ታ ዋሱዋ ሀይዛ።

ታን ጭመና እንጻርሳፐ ዎስያ ዎሳኮ፥

ነ ሀይꬃ ዛራ።

ነ አይፊ ልከ ግድያዋ ጼሎ።

ታ ዎዛና ፓጫዳ።

ታ እንጻርሳይካ ባለትቤና።

ታን ነ አዛዙዋ ናግያ ድራዉ፥ ገነ ኦግያ ካላበይከ።

ታ ታንጉ ነ ኦግያፐ ጋጻ ከስቤና።

ታን ኔና ዎሳይ።

ታን ነዉ ኦድያዋ ሀይዛ።

ነ ኡሸቻ ኩሽያን ቆሳደ አሽያዎ፥

ነ ሎኦተꬃ ማላልስያ ኦግያን በሳ።

ነ ቀፍያ ግዶን ታና ቆሳ።

ዶድ ዎꬄዳ ጻላ ሞርከቱዋ ኩሽያፐ

ታና ቆሳ።

ኦቶሩዋን ሃሳዪኖ።

ታና ቢታን አꬅ የጋናዉ ጼሊኖ።

ጌማን ዙግ ናግያ ዎዳላ ጋሞቱዋ ማላ።

ታ ሞርከቱዋና ኤቀታደ ጾና፤

ነ ማሻን ኢታቱዋፐ ታና አሻ አካ።

ኡንቱንቱ ካጫይ ሀ ሳኣ ደኡዋ ጻላላ ግድያ አሳፐ

ነ ኩሽያን ታና አሻ።

ኔን ኡንቱንቶ ምንጄዳ ቦሻን ኡንቱንታ ሙራ፤

ሄ ቦሻይነ ኡንቱንቱ ናናቶ ግዲደ፥

ኡንቱንቱ ናናቱዋ ናናቶካ ፓላሆ።

ታን ደንድያ ዎደ፥ ነ ማላ በኣደ ናሸታና።