ናሸቻን ጾሳ ጋላትተ።

ቦንቾ ጋላታ አዉ እምተ።

“ነ ኦሶቱ ዋን ማላልስያዋንቴ!

ነ ሞርከቱ ያሻዉ ነ ስንꬃን ኮኮሪኖ።

ኔና ሳቢኖ፤

ነ ሱንꬃዉ ጋላታ የጺኖ” ያግተ።

እ አሳ ግዶን ማላልስያ ኦሱዋ ኦꬄዳ።

ቃይ በን ኑ አዎቱ ዮርዳኖሳ ሻፋ፥

ባረንቱ ገድያን ሀመቲደ፥ መላ ቢታን ፕኔድኖ።

ሄዋን እ ኦꬄዳባን ኑን ናሸቴዶ።

ካዉተꬃቱዋ ባረ አይፍያን ጼሌ፤

ሄዋ ድራዉ፥ ማካልያዋንቱ አ ቦላ ደንዶፕኖ።

ህንተ አ ጋላትያ ጋላታይ ስሰቶ።

ኑን ኩንደናዳን ናጌዳ።

ብራ ጌሻናዉ ታማን ፓጭያዋዳን፥

ኑና ጌሻዳ።

ኑ ዞኩዋንካ ዴጾባ ቶሳዳ።

ኑን ሃꬃ ግዱዋናነ ታማ ግዱዋና አꬌዶ፤

ሽን ሀእ ኑና እሻልያ ሳ አሃዳ።

ታ ቃንግያ ነዉ ጋꬃና።

ታ ዶናን ሺቀቴዳ ቃንግያ፥

ታ እንጻርሳፐ ከሴዳዋ፥ ታን ጋꬃና።

ዶርሳ ኦርገቱዋ ሺሻና።

ሄ ያርሾቱዋ ጩዋይ ሳሉዋ ጋካና።

ኡባቱ ሃ ዪደ፥ ስስተ።

ታ እንጻርሳን አዉ ጋላታ ሺሻድ።

ጎዳይ ታና ስሰና።

ታ ዎሳካ ሀይዜዳ።

ቃይ አገና ባረ ሲቁዋ ታዉ ድግቤና ድራዉ፥ ጋላቴቶ።