ *ዛይቲያኔ ዎዪኒያ ኤሳ፡ ኦራꬃ ጫቁዋ ዎዲያን ሃዋንቱ ꬋሊያዋንታ ጌቴቲዴ ኣኬቲኖ። ኡባ ሃዋኒ ፃፌቴዳ ዛይቲ፥ ኦራꬃ ꬋሊያ ማላታ ጌቴቴ። ያይ 5፡14 ፄሊቴ። ኣ ማይꬃን ቲጊዴ፥ ቃቼዳ። ሄዋፔ ጉዬ ባሬ ሃሪያ ቶጊሲዴ፥ ኢማꬃይ ኣቂያ ጎሊያ ኣኪ ቤዳ፤ ሄዋን ቢꬋዪዴ ናጌዳ። 35 ዎንቴꬃ ጋላሲ ጉꬃ ቢራ ባሬ ኪሲያፔ ኬሲዴ፥ ኢማꬃይ ኣቂያ ጎሊያ ጎዳው ኢሚዴ፥ ‹ሃ ቢታኒያ ታው ሎይꬃ ቢꬋያ፤ ሃዋፔ ዳሩዋ ኔኒ ኬሶፔካ፥ ታኒ ሲሚያ ዎዴ ኔው ጪጋና› ያጌዳ።
36 «ሲሚ ሃ ሄዙ ኣሳቱዋፔ፥ ፓናቱዋ ኩሺያን ሾጬቲዴ ኩንዴዳ ቢታኔው፥ ላጌ ጊዴዳዌ ሃቃዋ ማላቲ?» ያጌዳ።
37 ሂጊያ ታማሪሲያዌካ፥ «ሄ ኣው ቃሬቶዋ» ያጌዳ።
ዬሱሲካ ኣ፥ «ሲሚ ባዴ ኔኒካ ሄዋዳን ኦꬃ» ያጌዳ።
ዬሱሲ ማርቲኔ ማይራሚ ሶይ ቤዳ
38 ዬሱሲ ባሬና ካሊያዋንቱና ኦጊያ ቢዴ፥ ኢቲ ሄራ ጋርሳ ጋኬዳ። ሄዋን ማርቶ ጌቴቲያ ኢቲ ሚሺራታ ባሬ ጎሌን ሞካዱ። ዮህ 11፡1 39 ኢዚዉካ ማይራሞ ጌቴቲያ ሚቻታ ዴዓው፤ ሄናካ ዬሱሳ ጌዲያ ማታን ኡታዴ፥ ኢ ኦዲያዋ ሃይዛዴ ዴዓው። 40 ማርታ ቃይ ሶይባ ጊጊሳዴ ዳቡራ ዴዓው፤ ሄዋ ዲራው ዬሱሳኮ ሺቃዴ፥ «ሃና ታ ሚቻታ፥ ኪታ ኡባ ታ ቦላ ኦሊና፥ ታኒ ታሬካ ላባኖዴ ፄላዴ ጮዑ ጋይ? ሃያና ታና ማዳናዳን ኢዚው ኦዳ» ያጋዱ።
41 ዬሱሲካ ዛሪዴ ኢዞ፥ «ማርቴ፥ ማርቴ፥ ኔኒ ጮራ ዬዉዋ ቆፓዴ ሂርጋ፤ ቃሲካ ሜቶታ። 42 ሺን ኮሺያዌ ኢቲባ፤ ማይራማ ባሬፔ ኦኒኔ ኣኬና ሎዖባ ዶራዱ» ያጌዳ።
*10:1 ላፑን ታሙ፡ ኢቲ ኢቲ ጌሻ ማፃፋ ቢሌꬃን፥ «ላፑን ታማኔ ላዓ»። ኣዪሁዳ ዎጋን ቢታ ቦላን ዴዒያ ኣሳ ዜሬꬃይ ላፑን ታማ። ሺን ካሴ ኤጫ ግሪኬ ማፃፋ ቢሌꬃን ዴዒያዌ፥ «ላፑን ታማኔ ላዓ»። ኦኒ ኤሪ ዬሱሲ ባሬ ቃላ ኣላሚያ ዩሹዋን ጋꬃናው ሃ ፓይዱዋና ቃራ ኣሳ ሱንꬂዴ ኪቴናን ኣጌና ያጊያ ቆፋይ ዴዔ።
10:2 ማት 9፡37፣ 38
10:3 ማት 10፡16
†10:4 ኣሳና ሳሮቴቲዴ ኦጊያን ዎዲያ ዉርሶፒቴ፡ ሄ ጋላሳን ጋራቴꬃን ኡዲያ ሳሮታይ ዎዲያ ሎይꬂ ሚያ ዲራው፥ ሃዌ ሃሳዬቴዳ።
10:4 ማት 10፡7-14፤ ማር 6፡8-11፤ ሉቅ 9፡3-5
10:7 1ቆር 9፡14፤ 1ፂም 5፡18
‡10:9 ፆሳ ካዉቴꬃይ ሂንቴኮ ማቴዳ፡ ሃዋ ጉሳይ፥ «ፆሳ ካዉቴꬃይ ሃዋን ዎይ ሂንቴንቱ ጊዶን ዴዔ» ጉሳ።
§10:11 ባናካ ሂንቴንቶ ቆቆፌቶ፡ ሃዋ ጉሳይ፥ ኢፁዋ ቤሲያዋ።
10:11 ኪት 13፡51
10:12 ዶም 19፡24-28፤ ማት 10፡15፤ 11፡24
10:15 ኢሳ 14፡13-15
10:16 ማት 10፡40፤ ማር 9፡37፤ ሉቅ 9፡48፤ ዮህ 13፡20
10:27 ዎግ 19፡18፤ ዛር 6፡5
10:33 2ኦድ 28፡15
*10:34 ዛይቲያኔ ዎዪኒያ ኤሳ፡ ኦራꬃ ጫቁዋ ዎዲያን ሃዋንቱ ꬋሊያዋንታ ጌቴቲዴ ኣኬቲኖ። ኡባ ሃዋኒ ፃፌቴዳ ዛይቲ፥ ኦራꬃ ꬋሊያ ማላታ ጌቴቴ። ያይ 5፡14 ፄሊቴ።
10:38 ዮህ 11፡1