65
ጋላታ ማዝሙርያ
ዛማረቱዋ ካፖ የጸቴዳ፥ ዳዊታ ማዛሙርያ፥ ሳባ
1 አቤት ጾሳዉ፥ ጽዮነን ነዉ ጋላታይ በሴ፤
ኑን ነዉ ሺቀቴዳዋካ ጋꬃና።
2 አቤት ዎሳ ስስያዎ፥
አሳይ ኡባይ ኔኮ ያና።
3 ኑ ናጋራይ ኑና ሙኬዳ ዎደ፥
ነ ኑዉ አቶተꬃ እማዳ።
4 ኔን ዶሬዳነ ነ ችሎታን ኡታናዉ
ማታ ሺሽያ አሳይ አንጀቴዳዋ።
ኑን ነ ሶን፥ ጌሻ ዱንካንያን
ደእያ ሎኦባን ኩሜዶ።
5 አቤት ኑና አሽያ ጾሳዉ፥
ማላልስያ ነ ጽሎ ኦሱዋን ኔን ኑዉ አላሳ።
ሳኣ ጋጻፐ ጋጻ ጋካናዉ፥
ሃኮ አባቱዋፐካ ሄፍንꬃን ደእያ አሳ ኡባዉ፥
አማነትያዌ ኔና።
6 ኔን ኔና ዎልቃ ዳንጭሳደ፤
ዎልቃማ ደረቱዋ ነ ምኖተꬃን ኤሳዳ።
7 ኔን አባ ኮሻነ፥
ቤታ ጉንꬃ ስርጵ ኦꬃሳ፤
ቃይ አሳይ ደንድያ ደንዱዋ እርጽሳሳ።
8 ሄዋዳን ኔን ኦꬄዳ ማላታ ድራዉ፥
ሳኣ ጋጻ ጋካናዉ ደእያ አሳይ ኡባይ ነዉ፥ “ሆላ!” ጌ።
አዋይ ሞክያሳፐ ዉልያሳ ጋካናዉ ደእያ አሳ ኡባ ናሸቻዳ።
9 ኔን ቢታ ናጋደ እራ ቡክሳሳ፤
ያታደ ዳሮ ቱኤያሳ።
አሳዉ ካꬃይ ሞካና ማላ፥
ጾሳ ፑልቶቱ ሃꬃን ኩሜድኖ፤
ሄዋዳን ኦꬃደ ኔን ጊግሳዳ።
10 ካቻ ዎꬋና ማላነ ጉሉዋ ሹግሳና ማላ፥
ኔን ያፋራን ሃꬃ ኩንꬃሳ፤
ካꬃይ ሞካና ማላ አንጃሳ።
11 ላይꬃ ካሎ ላይꬃ ኦꬃሳ፤
ኔን አꬍያ ሳአይ ኡባይ ኩም ፓላሄ።
12 ኔን ሄንꬃ ሳኣ ማታን ኩንꬃሳ፤
ዞዘቱዋካ ናሸቻ ዳንጭሳሳ።
13 ኔን ሄንꬃ ጋድያ ዶርሳ ዉድያ ማይዛሳ፤
ዛንጋራ ቢታካ ካꬃ ኩንꬃ።
ኡንቱንቱ ናሸቻዉ ሆምቦጪኖነ የጺኖ።