ኔን ኦꬄዳዋ ኑን ኑ ሀይꬃን ስሴዶ፥

ኑ አዎቱዋ ዎድያንካ ነ ኦꬄዳዋ ኑዉ ኦዴድኖ።

ኑ አዎቱዋ ኡንቱንቱ ቢታን ቶካናዉ፤

ሀራ ካዉተꬃቱዋ ሙራዳ፤

ሽን ነ አሳቱዋ አሳዳ።

ሄ ቢታ ከስበይክኖ፤

ሽን ኔን ኡንቱንታ ሲቄዳ ድራዉ፥

ኡንቱንቱ ነ ኡሸቻ ኩሽያ፥

ነ ቀስያነ ነ ስንꬃ ፖኡዋ ዎልቃን ጾኔድኖ።

ታ ካቲነ ታ ጾሳይ ኔና።

ነ ሱንꬃን ኑ ኤቀትያዋንታ ኑን የꬋና።

ታ ማሻይካ ታና አሸና።

ቃይ ኑና እጽያዋንታ ኔን ካዉሻዳ።

ነ ሱንꬃዉ መꬍናዉ ጋላታ እማና።

ኑ ቶራ አሳና እትፐ ኦላ ባካ።

ኑ ኤቀትያዋንቱ ኑባ ቦንቄድኖ።

ቃይ ካዉተꬃቱዋ ግዶን ኑና ላላዳ።

አያ ዎꬍያነ ደማበይካ።

ቃይ ኑ ሄራን ደእያዋንቱ ቅሊጭያዋነ ሚጭያዋ ኦꬃዳ።

ኑና ኡንቱንቱ ባረንቱ ሁጲያ ቃꬅ ቃꬅ ቅꬍያዋ ኦꬃዳ።

ታ ሶምእያ ዬላይ ካሜዳ።

ታና ሞርክያዋንቱነ ማንድያዋንቱ ጋሱዋና።

ዎይ ነ ጫቁዋ መንꬅቤናዋ ግዶፐካ፥

ኑ ገዲ ነ ኦግያፐ ጋጻ ከስቤና።

ꬍጵ ጎ ꬉማን ካማዳ።

ሀራ ጾሳ ዎሳናዉ ኑን ኑ ኩሽያ ምጬደንቶ፥

እ ሀዋ ብዲደ ደመኔ?

ሹካናዉ አፍያ ዶርሳዳን ፓይደቴዶ።

ቤጎታ! መꬍናዉ ኑና አጎፓ።

ኑ ቆሁዋነ ኑ ኡንኣ አያዉ ዶጋይ?

ኑ አሳተꬃይካ ቢታና ኦይቀቴዳ።

አገና ነ ሲቁዋ ድራዉ፥ ኑና ዎዛ።