ታናና ኦለትያዋንቱና ኔን ኦለታ።

ታና ማዳናዉ ደንዳ።

ነ ቶራነ ማሻ ደንꬃ።

ዬላትኖነ ካዉሽኖ፤

ታ ቦላ ኢታባ ማቀትያዋንቱ ካዉሺደ ጉየ ስምኖ።

ኡንቱንቱ ጫርኩዋ ስንꬃን ደእያ ሱላዳን ሀንኖ።

ኡንቱንታ ደቻና ሀንያ ዎደ፥

ኡንቱንቱ ኦጊ ꬉማነ ሀልꬃ ግዶ።

ቃይካ ጮ ታና ኩንድሳናዉ ኦላ ቦኬድኖ።

ኡንቱንቱ ዎꬄዳ ጲሪ ኡንቱንታ ኦይቆ፤

ኡንቱንቱ ባሻ ኦላን ኩንድኖ።

እ አሼዳ ድራዉ፥ ታን ናሸቻ ኖጩ ጋና።

“አቤት መꬍና ጎዳዉ፥ ነ ማል ኦኔ?

ህዬሳነ መቶታንቻ ቦንቂ ምያዋንቱ ኩሽያፐ አሻሳ” ያጋና።

ታን ኤረናባን ታና ሞቲኖ።

ያትና፥ ታን ታረካ አታድ።

ማቃ ማያድ፤ ታ አሳተꬃ ጾማን ዳቡርሳድ።

ዎይ ታ እሻዉ ዬክያዋዳን ዬካድ።

ዬካደ ሀመታድ።

ታ ቦላ ሺቄድኖ።

አጉዋ እጼድኖ።

ኡንቱንቱ ይሎቲደ፥ ባረንቱ አቻ ጋርጬድኖ።

ጮኡ ጋደ ጼላይ?

ሀ ጋሞቱዋ ማላ አሳቱዋፐ ታ አልኦ ሸምፑዋ አሻ።

ጮራ አሳ ሺቁዋን ታን ኔና ሳባና።

ታና ጮ እጽያዋንቱ ታ ቦላ ስምኤቶፕኖ።

ቢታን ጮኡ ጊደ ደእያ አሳቱዋ ቦላን

ዎርዱዋ መꬊደ ሃሳዪኖ።

“ኤ፥ ኤ፥ ኔን ኦꬄዳዋ

ኑን ኑ አይፍያን በኤዶ” ያጊኖ።

ጮኡ ጎፓ።

ታ ድራዉ ደንዳ፤ ቤጎታ

ታ ዶና ግዳደ ሞተታ።

ነ ጽሎተꬃን ታና ሻትንꬃ፤

ታ ሞርከቱዋ ናሸቾፓ።

ኑን ኑ ዎዛናን አሞቴዳዋ ጋꬄዶ።

ዬላትኖነ ካዉሽኖ።

ዬላነ ካዉሻ ማይኖ።

ናሸቲደ፥ “ሀሹ!” ጊኖ።

ናሸትያ መꬍና ጎዳይ ግታቶ” ያግኖ።

ነ ጽሎተꬃባነ ነ ጋላታባ ኦዳና።