45
ሲቁዋ ግንጹዋ
ቆረ ናናቱ ዛማረቱዋ ካፖ ጪሻ ዋꬃ ግያ ዋꬃን የጼዳ የꬃ. አኬካን ጻፈቴዳ ሲቁዋ የꬃ.
1 ታን ታ የꬃ ካትያ ስሳና፥
ታ ዎዛናይ ሎኦ ቆፋ ፑልቴ፤
ታ እንጻርሳይ ሎኦ ጻፍያ አሳ ብእርያ ማላ።
2 አሳ ኡባፐ ኔን ማላንቻነ፤
ነ ሃሳያይ ናሸꬅያዋ ግዳና ማላ፥
ጾሳይ ኔና መꬍናዉ አንጄዳ።
3 ዎልቃማ ካትያዉ፥
ነ ማሻ ነ ጼሳን ዳንጫ፤
ቦንቹነ ግታተꬃይ ነዋ።
4 ነ ቱማተꬃ፥ አሽከተꬃነ ጽሎተꬃ ድራዉ፥
ነ አንጋ ማያደ፥ ጾናናዉ ፕሪጻ።
ነ ኡሸቻ ኩሺ ማላልስያባ በሶ።
5 ነ ፖꬃይ ቃራ፤
ኡንቱንቱ ካትያ ሞርከቱዋ ዎዛና አይፍያ ጫድኖ።
ካዉተꬃቱ ነ ገድያን ኩንድኖ።
6 አቤት ጾሳዉ፥
ነ ካዉተꬃ አራታይ መꬍ መꬍናዉ ደኤ፤ እብራ. 1:8-9
ነ ካዉተꬃ ጻምአይካ ሱረተꬃ ጻምኣ።
7 ኔን ጽሎተꬃ ሲቃሳ፤
ጌላተꬃ እጻ።
ጾሳይ፥ ነ ጾሳይ፥ ኔና
ነ ላገቱዋፐ አꬂደ፥
ናሸቻ ዛይትያ ኦኬዳዌ ሄዋሳ።
8 ካዋራን፥ ጎዳረ ኡꬃንነ ብርጉድያን፥
ነ ማዩ ኡባይ ፑሻከቴዳ።
ዳንጋርሳ ዛልያን አሌቀቴዳ፥
ነ ካዉተꬃ ጎልያን ዲጽያዋንቱ ኔና ናሸቺኖ።
9 ካትያ ጎልያን ደእያ ማጫ አሳቱዋ ግዶን፥
ካተቱዋ ማጫ ናናቱ ደኢኖ፤
ካታታ ጌሻ ዎርቃን አሌቀታደ፥
ኔፐ ኡሸቻ ባጋን ኤቃዱ።
10 ታ ናቴ፥ ስሳ፤ ሀይዛ፤
ነ ሀይꬃ ሃ የጋ።
ነ ዛርያነ ነ አዉዋ ጎልያ ዶጋ።
11 ነ ፑላ ካቲ አሞቴ፤
እ ነዉ ጎዳ ግድያ ድራዉ፥ አዉ አዛዘታ።
12 ጽሮሳ አሳይ እዝዉ እሞታ አኪደ ያና፤
ዱረቱ ኔና አዉዳሻና።
13 ካትያ ናታ ካትያ ጎልያ ግዶን ዋታ ሎአይ!
እዝ ቡላቻ ማዩካ ዎርቃ ቃጭናን ዳደቴዳ።
14 ባረ አሌቆ ማዩዋ ማያደ፥ ካትያኮ ሞይዘታዉ፤
እዝ ላገ ናናቱ ዎዶሮቱ፥
እዞ ካሊደ፥ አ ስንꬃ አሄድኖ።
15 ኡንቱንቱ ናሸቲደነ ሆምቦጪደ ዪደ፥
ካትያ ጎልያ ገሊኖ።
16 ካትያዉ፥ ነ አዎቱዋ ኮታ ነ ናናቱ አካና።
ኔን ኡንቱንታ ቢታ ኡባ ቦላን ሱንꬃና።
17 ታን ነ ሱንꬃይ የለታ ኡባን ሀሳየታናዳን ኦꬃና።
ሄዋ ድራዉ፥ አሳይ መꬍ መꬍናዉ ኔና ጋላታና።