29
ማላካታ ባላ
(ዎጋ 23:23-25)
1 “ ‘ላፑንꬃ አግናዉ ኮይሮ ጋላሳን፥ ጌሻ ሺቁዋ ሺቅተ። ዳቡርስያ ኦሶ አያነ ኦꬆፕተ። ሄ ጋላሳይ ጹሩምባይ ፑነትያ ጋላሳ። 2 መꬍና ጎዳዉ ሳዉዋ ቶሹኩ ጋና ማላ፥ ጹግያ ያርሾ፥ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 3 ካꬃ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ꬊልያነ 4 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ። 5 ቃይ እት ዴሻ ኦርግያ ናጋራ ያርሾ፥ ህንተ ናጋራ አቶ ጊሳናዉ ያርሽተ። 6 ሄዋንታ አግናይ ጼርያ ጋላሳን ጹግያ ያርሹዋ ቦላነ አ ካꬃ ያርሹዋ ቦላ፥ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ፥ ዎጋዳን ያርሽተ፤ ሀዋንቱ መꬍና ጎዳዉ ሳዉዋ ቶሹኩ ግያ፥ ታማን ያርሽያ ያርሾቱዋ።
ናጋራ አቶ ጊስያ ጋላሳ ያርሹዋ
(ዎጋ 23:26-32)
7 “ ‘ሀ ላፑንꬃ አግናዉ ታማንꬃ ጋላሳን ጌሻ ሺቁዋ ሺቅተ፤ ህንተ ሁጲያ ካዉሽተ፤ አያ ኦሱዋካ ኦꬆፕተ።ዎጋ 16:29-34 8 ያቲደ መꬍና ጎዳ ቶሹኩ ጊደ ሳዋና ማላ፥ ጹግያ ያርሾ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 9 ካꬃ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ꬊልያነ 10 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ። 11 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ናጋራ አቶ ጊስያ ያርሹዋ ቦላ፥ ሀች ሀች ጹግያ ያርሹዋ ቦላ፥ ኡንቱንቱ ካꬃ ያርሹዋ ቦላነ ኡንቱንቱ ኡሻ ያርሹዋ ቦላ ጉጂደ ያርሽተ።
ዳስያ ባላ ያርሾቱዋ
(ዎጋ 23:33-44)
12 “ ‘ላፑንꬃ አግናን ታማነ እቼሸንꬆ ጋላሳን፥ ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ። መꬍና ጎዳዉ ዳስያ ባላ ላፑን ጋላሳ ቦንችተ። 13 መꬍና ጎዳ ቶሹኩ ጊደ ሳዋና ማላ፥ ታማን ያርሽያ ታማነ ሄዙ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 14 ካꬃ ያርሾ ታማነ ሄዙ ኮሩማቱዋፐ እት እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ ላኡ ዶርሳ ኦርገቱዋፐ እት እት ኦርግያና ላኡ ኪሎ ግራመ ꬊልያነ 15 ታማነ ኦይዱ ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ። 16 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
17 “ ‘ላኤንꬃ ጋላሳን ታማነ ላኡ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 18 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 19 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
20 “ ‘ሄዘንꬃ ጋላሳን፥ ታማነ እት ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 21 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 22 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
23 “ ‘ኦይደንꬆ ጋላሳን፥ ታሙ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 24 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 25 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ እዛ ኡሻ ያርሹዋ ቦላ ጉጂደ ያርሽተ።
26 “ ‘እቼሸንꬃ ጋላሳን፥ ኡዱፑን ኮሩማቱዋ፥ ላኡ ዶርሳ ኦርገቱዋነ፥ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 27 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 28 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
29 “ ‘ኡሱፑንꬃ ጋላሳን፥ ሆስፑን ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 30 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 31 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
32 “ ‘ላፑንꬃ ጋላሳን፥ ላፑን ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 33 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ። 34 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
35 “ ‘ሆስፑንꬃ ጋላሳን ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ። 36 ታማን ያርሽያ ያርሹ መꬍና ጎዳ ቶሹኩ ጊደ ሳዋና ማላ፥ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ። 37 ኮሩማና፥ ዶርሳ ኦርግያናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ሺሽተ። 38 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
39 “ ‘ህንተ ሺቆዋ ጋꬃናዉ ያርሽያ ያርሾቱ ቦላነ ህንተ ህንተ ዶሱዋን ጮ እምያ ያርሾቱ ቦላ፥ ጹግያ ያርሹዋ፥ ካꬃ ያርሹዋ፥ ኡሻ ያርሹዋነ እትፐተꬃ ያርሹዋ፥ ሀዋንታ መꬍና ጎዳ ባላ ህንተ ቦንቻናዉ ኬሬዳ ዎድያን ዎድያን ያርሽተ’ ያጋ” ያጌዳ።
40 ሙሴ ባረና መꬍና ጎዳይ አዛዜዳዋ ኡባ እስራኤላቶ ኦዴዳ።