አ እጽያዋንቱ አ ስንꬃፐ ባቃትኖ።

ኔን ኡንቱንታ ፑና ꬋይሳ።

ኢታቱ ጾሳ ስንꬃፐ ꬋይኖ።

ጾሳ ስንꬃን ናሸትኖ፤

ናሸቻን እልልኖ።

ሻርያ ቦላን ጋልፍያዋ ꬎቁ ꬎቁ ኦꬅተ ከስተ፤

አ ስንꬃን ናሸትተ።

አዉ ባይና ናናቶ አዉዋ፤

ቃይ አስናይ ሀይቄዳ ማጫ አሳቶ ዳና።

ቃሾ ጎልያን ደእያዋንታ ብሊደ፥

ኡንቱንታ እሻሉዋን ዎꬄ።

ሽን ማካላንቻቱ መሌዳ ቢታን ደኢኖ።

ኔን ኡንቱንቱና መላ ባዙዋ ቤዳ ዎደ፥

እስራኤልያ ጾሳ ስንꬃን ቢታይ ቃጼዳ፤

ሳሎቱ እራ ዱገ ትጌድኖ። ከሳ 19:18

መላ ቢታ ዛራደ ኦራꬃዳ።

አቤት ጾሳዉ፥ ነ ኬካተꬃን፥

ህዬሳቶ ኮሽያባ ጊግሳደ እማዳ።

ሄ ኪታ አፌዳ ማጫ አሳቱ ዳራ።

ኡንቱንቱ ቶራንቻቱ ጉየ ባቃቴድኖ፤

ሶን አቴዳ ማጫ አሳቱ ኦሞዱዋ ሻከቴድኖ።

ብራፐ መቴዳ ሀራጵያ ምስልያ፥

ኦሞዱዋ ደሞደ፥ ህንተንቱ፥

ዶርሳ ስኩዋ ግዶን አያዉ ግሴድቴ?” ያጌድኖ።

ካተቱዋ ላሌዳ ዎደ፥

ባሳነ ደረቱ ዳሮ ጼራቱ ደእያዋንታ።

ጾሳይ ባረሳ ኦꬃናዉ ዶሬዳ አሳ፥

ህንተ አያዉ ቃናቲደ ጼሊቴ?

መꬍና ጎዳይ አን መꬍናዉ ደአናዋ።

ታሙ ሻኣንነ ሻኡ ገደ ሻአን ፓይደትያዋንታ፤

ጎዳይ ሲና ደርያፐ ባረ ጌሻ ሳኣ ዬዳ።

እ ፑደ ꬎቃ ከሴዳ። ኤፈ. 4:8

መታ ኡባ ጎዳይ ያን ደአና።

ኑና አሽያ ጾሳይ ጋላተቶ።

ሀይቁዋፐ አትያዌ፥

ጉግያ ክንቻና፤

ናጋራ ኦግያን ሀመትያ፥

ጎፋራንቻቱዋ ሁጲያ ጳልቃና።

ባሳነፐ ዛራደ አሀና፤

ታን ኡንቱንታ ጪሞ አባ ግዶፐ ከሳደ ጉየ አሀና።

ሱꬃ ግዱዋና ጮልባያ የꬋደ ሀመታናሳነ፤

ነ ካናቱካ ሞርክያ ሱꬃፐ፥

ባረንቱ ግሹዋ እንጻርሳን ላጫናሳ” ያጌዳ።

ታ ጾሳ ታ ካትያ ሳልፒ፥

ጌሻ ጎልያ ገልያ ዎደ ኡባዉ ቤቴ።

ቃይ ካራቡዋ ባቂያ ዎዶሮቱ ግዱዋና።

ህንተኖ፥ እስራኤልያ ዘረꬃቶ፥

ቢንያማ ዛራቱ ኮይሮ ቤቲኖ።

ዉርሰꬃን ዛብሎና ካፓቱነ ንፍታሌማ ካፓቱ ቤቲኖ።

አቤት ኑዉ ኦꬄዳ ጾሳዉ፥

ነ ምኖተꬃ በሳ።

ነ ጌሻ ጎልያ ካተቱ ዪደ፥

ነዉ እሞታ እማና።

ቦራቱዋነ ማራቱዋ ዉድያ፥

ማላትያ ካዉተꬃቱዋ ኔን የደርሳ።

ኡንቱንቱ ጉልባቲደ፥ ባረንቱ ብራ ነዉ እማና ጋካናዉ፥

ኔን ኡንቱንታ ሴራ።

ኦለታናዉ ዬሞትያ አሳቱዋ ላላ።

ቶጳታ ባረ ኩሽያ ኤለ ጾሳኮ ምጫና።

ጾሳዉ የጽተ፤

ስስተ! እ ባረ ኮሻ፥

ባረ ዎልቃማ ጉንꬃ ኪቴ።

አ አንጋይ እስራኤልያ ቦላና፤

እስራኤልያ ጾሳይ ባረ አሳዉ ምኖተꬃነ ዎልቃ እሜ።