1 ባላም ባላቃ፥ “ሀዋን ኔን ታዉ ላፑን ያርሽያ ሳኣ ግምባ፤ ቃይ ላፑን ኮሩማ ቦራነ ላፑን ዶርሳ ኦርገቱዋ ኔን ታዉ ጊግሳ” ያጌዳ።

2 ባላም ጌዳዋዳን ባላቅ ኦꬄዳ፤ ኡንቱንቱ ላኡካ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼድኖ። 3 ሄዋፐ ጉይያን፥ ባላም ባላቃ፥ “ኔን ነ ጹግያ ያርሹዋ ማታን ሀዋን ኤቃሻ፤ ታን ገደኮ ባይ። መꬍና ጎዳይ ታናና ጋከታናዉ ሀቀት ዬናን አገና። እ ታዉ ቆንጭስያዋ አያነ ታን ነዉ ኦዳና” ያጌዳ። ꬎቃ ዞዘትያ መላ ሳኣ ከሴዳ። 4 ሄዋን ጾሳይ ባላማና ጋከትና ባላም፥ “ታን ላፑን ያርሽያ ሳኣ ጊግሳድ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሻድ” ያጌዳ።

5 ባላም ጋናባ መꬍና ጎዳይ አዉ ኦዲደ፥ “ኔን ባላቃኮ ስማደ፥ አዉ ሀ ትምቢትያ ኦዳ” ያጌዳ። 6 እ ባላቃኮ ስምያ ዎደ፥ ባላቅ ሞኣባ ካፓቱ ኡባና ባረ ጹግያ ያርሹዋ ማታን ኤቄዳ።

7 ሄዋፐ ጉይያን፥ ባላም ባረ ትምቢትያ ሀዋዳን ያጊደ ኦዴዳ፤

11 ባላቅ ባላማ፥ “ኔን ታ ቦላ ኦꬅያባይ አዬ? ታን ኔና ታ ሞርከቱዋ ሸቃናዳን አሃድ፤ ሽን ኔን ኡንቱንታ አንጃዳፐ አትና፥ ሀራባ አይነ ኦꬃባካ!” ያጌዳ።

12 ባላም ዛሪደ፥ “ታን መꬍና ጎዳይ ታና ሃሳይስያዋፐ ሀራ ሃሳዮየ?” ያጌዳ።

13 ሄዋፐ ጉይያን፥ ባላቅ አ፥ “ኡንቱንቱ ኔን በአናዉ ዳንዳይያ ሀራሳ ታናና ደንዳ። ኔን ኡንቱንቱፐ አማሬዳዋ በአናፐ አትና፥ ኡንቱንታ ኡባ በአካ። ኔን ሄዋን ታዉ ኡንቱንታ ሸቃርኪ” ያጌዳ። 14 ፕስጋ ግያ ደርያ ሁጲያን ደእያ ጾፊማ ደምባ አኪደ አፌዳ። ሄዋን ላፑን ያርሽያ ሳኣ ግምቤዳ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼዳ።

15 ባላም ባላቃ፥ “ታን ህንና ጾሳና ጋከትያ ዎደ፥ ኔን ሀዋን ነ ጹግያ ያርሹዋ ማታን ኤቃሻ” ያጌዳ።

16 መꬍና ጎዳይ ባላማና ጋከቲደ ኪቲደ፥ “ኔን ባላቃኮ ስማደ፥ አዉ ሀ ትምቢትያ ኦዳ” ያጌዳ።

17 እ አኮ ስሚደ፥ ባረ ጹግያ ያርሹዋ ማታን ሞኣባ ቢታ ካፓቱና ኤቄዳዋ ደሜዳ። ባላቅ አ፥ “መꬍና ጎዳይ ኦድያባይ አዬ?” ያጌዳ።

18 ባላም ባረ ትምቢትያ ሀዋዳን ያጊደ ኦዴዳ፤

25 ሄዋፐ ጉይያን፥ ባላቅ ባላማ፥ “ኔን ኡንቱንታ ሙለካ ሸቆፓነ ሙለካ አንጆፓ” ያጌዳ።

26 ባላም ዛሪደ፥ “መꬍና ጎዳይ ግያዋ ኡባ ኦꬃና ጋደ ታን ነዉ ኦዳበይክታ?” ያጌዳ።

27 ሄዋፐ ጉይያን፥ ባላቅ ባላማ፥ “ሃያ፤ ታን ኔና ሀራሳ አፋና። ኦን ኤሪ፥ ኔና ያ አፍና ጾሳይ ናሸቲደ፥ ኔና ኡንቱንታ ታዉ ሸቅሳነንቶ” ያጌዳ። 28 ባላቅ ባላማ መላ ቢታ ቦላና ዱገ ጼልያ ፓኦራ ደርያ ሁጲያ አፌዳ።

29 ባላም፥ “ኔን ሀዋን ታዉ ላፑን ያርሽያ ሳኣ ግምባ፤ ቃይ ላፑን ኮሩማ ቦራቱዋነ ላፑን ዶርሳ ኦርገቱዋ ታዉ ጊግሳ” ያጌዳ። 30 ባላም ጌዳዋዳን ባላቅ ኦꬄዳ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼዳ።