55
ላገꬃይ ካዴዳ አሳ ዎሳ
ዛማረቱዋ ካፖ የጸቴዳ፥ ዳዊተ አኬካን ዲጼዳ ዲꬃ.
1 አቤት ጾሳዉ፥ ታ ዎሳ ስሳ፤
ታ ማጋና አይ መቴ ጎፓ።
2 ሀይዛ፤ ታ ዎሳ ስሳ፤
ታ ቆፋይ ታና ዋይስና፥
ታን ሻባረታድ።
3 ሄዌነ፥ ታ ሞርከቱዋ ኮሻፐነ፥
ኢታቱዋ ናቁዋፐ ደንዴዳዋና።
ኡንቱንቱ ታ ቦላ መቱዋ አሂኖነ
ባረንቱ ሀንቁዋን ታና ሞርኪኖ።
4 ታ ዎዛና አይፍያን ድድቄ፤
ሀይቁዋ ህርጋይ ታና ማሽሴዳ።
5 ታና ያሻይነ ኮኮርሳይ ኦይቄዳ፤
ዳጋማይ ታና ዎꬍ ድጌዳ።
6 ታን፥ “ታዉ ሀራጵያዳን ቀፊ ደኤረኔሻ።
ያንንቶ ታን ፓላ ባደ ሸምፓና ሽን፤
7 ታን ሃካደ ባና ሽን፤
ባዙዋን ደአና ሽን።
8 ታን ጎትያፐነ ኡሹዋፐ፥
አትያሳ ኤሌላደ ጋካና ሽን” ያጋድ።
9 አቤት ጾሳዉ፥ ታን ካታማ ግዶን
ዋላሳነ ዋታ በኤዳ ድራዉ፥
ኢታቱዋ ሃሳያ ቡሉቃ።
10 ኢታቱ ጋላስነ ቃማ፥
ግምቢያ ዩዪኖ፤
ኢታተꬃይነ ኮባይ ካታማ ግዶን ደኤ።
11 ባሻይ አ ግዶን ደኤ፤
ናቁካ ጭሙካ አ ጉታራፐ ሻከተና።
12 ታና ቦርያዌ ታ ሞርክያ ግደና፤
ግድንቶ ታን ዳንዳያና።
ታ ቦላ ጬቀትያዌ ታና እጽያዋ ግደና፤
ግድንቶ ታን አፐ ቆሰታና።
13 ሽን ሀዋ ኡባ ኦꬅያዌ አሳ፥
ታ ላግያ፥
ታ ዳቡዋነ ታ ሲቁዋ።
14 ኑን እቱ እቱዋና ኡሎባ ሃሳዬዶ፤
ኑን ጾሳ ጎልያን አሳና እትፐ ስመረቴዶ።
15 ታ ሞርከቱ ዎዲ ጋከናን ሀይቂኖ፤
ኡንቱንቱ ፓጻ ሞገትኖ።
አያዉ ጎፐ፥ ኢታተꬃይ
ኡንቱንቱ ግዶንነ ኡንቱንቱ ደእያ ሳን ደኤ።
16 ሽን ታን ጾሳ ጼሳይ፤
መꬍና ጎዳይ ታና አሼ።
17 ዎንታ፥ ጋላስነ ኦማርስ
ታን ዋሳናነ ታ መቱዋ አዉ ኦዳና፤
እ ታና ስሳና።
18 ዳሮቱ ታና ሞርኮፐካ፥
እ ታና ኦላ ቶራፐ አሼ።
19 በንፐ ካዉተꬃ አራታን ኡቴዳ ጾሳይ፥
ታ ዎሳ ስሲደ ባረንቱ ኦግያ ላመናዋንታነ
ባረዉ ያየናዋንታ፥
እ ካዉሻና።
20 ታ ላጊ ባረ ዳቦቱዋ ቆሀናዉ፥
ባረ ኩሽያ ደንꬄዳ፤
ኡንቱንቱና ጫቀቴዳ ጫቁዋ ኮሌዳ።
21 አ ሃሳያይ ኦይሳፐካ አꬌዳ ሹጋ፤
ሽን ባረ ዎዛናን ሞርኬዳ።
አ ቃላቱ ዛይትያፐካ አꬊደ ዎሎላቲኖ፤
ሽን ኩሳ ማሻዳን ቃንጼድኖ።
22 ነ ቶኩዋ መꬍና ጎዳን ዎꬃ፤
እ ኔና ዘምፕሳና።
ጾሳይ አዉደነ ጽሎቱ
ሻባረታናዳን ኦና።
23 ሽን አቤት ጾሳዉ፥ ኔን
ኢታ አሳቱዋ ጪሞ ኦላን ዱገ ኦላና።
ሱꬃ ጉስያዋንቱነ ጭምያዋንቱ፥
ባረንቱ ደአና ላይꬃዉ ባጋነ ደእክኖ፤
ሽን ታን ኔናን አማነታና። 1 ሳሜላ 21:13-15