ነ ኦሱዋ ኡባካ ኦዳና።

ታን ነ ሱንꬃዉ ጋላታ የጻና።

ነ ስንꬃፐ ꬉበት ꬋያና።

ነ ካዉተꬃ አራታን ኡታዳ።

ኢታቱዋካ ꬋይሳዳ።

ቃይ ኡንቱንቱ ካታማቱዋ ኡባና ꬎቆላ ድጋዳ።

እ ባረ ካዉተꬃ አራታ ፕርዳዉ ጊግሴዳ።

አሳቱዋካ ሱረተꬃን ፕርዳና።

መቶ ዎድያንካ ገል አትያ ጌሱዋ።

10 ነ ሱንꬃ ኤርያዋንቱ ኔናን አማነቲኖ፤

አያዉ ጎፐ፥ መꬍና ጎዳዉ፥ ኔን ኔና ኮይያዋንታ የጋ አጋ በይካ።

11 ጽዮነ ደርያን ካተት ኡቴዳ መꬍና ጎዳዉ ጋላታ የጽተ።

እ ኦꬄዳ ኡባባካ አሳ ኡባዉ ኦድተ።

12 አያዉ ጎፐ፥ ሱꬃ ጉስያዋንቶ

ሀሉዋ ከስያ ጾሳይ

ናቀቴዳዋንቱ ዋሱዋ ሸነኮ ጌና።

ነ ጋላታ ኦዳና ማላነ

ሄዋን ነ አቶተꬃን ሎይꬅ ናሸታና ማላ፥

ታ ሞርከቱ ታና የደርስያዋ በአ።

ኡንቱንቱ ቆስ ዎꬄዳ ጲሪ ኡንቱንቱ ገድያ ኦይቄዳ።

ኢታ አሳይ ባረ ኩሽያን ኦꬄዳ ኦሱዋ ጲርያን ኦይቀቴዳ።

ጾሳ ዶግያ ካዉተꬃቱ ኡባይካ ኡንቱንቱዳን ሀናና።

ዎይ መቶታንቻይ ዎꬄዳ ህዶታይ መꬍናዉ ꬋየና።

ባረ ዎልቃን ጬቀተና ማላ፥ ኔን ደንዳ!

ኡንቱንቱ አሳ ግድያዋ ኔን ኡንቱንታ ኤርሳ።