1 ሀዋፐ ካልያ አሳቱ ሄ ማታፋይ ዎꬌዳ ዋራቃታ ቦላን ፓራሜድኖ። ሄዋንቱካ ሀካልያ ናኣ ጋድያ ሞድያ ናህምያ፤ ቄሳቱ ዋፐ: ሰደቅያሳ፥ 2 ሳራያ፥ አዛርያ፥ ኤርማሳ፥ 3 ፓሽሁራ፥ አማርያ፥ ማልክያ፥ 4 ሀጹኡሻ፥ ሻባንያ፥ ማሉካ፥ 5 ሀሪማ፥ ማረሞታ፥ ኦባድያ፥ 6 ዳኔላ፥ ግነቶና፥ ባሩካ፥ 7 ማሹላማ፥ አቢያ፥ ምያሚና፥ 8 ማኣዝያ፥ ብልጋያነ ሻማእያ።

9 ሌዋቱዋፐ: አዛንያ ናኣ ኢያሳ፥ ሄናዳዳ ያራ ግዴዳ ቢኑያ፥ ቃድምኤላነ 10 ኡንቱንቱ እሻቱዋ ሻባንያ፥ ሆድያ፥ ቃሊጻ፥ ፓላያ፥ ሀናና፥ 11 ሚካ፥ ራሆባ፥ ሀሻብያ፥ 12 ዛኩራ፥ ሸረብያ፥ ሻባንያ፥ 13 ሆድያ፥ ባናነ ባኒና።

14 ቃይ አሳ ካለꬅያዋንቱፐ: ፓርኦሻ፥ ፓሀት-ሞኣባ፥ ኤላማ፥ ዛታ፥ ባና፥ 15 ቡና፥ አዝጋዳ፥ በባያ፥ 16 አዶንያ፥ ብግዋያ፥ አዲና፥ 17 አጼራ፥ ህዝቂያሳ፥ አዙራ፥ 18 ሆድያ፥ ሀሹማ፥ በጻያ፥ 19 ሀሪፋ፥ አናቶታ፥ ነባያ፥ 20 ማግፕኣሻ፥ ማሹላማ፥ ሄዚራ፥ 21 ማሸዛቤላ፥ ጻዶቃ፥ ያዱአ፥ 22 ፓላጽያ፥ ሀናና፥ አናያ፥ 23 ሆሼአ፥ ሀናንያ፥ ሀሹባ፥ 24 ሀሎሄሻ፥ ፒልሀ፥ ሾቤቃ፥ 25 ረሁማ፥ ሀሻብና፥ ማእሴያ፥ 26 አኪያ፥ ሀናና፥ አናና፥ 27 ማሉካ፥ ሀሪማነ ባኣና።

28 ቃይ አቴዳ አሳይካ ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ ጌሻ ጎልያ ቆማቱነ ጾሳ ህግያዉ አዛዘታናዉ አይሁዳ ግደናዋንቱፐ ባረና ሻኬዳ ኡባይ፥ ቃይ ኡንቱንቱ ማቻቱ፥ ኡንቱንቱ አቱማ ናናይ፥ ኡንቱንቱ ማጫ ናናይነ የዉዋ አኬካናዉ አሳ ጋማ ጋኬዳ ኡባይ፥ 29 ባረና ካለꬅያዋና ሀ ጫቁዋን ማየቴድኖ። ሄዌካ ባረ ቆማ ሙሴ ባጋና ጾሳይ ኡንቱንቶ እሜዳ ህግያዳን ባናዉ፥ መꬍና ጎዳ ኑ ጾሳ አዛዙዋ፥ ፕርዳነ ዎጋ ናጋናሳነ ኦꬃናሳ። ሄዌ ꬋዮፐ፥ ጾሳይ የድያ ሸቃይ ባረንቱ ቦላ ያናዳን ማየቴድኖ።

30 ኡንቱንቱ ሀዋዳን ያጊደ ጫቄድኖ፤ “ኑ ማጫ ናና አይሁዳ ግደና ጋድያ አቱማ ናናቶ እሞኮ፤ ቃይ ኡንቱንቱ ማጫ ናናካ ኑ አቱማ ናናቶ ማቻቶ ኦꬂደ አኮኮ። ከሳ 34:16፤ ዛረ. 7:3

31 “አይሁዳ ግደና ጋድያ አሳቱ ካꬃ ግድና ዎይ ሀራባ አያነ ሳምባታ ጋላስ ዎይ ሀራ ባላ ጋላስ ዛልአናዉ አሆፐ፥ ኡንቱንቱፐ ሻሞኮ።

“ላፑንꬃ ላይꬃይ ጋክያ ዎደ፥ ኑ ጋድያ ጎሾኮ፤ ኑን ታልኤዳ አጩዋ ኦቾኮ። ከሳ 23:10-11፤ ዎጋ 25:1-7፤ ዛረ. 15:1-2

32 “ጌሻ ጎልያ ኦሶ እቼሹ ግራመ ዴጽያ ብራ ላይꬃን ላይꬃን አገናን እማና። ከሳ 30:11-16 33 ሄዌ አያዉ ጎፐ፥ ጾሳ ስንꬃን ዎꬅያ ኡክꬃሳ፥ ሀቼ ሀቼ ያርሽያ ካꬃ ያርሹዋ ሳኣ፥ ጹግያ ያርሾ ሹክያ መህያዉ፥ ሳምባታ ጋላሳን፥ አግናይ ጼርያ ዎደነ ላይꬃን ደእያ ሀራ ባላቱዋን ያርሽያ ያርሾነ ሀራ ጌሻ ሚሻ ኡባሳ፤ ቃይ እስራኤልያ አሳ ናጋራ አቶ ጊሳናዉ ያርሽያ ያርሾነ ኑ ጾሳ ጌሻ ጎልያ ኦሶ ኮሽያ ኡባባሳ።

34 “ኑን ቄሳቶ፥ ሌዋቶነ ሀራ አሳ ኡባዉ ሳማ የጌዶ። አያዉ ጎፐ፥ ህግያን ጻፈቴዳዋዳን መꬍና ጎዳዉ፥ ኑ ጾሳዉ፥ ያርሽያ ሳኣን ያርሹዋ ጹግያ ምꬃ ኑ ጾሳ ጌሻ ጎልያዉ ኦ ያራይ አሀናዉ በስንቶ ኤራናሳ።

35 “ላይꬃን ላይꬃን ኑ ጋድያ አይፍያ ኮይሮ ጋክያዋነ አይፍያ እምያ ዱማ ዱማ ምꬃቱዋፐ ኑን ኮይሮ ማጼዳ አይፍያ ኡባ መꬍና ጎዳ ጌሻ ጎልያ አገናን አሂደ እማና። ከሳ 23:19፤ 34:26፤ ዛረ. 26:2

36 “ህግያን ጻፈቴዳዋዳን ኑን ኡባይካ ኮይሮ የለትያ ኑ አቱማ ናና ኑ ጾሳ ጌሻ ጎልያን ኦꬅያ ቄሳቱ ዋኮ አሂደ፥ ጾሳዉ ዱማያና፤ ቃይ ኑ ሚዛቱ፥ ኑ ዶርሳቱነ ኑ ዴሻቱ የልያ ኮይሮ ማራ ኡባካ ያ አሂደ፥ ቄሳቶ እማና። ከሳ 13:2

37 “ኑን ኑ ጋድያን ዶልያ ካꬃ አይፍያ ኮይሩዋ፥ ቃይ ኑ ምꬃ ኡባ አይፍያ፥ ዎይንያነ ዛይትያ እሞታ ኦꬂደ፥ ኑ ጾሳ ጌሻ ጎልያ ሃ ቄሳቱ ዋኮ አሀና። ቃይ ሌዋቱ ኑ ካታማቱዋን ደእያ ቢታ ኡባ አይፍያ አስራታ አክያዋንታ ግድያ ድራዉ፥ ኑ ቢታይ አይፌዳዋፐ ኡባፐ አስራታ ኡንቱንቶ እማና። ፓይ. 18:21 38 ሌዋቱ አስራታ ሺሽያ ዎደ፥ አሮና ያራ ግዴዳ ቄሳቱ ኡንቱንቱና እትፐ ደአናዉ በሰ። ሌዋቱካ አስራታ ሺሾዋፐ ጉይያን፥ አስራታፐ ከሴዳ አስራታ ኑ ጾሳ ጌሻ ጎልያ አሂደ፥ ሻሉዋ ዎꬅያ ክፍልያን ዎꬅኖ።ፓይ. 18:26 39 እስራኤልያ አሳይነ ሌዋቱ ካꬃ፥ ዎይንያነ ዎጋራ ዛይትያ እሞታ፥ ጌሻ ጎልያ ሚሻቱነ ጌሻ ጎልያን ኦꬅያ ቄሳቱ፥ ፐንግያ ናግያዋንቱነ ማዝሙርያ የጽያዋንቱ ደእያ ክፍለቱዋ አሂኖ።

“ኑን ኑ ጾሳ ጌሻ ጎልያ ኦሱዋ ኡባካ ሸነኮ ጎኮ” ያጊደ ጫቄድኖ።